龍糖坊 (好利時大廈)

Open Now

Now Closed

為食花太郎 Fafafoodblog 🍴芝麻湯丸娟姗奶燉椰皇78 蚊🥛椰皇肉質香甜 用左十字牌娟姗奶整 奶好香滑 盡吸椰皇味 , 芝麻湯丸好香甜 煙un彈牙 正🍴宇治抹茶雪花冰 72 蚊外表靚 有紅豆 杏仁碎 最正係冰夠綿 配埋 香滑既cream ,.正#甜品 #燉奶 #椰皇 #湯丸 #芝麻 #綿綿冰 #紅豆 #抹茶Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#龍糖坊尖沙咀亞士厘道22 號好利時大廈地下~~~~~~~~~

身為一個開心果控, 想試開心果露好耐啦😍！之前喺社交平台見到呢間糖水店有, 原來佢哋最近已經開到嚟尖沙咀, 食完飯一於去試吓！𓌈⸝⸝ 馥綠開心果露第一次試開心果露, 個堅果味好香, 開心果味道天然, 質地濃稠滑順, 而且整體唔會太甜膩！𓌈⸝⸝ 楊枝甘露雪花冰 (單人版)配料有新鮮芒果粒🥭、藍莓🫐、奇異果🥝、奶凍, 雪花冰非常細緻, 入口綿密, 同香甜芒果粒好夾, 好啱夏天食, 透心涼！呢個甜品適合兩個人開心share～

尖沙咀亞士厘道有新糖水店開張！今晚同朋友食完晚飯，口淡淡想食埋糖水。經過呢間糖水店見到新開張，就入去試吓！門口寫住營業時間由早上11:30到晚上11:30 ，中午時段仲提供埋能量午餐，當然主打係中式、港式糖水。小店裝修用色白、綠、棕，搭配有懷舊感的中式圖紋，新式風格中帶有傳統感覺。牆身有字句強調養生，要應時而食，提供真材實料手工甜品。糖水跟類別分成幾個系列，今次試咗常見嘅芒果撈河，仲試咗雪花冰，好味呀！✔️陽光青提雪花冰（單人版） $68見到呢個青提雪花冰，已經視覺降溫咗。顏色清新、味道清甜、外貌飽滿嘅青提，對半切開嵌喺牛奶雪花冰上面，亦加上黑提點綴。上面嘅奶油香而不膩，灑上烤香杏仁片，脆感十足。重點係裏層嘅牛奶冰喺混入咗提子醬攪拌而成，每一啖都有豐富味道。從外貌到味道都值得一讚！✔️芒果撈河$58（加配小料：湯圓2粒$15、芋圓$12 ）甜品一半係手工椰汁河粉，一般係混有搞爛芒果肉嘅芒果醬，上枱後，需要自己將河粉同芒果醬撈埋。椰汁同芒果味道都好甜好突出，朋友話鍾意芒果味甜得來又自然，河粉滑嘟嘟又帶點爽感。另外加配嘅湯圓我個人覺得質感非常好，好綿糯，入面芝麻醬好香！芋圓都幾大粒，又煙靭！

最近喺尖沙咀發現開咗間新糖水店吸引不少附近上班族店舖集齊多款中西式甜品選用 原生食材，不含添加，自然純粹食得健康係美顏養生之地午市時段仲有多款午餐選擇酷熱天氣．呢度好多人都食雪花冰✨榴槤河粉甜品竟然可以製成河粉都好過癮呀口感比一般河粉更滑溜啖啖充滿椰汁味加上香濃綿滑嘅榴槤果肉一試愛上✨ 芝士焗豬扒飯即焗熱辣辣．舖滿厚厚芝士．充滿拉絲感豬扒口感軟腍．味道有水準午餐附送是日甜品亦可以追加特式飲品✨羽衣甘藍芒果汁用羽衣甘藍打成汁再加入芒果．味道清甜健康養生真材實料

好耐冇食糖水啦，今日tea time 去左尖沙咀新開的糖水店「龍糖坊」食糖水，餐廳有多款傳統糖水、新派中式、雪花冰、特色小食、手工芋圓、中式涼茶，非常多元化。一碗大滿足呢碗滿足晒我想食既野，集合咗多款經典同新派配料有芋圓、桃膠、蓮子、仙草、西米、香芋。 芋圓煙靭有嚼勁，帶有芋頭嘅天然香氣；桃膠滋潤養顏，口感軟滑，帶點Q彈；仙草清涼解暑，帶有淡淡草本香；香芋濃郁芋香，入口綿滑，係芋頭控嘅最愛。糖水底用咗椰汁或牛奶，增添creamy質感，甜度適中，唔會過膩。芋圓芒草仙草奶凍芒果香甜，仙草凍同奶凍雙重滑溜溜口感，芋圓保持到QQ彈牙，凍食真係好解暑。

「遵循四季，應時而食，藥食同源，感受自然。」呢間糖水舖標榜使用當造食材，調配出健康配搭，所以吸引為食🐑幫襯，裝修以白色、綠色中式風為主，座位好寬敞都幾舒適！榴槤河粉 $68 「一口榴槤💛活血散寒」呢隻榴槤味道比較清雅，唔會死甜，個河粉非常滑溜，個河粉幾好食，另外甜品醬打得超級幼滑，混合椰香同榴槤香味，感覺健康唔會太甜！🧡芒多多楊枝甘露雪花冰$118（分享版）/$78（單人版）賣相100分！真係好多芒果，呢隻芒果酸酸甜甜，都幾開胃，芒果冰香甜，冰面仲加咗忌廉同埋芒果醬，仲有少少藍莓作陪襯，入面仲藏住兩粒椰汁涼粉，所以每一口都有驚喜，呢個棉花冰質地非常之杰，食完真係超滿足，係一個真材實料唔會食空氣嘅雪花冰！✨環境好舒服啊，裝修都好靚，甜品走水果原味路線，大家過嚟尖沙咀可以一試！

💚 宇治抹茶雪花冰（單人版）（$68）炎炎夏日，最適合食雪花冰消暑；雪花冰面頭有忌廉、杏仁片同紅豆，雪花冰非常綿密，紅豆同抹茶味道好夾，甜度適中之餘仲食到濃濃抹茶嘅清香同回甘，連抹茶控嘅朋友食完都大讚👍🏻🍱 一盤大滿足（$58）佢有招牌蛋白杏仁茶、芝麻糊，核桃糊同十年陳皮蓮子紅豆沙，可以一次過滿足晒4個願望紅豆沙：好香陳皮味，紅豆軟腍，口感濃稠核桃糊：香濃細膩幼滑而且無核桃嘅苦澀味芝麻糊：香濃黑芝麻味，芝麻糊細滑蛋白杏仁茶：蛋白數量唔少仲好滑，杏仁味香濃，絕對係真材實料🍨 一碗大滿足（$58）一碗有齊芋圓、桃膠、蓮子、仙草、西米，香芋同紅豆，仲可以按照自己嘅口味控制落椰奶份量，整體口感好豐富🎑 佢係尖沙咀新開嘅糖水舖，亦係龍點心旗下嘅新品牌，主打多款健康精緻嘅糖水同甜品，餐廳用上清新嘅綠色同木系裝潢，環境舒適，無論一個人定同朋友嚟食糖水都非常適合

📍 龍糖坊食完飯之後當然要食埋甜品，第二個胃黎架嘛🥳行行下走入尖沙咀亞士厘道，見到呢間新開既糖水舖，原來係新開既分店～門口已經散發好濃郁煮糖水既香味同甜味😍🥛焦糖娟姍雙皮奶（凍）$40雙皮奶必須試！仲揀咗有焦糖嘅（只不過多$2）🤩雙皮奶口感勁順滑，入口滑捋捋，凝固既奶皮奶香味濃，極其香濃醇厚，超越一般嘅牛奶，應該話食到淡淡嘅奶香～另外，雙皮奶上面噴咗一層焦糖，甜甜地，食落有焦脆嘅口感😻🍨荔枝雪花冰（分享版） $108雪花冰有兩個size：單人版同分享版～同男朋友食當然要叫個分享版😋正值荔枝當造既時候，果然冇叫錯，荔枝超甜！！！而且爆多荔枝，堆滿到成座山咁，數埋都有二十幾粒；雪花冰口感綿密，入口即溶！最頂層仲加左一pat cream, 甜甜地，連同雪花冰一齊食，中和返唔少甜味～

老友告知尖沙咀有新開糖水店，特意約同去位於九龍尖沙咀亞士厘道22號好利時大廈地舖的<龍糖坊>食手工糖水，環境舒適，裝修簡潔。我哋點左：📍芒多多楊枝甘露雪花冰（分享版）Mango Pomelo Sago Snow Ice (cold) $118賣相繽紛，芒果肉堆成小山，用楊枝甘露打成雪花冰，配料豐富，有新鮮藍莓、奇異果、奶凍..等，口感豐富，清涼可口。📍水果湯河Seasonal Fruits with Coconut Noodles（cold) $58椰子河粉好清爽，三色（白、黃、綠）河粉滑捋捋，撈埋時令生果（西瓜、芒果、藍莓），十分清甜好味。

同朋友食完飯未夠盡興，當然要坐低食番個靚糖水傾多陣啦😌係尖沙咀新開既龍塘坊，整體感覺好唔錯，手工甜品做主打，仲有輕養生系列，我地嗌左馥綠開心果露一黎到有濃郁堅果香味，口感綿密滑順，甜度適中帶有淡淡開心果味，層次豐富，不錯 宇治抹茶雪花冰（單人版）抹茶控首選！茶味濃郁，我就唔覺得苦，雪花冰細緻入口，搭配紅豆，好食，好解暑海鹽芝士生椰水鐘意佢既鹹甜口味，芝士奶蓋又邪惡又好味，海鹽襯托椰水又幾清甜，冰涼解暑又有滿足感整體各有特色，開心果露醇厚、抹茶冰經典、生椰水創新，適合不同味蕾需求💗仲有招牌既大滿足盲盒已經賣哂喇，下次要黎試下先📍龍糖坊亞士厘道22號好利時大廈地舖⏰星期一至日11：30-23：30

「有句說話，叫不時不食」小編之前就同大家介紹過籠點心主打「尋季而設，應時而食」既副線糖水品牌龍糖坊，而今次就帶大家黎到龍糖坊岩岩開業，位於尖沙咀既第二分店 一 龍糖坊雖然龍糖坊有吾少傳統糖水可以選擇，但系如果想一次過試多幾款，小編都系會推介佢地既招牌一盤大滿足🌟一盤大滿足 $58一盤大滿足一次過可以每樣食小小咁一次過食哂四款招牌中式糖水：古法香濃芝麻糊、招牌蛋白杏仁茶、養生合桃糊、十年陳皮蓮子紅豆沙，而四款入面小編就最鐘意十年陳皮蓮子紅豆沙，紅豆沙煲到起哂沙，加埋蓮子同甘香既十年陳皮🤤👍🏻👍🏻除左招牌一盤大滿足，佢地既河粉亦系人氣推薦，而小編今次就食左芒果河粉：🌟芒果河粉 $58滑溜既河粉加埋香甜既芒果茸同芒果粒，成件事即刻好夏天🤤👍🏻而除左招牌一盤大滿足同河粉系列以外，小編亦想推介多款糖水比大家：🌟桑寄生蓮子蛋 $38桑寄生蓮子蛋茶補而不燥，更具祛濕養顏、補肝補腎、補血、寧神等功效🤤👍🏻📍龍糖坊地址：尖沙咀亞士厘道22號好利時大廈地舖

今次食左佢既芒多多楊枝甘露雪花冰同馥綠開心果露~芒果冰既芒果粒非常出眾 好甜 雪花冰亦好重楊枝甘露味 而且份量非常之多 即使係一人份 兩個人share都覺得份量非常豐富 不過略嫌芒果份量可以再多D 個冰嘅份量少D 可能會食得更滋味 更爽💛如果可以有D碌柚就更好 楊枝甘露還原度更高 亦可以更fresh, 增加口感同味道層次~~開心果露質地好滑 濃稠度適中 不過如果可以再重味多少少會更理想 但整體都唔錯 唔會太膩~

最近喺尖沙咀亞士厘道發現一間新開嘅糖水舖 「龍糖坊」，主打 手工養生糖水，環境文青風，今次試咗兩款招牌甜品，真係驚喜滿滿～🥥 雪燕娟姍奶燉椰皇燉奶超滑溜，用咗本地十字牌奶，奶香濃郁但甜度適中，入口即化！面頭鋪滿厚厚雪燕，膠質感十足，養顏又滋潤，女仔必點💖椰皇底仲有淡淡椰子香，整體層次豐富，打卡一流📸 ❄️ 荔枝雪花冰冰底係綿密牛奶雪花冰，入口即溶，唔會過甜，夏天食超消暑！上面鋪滿新鮮荔枝肉，清甜多汁，咬落去爆汁超驚喜💥龍糖坊嘅糖水精緻又養生，特別係雪燕燉椰皇，真係滋潤又滿足！夏天嚟一定要試埋 荔枝雪花冰，清新解膩～ 尖沙咀飯後甜品首選✅

尖沙嘴新開甜品店，主打多款特色中西式糖水，另有雪花冰、飲品同少量小食供應。小店行健康路線，食完罪惡感冇咁大😂 其一大招牌菜為河粉，有芒果、榴槤同水果口味。河粉用椰汁而成，香氣四溢，搭配醬汁，酸甜開胃，值得試。私心推芋圓香芋紅豆奶凍，仲有好多其他配搭，特別鍾意呢度嘅芋圓同奶凍，全自家製，芋圓大粒，咬落煙靭，地瓜味超出、奶凍係椰子味，滑嘟嘟，令人一試難忘。牛油果甘露雙皮奶較清淡，雙皮奶滑順，帶牛油果香氣，養身OK。

係尖沙咀食完飯又見時間尚早就去咗食糖水，依間糖水新開做緊外賣自取9折😲我同朋友一人叫咗一碗食，佢就食 #陳皮蓮子紅豆沙 （$36 +$15湯圓） - 紅豆沙好濃稠，煮到起哂沙好好食。食落有柑柑地既陳皮味👍🏻👍🏻 另外加咗兩粒湯圓，湯圓係另上咁就唔會少到紅豆沙😝#楊枝甘露雪花冰 （$78） - 天氣熱辣辣就梗係叫個冰降吓溫。單人版完全唔單人😂勁大個足夠我同朋友share 食有好多芒果🥭佢啲芒果肉撈咗益力多既味，食落去甜甜地又有乳酸味😋個沙冰係楊枝甘露味兩者溝埋一齊食好邪架地咁夾😈隨糖水仲會有張咭仔去鼓勵我哋，希望食完糖水可以放低啲負能量👍🏻👍🏻