賣相影相📸靚靚 斑斕麻蓉桃子包有特色 酸菜魚鳳眼餃少辣好味👍
之後再買幾個湯包返寫字樓 隨時「叮」嚟飲 超級方便
對於懶人一族嘅我 唯有用筷子夾起咬開嚟食 軟心芝士餡🧀 一樣「殺食」
桂香菠蘿冰茶，餐廳提供數款冰茶，全部用自家茶底沖制。茶底好清香，似鐵觀音茶底，飲落有回甘。伴有好香啲菠蘿香味，仲可以飲到啖啖菠蘿果肉，好飲。
一龍大滿足，一份6隻唔同口味嘅點心，其中酸菜魚鳳眼餃同蟹粉菠菜香蝦餃最為出色。前者肉餡Q彈椒麻鮮香四溢，後者蟹味出眾伴有粒粒魚籽口感特別。
黃椒醬排骨，排骨蒸得啱啱好，肉質嫩滑唔會好un。黃椒醬唔會好辣，食落微辣帶有少少酸味，讓排骨調味更加豐富。
馬拉小籠包，真正做到皮薄湯多。肉餡比起傳統小籠包，食落更有東南亞風味，仲可以食到粒粒蒜頭TIM。再點埋搭配嘅香醋，更加可以調出小籠包鮮甜味道。
厚切叉燒腸粉，腸粉真係不得了。出面叉燒腸，得幾件叉燒粒仲細到喊。哩份叉燒腸，叉燒差唔多半個巴掌大。腸粉皮滑，叉燒肉質肥厚香甜，食得勁滿足。
拉絲菠蘿包，菠蘿包一份3個。菠蘿包脆皮做得唔錯，酥到掉渣。內裡芝士拉絲，麵包鬆軟又勁道。成個菠蘿包應該降咗甜度，食落唔會覺得好甜。
Video
