樂麵

Open Now

Now Closed

打完羽毛球好肚餓，就近揀咗間餐廳食飯，味道唔錯，值得推薦，我order咗～～真贅雞白湯～湯鮮甜美味，暖暖地好好飲，飲落好暖胃，小朋友都啱飲。湯頭清新唔膩，配麵食好正，一口一啖美味，爽到爆！💥🥢🈵麻油炒筍絲～～筍絲好脆，💫💎易入口，做開胃菜就最好。麻油調味得好好，一試就愛上，一直食都冇問題。👍🏻🌟秋葵釀蝦膠炸串，食落有咬口，幾有韌性，彈吓彈吓真係好正，物超所值，嚟呢度食野一定要order!!!👄👌🏻🌟總括嚟講，野食唔錯，價錢合理，店員笑容好好，好幫得手，有機會再試吓其他野食。💚

今次想同大家推介近期最心愛嘅日本餐廳《樂麵🍜》，除咗佢哋嘅拉麵好食，無論係小食定係丼飯都非常之高質😋🌟秋葵釀蝦膠炸串呢個秋葵釀蝦膠有驚喜，蝦膠非常之彈牙！🌟麻香胡椒豚肚絲豚肚絲幾濃胡椒同埋麻香味，入口相當煙韌！🌟豚角丼呢個真係好抵食嘅選擇，咁大個豚角丼都只係$42，非常之多料，有好多香蔥同埋筍絲，佢哋啲炒筍絲好好食，好香麻油味！所以我仲有特登單點！而豚肉肉質都好鬆軟！🌟鰹魚雞白湯重點一定要食嘅拉麵，湯底好濃郁，飲得出湯底係烹調咗好耐，豚肉都好鬆軟，仲有隻流心嘅糖心蛋，超級完美！

琴日放假，好懶唔想煮飯，咪同屋企人搵到呢間餐廳，老公都好中意食拉麵，所以我地就入左去。見到餐廳既環境都好乾淨，而且好多日式風情既裝修，猶如去左日本甘，感覺不錯。今日既menu:日式餃子🌟🌟秋葵釀蝦膠炸串💯💯💯真熬雞白湯❤️🔥❤️豚肉，鴨肉，雞肉，醬油溏心蛋。花雕醉雞湯🏻👍🏻👍🏻👍🏻👍🏻(雞肉，鴨肉，醬油糖心蛋)日式餃子🌟🌟 非常惹味🔥，價錢合理，份量足夠，好抵食。秋葵釀蝦膠炸串💯💯💯 新鮮有趣既食法，我都係第一次食～好正好吸引😍真熬雞白湯❤️🔥好足料，入面有豚肉，鴨肉，雞肉，醬油溏心蛋。最後一個係花雕醉雞湯🏻👍🏻👍🏻👍🏻👍🏻配料有雞肉，鴨肉，醬油糖心蛋，好鍾意個雞肉豬肉鮮嫩可口，爽滑，唔會好肥。湯頭好fresh好鮮甜味。呢度交通都方便，搭巴士or mtr其實都得，跟住google map行過來都唔算偏僻。歡迎大家來支持下小店。

同班fd嚟葵芳難得唔掃街走嚟呢間拉麵店試一試佢先😻朋友嗌咗個麻香胡椒豚肚絲小食🤪口感香辣麻辣，豚肚絲質地軟嫩，配合豐富的香辣調味，一啖接一啖咁樣不停食呀😝勁開胃，啱晒鍾意食辣味既人😌主食方面，我哋嗌咗🤏鰹魚雞白湯，有豚肉同糖心蛋🥚湯底好濃鰹魚🐟同雞🐓湯味，面軟硬度適中，份量都足夠😗至於真贅雞白湯，雞湯濃郁，配料有糖心蛋同豚肉，鴨肉同雞肉，三款肉都算軟林。拉麵份量都算多同彈牙有咬口，可按個人口味選擇軟硬度，唔錯唔錯😉啲拉麵索晒啲汁食好正，湯底真係超濃郁啊🤤我哋仲叫咗個日本雞油豚角炒飯，炒飯上面染咗雞油勁香口，豚肉切成一粒粒，口感相當唔錯👍味道 5/5環境 5/5服務5/5衛生 5/5抵食5/5總分10/10

其實好多拉麵店都有飯，今日我地就試佐豚角丼，飯既份量唔會太多，岩岩好呀，丼飯好多角切豚肉，一粒粒有啲肥膏，食落更加腍更加滑，加上海量既蔥粒蔥絲同筍片，一個口感豐富既丼飯呀！拉麵先試佐鰹魚雞白湯拉麵，估唔到配料都有豚肉，雞肉同鴨肉，仲有流心蛋添，湯底又鮮又濃，有魚既鮮又有雞既濃味，唔會太稠太咸，質地岩岩好，流心蛋都整得好好，有醬油味亦好濃蛋香，好味道！之後再試埋真熬雞白湯拉麵，呢個配料只有豚肉同醬油流心蛋，但已經好足夠，雞白湯好濃味，但又唔係咸得好過分果啲，會飲到雞既鮮味，亦都真係好奶白色，好靚，豚肉肉質好柔軟，流心蛋都真係好流心！仲有最後試埋小食椒鹽唐揚日本池魚，細細條既池魚炸到好脆，骨都食得，crispy既口感加上池魚既鮮味，再點少少醋，超正的！

我同屋企人係中午見間野有位所以走左入去試下，真係試完後悔一生💀我地叫左兩碗基本款加個豚肉丼，首先個丼啲肉勁鹹，啲米仲要係生嘅，完全食唔落搵左佢退錢。其次啲麵黎得勁慢，等左15分鐘左右頂唔算催單，終於黎左一碗，但係催完都可以漏咗另一個麵，等左半個鐘真係頂唔順再催，結果又係一催就黎，我真係懷疑啲員工個個都未訓醒咁😒😒最尾冇意外，碗麵都係好難食，三個人好似咩都係食到就比左200幾蚊真係唔好黎食，第一次食個飯都咁嬲

15-7-2023 (Sat)晏晝,同老公躲到葵芳新都會廣場避暑兼食晏,我記得呢間YEAH店,於是走嚟.我哋嚟到時,等咗一陣就有位,個bar位對住開得好大嘅冷氣,睇吓menu,啲嘢食咁港式嘅?原來呢喥玩港日fusion,咁我哋就要咗:2. $108.00嘅甘口鰹魚雞白湯,加$20.00要永樂伊麵甘口鰹魚雞白湯有豚肉同醬油溏心蛋,永樂伊麵揀正常口感.嚟到,我就根據佢哋嘅指示去食,先飲啖湯,味道好濃郁,口感亦好杰,三片豚肉同伊麵嘅口感都正常,食到底至見到我嗰半隻醬油溏心蛋. 味道:4分1. $98.00嘅真熬雞白湯藜麥拉麵,加$3.00要雙倍京蔥真熬雞白湯有豚肉,鴨肉,雞肉同醬油溏心蛋,而藜麥拉麵就揀軟嘅口感.呢個係老公嘅,湯嘅味道比我嗰碗較清同舒服;藜麥拉麵亦好食;鴨肉同雞肉都OK冇問題.味道:5分3. $38.00嘅椒鹽唐揚日本池魚上枱時連埋悅和嘅鎮江醋,本身椒鹽味唔重,都炸得脆,魚亦唔鯹.味道:3分服務:大致上冇乜問題,不過佢哋落咗單,交低俾我時叫我睇睇有冇錯,我就發現係落錯,我揀永樂伊麵但仍落藜麥拉麵,呢點要留心喇.4.8分環境:開大冷氣倀熱騰騰湯麵係啱啱好,但bar枱冇掛勾俾客人

星期五下午近5點在新都會，想起朋友曾推介這間的湯麵，便入內試試。裝潢好似係日式拉麵店。服務不合格，放筷子的盒是空的，這段時間應該是較少客的，一般食店都會趁此段時間補充餐具及調味料，而且那個盒內有一些碎物，應該都有一段時間沒有認真清潔，當我通知服務員沒有筷子，服務員也只是直接加筷子入盒內，但枱面及其他地方也是乾淨的。沒有下午茶，選擇不多，價格略貴。食材質量佳，白雞湯底濃沃，稍鹹，麵底有咬口不錯，下單紙麵底可選擇軟、適中或硬，豚肉片滑嫩有脂肪但不覺肥膩。入店時見接受付款方式多樣化，包括了多種電子支付系統，但結單時聲稱不接受我的選擇，若不接受應在展示貼中駐明。

呢道日本雞油豚角炒飯讓人驚艷不已。炒飯本身就是一道要有廚藝技術先做到咁好食，而這道炒飯加入了豬肉和雞油，令到炒飯更香，讓佢既口味更加豐富。炒飯的口感非常綿密，豬肉和雞油的香氣深入炒飯中，讓成個味道更加濃郁。配合上京蔥的清香和蛋的美味，已經讓這炒飯好完美。💙接下來想講是京蔥薑油手撕元氣雞，本身是一道非常傳統的中國菜品，但是在呢間日式餐廳入面，做得非常的好。雞肉非常嫩，入口即化，而且配上京蔥和薑油，讓整體味道都清新和爽口🩶🩵椒鹽唐揚日本池魚是一道讓我吃到哇一聲。池魚本身就是一種非常脆嫩的食材，而椒鹽既調味更是讓池魚的味道更加突出。呢道小食，一食就停不下💜🤍最後講是鰹魚雞白湯，相對拉麵湯底既口味來講較為清淡，但就是這種清清地口味，讓人吃得好舒服，鰹魚和雞肉的口感非常的柔軟，配合上清淡的湯汁，完全達到一定水準🩵

今晚媽咪休息唔煮飯，全家一齊出去食！我就推介屋企人去呢間葵芳拉麵店「樂麵」！之前同朋友食過一次，都覺得幾唔錯😆我同媽咪就分別叫咗一個<鰹魚雞白湯拉麵>同<花雕醉雞湯拉麵>！兩個湯底都好濃郁，如果唔鍾意就香味就可以建議叫鰹魚雞白湯，如果想有少少酒香味就可以叫花雕醉雞！肉類方面，無論係雞肉、豚肉同埋鴨肉都非常之入味！幾高質素嘅拉麵選擇！而爸爸麻麻哋食拉麵就叫咗呢個<日本雞油豚角炒飯>，炒飯金黃色，炒到乾身，好香雞油味，仲有啲豚肉，整體嚟講唔錯！我哋仲叫咗一個小食麻香胡椒豚肚絲，呢個胡椒豚肚絲煙煙韌韌，好香麻油味同埋有少少辣辣地，全家都好鍾意！

住葵芳既朋友帶左我地幾個去新都會，話有間新開既拉麵好有趣之餘好好食，估唔到真係咁出色💕我地三個咁啱就可以試嗮依家鋪頭有既三種拉麵💮真熬雞白湯湯底真係勁濃，有好重既肉味😭麵底我揀左比較硬身，但係都索滿嗮湯汁😍比較少見拉麵除左豬肉仲有鴨肉同雞肉😎意外地幾夾個拉麵💮花雕醉雞湯試左朋友一啖湯😏湯汁同樣濃郁之餘，帶有好香既雞味同花雕味😋味道好有層次💮鰹魚雞白湯 朋友既鰹魚雞白湯同我個真熬雞白湯相比，額外多左鰹魚獨有既魚香味😚味道多左個層次😙鍾意鰹魚湯既人會好欣賞呢款拉麵整體黎講三個湯底各有特色，而且可以客製化既嘢好多，麵底都有兩個選擇，座位上係吧檯，好啱我地呢啲想專心享受美食既人，係值得特登入葵芳試既拉麵總評價：4.5/5

放lunch同同事諗咗勁耐都唔知食乜好，一於就試吓呢間聽朋友講幾正嘅拉麵先🤪食完覺得CP值超高😍❣️🍜日本雞油豚角炒飯呢個炒飯份量都多，炒飯口感香氣四溢，米飯帶有微微的彈性，雞肉和豬肉的口感鮮嫩多汁，配合蔥花增添了層次感，整體口感豐富濃郁，令人回味無窮❣️🍜椒鹽唐揚日本池魚食落口感酥脆爽口，外層裹上了鹽和胡椒調味的麵粉，使池魚肉質鮮嫩的口感更加突出。炸完既椒鹽唐揚日本池魚香氣十分誘人，令人食指大動，一舊接一舊🤣😍🍜真贅雞白湯裏面有豚肉鴨肉同雞肉，仲有醬油糖心蛋❣️份量都算多，面有得選擇種類同軟硬度。湯底好濃郁，原來個湯底係用雞殼同雞腳煲足八個鐘，唔怪得咁濃啦❣️😍🍜花雕醉雞湯同事好鍾意呢個花雕醉雞湯，佢平時勁鍾意花雕類既野，個湯底佢好快就飲晒🤣有得揀雙重花雕酒定三重花雕酒🤭咁特別嘅味道值得一試啊😊

呢間拉麵店似係新開，環境好企理，好有小店嗰種溫馨既感覺😹😹😹店員推介我地叫鋪頭招牌既真熬雞白湯拉麵🐥招牌果然係招牌😸湯底濃郁味道有層次之外，作為配料既溏心蛋同各種肉類都煮得啱啱好🥰麵可以掛起湯汁😋老公就試左比較有特色既花雕醉雞湯，佢話比有「香港製」呢三個字吸引到😹花雕雞麵香港有好多，但第一次係食到融合日本風味同香港味道既組合，酒香而湯底豐富😻另外我地仲追加左秋葵釀蝦膠炸串同日式餃子，兩個小食味道都唔錯，日式煎餃中規中矩，秋葵蝦串味道好特別，推薦😼整體黎講呢間拉麵表現相當唔錯，下次會再黎試佢期間限定既胡椒豚肚麵😸😸😸

今次想同大家推薦呢間葵芳嘅樂麵拉麵店🍜🙆🏻‍♀️胡椒豚肚湯(豚肉，豚肚，醬油溏心蛋)本身自己喺出面都好鍾意飲胡椒豬肚湯，但係配拉麵食都係第一次，呢到嘅湯底比起出面更加出色，佢哋做到個湯底好香胡椒味之餘又好入味，連埋啲拉麵食好夾！另外配料方面仲有豚肉同豬肚加埋溏心蛋，豚肉肉質好嫩，一啲都唔會鞋！豬肚都好爽口！🙆🏻‍♀️花雕醉雞湯(雞肉，鴨肉，醬油糖心蛋)另一個就係養生嘅代表花雕醉雞湯，要整呢個湯底好唔簡單，之前飲過有啲花雕酒係就係偏苦，但呢度嘅湯底做得啱啱好，有花雕酒嘅香味之餘，又有雞湯嘅鮮味！另外配料就有雞肉同鴨肉，雞肉都幾嫩，鴨肉好有鴨香！最後加埋個皮薄餡靚嘅日式餃子，超完美嘅一餐！

成日同男朋友都會行新都會，今日經過見開左間拉麵店！當然要即刻試試啦！一入到去就見到全部都係吧檯！好有傳統日式拉麵店既感覺！好正宗💮我叫左期間限定既胡椒豚肚湯拉麵🫙男朋友就叫左有香港特色既花雕醉雞湯🍾作為胡椒愛好者，胡椒豚肚湯拉麵真係好中我！湯上面灑滿黑胡椒，食每一啖麵都可以食到胡椒粒！呢個拉麵可以試到豚肉同豚肚兩種部位既肉，豚肚比較嫩滑，而豚肉就肉感好重，比較有咬口，各有特色！😋男朋友既花雕醉雞湯拉麵味道好有趣，濃湯有淡淡既酒香味，雞肉鴨肉都沾滿酒味，冇一般拉麵咁膩，相對比較清爽。😋而麵既配料都好好食！我同男朋友都各自追加左竹筍同溏心蛋～見到佢有好多小食，但實在太飽了，決定下次再黎試！🥰