Video
Opening Hours
Mon
Closed
Tue - Thu
14:00 - 22:00
Fri - Sat
14:00 - 23:00
Sun
14:00 - 22:00
Public Holiday
12:00 - 22:00
Public Holiday Eve
12:00 - 22:00
Above information is for reference only. Please check details with the restaurant.
出左消費券又係時候跨區消費，今日入左大埔行下，順便去爐氣買外賣返屋企食😍爐氣除左一人火鍋、花甲粉同鹽水雞，仲有飯麵主食都好出色，最近佢地推出左新產品「黑糖QQ」，咁吸引一定要支持下啦🥰🥰🥰花甲粉 ($45)我每次去大埔都一定會買佢地既花甲粉返屋企食，可以話係我試過既花甲粉入面最出色既一間，而且價錢親民，可以揀唔同辣度，唔食得辣可以揀清湯，泰國粉絲吸湯力強，花甲份量都幾多，處理得好好唔會有沙，食落好鮮甜，最正既係佢地既湯底都係自家熬製，連湯都飲哂就知有幾好食啦😍😍😍😍日式牛肉飯 ($42)佢地既牛肉飯都好好食，份量都幾多，用既仲要係日本珍珠米，口感綿滑，佢地既牛肉汁都好正，撈埋飯一齊食真係好好食😋豚肉胡麻醬撈烏冬 ($46)主食有飯同湯烏冬，亦都可以將湯烏冬轉做胡麻醬撈烏冬，烏冬煮到剛剛好夠彈牙，撈埋胡麻醬一齊食好開胃🥰黑糖QQ ($20/8粒; 圖中為1.5份😍)出左消費券第一時間就諗起佢地既花甲粉，有一半係為左試下佢地新出既黑糖QQ，出面Cafe或者日式超市賣緊幾十蚊幾粒，佢地$20已經有8粒，一於買多少少返屋企同家人一齊食啦，甜度適中，口感煙韌，雪凍食一流 (影完相唔小心食哂12粒🤣)
continue reading
前排老公見幾特別買外賣邊爐試下，買回來後我極度後悔😭只係一個邊爐外賣 但用的外賣物料係極其多😩一個火爐連膠蓋，一個架，一個打邊爐兜連蓋，外賣膠袋連紙卡，膠兜連保鮮紙（放幾塊肥牛），一個膠盒（放兩粒丸），一個膠盒（放幾粒蜆），一個膠盒（放幾粒雞），一個膠袋（包起膠盒），一個膠碗（放湯），一個膠袋（包起膠碗），外賣餐具，外賣碗（老公話有講走餐具，但店員強調餐具好用，要埋啦！😩），知道食外賣好難避免製造膠盒膠袋，只能盡做 盡量減少，其實額外配料可以放埋一個盒，甚至可以放入打邊爐兜內，湯一樣 可以直接放入兜內，那麼可以減少幾個膠盒和膠袋！另外肥牛只是很小量幾塊，單獨用一個膠兜包保鮮紙好似有點多餘！！我曾經經過問店員可否自己帶煲嚟外賣？店員答火鍋兜同蓋係包好食材，所以唔可以！仲強調好方便，不用洗 食完直接掉曬去就ok！希望店舖和食客都可以再三考慮！再唔做好環保 下一代生活會愈來愈辛苦，天氣愈來愈熱，垃圾愈來愈多，污染愈來愈嚴重。減少一個膠盒，地球就會小一個膠盒！！另總結：味道係正正常常，分量有點小，接近一百蚊火鍋菜得幾條，有點不合理！減少包裝成本多兩條菜為更佳！還有等餐時間有點長！應該唔會再幫襯！
continue reading
本身睇到食評好期待 仲特登揸車去買 叫咗藥膳醉雞鍋仲加咗啲配料 滿心期待點知返到屋企 一打開竟然冇比湯底！即刻打去問 個店員竟然叫我哋下次行過拎返買得外賣都係貪方便想即刻食 真係估唔到會咁答之後再打去問 佢話可以送返湯過嚟算啦 你送我都唔敢要 一陣加料點算 唯有自己係屋企加啲即食麵嘅湯料啦叫外賣以嚟最差嘅體驗 真係不可一不可再專做外賣生意竟然可以執漏最重要嘅嘢藥膳雞煲變白烚雞煲😞
continue reading
係外賣平台叫左1人份鹽水雞（1/4隻雞及可揀3款配料）同燒汁豚肉讚歧烏冬，外賣平台價每樣野都係$6x。味道方面兩樣野都很不錯，比較推薦鹽水雞，配料方面揀左冷面，魚片頭及牛丸，最欣賞嘅係啲雞肉，就算雞胸部分都唔會太乾太鞋（本人本身非常之唔鍾意食雞胸），亦都好夠味，所以下次會再食，而豚肉烏冬嘅豚肉份量也很多。總括黎講，5分滿分會俾4.5分。
continue reading
再買，再食！天氣凍，最好打邊爐🍲但對於上班💼一族，買餸…就係一個難題❗️就算有時間買，又唔可以買🉐️多❗️出街食，又怕「呵麵覺😅」❗️所以今次試吓尼間外賣店邊爐🫕今次叫咗個沙嗲湯底，再加D餸，又加個半隻台式鹽水雞，2個人食，飽晒！唔加料的話$200都唔洗，配料又新鮮，個鹽水雞有夠嘢味，2⃣️個字「抵食」味道嘅嘢，口味覺🈶️不同，but I like 🤣
continue reading