廉記冰室 (Spring Garden Lane)

Open Now

Now Closed

Pineapple bun and milk tea are light refreshment popular to Hong Kong people for breakfast or afternoon tea.Lim Kee at WanChai offers garb and go bread set with milk tea charged at a reasonable low price. Breads at your choice include BBQ bun/tart, coco nut tart, chicken tart, pineapple bun and etc, at a price from $18 to $22. Pineapple bun with a cup of milk is always my favourite, simple food but delicious. The bun is always hot and fresh with crunchy topping, no disappointment to me ever👍. M

今日約咗朋友出街，朋友提議一起食早餐，我哋約咗係灣仔一間餐廳「廉記冰室」食早餐，餐廳有多款早晨套餐選擇，價格由 $39 至 $54 不等我揀咗「經典早餐 $41」，套餐包括：1️⃣ 抄蛋、餐肉、自家餐包2️⃣ 沙嗲牛肉意粉3️⃣ 熱檸檬水2 位朋友分別揀咗：4️⃣ 歐陸風情早餐 $545️⃣ 豪華極品 $51 及 凍飲🥤$3整體來講：雖然價格可能比起連鎖快餐店貴少少🤏，但味道及份量都較好一點價格💰：$149 ($54 + $41 + $51 + $3)

今日嚟到灣仔區，又嚟到我至愛嘅廉記餐廳食個tea，佢個名叫廉記但我諗佢同廉署應該係無關系嘅......睇返個Tea Menu，每次嚟到我都只會食一個餐，就係佢哋嘅福仔餐。一丁就多茶記做，但做福麵嘅真係唔係間間有。再加上佢哋呢個餐會配一個新鮮出爐麵包，嗰度都值返$10蚊啦。如果你鍾意飲奶，呢度更加可以加$5加支奶。新鮮出爐麵包menu咁多款麵包之中，我就揀咗菠蘿包皮脆鬆化，帶點蛋黃味好香口，包肉軟綿之中帶點清甜跟餐附送飲品，正常茶記凍檸茶嚟到戲肉福麵，爽口彈牙，但鍾意淡口嘅朋友可能會嫌佢個湯咸。跟麵可以揀兩款餸，可以揀司華力腸實在豪華最後埋單$48蚊，大滿足呀

自從上次食過「男人最愛」後好掛住佢呀😃🐷🍜男人最愛 $65～豬扒/雞扒/牛扒、腸子福字麵、火腿奄列、菠蘿油✨其實最想食係「福字麵」🤣因為好少餐廳會用福字麵架，豬扒好淋身，奄列有好多火腿，最期待嘅就係波蘿油😋滿足

經過好多次 但都關左門今日就去食下先 座位冷清我地叫左個男人餐 和 西冷牛扒餐男人餐聽聞就因為褔麵一般般But 菠蘿包好好味而個西冷牛扒大件夠淋 汁底調得個味恰到好處有質既牛扒呢個價係好抵褔麵餐就真係貴啦是次晚餐

原來想去對面新香園，點知勁多人，等幾耐先入一個人。所以決定放棄，見到對面有間有裝修嘅茶餐廳，入去試一試。Lunch有每日午餐, $60-70, 唔算平。我就叫左個焗咖哩雞扒話意，上到枱熱辣辣，啱啱焗起，賣相唔錯。咖哩味濃，意粉有過冷河，口感幾好。唯一係雞扒少左啲，得四舊。凍奶茶正常，好飲。快靚正但價錢比一般貴。

第一次有間餐廳 有員工係咁無禮貌 入到去第一層無位 所以叫左我地上一層坐 入面得4張枱 之後叫野食啦 我地叫左個沙爹牛肉麵同菠蘿油 男朋友叫左凍奶茶 之後我話我個杯等陣先叫 個女侍應就話宜家叫埋啦 然後企係到迫我叫埋 我都講左等陣先 未唸到飲咩 佢走左之後 我就叫另一個人攞drink menu俾我望下 然後個個女侍應入返黎 我就話要柑桔蜜 佢啤左我一下 完全無應我 咁之後其他野到哂差我個杯 到個時條女就俾說話我聽話”又要行多次” 我無理佢 點知杯野甜到不得了 我就話想要杯熱水(係其他人幫我) 重點黎啦！ 佢係留下勁大聲話 “係咪又係佢！ 係咪佢！ 都話左又係果條友咖啦 “(係超唔滿意態度) 大聲到留上都聽到 好明顯係俾我聽 佢啲沙爹牛肉麵完全唔好食 菠蘿油係凍嘅 牛油完全冇溶….. 我係唔會再幫襯呢啲態度咁差既餐廳…. 超失望 本身見到佢門口排隊好多人所以先試下

嚟過兩次，兩次飯裡面都有人頭髮🤮🤢🤮 想死！餐廳衛生勁差，再加喺間餐廳座左一個鐘，冷氣機不停滴水，煩到死。以後都唔會幫襯！！！個招牌係「廉而有信」，其實一D信都冇！！

首先要讚嘅地方係環境都夠光猛、闊落，但係嘢食完全唔掂，賣相差味道差用料差，海南雞飯賣相麻麻地，食落完全冇雞味，仲要好鬼韌好難咬開，仲衰過人哋深水埗賣既單拼白切雞飯，性價比真係好低。呢度嘅扒就更加唔使講，一切就見個色水勁唔掂檔，唔夠熟五成都無又好韌好差，無肉味。食冰室無預過質素好，但冇諗過咁差。服務一般啦，食物因為賣相太差無影相。希望餐廳能夠改善下食物質素啦，我唔係特登去挑剔/攻擊餐廳，而係我真係覺得差所以先出食評去講，希望下次黎幫襯可以做返好🙈💪🏻

豪華極品早餐 $49沙嗲牛肉公仔麵，配菠蘿油、火腿奄列。份量超多，是一個Brunch的份量。菠蘿油好吃菠蘿皮微脆，牛油很香吃完已經飽了一半。沙嗲牛肉公仔麵和火腿奄列味道水準正常，不過不失。以早餐來說雖然有點貴，但真是非常飽足。經典早餐 $39沙嗲牛肉意粉，自選兩餸要了煎蛋和司華力腸，配自家餐包。味道水準正常，自家餐包跟一塊牛油，但餐包不是熱的，有點失望。

平時lunch行過，見到好多人排隊，所以都未試過廉記。今日lunch，約左朋友食飯，因為大家lunch時間吾一致，所以朋友先去排隊。因為要等齊人先入得，所以朋友都要等多我5分鐘先入得。落完order，超級快上菜，抵讚我嗌左鐵板燒汁牛扒意粉拼煎蛋，朋友嗌左鐵板燒汁雞扒薯菜拼午餐肉。2個餐都勁大份，牛扒起碼15厘米，雞扒比手掌仲大，煎雙蛋之外，午餐肉都有2塊。雖然我嗌左意粉，但都會有少許薯菜。最後意粉同薯菜都要打包拎走，太飽了，其實2個人嗌1份鐵板已經夠食味道方面只可以說是正常茶餐廳的水準。臨走時，看見門口的菠蘿包，樣子很不錯，超後悔無嗌到。成餐飯，由落order到埋單吾駛半個鐘，呀姐超快手

Lunch時間堂食都會大排長龍，今日都排咗10分鐘先可以入去。喺午餐餐牌度揀咗1號仔梅菜扣肉飯，繼續奉行我多數喺街食嘢，我會揀自己少煮，或者難煮嘅嘢食🤣滿心期待！好快就有得食，睇落去豬皮都好似有煎過，色水其實好夠，擺碟都唔錯，下面墊底嘅梅菜唔會太鹹或者太甜，份量都唔少。但可能人人口味都唔同，我就覺得今次呢幾件扣肉過分肥，肥到完全見唔到瘦肉咁滯，冇一層肥一層肉咁平衡😔有少少失望。好努力緊刮咗少少豬皮同肉出嚟食🥲下次有機會再試吓菠蘿油，因為見到唔少食客嗌，好似幾正😂

好差嘅經歷安排坐位惡劣4人枱要搭枱但搭枱嘅人隨身物品已經佔3個位照叫我2人入坐根本坐唔到4人拉開枱少少又話唔得咁應該處理佔位嘅物品先叫另一枱客啦2個待應都走嚟問點解要拉開張枱好似睇唔到啲其他人嘅隨身物只係要照坐之後食物單浸住在食物（湯麵）照上枱真係佛都有火最後係要嘈先收場我作為食客可以遷就但都有底線要我發火都真係好差劣的食店垃圾丶垃圾⋯⋯食完只得劣評

菠蘿油（$13）賣相很吸引，菠蘿包比平日的較為橙黃色，夾住一塊厚厚的鮮牛油，一咬落去，菠蘿皮頗鬆脆，麪包不是剛出爐而是微溫的，沒有冰火菠蘿油的口感，但可以接受，牛油很厚幾有口感。下午茶福字麵餐配自選出爐麪包（$42）福字麪配自選兩餸，但當日去到很多餸都賣完了，所以一個配了漢堡扒、五香肉丁，另一個配漢堡扒、司華力腸。這個中規中矩吧，沒甚麼特別。自選麪包我們都要了酥皮蛋撻，上枱仍是熱辣辣的，酥皮很香很鬆化，蛋餡很軟滑，美中不足就是蛋味不夠重。

我明茶記係坐得好迫，甘你間版都要間返合規格，甘既環境仲要係灣仔，4人枱中間間版，枱與枱之間吾間版，究竟make吾make sense ，好想食菠蘿油見隔離枱無人所以諗住食完快走。點知叫完野食未黎就有人坐落黎隔離枱，仲好似係professional （你懂的）我嚇到即刻起身轉枱，我尊重佢嘅工作但係真係高危，而家又有變種病毒，個阿姐西面西到大西洋，又話你得一個，一定要同人搭枱，搭枱就係要甘，b Lee bar la，我都講左我會好快食完就走，永世吾會再去呢間野