Video
Telephone
24722332
Additional Information
李光記已不再是食肆, 只是一間海鮮檔,停止燒蠔供應
Above information is for reference only. Please check details with the restaurant.
一年後故地重遊,仍見到老板娘的笑臉,但燒烤食物o既價錢升左50%.現在燒大蝦$15,燒蠔$8,燒元貝$16(見下面食評作比較).開始有D覺得唔抵.食物種類增加左,如蔬菜,米粉等.食物方面,當然係非常新鮮,個人比較喜歡燒大蝦,聽老板娘表示,燒大蝦有一定技巧,將大蝦放係元貝殼上,加入蒜容汁燒,就算隻蝦熟左都要繼續燒,直到蒜容汁燒乾後,蒜容味道才能滲入大蝦裡面.聽後覺得甚有道理,蝦肉極鮮甜,蝦頭"糕"爆滿而有蒜香,"x串""串x"等絕對食唔到!宜家o個度仲開多幾間類似檔位,但始終以喱間最full,其他o係度拍烏蠅,小心搵錯!
continue reading
對不起，想借個位來寫寫流浮山馳名o既燒生蠔。星期日跟男友山長水遠來流浮山，那天極大霧，能見到極低，而且又有點寒，不過也有不少人像我們一樣專程來到這兒。 沿正大街一路行出海傍，最先會見到酥炸生蠔，但都幾細隻，一路行，有不少海味舖，蠔豉、瑤柱、蝦米等味道芳香撲鼻，但聞不慣的可能會覺得難頂。差不多到海傍時，便會見一到一檔檔燒蠔，個個都話自己係最出名最好味，我和男友試了其中四檔，感覺差不多，只是火喉和蠔本身的問題。個人覺得取好味的是最近海傍的一檔，由三位外表粗獷的阿叔主持，他們會將蒜蓉放在蠔面一起燒，不像其他檔口，差不多燒好少將o的蒜蓉鋪o係上面，還有扇貝都極之美味啊！試完四檔燒蠔，想試下酥炸，近迴旋處的一檔最好，可以坐係裡面食，而且即叫即炸，很鮮味，粉漿又不太厚，另外還要了一串鮮魷和帶子，味道不俗，阿姐還說只要撒少許淮鹽在上面，更能吊出鮮味啊！老實說~~~她又說得對，真係好好味，還有佢o地o既自制豆腐花，雖然豆香不夠，但也挺有水準，起碼做到滑溜的口感。
continue reading