Lam Tei Grill

Open Now

Now Closed

大哥,呢篇係為你而寫既食評呀book左7:30p.m , 但係聽電話位職員應該搞錯左以為我地book聽日...不過好彩都有位(仲要o係VIP房度)我地一行6人total嗌左兩個pasta同三個main course share,全部都加$20轉餐,餐有沙律,麵包,餐湯,同埋餐飲。首先講下沙律: 有蕃茄粒,菜,同埋唔知係紫色洋蔥定乾蔥的東東,幾fresh,幾開胃麵包: 雖然我地只係叫左5個餐,但佢都俾6個麵包我們 麵包細細個,外皮幾脆! 除左牛油外,餐廳亦有提供橄欖油同醋,我好鍾意 餐湯: 我地要左兩個雜菜湯同三個龍蝦湯 , 我飲左幾啖雜菜湯 , 幾多材料又唔會太稀,nice! 但龍蝦湯我冇飲就唔知咩味~煙三文魚扁麵(蒜片橄欖油汁): pasta可以揀茄汁,白汁同蒜片橄欖油汁, 而pasta都可以揀意粉,扁麵etc , 呢個煙三文魚扁麵好正呀!

住係藍地都年幾, 附近既食店都試過, 係未試過lam tei grill因為價錢比較貴 不過今日老公都同我試下呢間老公叫既燒豬手真係好得 配埋個芥末醬 可以話係一流 而且好多肉 老公一個人都食唔哂而我叫既千層面就一般般啦 不過心太軟就搶返唔少分 不過有個奇怪既現象服務方面 幾個waitress既態度好好又細心 又有禮貌反而似係老世既女經理 態度就唔係咁好黑口黑面 連叫人地調位既語氣都唔好 (因為同老公坐定之後, 佢想我地調位)老實講 好味還好味 態度唔好 我寧願唔食呢個經理真係要檢討一下~~

對上個次去食Lam Tei Grill 隔左幾個月...今日同友人大約7點度去, 一去度幾乎full左半場, 有的book晒枱-_-因為冇parma ham, 所以依舊叫左煙三文魚caesar saladorder左:-煙三文魚caesar salad 整得好靚靚!! 好有心思呀` 讚~-beef lasagna 成為左必叫之一-香草白汁海鮮意粉意粉較硬適中, 煮得岩岩好~個白汁有好多香草, 好creamy加左pepper好香~-朱古力心太軟上次冇食到, 今次食番=)朱古力好香濃, 吾會太甜, 出面蛋糕脆脆的, 流出來ge 朱古力漿好軟滑order個時waitress會問你心太軟洗吾洗加錢要雪糕因為個pasta同lasagna份量頗大, 所以冇要, 避免浪費食物~食埋心太軟, 感覺好滿足呀^^p.s 原來心太軟可以有5吋同6吋ge birthday cake, 如果有fd生日可以預訂大大個心太軟, 諗起到好正~我地食完走, 見到有好多人排隊, 認真誇張!

今個月頭同男友去季季紅食飯時, 經過此店男友話食評幾好, 決定一試餐廳6:30p.m. 正式開始營業, 訂左位6:15p.m., 但我地6:00p.m.已到, 侍應俾我地早D入去坐, 都幾細心 叫左特級牛柳及咸豬手所有主菜加$20有沙律, 餐湯, 麵包及飲品餐廳自訂扒類生熟程度為3成, 5成或7成我地件牛柳7成熟, 出事啦 已經揀左件比較貴D牛柳, 但係燒過左火, 太熟, 太硬隔離檯件牛肋骨情形都同我地一樣反而咸豬手OK, 外皮燒到脆卜卜而入邊D肉仍然滑都幾搞笑, 我同男友反而覺得沙律同麵包好食D食物就一般啦, 但侍應D態度都幾好

無諗過藍地會有一間似樣o既意大利餐廳, 門口到入面環境都算ok~我地大約6點半到, 不過無book位都有位, 算好彩, 因為到7點已經full晒啦~我地order左2個main course, 每個加左$20轉set, set有沙律, 餐湯, 餐包, 餐茶, 而甜品就要比$$, 不過set叫甜品係會平d~下次再食, 會試下佢地o既德國豬手, 因為見到隔離枱食個樣都ok ga~

第一個好：致電BOOK位，在電話中已能清楚解說駕車如何到達，而且真的容易找得到；第二個好：吃推介的豬「安」，侍應謂可以最少九成甚至全熟，始終是豬肉，吃得夠安全；第三個好：吃大路的德國咸豬手，碟一上已發覺與別不同，廚師解開了繩子後，用刀將外皮界開成網狀，再回焗爐將皮烤脆，最外面十分香口，皮也不太膩，肉卻保持嫩滑；第三個好：那個心太軟，侍應報價如果跟餐要加三十五元，稍貴！但原來她報錯了價，只要二十五元就是了，她還立即回來SAY SORRY，價錢合理態度又好，GOOD！第三又二份一個好：又是那個心太軟，沒有跟雪糕，沒有冷冷熱熱的感覺，但DARK CHLOCO夠濃，真的好吃；第三又四份三個好：都是那個心太軟，向侍應瞭解一下為何沒有跟雪糕，她回應是自家的特色，如果想加雪糕，客人可以自己帶來；

因 SUN 既關係...so 回歸屯門啦...仲於2-3 星期前 book 埋7:30檯tim (見食評咁多人讚好) 點知去到...話無我 record 喎! 雖然我係早訂啫...但前兩日我仲打去 re-confirm & order 定兩味必食既餸. 唔係呀fa...點做野架?! 個老闆娘物體,一時又話有人已到...一時又話我 book 8:30...我勁勞氣...搞咗一輪,最終都安排到位比我地....but 已對呢間野既感覺....已經非常 no good....點知仲陸續有嚟......上菜勁慢...食咗 1 hr.只係食咗前菜咋. 要不停吹...不停吹...而且態度麻麻地tim....差唔多食晒一碟...先再上另外一碟...叫咗個芝士焗生蠔成 $1x (each)...細到好似"淡菜"咁...個藍青口都幾期待...可惜咸咗 d d 囉..... 但食物確係幾好味既, 羊架,肉眼..可惜 service 唔得呢........真係唔會再 encore lo

本身係屯門區附近返工` 有好多次都行過Lam Tei Grill, 見到有個大露台, 而且裝修佈置ok, 有d心思思去食下`因為星期三, 四放假` 所以同一齊朋友試試` 之前見到都幾多人去食, 所以book定枱, 廢時等=)諗住book星期三去食, 不過個老板娘好細心同我講聲佢地逄星期三休息, 所以就book左星期四`係個日因為有d事遲左先去到, 但都有為我同朋友留枱, 環境頗舒服` 幾好!我地order左:-煙三文魚caesar salad 用roman 心去整, 不錯=)crouton可以再脆d-白汁藍青口青口本身偏咸少少, 可能我本身食得淡味, 個白汁幾好味, 好滑, 有d洋蒽粒-Angus西冷 (有燒汁同黑椒汁選擇)都好大份, 叫左medium rare, 下次可以試下rare應該會更加好, 西冷係炭燒, 好香!薯蓉有一粒粒口感, 都幾好味`-beef lasagna 全程係我最想食^^覺得超好味~配合得好好!而且所有main course可以加$20轉set, 有salad, 湯, 麵包, 餐飮 (我覺得幾平架!)不過我地冇轉set`另外, 亦有同老板娘, waitress,

今天終於可以補祝與農曆新年重疊的情人節，特地選了這間沒有喊臉但山長水遠才去到的「藍地烤」吃晚餐。也許是因為我的expectation太大了，吃完整頓飯實在有點失望。原本諗住俾OK算了，但為免更多人以為這裡是超高水準的餐廳，我決定要給它第一個喊臉。我和女朋友兩人，原本打算叫兩份Ribeye，但侍應竟說有12-14安士重，於是女朋友便點了只有八安士重的Tenderloin。連餐只需加$20，包餐湯、飲品、甜品及沙律，基本上不可能不連餐點。侍應的知識不足夠，我說Rare，她好像不明白，然後我說兩成，她說只有三五七...有無搞錯，這裡不是扒王ｘ王！首先上了沙律，不知是什麼名堂的，但合格有餘，菜也沒有苦味。接著是餐湯及麵包，餐湯略濃仍合格，但麵包真的不太好...不暖、不軟，牛油仲要係A字頭果隻牌子的salted butter!!! Oh my goodness!!!!! 這樣格調的餐廳居然用如此低級的牛油，真是太差了！！然後是主菜牛扒。Ribeye三成熟，外表算是不錯，但size明顯太大了，令扒不同部分熟的程度不均勻，吃到最後時扒也變得極冷了。而且塊扒甚多筋，質素明顯不高。Tenderloin七

數個月前, 藍地有一間茶餐廳執o左, 都幾好奇會開間點樣o既新店.竟然係一間中價少少o既餐廳, 真係估唔到. 仲諗雖然呢度附近豫豐花園綠恰居都多青年人, 但係三幾十蚊o既appetizers, main dish 6x-2xx, o係條藍地大街真係會有人食? 我o既感覺同其他朋友o既食評一樣, 有"驚喜".講o左咁多費話,講返o野食.沙律x2 - 蔬菜新鮮,不過我覺得醋多o左少少. 不過唔錯.餐包 - 夠熱,外脆內軟,將牛油擦o係入面再咬落去, 幾樣o野一齊溶合一齊, 好食.南瓜湯 - 老婆飲, 佢話ok牛肉湯 - 味道ok. 牛肉唔係"林"o個隻. 始終最重要都係湯味緊要過煲湯肉肉質.炭燒咸豬手 - 好食. 炭燒味濃. 膠質軟而唔"痴"牙, 肉質彈牙唔"un". 夠大隻多肉, 一個人食係幾飽. 豬手係要趁熱食. 因為脂肪一凍就o左味道會打折扣.紐西蘭牛柳 - 炭燒味濃. 不過比較乾身, 應該唔係煮得過熟, 而係肉質少脂肪. 不過肉味都可以.芒果布甸 - ok. 唔太甜. 正常.朱古力奶凍 - ok. 一樣正常.

聽親戚講喱度開左間幾好既西餐廳，當然要黎試個究竟喇！Menu上係主菜既價錢加$20就會有沙律，湯，麵包，甜品＆飲品。１。湯－南瓜：好creamy；雜菜：普通。２。羊架：細份左DD，唔羶，good。３。雪場蟹：份量黎講就少左Ｄ，好鮮甜。４。翡翠螺：雖則有Ｄ沙，但勝在甜，好味。５。甜品－朱古力奶凍：不錯；木糠布甸－硬番些少就very good喇。６。熱咖啡：炭燒，好香，好好飲。

首先感謝朋友們跟我入藍地食野！遲來的生日飯局，一行四人。睇到呢間西餐店評語甚高，所以黎試試。頭盤點左巴馬火腿凱撒沙津，意式肉丸及焗田螺開開胃。沙津的羅馬生菜好新鮮，但麵包粒略嫌硬，沙津汁亦很合胃口，不過份量如果係4人就會少左DD，兩個人食就好足夠！意式肉丸很好，一碟約6-7粒，肉質新鮮多汁，搭配酸酸的蕃茄膏汁，十分開胃。另外，焗田螺的薯蓉比田螺好吃，我們估計薯蓉是HANDMADE的，因為吃起來口感是一粒粒的，而且很香，吃起來不是一般用薯粉開的薯蓉，值得一讚！主菜點了羊架及紐西蘭牛扒，由於朋友怕肉質太生，所以牛柳叫了七成熟！如果五成熟會更好，很有牛味，份量亦很大，外面很香，有點脆，肉質也很鬆化。羊架略嫌沒有羊味，不夠膻，可是份量足夠，有五件，滿足了愛吃肉的男士們！我們還點了煙三文魚意粉，跟白汁的，味道也不錯，三文魚肉也很鮮味，但友人覺得肉質有點硬，不過個人覺得可以，因為我一向唔食魚生。還有藍青口，價錢相宜，$38，約有12-13隻左右，不過有些青口太細粒了～個白酒汁亦都好好味，但性價比是相當高的。主菜加入$20可跟餐湯餐飲，沙津及麵包，我們點了龍蝦忌廉湯，好濃龍蝦味，相當高水準，而且麵包

上菜速度比較摱, 同最令人失望的是上菜的次序亂哂龍.食完第一個頭盤之後, 竟然就上牛扒. 喂大佬,我重有2個頭盤未黎喎salad--ok:soup-- 味道唔錯, 可惜唔熱, 只係有小小暖...青口-- 個汁好淡, 同有3隻冇打開的. 於是我問侍應是否唔熟, 但她說"係咁的"牛扒--, 好香的燒烤味道.鵝肝--都ok, 但個塊菇菇好似霉霉咁巴馬火腿哈密瓜-- 麻麻地, 塊火腿好似搽咗油咁, 閃閃令, 驚驚地; 塊哈密瓜唔夠熟, 好淡...大虾意粉-- 唔錯, 幾好味.蟹腳-- 都ok, 但唔知點解佢係最後一道上的菜.

之前聽朋友講藍地有間新開既西餐廳, 價錢又合理和食物夠新鮮又好食. 加上見到佢影出來既相又真係好吸引, 於是去試試......第一次去係上個月同一個朋友去食, 得兩個人可點既菜唔多, 但又真係好好食, 今次係第二次去食因為有朋友生日,我地一行7個人可以點多D菜!! 三文魚沙津(可自行選擇green salad or 凱撒salad)丶 巴馬火腿凱撒salad 白汁忌廉青口丶巴馬火腿水牛芝士蕃茄丶鵝肝多士丶焗田螺丶意大利香草蕃茄多士超大咸豬手丶鴨肝牛柳丶豬肋骨丶燒羊架丶帶子意大利粉(可自選意粉種類及汁)另外, 我們還order了紅酒丶白酒, 同場加映就係老闆送我們飲既什菌cream湯及餐包~~yummy, yummy, 多謝晒!!朋友仔如果你地有興趣去下一試既話, 我不妨俾d tips你地......就係記得打電話去訂位, 話就話地點好似偏遠咗d, 但又真係幾多人去食......同埋如果有乜野想食就預早係電話度order定先!!

有到過藍地的朋友~都知道~藍地大街~是街市來的~餐廳都是很街坊的~突然開了一間西餐廳~客似雲來除了新鮮感~應該是又就腳~味道又不差吧~去探屋企人時~晚飯4個人在全藍地最高級的食府解決~7點20分入座~ribs已賣完~最後一隻春雞都俾我地叫左~生意好得過份~熱辣辣外脆內軟的小豬仔包~加埋橄欖油~黑醋~真的很好呀~用橄欖油同黑橄欖調味的沙律~清新~健康~開胃菜湯合格而沒有什麼印象缺點是人太多~主菜很久才上場香草豬手!!!肉很多~很厚~皮有點厚~膠質很多~絶對比百佳d好味好多~但又唔係話一定會想再食~一試無妨~牛柳大蝦~牛柳有少少失手~外層差d燶~內裡ok~蝦又大又甜~good~襯底的薯蓉好有誠意~薯蓉內有薯粒蘿蔔粒~唔漏又好味~燒春雞拼大蝦~春雞唔係話細得好過份~香草味濃~雞內釀左配好味的雜菜~令雞如此入味~帶子意粉最後上菜的一碟~我們揀了橄欖油炒~香~意粉又適中~很不錯最唔合格的居然係... 木槺布甸~甜!!!!!!!!!!!!!!虛!!!!!!!!!!!! 不行!俾個甜品破壞左全餐的觀感~埋單$512~很合理的價錢~饒你一命吧~