串虎

Open Now

Now Closed

同屋企人行過，呢間野座位算闊落，但一陣油煙味但d串燒同野食只可以用劣食黎形容鹹到嘔，飲極水都好口渴最好食就食個枝豆，雖然無味起碼唔鹹成餐個d串燒都係肉加鹽同豉油，根本就係一依急凍貨拎出黎燒去壽司郎燒物都好過佢多多聲

假期去吓啲商場逛，喺元朗應該係呢個場最大～YOHO,行到咁上下，揀咗佢～串虎！揀咗串虎御膳～五串炸，五串燒，一磚豆腐，八爪魚刺身，沙律，海帶湯，白飯，仲有雪菜同脆瓜粒。咁嘅陣容$128加一，姑勿論好唔好食，呢個價算OK.再嚟試吓味道，炸雞串鹹～燒雞肉串仲鹹，雞心有小小腥味，雞尾第一口咬落去好『肥美』，真係想放棄，但佢又幾香口，真係「欲拒還迎」都將佢清左。其他無乜特別，不過不失。飲品大多係梳打，叫咗杯檸檬茶（無檸檬）漱口。二口子二set 埋單$306，可以接受，但無驚喜。回頭度：5/10因為我唔係住呢度，真係無可能山長水遠嚟食佢，如果行過，一試無妨。

約咗朋友yoho mall食飯，經過見到開咗間新嘅日本嘢，價錢唔算貴，就嚟試一試。簡單日本裝潢，環境舒適，適合一班friend食嘢吹下水。叫咗一個二人餐 $358另外再加咗一個吉列豬扒烏冬set $88二人餐有沙律，前菜，串炸，串燒，蒜香燒汁鐵板鍋，紫菜飯。味道中規中矩，得串炸比較好食，炸粉唔厚，炸得幾脆幾香口。吉列豬扒烏冬都正正常常，吉列豬扒同炸餃子都係炸得幾脆幾好食。呢間做炸嘢係比較好食，建議叫炸嘢食。我覺得呢間餐廳味道正正常常，唔會特別推薦

#串虎.餐廳在元朗Yoho好像不算開了很久 經過見到主打食串燒就入去試下 座位寬敞 坐得舒服.Menu有一人串燒set 2人餐 鍋類 或單點串燒都可以 最後直接試個2人餐 $358首先上沙律 前菜同鐵板鍋（可選擇牛或豚肉） 鐵板鍋佢仲會跟一張煮食步驟tips 前菜個 #芥辣海螺 好食 不過有點太咸 要送飯食先得.之後就上了 #燒鳥盛盒 - 有雞腿肉 雞尾同雞翼 雞腿肉係滑既 好夠味 最後仲有 #串揚盛合 - 即是炸串 當中個人最喜愛竟然係鵪鶉蛋😆 出奇地夾 佢炸粉唔會好厚 可能平日少食到炸既鵪鶉蛋 所以有驚喜整體不過不失 唔算好突出 但可以一試😉.#食在元朗 #元朗串燒 #yohomall #yohomallrestaurant #yohorestaurant #元朗日本餐廳

本身想試隔籬嗰間打邊爐，點知冇位就嚟咗呢一間冇乜人食嘅串燒店。中！大！伏！Ordered左鐵板鍋同串燒鐵板碢追加左個飯，個飯得個碗1/3咁多個人認為趕收工都唔應該俾咁小飯唔講以為俾人食完拎過黎個鍋好咸😩😩😩😩😩要係咁飲水先可以沖淡浸咸味然後串燒黎到完全唔熱😑😑😑😑如果間鋪頭係以串燒做賣點我擔心好快係執笠關注組見到🥲好耐無係商場食過唔好食嘅嘢，所以決定上黎比個劣評勸大家用啲錢食好食嘅嘢😐😐

好晏先至嚟到元朗YOHO MALL，周圍搵食。記起呢間新嘢未試過。叫做串虎。喺大阪市食過串炸幾次。今次嚟呢度午餐$7x 成set，其實價錢上係好抵。隻蝦好彈牙。串炸上枱嘅時候有少少油，但係熱辣辣嘅。影相放咗一陣間食都仲係熱。有幾串串窄仲有少少油，但唔算太油膩。個炸漿都算薄，當然其實可以再薄少少。整體性價比不錯，味道也不差。如果平時或者週末唔需要等太耐係值得食嘅。由於店舖係新開，座位寬敞亦都舒適乾淨。好好吖！

個場新裝修，一入到去嘅感覺係唔錯嘅。但嘢食方面就真係好麻麻喇，d串揚韌到咬唔開，完全唔好食，食完兩串串揚我直情想將其餘放低由侍應收走算數，其他串燒都好一般，食完300幾蚊唔知食過d咩咁，要食日式串燒好容易搵到好多其他好d嘅選擇，再一次證明無人排隊係有原因的。不過佢都有其他加分位嘅-d麥茶好夠熱同埋幾好飲，免費任斟，同埋始終新開無耐，所有嘢都好新淨，但彌補唔到食物質素！總結: It ruins my day!

昨晚慶生，試下依家新開推介食串燒嘅食店，串燒有分炸和燒，但款式比較少選擇，味道尚算合格，我哋只選左三款串燒，一個燒肉煱，尤魚餅麻麻地冇尤魚味😵，三個飯團好好味💯，整體價錢和食物質素都可以接受。