功夫點心

Open Now

Now Closed

單張上寫明落單後要等10-15分鐘，我地等左20分鐘都冇嘢食到就問侍應點解等咁耐都未有，點知個職員黑晒面咁答至少要等15分鐘架喇，同時亦都有至少5枱客都冇菜上過，但完全冇職員要研究發生咩事，過多10-15分鐘之後大家再催單，個時先有職員發現原來啲電腦單冇入到廚房、所以從來都冇蒸過啲點心，結果要人手落單，人手落完單後唔洗10分鐘就出到菜🌝 點解冇人一早研究發生咩事，要等大家燥晒底先做嘢呢？不論係電腦單定人手單，明明早落單過後面個枱，同一樣嘢食可以係後面個枱早15分鐘上菜先，我地個枱仲要係催單佢先整比我地。整體質素差到要比第一個食評佢。想食點心嘅人如非必要真係唔需要考慮食呢間，驚你食到成肚氣咁走。