功夫點心

Open Now

Now Closed

傳統點心，新鮮味道，不過不失☾鳳凰煎糯米雞👍傳統菜慢慢消失🥺好久沒食煎糯米雞，薄薄的蛋網香硬，外實內軟，雙重質感☺️但味道略有不足，缺乏鮮香濃郁的糯米肉香☾金珠脆皮鹹水角👍👍好吃的鹹水角會有幸福的感覺🤫外脆內軟，香甜軟熟☾遠年陳皮牛肉球說好的陳皮味呢？就普通的牛肉肉碎味道😐只是弄成一團☾ 鳳凰叉燒腸皮偏厚，包著都不見餡料的樣子🤭叉燒分量也比較少☾瑤柱鮮蝦菜苗餃皮薄餡料又算大👍不錯⭐️味道 7/10⭐️環境 6/10⭐️衛生 5/10⭐️服務 7/10

元朗實在太多好嘢食，今次行完街好攰冇特別要求，求其搵啲嘢食醫肚，見到門面都唔錯入邊都坐滿人即管試吓，叫咗四樣嘢，有一樣野冇，係我最想食嘅小籠包😪叫咗個濃湯魚餅米線，一啲都唔濃個湯，而且味道麻麻😞；鳳凰煎糯米雞都幾驚喜，未試過，外面係飯焦脆脆地，裏面糯米飯煙煙銀銀，中間有啲豬肉好似平時糯米雞涵，唔錯🤤；荷香牛仔骨飯，有荷葉香味，呢個平時酒樓好少會食到，味道都OK的。🙂平時比較少去酒樓飲茶，星期日又多人等位間中飲下夜茶都幾過癮😄扣分位：我坐嗰個位正正望到廚房，廚房大佬全程拉低口罩（露口鼻）整點心😥明白喺廚房係好熱嘅，但衛生都要注意下，尤其是而家疫情😷

一個人既午餐 快蒸點心飯,快靚正點心專門店豆角排骨飯,魚湯時菜,香脆炸兩即開腸粉皮包新鮮油條 份量大件 皮薄油條脆口 淋上醬油食!味道又脆又抵食魚湯時菜,煮生菜 魚湯夠鮮甜 菜夠新鮮即蒸排骨飯 加幾條豆角 用大肉排,啖啖肉,邊位帶點肥,食落肉嫩甘香 飯身爽身不太濕 唔錯有水準抵食又快,午餐唔錯 價錢不貴有水準 元朗安寧路100-108號安利大樓地下A-B號舖消費$80

一個人的點心午餐 點心專門店 落單後即點即蒸 大約5分鐘左右起菜 夠快手菜式 XO醬牛肚 綿花雞 蒸蝦餃 XO醬牛肚厚切件數多有6件左右 墊底係蘿蔔片 XO醬汁香辣惹味,辣味滲入了牛肚之內牛肚食起來口感彈身又香又辣好滋味綿花雞 新鮮冬菇加雞肉加魚肚 魚肚吸收了雞肉既油脂香,入口感覺更加滑身雞肉係選用雞脾位肉,無骨之餘啖啖肉又嫩滑入味一客4隻既蝦餃皇 招牌之作 用上薄薄一層蝦餃外皮包住鮮蝦肉餃皮煙韌蝦肉多汁爽甜平均消費$100評分8/10元朗安寧路100-108號安利大樓地下A-B號舖

第一次帶住小朋友嚟食飯，一嚟已經見到d杯碟好多積，洗咗3次嗌咗碟腸粉，豉油另上嘅點知倒完d豉油，見到個底有沙律醬漬碗粥隻匙羹又係在漬雖然員工態度OK 食物都OK但餐具咁污糟 真係嚴重影響食慾況且而家疫情時間 更加要洗得乾淨d希望店家在衛生方面有所改善🙏🏻🙏🏻

沙律明蝦角🍀🍀🍀🍀🍀🍀🍀🍀🍀🍀千祈唔好俾個名呃到，入面係無沙律醬嘅🙅🏻‍♀️，入面有蝦🦐同蔥，外皮好脆但勁油～功夫蝦餃皇🍀🍀🍀🍀🍀🍀🍀🍀🍀🍀皮薄餡多，入面有好大隻蝦🦐而且可以食幾多而點幾多隻～黃金流沙包🍀🍀🍀🍀🍀🍀🍀🍀🍀🍀流沙包好大隻，但唔係特別好食🥲我最期待就係流沙包，不過師傅整得唔夠流沙，好似食緊唐記個奶皇包咁😐農場蛋牛肉飯🍀🍀🍀🍀🍀🍀🍀🍀🍀🍀牛肉肉餅比較薄身，而味道同牛肉球一樣味，配埋煎蛋同豆角，幾抵食～豉汁排骨飯🍀🍀🍀🍀🍀🍀🍀🍀🍀🍀好多排骨，但有啲肥，同埋豉汁唔夠多，配埋豆角～韮黃原隻鮮蝦腸🍀🍀🍀🍀🍀🍀🍀🍀🍀🍀填左韮蝦腸但比左叉燒腸，啲野食好耐都未到，就問多次店員，最後黎左，但無韮黃得蝦，仲有啲腸粉皮勁厚😮‍💨唔好食既～🌱🌱🌱🌱🌱🌱🌱🌱🌱🌱☀️整體而言，好多人等位，如果想早啲有位就早啲攞位啦😂功夫出單同上菜過程有啲混亂，有陣時比錯野或者好耐野食都唔到，蝦餃都ok ，有啲食物就好難食～

今日去食元朗功夫，第二次食。整體都味道都ok，抵食蘿蔔糕唔錯。唯一敗筆係炸兩腸粉，佢入面嘅炸兩竟然係唔脆，好難食至於環境衛生方面，碗筷好油，用水洗左幾次都油淋淋，個地又好污糟衛生麻麻

樓面經理態度惡劣，燒賣有酸味，餐具油膩，希望唔會食物中毒。1. 食物款款點心個名都天花龍鳳，其實都係名過於實。先講個燒賣，賣相0分，塊燒賣皮包到甩皮甩骨，一咬落口成陣酸味，根本係壞左。春卷名就響，入面當然係蟹柳，但個皮邊有啲好似豬肉咁既野，但係望落粉紅色咁就叫個經理黎望一望啦，佢就西住面同我地講：「啲野基本熟先包」，聽到一頭霧水，熟就係熟啦，基本熟姐係未熟啦阿叔？其他點心都係水準之下，無謂講。2. 餐具油到爆，用茶同熱水沖完都係油，大佬間野新開啲餐具都好似比人用左十幾年咁有油漬。3. 員工向來去餐廳都唔要求任何服務，基本就係上餐，食完埋單。但呢間餐廳既員工非常無禮貌，令人食到唔自在。見到份春卷好似未熟搵個人問清楚，但經理過到黎全程都唔耐煩，好似我地無理取鬧。諗深一層，佢地間鋪啲野食咁差，樓面手腳又慢，一日都收埋幾十個投訴啦，難怪經理隔任口罩都口黑面黑。埋單既時候，攞左信用卡連張單遞比佢，個經理撻返過黎問呢張咩黎… 當堂呆左，答佢咪信用卡囉，佢先話淨係收八達通同現金。我快手比完錢就永遠唔會再幫襯呢間餐廳。

我愛飲茶，最喜歡去小小的茶居。功夫點心分店愈來愈多，不過我最懷念最初開業時的味道。也許是人老了，總愛懷舊。🥢鳳凰煎糯米雞用料分別不大，但外層煎得香脆，煎香左的糯米別有一番風味係呢度的特色點心之一。🥢黃金流沙包必點，堅流心，流沙好味道，夠熱。一籠一個，係性價比最高的點心。🥢蔥花魚茸炸兩腸好好味，份量超多，腸粉滑溜溜，內層香脆可口，加上鼓汁，正呀。🥢古法潮州粉果正常味道，主要係平。茶客很多，香港人還是很喜歡一盅兩件。

今天一行3人去飲茶，食點心，上點心速度係快，但員工一點笑容 或 歡迎的感覺完全沒有。由於同行者有事先離開，我帶著小朋友到結帳時候，發現只收現金，簡直不可思議，不與時並進，覺得一間大集團，連任何一個網上付款平台都沒有，完全唔friendly！我手上現金不足，已聯絡友人可否回程，可以，但要等等...於是我問收銀櫃台職員，我去附近㩒錢，轉頭回來結帳，因為你呢度8達通、支付寶、信用卡...都唔收。櫃台職員「我打工咋，你唔好搞我啦，你放低小朋友先好去㩒錢！」我真心覺得這是服務業應有態度嗎？之後，有另一個職員出嚟了解，都唔係解決問題的，佢話「你去㩒錢，呢度離櫃員機好遠喎！」我話「附近轉角位有間7-11，我去個度攞到現金的，你驚我走左去，你可以搵人陪我去，就轉角位個邊7-11」職員上下打量我，之後回答「7-11有得攞錢？」...跟住咩都無講，就走開咗。櫃台阿姐仲大大聲講（語氣極差）「你唔放低小朋友，咪放低電話囉，放低銀包囉！我打份工咋！」飲一餐茶，被羞辱這樣，我唔會再去，亦都唔會再介紹朋友去。員工應有的服務態度非常惡劣！

餐具油淋淋 不能接受 食物一般般 第一次食流沙包 食到一半發現有條毛髮。第二次食肉丸粥，肉丸裡面有條毛髮 個問題係只惠顧咗兩次。兩次都中招，咁係我黑定衛生程度惡劣？？？？

功夫點心開左一段時間初開業時都好多人幫襯呢排就少返人流易搵位今日外勤工作後來晚餐食點心一定要叫這三寶鮮蝦腸粉、蝦餃及燒賣蝦餃、燒賣價錢每粒計，但係最少叫兩粒我叫咗4粒，原來係2粒一籠腸粉、蝦餃及燒賣都非常啱我口味，略嫌有一點失色就是鮮蝦並不是新鮮貨，口感及味道是雪裝貨，還可以接受。嗌左幾款平時喺出邊未見過嘅菜式，最鍾意試新野啦，即刻叫黎試吓。海皇龍蝦湯配小米餅、荷葉虎蝦糙米飯、鮮龍蝦湯小籠包、黃金流沙包，以上4款都係食過一次都夠了，下次不會再叫，寧願試其他。海皇龍蝦湯配小米餅：湯入邊有啲豬皮(可能是花膠)、蝦肉及南瓜蓉，味道一般般啦，小米餅質地是綿軟的麵包，甜甜的，煎到外皮微脆，味道不錯的。荷葉虎蝦糙米飯：虎蝦非常之細隻，唔係鮮蝦，飯量少又濕，味道淡，唔試冇損失。鮮龍蝦湯小籠包：皮厚，有湯汁，一般。黃金流沙包：9元一大個，麵包非常鬆軟，有流沙，好味道的，餡料太少。環境乾淨，6:40pm入座，剛剛清潔完畢，地下仲有少少濕，非常之大陣是漂白水味道，感覺不良好，過咗一陣才適應。

平時見多人排隊，今日見無人排就試下啦，坐低後d阿姐3個係到吹水叫極唔彩，有2個睇到都扮睇唔到我舉手叫佢，仲幾個圍埋食橙定柑嘅野，最後等佢地成3分鐘吹完水，手攞橙皮嘅阿姐丟左橙皮，同埋丟埋吐係手嘅核之後唔洗手就用佢對手攞餐具同筷子比我我話你攞返走洗完手先再攞過新嘅比我，後來我未叫茶就有人攞茶過黎比我問我要唔要，我話我未叫茶喎，佢黑哂面走左，然後我叫另一個阿姐開茶，茶到我就洗碗筷，點知全部碗筷碟都厚厚一層油仲要好多食物殘餘物，我叫個阿姐換，比個d新嘅我，又黑面走左去，無問題，咁我自己攞去車到放因為太污租睇到想嘔，然後自己攞過d新嘅，點知全部都好污租，真係攞唔落手，千年油積咁，最後我就走左無食到，好彩無食，真係難以想像廚房係點樣同食完會唔會肚瀉，哩間野真係不得了🤢🤢🤢🤢

我知道來到等位好正常，進去了寫了紙點嘢，有個職員收了我落單紙我以為等10分鐘會上嘢食，結果20分鐘都冇上，問點解，原來係冇落單，因為冇寫檯號，這是我的問題嗎？態度又差，同我對鬧1分鐘。問我仲食唔食🥲我前後等左1個小時，你宜家問我仲食唔食，你地真係食💩啦

呢個真係唔建議黎！等咗半粒鐘仲要俾人打尖！服務態度極差！老闆娘仲話唔關佢事！咁我想問關邊個事！服務態度十分之惡劣完全冇改善！等咗40分鐘先入到去！諗住服務差，咁多人食諗住食物質素OK啦！點知啲嘢食質素好一般！好失望😥店鋪推介嘅流沙奶皇包，我想講一啲流沙都冇！包皮勁厚，餡料勁少！食上去仲有啲涸喉！$9/個，唔抵蔥花炸兩，腸粉有啲黏口唔算好滑，一邊嘅油炸鬼有少少腍！不過不失，但唔算得上好食🙈🙈🙈主要都係服務態度太差，令到人食嘢都冇晒心情💔