米炊 (ifc mall)

Open Now

Now Closed

見佢寫3:45係落場時間，於是今日下午2:45入座。我哋兩個人食，叫咗兩碟飯，落咗單之後等咗15分鐘，發現廚房入邊嘅員工出咗嚟食飯，有啲仲食緊麥當勞，淨係得返一個侍應招呼現場嘅三枱客，過咗25分鐘，其中一個客人忍唔住出聲話趕時間要走，個侍應好慘咁一個人頂住個場，仲要幫佢取消一碟飯嘅單，而我哋就等咗半個鐘，個侍應又走來斟水講唔好意思，喺度食緊飯嘅員工仲繼續撩牙玩電話，無返入廚房做嘢，等咗35分鐘，終於都有飯食。其實最大問題係佢哋有落場時間，但係佢哋唔喺落場時間食飯，都唔緊要，都分吓頭尾圍食飯，留返一半人年人喺廚房做吓嘢。分工安排實在有待改善，希望餐廳可以改良吓。

ifc打工人千祈唔好錯過嘅蛋包飯! 新鮮牛肉漢堡扒同埋口感豐富嘅蛋花豐富menu 環境幾靚人均hkd150-250呢間鋪頭位於ifc商場內，近香港地鐵站，好容易揾到。主推旋風蛋包飯。今次試咗蛋八 純牛肉手工漢堡扒，搭配雜菜。醬汁可以揀選中辛咖喱汁（覺得差唔多中辣水平，唔中意辣建議揀其他 辣度有d影響蛋包飯口感），番茄汁，蘋果燒汁同埋奶油蘑菇汁。牛肉漢堡扒好新鮮!旋風蛋花幾好睇，視覺同埋味覺都好有層次感，唔洗醬汁，蛋花同白飯一齊幾好味，蛋液充足! 雜菜藕片口感很脆。除左蛋包飯，仲可以單點牛扒，豬扒，魚柳，鴨胸肉等。飲品好貴所以今次未揀選。仲有好多小菜，menu好豐富!pat. 呢間鋪頭環境好適合影相!坐靠近窗邊位仲可以睇到夜景，店內環境很ok!同其他蛋包飯餐廳相比，呢間鋪頭小貴，但處於IFC國際金融中心，對於打工人或者行街來講真係午餐或者約會好去處!

久不久去IFC都會嚟幫襯味道質素都維持住差唔多咁樣嘅水準一直都無特別想寫食評直到今次點嘅飲品，甜到除咗汽水味我完全飲唔到Earl Grey ？ Oolong？ 只係$88 order咗杯有花嘅汽水咁都算後加雞腎&雞肝Well～個雞肝等到Staff拎張單嚟都未見到一問之下話整梗跟住又話賣哂賣哂依家先知嘅？Staff答係同事漏orderOK⋯人總有錯漏依刻都未到我想寫依篇食評直到拎張card出嚟埋單個staff係乜都無講無行動，唔知想點咁我已經唔係要求幾多service嘅人由落order到埋單態度係唔想做咁真係Goodbye⋯⋯無下次

日式咖哩旋風蛋包飯烤特上一寸牛脷：蛋造型漂亮、嫩滑度均符合預期。牛脷夠嫩，的確厚但無一寸。蛋包入面的白米飯勉強算合格，白飯味囉。組合的靈魂咖哩汁味道一般，分量非常小氣、孤寒，遠比參考圖片所展示的少。追加的蔬菜質素非常一般，亦食唔出有炒過處理過；除了蓮藕，西蘭花、菜花、番茄屬於普通貨色，好似求其過水淥一淥就放上去伴碟；茶記都可能好過佢。員工態度算一般。幾位長頭髮女員工披頭散髮；似乎香港地好難見到處理食物員工可以恰當綁起頭髮，或許用頭巾綁起頭髮，或者掃開掛住塊面的頭髮；頭髮跌落食物會幾倒胃。員工輪流挨住吧枱座位椅子。

等了又催了，叫一個黑松露蟹肉飯堂食， 竟然要等佢出菜需時25分鐘，第一次光顧就這樣的經驗， 實在不會再有下次。 午飯趕時間的， 要認真考慮啊！發生時間：入座13點，食物出菜時間13點25分，人數不算太多。

啲嘢食係可以嘅。但係啲服務態度真係搞唔掂！唔係行返出嚟，我都唔知自己原來係中環IFC夾給商場。個冷氣風大到吹到我頭都痛埋，吹到枱面上面嘅紙巾同埋杯水都會郁嘅，客觀條件你話個風有幾大有幾細。我假設真係冇得再細風啲，舖頭硬件你冇得控制，我俾你。冷冷咁隔兩張枱嗌一句「已經係最細」咁樣敷衍客人係咪應有態度？餐後埋單想反映吓，未講完講到一半自己轉頭走咗去。唔好話最後連一句「多謝惠顧」都欠奉。爭啲以為自己食緊澳牛！食得唔愉快嘅一餐，唔會再去。

第一日假期諗住經過IFC食Kiki麵，但係要等三張枱，跟手發現隔離好似開咗間新嘢就係呢間。咁就入咗去食咗豬扒後髀肉同埋雞扒咖喱蛋包飯。豬肉好似隔咗幾晚夜咁，個雞好似串燒雞 仲有啲燶味。激度難食，完全唔應該嚟。🤮🤮🤮咖喱汁又唔夠，要另外叫佢俾多啲咖喱汁。服務態度一般，強烈建議去返隔離Kiki面！咁嘅食物 完全唔值160幾蚊 真係去返茶記或者食Coco咖喱仲好食過佢！怪唔知入到嚟，根本就冇乜人。所以先唔使等位。

帶住一個三個月同一個一歲三個月嘅小朋友去食。排隊嘅時候問一個短頭髮嘅女職員有冇BB櫈可以俾一歲三個月嘅小朋友坐。獲得嘅回覆係BB櫈有人用緊，用完之後係會比另一位已入座嘅小朋友用。咁OK, 因為人哋入座先過我哋。到入座嘅時候，我都再問多次有冇BB櫈，得到嘅回覆都係有人用緊。到入座冇耐，食物都未到，發覺有張BB櫈岩岩用完，但喺呢個時候就有新入座嘅小朋友坐咗。我哋問個侍應，點解張BB櫈會俾咗另一個後入座過我哋嘅小朋友。佢竟然答我哋「因為嗰個小朋友細過我哋」。What?! 如果講細，咁我有個三個月嘅仲細啦，你唔比張櫈我？然後個侍應問返個同一個短頭髮應該較高級嘅女職員點處理。返嚟比我地嘅回覆係，我哋冇講過要BB櫈。就算呢間舖啲嘢食幾好食都好，侍應服務態度差，同事之間溝通不足，但係賴落個客度，淨係呢兩點已經唔值得去！

今次第二次唻食, 上一次唻因為無試到蛋包飯所以今次想再試下一行三人星期日入去食dinner18:56岀單order等左好耐都未齊，最後忍唔住搵waiter跟一跟，最後19:23先岀齊三碟咖哩飯 食物係幾好味，個牛腰柳炭燒味好香咖哩比起平時食既日式咖喱辣，所以無咁濟食完後加左個窩夫甜品，點知店員擺低碟甜品時同時帶埋部機要我哋埋單跟住話我哋已經夠鐘，俾多5分鐘我哋食個下我哋真係呆左，好似競食大賽咁三個人最後埋單$788食物味道雖然係幾好，但係價錢唔平都要食到快餐咁，職員服務態度又唔友善難怪見到其他食評話去呢度食飯要訓練EQ

平日經過都非常多人 門口總有人排隊難得今日遲左食lunch🫢 1315左右到達 見到無人排隊就黎試下～ 上菜速度都幾快 5-10分鐘就上菜.｜日式咖喱旋風蛋包飯 - M4和牛肉眼扒廚師掌握火侯一般.. 叫5成熟 但變左1成熟 有一半既位置入面仲係紅色😔 表面香口 但仲有筋位 有啲位咬唔開但旋風蛋係好食 好滑又好香～.｜日式咖喱旋風蛋包飯 - 烤特上一吋牛脷牛脷好厚 有三塊 但火侯唔太平均 其中兩塊就岩岩好 好咬唔韌 爽口！但另一塊就生左啲 牛脷心會比較冧同粉🥲

一直都想食返一間有質素嘅蛋包飯店，終於搵到啦！雖然佢有啲貴，但其實都好值得去食，今次我哋叫咗一碟蛋牛同埋魚，個牛整得好入味，仲有個魚煎得好香好滑，醬汁做得好好，配菜都好好，啲飯係真日本米，香噴噴軟綿綿好好味，服務都唔錯，會再去！😋

服務有待改善，大部分服務生也是男性打扮的女生，服務生沒笑容，未問客人食完未就拿走食物，食物質素中等，未至於要特別去食，叫餐後被告知沒白飯要等十五分鐘，問轉糙米？然後我們思考的幾秒之間，服務生黑面不耐煩想走，整個用餐感覺是差，不會再來

今次係第一喺open rice 寫食評。之前喺尖沙咀k11分店食過一次，環境唔錯，蛋包飯算出色，牛脷都幾好。不過，上次要收最低消費，都已經覺得唔多舒服，但今次 ifc 店晚上六點半入座，居然要限時60分鐘，未坐低就已經感覺極差，如果唔係訂咗位唸住食完去睇演唱會，應該已經走咗。屋企人叫咗厚切牛脷依然好味，但自己原本唸住食好啲叫塊和牛，反而係全晚最差果碟。成個中環ifc大把嘢食, 唸唔到理由洗錢（人均成三百蚊）仲要趕頭趕命。苛刻條件認真趕客！

假期到ifc mall行街順便到米炊試吓蛋包飯😀 ～M6和牛西冷扒蛋包飯（日式咖哩汁） 🔺吾知系米我哋吾好運氣定全部都系🤷‍♀️ 🔺差唔多全件牛扒都系根切都切吾到😫 🔺禁就收你308元😠好彩吾系兩個都食牛扒🥩 ～日本炸蠔3只炸蝦2只蛋包飯（日式咖哩汁） 🔺正常發揮😅 ～洋甘菊花果茶 ～信州蘋果梳打

🇭🇰米炊·我之前有朋友推介呢一間 但係因為佢lunch time成日都好多人 所以我哋就夜晚嚟咗食🤣🤣不過我自己覺得佢都真係偏貴 我覺得有其他蛋包飯性價比高啲🫢·鮮蕃茄汁烤無激素走地雞肉$138 l 烤100%純牛肉手工漢堡扒$188肉嘅話我自己就覺得佢個雞肉好食過漢堡扒 因為佢個漢堡扒食落係比較乾同實 而且仲要貴啲🐮🫢不過佢個蛋真係幾滑既 而且好香單味🥚兩個汁我自己都覺得唔錯 佢個咖喱汁係辣啲個種咖哩黎既 都幾惹味 個番茄汁就係酸酸甜甜咁 兩款撈飯都好食🍅🍚·#rbyeat#rby日本菜#rby中環·📍中環金融街8號國際金融中心商場2樓2016號舖📍尖沙咀河內道18號K11購物藝術館1樓101B號舖📍九龍城啟德協調道2號AIRSIDE G樓G002號舖