棋哥燒鵝 (Closed)

今日政府全日禁堂食第一日，喺尖沙咀美麗華酒店開完會之後落斜經過呢間立立靚所有燒味都掛得好靚，啲燒鵝乳豬燒肉油雞叉燒白切雞好吸引好新鮮嘅燒味店。我之前已經試過佢喺銅鑼灣店嘅燒鵝燒得好個皮好脆，所以決定回購。心旭旭所以外賣一啲未試過嘅斬料返去。見到排咗好多人，咁佢出面掛滿曬嘅燒味望落好新鮮脆卜卜反曬光咁好吸引。 我最後就買咗燒腩仔同叉燒 因為阿爸鍾意食。 呢度嘅燒腩仔其實都幾juicy 外皮燒得脆卜卜 肉夠嫩油脂分佈平均 中間有層脂肪層再加埋唔會硬巴巴嘅肉 醃得夠未送飯一流。叉燒唔會好似出面好多燒味店燒到又硬又柴 相反佢啲肉淋得黎亦有咬感有啲鹹水撈飯就最啱。 如果唔怕肥嘅人其實我會建議嗌肥叉 因為油脂分佈會更好， 呢一隻叉燒最啱食淨咗隔夜攞嚟炒飯炒麵好啱㗎

近哩個星期疫情又第三波爆發，日日成百宗確診，夜晚六點後都冇晒堂食只有外賣，我都食多左住家飯。冇得同屋企人出去食飯，就放工斬料返屋企加餸過下口癮。棋哥哩個名已經聽過好耐，不過之前就冇幫趁過，雖然冇左晚市堂食，但等外賣期間都見倒好多人黎買外賣。佢地嘅叉燒同燒鵝閃令令滴晒油確係靚嘅，不過最吸引我目光嘅係裡面嘅師傅都有帶口罩，好多食店廚房都會搏食客睇唔倒偷雞唔帶口罩。買左$100叉燒，都有大半斤，炒個菜都夠四個人食。叉燒肥瘦適中，鬆軟油潤，係咁二淋少少汁已經好好食。總結，叉燒好靚，不過最抵讚係師傅都帶晒口罩，食得放心，下次經過都會再幫趁試下佢個燒腩仔。

睇YouTube係咁見到人地食燒鵝搞到自己都好想食😂本身係諗住去食棋哥旗下(好似係)嘅冰皮燒鵝，點知星期日唔開😣.🦆燒鵝叉燒飯比起上一次黎食，今次嘅平均水平都下降左，最大問題就係啲燒味已經凍曬🧊叉燒唔差，夠淋又入味，不過有啲乾🐤燒鵝好大陣煙熏味，好似話係用荔枝木燒(瘋狂戴頭盔🤪)，幾有特色🤩.🦆燒鵝燒肉瀬粉燒鵝皮薄肉嫩，同瀬粉真係絕配😭反而覺得燒肉麻麻地，層皮夠曬脆，但係肉就冇乜味同埋有少少”鞋”😧.🦆麻辣手撕雞呢碟野超級惹味，好好食，夏天有個涼拌小食特別開胃🐤比一般辣好多，唔食得辣的話就可以揀鹽焗手撕雞🐣.🍽味道: 3.5/5🏙環境: 3.5/5👨🏼‍🍳服務: 3.5/5💧衛生: 3/5💰價錢: 3/5

喺尖沙咀就去到附近一間燒味店醫肚，這裏位於The One隔離，非常方便。餐廳環境潔淨，而且坐得舒服。這裏的燒味種類多款，有飯麵等套餐選擇，價錢經濟又實惠。而且惠顧堂食就可以用優惠價$8追加老火靚湯一碗，這碗青紅蘿蔔豬展湯好好飲，飲落去冇乜味精。一向都好鍾意食瀨粉，最後揀咗棋哥推介的原隻油雞髀拼叉燒瀨粉，嚟到嘅時候賣相已經好吸引，當然要相機食先。油雞髀的肉質很鮮嫩，而且真係啖啖肉，很入味呢，啲叉燒半肥瘦，肉質比較林，好好咬口呢！最後飲番杯鹹檸七爽喉嚨。

尖咀有咩好食？棋哥燒鵝最出色的 當然係脆皮燒鵝今次我就叫咗 脆皮燒鵝拼燒腩仔加多一杯凍檸茶脆皮燒鵝燒到脆化燒鵝皮脆卜卜， 燒鵝肉鮮嫩。 食得出係新鮮燒鵝即製。咬落去燒鵝脾 和燒鵝肉會接合一齊 中間會有一陣薄薄的油脂。入口油脂會融化， 你會感覺到我香味融入油脂當中。燒鵝脾依然脆卜卜。咬落索索聲， 鵝肉鮮嫩。脫落燒鵝骨會 感受到豐富的燒鵝味之後就要介紹佢哋另外一個出色的 燒味就係燒腩仔， 燒腩仔 全部用上瘦豬肉燒腩仔外皮脆卜卜， 豬肉味濃郁

最近疫情反覆，大家都盡力避開人多的地方，所以我們又開始外賣的生活，斬料又成為我們的晚飯選擇第一位。 今次來到尖沙咀的棋哥燒鵝，之前都聽過不少朋友推介，今次親身到門口， 看到燒鵝的油光就知道朋友沒有介紹錯。站在門外欣賞師傅表演，手起刀落，兩下手勢就去肥斬件。餐牌。 室內環境。燒鵝點了下庄，未打開已經聞到鵝香撲鼻，外皮香脆，肉汁豐盛，入口感受到強烈又濃郁的煙燻木味，而且配搭的醬汁酸甜美味，下庄帶少少肥，但仍然食得過癮。叉燒肉質軟熟，肥瘦比例適中，肉味比一般濃，如果邊位烤得更焦香更好。

成日經過呢度，今日終於試下佢。我地order左外賣，lunch拎返公司食～.🌸棋哥燒鵝脾飯 $118首先賣相就係一流～顏色均勻。鵝皮香脆，鵝脾嫩滑且肉汁多，口感豐富。酸梅醬甜酸適中，淡淡梅味清香撲鼻～飯量夠兩個女仔share食～.🌸麻辣手撕雞 半隻 $78辣味比我想像中嘅要辣，應該有中小辣。雞肉嫩滑，配麻辣真係惹味十足。手撕雞份量十足，價錢合理。仲有鹽焗味，下次再試下先.外賣好快就有得拎，唔洗等太耐。

昨晚我了電視介紹，今早就立即去試。因為一個人去，今次叫了雙併飯，送熱飲一杯，總共70元。餐廳內嘅環境就像平時的茶餐廳一樣｡雖然這位於尖沙咀，但我見在場的客人大多是街坊，反而我就是第一次來。我見外賣的生意都很多，下次要試埋其他招牌菜。

一路都有聽過棋哥燒鵝好出名 今日收工特登嚟會一會外賣返去試下~ 等咗五分鐘左右已經ready 好快手！棋哥燒鵝片飯齋睇賣相已經非常吸引 燒鵝燒得色澤均勻 鵝皮香脆 肥瘦啱啱好 帶點油香之餘 啖啖肉又唔會太肥 配搭埋酸酸甜甜嘅酸梅醬 味道一絕！乳豬五寶飯五寶飯入面有乳豬 叉燒 切雞 紅腸同鹹蛋 非常豐富 而且份量仲唔少！ 不得不讚佢嘅乳豬 皮脆肉嫩 而且豬肉一啲都唔騷 而叉燒肥瘦適中 味道天然 唔會好似出面食開咁假又重色素 鹹鹹甜甜啱啱好~ 仲有切雞好厚肉 雞肉好嫩滑仲保留到肉汁水分🥰 最後配埋鹹蛋撈飯超滿足！值得一讚係佢嘅例湯都非常足料 而且唔會有味精 感覺天然又健康！

經過餐廳門口， 隻隻燒鵝油光亮麗， 十分吸引， 忍不住外賣打包返屋企吃。乳豬飯$58乳豬皮十分鬆脆，咬下時發出「吱嚓」 聲， 沾上乳豬醬，更加突出乳豬味道， 令人一再吃， 仲有兩棵翠綠靚菜伴碟，十分健康。燒鵝拼腩仔飯$58燒鵝皮帶有陣陣煙燻炭香味， 外皮爽脆， 令人回味。腩仔 皮脆肉厚，十分鬆脆， 一層 瘦肉隔著一層肥肉，令人垂涎， 配上黃色芥辣醬， 絕對係最佳拍檔。鹽焗手撕雞半隻$78手撕雞分量十足， 灑上炒香的芝麻 ， 更伴上香香的麻油， 雞絲嫩滑入味， 每口都是滿滿誘人麻香味，送酒一流， 都忍不住開罐啤酒， 啤一啤先。

聽說棋哥燒鵝，味道不錯，午飯就去試吓！差不多兩點，所以很快有位。但人流不絕，雖然少了遊客，生意還是不錯的。點左燒鵝髀飯，及手撕雞，個凍檸檬茶。燒鵝髀的皮尚算脆口，溫度適中，食落有炭燒的香味，但係個鵝肉就略嫌脂肪比較多，同埋鵝肉比較韌， 唔知係咪通常鵝肉都比較韌。價錢比普通燒鵝飯貴。手撕雞好味，肉身嫩滑。可以當小食叫，也有跟飯叫。有原味和辣味也可以係鴛鴦，值得一試。店內服務員很有禮貌，招呼很好！主動幫顧客找座位。

✿╮❤╭✿ ✿雜感女生   好味日記✿ ˚*•✰。棋哥燒鵝．燒出好滋味。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤ 話說，一直都久聞棋哥燒鵝大名 但次次都是匆匆經過 今晚大少奶下旨要燒味加料咁就自然去搵棋哥只在門口，已見人客等候 大量令人流口水的燒味已掛窗前今次肚餓了又店內見到分隔仔細 座位闊落乾淨 今晚先外賣回家 下次要直接坐下來吃啦抵食的1+1套餐 我點了燒腩仔配白切雞燒鵝是指定要的，見有乳豬，就來個雙併燒腩仔 皮脆肉彈，鹹香精彩 屬非常下飯之作 從外賣到家約半小時仍能保持高水準口感白切雞 皮膚嫩滑有雞味 半隻的份量亦足料開飯有理燒鵝帶炭火香 別具一格 皮香肉厚 是獨有的滋味招牌確是一流乳豬 皮脆薄，肉輕身肥而不膩，引人一口接一口沙參玉竹例湯夠老火 滋潤好飲，適合時令 早知買多幾碗小評： 味道：★★★★☆ 環境：★★★★☆ 服務：★★★★☆ 衛生：★★★★☆ 抵食：★★★★☆

今日係尖沙咀行街，經過棋哥燒鵝，見到好多燒味掛係窗邊，望落去流哂口水，所以就決定斬料返屋企加餸。門口放了外賣燒味著數組合，兩款燒味只需HK$128， A餐有半斤叉燒配半隻切雞/油雞，B餐即有半斤燒腩仔配半隻切雞/油雞。 燒腩仔個皮比較厚身，表皮烤得非常乾身香脆，外脆內軟，肉不會過咸過肥，配上黃芥辣醬，值得一讚。桂香切雞半隻，份量頗多。雞肉滑溜溜又不會太肥，配上自家製薑蔥蓉，令到雞肉的味道更突出。棋哥叉燒半斤，叉燒是用梅頭肉來醃製的，半肥瘦嘅叉燒烤得外焦內嫩，食落好香口，配上少量蜜汁，超好送飯。

今天經過The One商場回家，看到旁邊的這間燒味店外表非常時尚，而且從外面望入去非常乾淨，廚房是半開放式的，便打算買外賣回家慢慢吃。棋哥燒鵝飯有陣陣的煙燻香味，這個有聲稱讀得秘製配方，吃上去也對得住他的價錢，比想像中好吃😋棋哥燒腩仔飯這個不得了，燒腩仔的皮非常香脆，吃上去卡卡聲，而且幾乎成個飯合費燒腩仔填滿，性價比非常高！棋哥叉燒飯中等肥瘦，吃上去比想像中軟熟，而且叉燒和白飯的比例幾乎一半一半，足夠一個大男人的份量。

棋哥燒鵝聽過呢個名好多次，好多人都話佢嘅燒鵝好正，我本身都鍾意食燒味但係冇話特別鍾意食燒鵝 ，所以就去買啲唔同嘅斬料，順便試吓個燒鵝。餐廳有好多選擇，見到出面掛滿着好多唔同嘅燒味已經流晒口水，叫食物嘅配搭亦都相當豐富，豐儉由人，見到都好多人keep住叫外賣斬料回家.！1+1 外賣着數燒味組合$128燒腩仔+切雞嗰個份量都幾大份！ 燒腩仔外皮非常香脆，而且鹹味適中不會過客，肥瘦非常均勻；切雞方面表皮香滑，而且肉質都好嫩滑，比較有鹹香，加埋啲薑蓉就一流！食唔晒嘅雞我都第二日要來煲粥，個咸味落咗去鮮味十足！燒鵝叉燒雙拼飯$65燒鵝外皮好香，肉質都好滑～仲有個叉燒蜜香十足，要來送飯一流，搞到我都食多咗成碗飯！