鰹烏冬 (寶華閣)

Open Now

Now Closed

🍗夏一烏冬配骨付雞 $92冷烏冬配上鰹魚汁、檸檬、蔥、薑蓉、芝麻碎、青瓜粒、生雞蛋撈埋一齊食，但係麵條粗身，食落好硬👎雖然燒雞髀份量好似手掌咁大，但係裏面好乾，外面好油，成哂成隻會覺得好咸😐 🌟 Lamlam脷指數 😋 (1/5)❄️冷竹簾烏冬配天婦羅雞件 $83麵條粗身好滑溜，但係好硬而鰹魚醬汁就比較遜色，味道好淡😢天婦羅雞件有4件，炸粉唔算厚，不過味道一般，冇特別🌟 Lamlam脷指數 😋(1/5)🌟整體評價: 烏冬素質普通，唔值依個價錢。天婦羅雞件同骨付雞上到枱已經凍哂，出哂油，扣哂分😢另外餐具好污糟，加上店員好冇禮貌，服務態度扣分，未試過真係唔值得試👎🌟 Encore指數 ⭐️(1/5)

For sure the food tastes great. Good portions and quality was really good, loved the “Al Dente” of the udon. I would definitely come back.Saw some reviews regarding service, didn’t find anything odd. You do need to get your own cutlery/water but if you aren’t disabled I’m sure anyone can help him/herself 🤔

午餐叫了湯烏冬同冷麵。價錢其實唔算平，因為40幾蚊只係得個麵。要餸就要再加錢。不過個麵同烏冬真心好食。好彈牙，好有咬口，索埋湯汁超正👍雞脾燒得好juicy，另外叫左關東煮，非常入味，值得再黎😄

晚飯時間人龍唔算長，等咗5分鐘就可以入座。好多烏冬口味可以揀，因為想食煙人嘅烏冬，所以揀咗冷烏冬。非常清爽嘅配搭，比較適合夏天食。醬油烏冬嘅醬油味唔算濃，最開心係食到好味嘅烏冬，比較粗身，質地非常煙靭好好咬。呢間舖頭嘅名物骨付雞，味道唔算有咩特別，但肉質好嫩滑好juicy。關東煮非常普通，年輪浸都冇晒質地，好似食緊舊糕咁。蘿蔔好入味，但唔甜。呢個椰菜包好健康，裡面包住少少肉。再揀真係唔會食關東煮，唔好味。

又到咗 #懲罰 時間啦😋揸🚗過到長沙灣 仲要剛啱門口有位泊車 連個天都要我懲罰您地❣️堂食有兩邊 左邊舖係二人 四人位 右邊舖就吧枱位 邊食邊望著店員整烏冬#月見烏冬 $54大大碗 鰹魚清湯底 配上日本魚旦 海苔 再加隻鮮蛋本身以為唔係好大碗 仲 #烏冬加底 $8點知😨上枱以為已經加咗底 原來本身係大碗成咁🤦🏻‍♀️另外追加咗 #洋蔥牛肉 $43 洋蔥好腍好入味😋 份量都好多 #天婦羅流心蛋 $15記得唔好大大啖一口咬落去 事關 #即叫即炸 而且一咬 流心蛋黃係咁流出嚟 #天婦羅廣島牡蠣半湯烏冬 $119唔知係因為半湯 定真係烏冬份量比日見細碗呢🤔不過女仕食都已經好飽 （大食嘅我都食唔哂😅）同樣鰹魚清湯底 配上意瓜 日本魚旦 鰹魚仔 海苔 仲有半隻 #溏心蛋 #天婦羅廣島牡蠣 🦪 分開另上有5️⃣大隻 #即叫即炸 外脆得嚟 加呢檸檬汁清新得嚟 又真係好大隻 夠哂肥美 juicy 好鮮甜 👍🏻推🙌🏼推🙌🏼推🙌🏼 叫烏冬跟餐可以優惠價加配唔同餸料 同埋 唔同小食本身仲想叫埋佢地嘅 #必食推介 #骨付雞 但好在冇叫 因為真係食唔哂😅咁又有藉口下次再懲罰啦🫶🏼今餐真係好滿足🥰🥰🥰===========

鰹烏冬日本讚岐烏冬專門店～～烏冬Fans ___________________________今次小編試左鰹魚清湯烏冬和冷烏冬，冷烏冬相對上彈牙煙韌，而清湯烏冬係佢哋招牌嘅烏冬，熱騰騰的湯烏冬。鰹魚湯底非常清甜，咸度適中，湯底是由鰹魚和湯材料熬出來的，非常值得一試～～～

食過鰹烏冬晚餐，經街坊介紹下先知有做早餐，今日休息即刻去試😋😋入到去睇menu乜都想試，就先試傳統和食早餐啦😋納豆迷嘅我另加左納豆伴烏冬😍個味增湯好足料，樣樣好似好簡單但又好好食，全部上台熱辣辣應該係即做。眼闊肚窄，加左個納豆烏冬我應該連lunch都唔洗食😂

咁啱經過長沙灣，想搵晚飯食，醒起有間烏冬，人哋介紹好好食😋一於入嚟試試佢，六點時間唔多人，入場QR code掃單 ，其餘餐具筷子自助形式，仲有熱茶免費自己添，今次叫咗三碗鰹魚半湯烏冬，之後配咗一份洋蔥牛肉，一份天婦羅(五件)，一條燒錆魚，仲叫咗個骨付（等候時間5分鐘左右） ！烏冬超級彈牙，自助區仲可以自己加啲脆脆，另外天婦羅亦都不膩不油，隻雞脾仲燒得好香，下次經過都可以嚟試吓，佢每款烏冬都感覺很好吃！

最近漸慚感受到一人外岀用餐的小樂趣多了自由彈性的時間 少了用餐選擇的拘束隨伴的是 一份metime的舒心清靜 ҉ *·˚慢慢轉入清涼乾爽秋季天氣很適合吃一碗暖暖的鰹烏冬暖胃怡人的烏冬不黏也不粉 口感飽滿實在 份量超出預期的大滿足豐富的昆布蔥粒帶岀更多爽快口感配搭香噴噴即點即制的骨付雞 外面烤得香口酥脆 切開雞腿肉汁橫濺味道的層次也很豐富融合胡椒蒜蓉七味粉混合在一起的順口美味 還隱約食到有少許蜜糖甜香 值得一試 𓏭𖤥 鰹烏冬長沙灣元洲街450/464號寶華閣地下4號舖༶ 烏冬套餐 ₉₆ - 鰹魚半湯烏冬(熱) - 骨付雞 - 流心蛋𓏭

專誠慕名而來，一試佢嘅手打煙靭烏冬🍜。我哋成7點半先到，好在唔算好多人排隊，大概唔洗半個鐘就入得。間鋪唔大，座位都唔多，基本上冇裝修，個feel反而似日本果啲地道拉麵烏冬店，別有一番風味。為左試佢嘅烏冬有幾煙靭，我哋2人都選擇咗冷烏冬。見雞扒咁出名我哋都試吓，再加左個天婦羅。夏一烏冬 🍜$56👍🏻👍🏻👍🏻👍🏻👍🏻呢個冷烏冬都幾特別，有個夏字就知道佢係夏天嘅食品，配有青瓜芝麻紫菜羌末，再配上檸檬青檸汁，好味非常清新，配合冷烏冬簡直係消暑嘅一絕。個烏冬真係非常煙靭，可以話係數一數二好食嘅烏冬店。竹簾烏冬 🍜$46 👍🏻👍🏻👍🏻👍🏻👍🏻竹簾烏冬其實就係齋烏冬，乜嘢配料都冇。但正正係咁樣先可以真正試出烏冬嘅味道同豉油湯底嘅配搭。烏冬夠凍，夠煙韌，係我食過咁多間烏冬店當中最好食嘅烏冬，沒有之一。天婦羅 🍤（5件）$50 👍🏻👍🏻👍🏻👍🏻👍🏻呢個天婦羅係隨便叫，但冇諗過竟然會係咁好食。佢嘅質素係拍得住酒店finedining嘅天婦羅，炸粉做得啱啱好，厚薄適中，而且非常香脆，上枱嘅時候都仲係熱辣辣，係即刻炸。真係有驚喜。骨付雞 🍗$34 👍🏻👍🏻👍🏻見到個個人都叫所以都試吓，隻雞髀超大隻，落咗七味粉

同男友黎長沙灣上完陶瓷班攰攰地想醫下肚 路經呢間烏冬店大排長龍一search之下發現原來都係區內幾有名氣嘅烏冬店即刻排隊入去試試😋嗌左呢幾樣野食廣島蠔天婦羅好好食，juicy 到爆汁，正骨付雞應該係呢度嘅名物之一好香口 咬落肉質好juicy同嫩滑 非常推介👍🏻最後呢款鯖魚配冷烏冬 唔太特別 同冷烏冬唔太夾 不過呢度烏冬夠彈牙，份量仲幾大，真係「堅」嫁🤣個人鍾意湯烏冬 食完個人暖粒粒 大滿足呀😋😋😋一定會再encore

海苔竹簾烏冬，骨付雞，糖心蛋*Time : SEP 2022, Lunch*Price : $1xx-HKD *Place : 鰹烏冬*Review : 今次是第二次來了，夏日炎炎，吃冷烏冬可謂一樂。- 海苔竹簾烏冬：烏冬偏幼身，但同樣很煙韌彈牙，有嚼勁，散發出淡淡的海苔味，沾上涼涼的醬汁很易入口，再多打吃得下- 骨付雞 ：皮脆，肉軟，又多汁，每一口都吃到滿滿的肉汁，是這樣必食的- 糖心蛋 ：軟硬適中，水準之內這裏的烏冬實在好吃，口味又多，午餐時間基本都客滿

嚟鰹烏冬最吸引我嘅地方首選唔係佢哋自家製烏冬，而係佢有以前去日本旅行時食過好好食😋，四國香川名物骨付鳥而吸引。😍骨付鳥即炸雞肶，唔同嘅係比起港式係唔用太多醃料醃製，簡單用鹽、胡椒、蒜就夠，盡量食到雞嘅原汁原味。 骨付鳥再分雛雞同親雞，雛即幼🐤肉質嫩滑雞味較淡，親即母🐓肉質緊緻雞味濃。呢度當然冇分，骨付鳥大大隻皮薄炸到脆脆肉質嫩好 juicy，能夠勾起少少回憶嘅味道。😋😋😋烏冬粗滑滑嘅口感少少煙韌，湯底清清地味道正常。😋😋一入舖頭環境衛生已經感覺到好有問題，坐喺吧枱張枱油冧冧黐住曬啲塵，枱上調味㗎啲嘢都好污糟冇抹過，員工傾計多過做嘢，最嚴重嘅係員工喺 open kitchen 處理嘅食物嘅時候，拉低口罩用紙巾呻完鼻涕唔洗手繼續處理食物👎🏻👎🏻👎🏻👎🏻👎🏻👎🏻， 見到真係眼都突埋，就算唔係疫情呢啲基本衛生常識應該要有！嘢食幾好食都冇用！🙅🏻‍♂️

自從白布烏冬執左一直都好掛住D高質既烏冬🥹 今日發現呢間其實都好出名🥰 唔花巧以烏冬做賣點選擇都有好多款👍🏻 烏冬質素確實唔錯 但係以呢區黎講價錢有少少貴🌚 PS係佢哋IG留言就會送一杯果汁🍹 味道唔會太甜都算有誠意🍎⭐️ 鰹魚半湯烏冬 🐟本來想食Signature D既熱魚湯 但係天氣實在太熱啦 ☀️ 冷烏冬果然有佢既好處 煙韌度適中 唔會成口粉咁🤍 如果麥味香D會更好 但係魚湯味唔突出 似係一般冷麵汁🥴 有點小失望⭐️ 骨付雞 🍗外皮煎得香脆帶油香 肉質都幾嫩滑💛 係一隻幾高質既雞髀🐔 但係七味粉既調味雖然惹味但個人覺得唔夠正宗日式🌶 如果鍾意食KFC燒雞既會喜歡

之前D人見排晒隊食，咁啱今次右人排滿心歡喜諗住食較地道日本風味食品，尋回日本味道感覺，點知非常失望。2人叫一個月見烏冬+関東煮，一個柚子冷烏冬+天婦羅。烏冬不論冷熱都不彈牙，冷烏冬仲個心實實地，係唔熟嗰隻實，唔係煙韌。湯烏冬普通回食市面超市自己煮人力別不大，應該講自己煮靚烏冬會好食過佢。関冬煮真係好入味，蘿白入味到咸到苦，買便利店嗰D好過，唯一最正常天婦羅，粉漿唔厚，脆但唔會食界損口。今次真係太有期望，一定冇下次。