甘棠燒鵝

Open Now

Now Closed

其實都算OK，不過啲燒鵝其實就冇想象中咁好味，一般般，其他菜式粥粉面飯就係正常水準。店鋪裝修雖然唔算太豪華，但係位置都夠，唔會覺得逼夾！不過食物整體就冇乜意外驚喜，試下都係冇壞嘅，但係燒鵝個價錢有啲貴，值唔值咁就見仁見智啦

難得放假有朋友約我打保齡，僥倖贏咗餐晚飯，所以就近選擇嚟甘棠食返餐燒鵝。上樓悶熱潮濕，餐廳位置唔算話太難搵，不過感覺一邊食燒臘一百年聽住打保齡啲聲好似有啲違和。肥叉好甜好漏，脂肪同肉分隔得比較明顯，燒鵝嘅話就顯得稍微平庸，冇乜出彩

網上睇到關於甘棠燒鵝嘅KOL介紹，抱住好奇心特登嚟試下一探究竟！！餐廳就保齡球館果一層，搵咗都唔算好耐就搵到。店員嘅態度都OK，都算話頭醒尾，不過前台就cool咗啲，唔知以為好多人爭佢錢。叉燒係絕對滿意，雖然膩滯但係口感非常特別，燒鵝就麻麻，冇講得咁神，如果話特登嚟食嘅話就冇乜必要。總體嚟講今次用餐體驗應該就有7分左右！

甘一刀叉燒，外層口感好脆，唔知到係用邊一個部位嘅肉，肥而不膩，唔錯西班牙叉燒，味道好似甜得滯，因為食完第一款再食呢款叉燒一對比就唔覺得咁OK琵琶燒鵝，完全唔掂檔，啲皮一啲唔脆，好肥膩油雞比，冇乜雞味，豉油都麻麻，反而啲蜜豆幾好食

打完保齡唔想周圍去，就近揀咗呢間琵琶燒鵝：因為我哋人唔多，所以先叫咗份例牌下裝，皮夠脆，不過皮下低就基本都係肥油，冇乜肉西洋菜湯：料係好足，不過唔知加乜魚落去，飲落有少少腥味金錢雞：味道唔錯，不過食唔出係乜材料皮蛋：食唔出有乜特別

打電話去訂燒鵝，去到坐低話冇，問佢點解留咗都冇，佢話冇就冇只係剩返下裝，仲要夾我快啲落單，如果唔係冇埋啦！山長水又遠諗住去試吓，點知焗住一肚氣。之後問佢仲有咩介紹？小炒王 (埋單時超貴)，最慘唔好食，連普通舖頭都不如。滷水拼盤得鵝腸，鵝翼，鴨腎&鴨肝，擺到亂七八糟好似垃圾一樣。沒有服務態度超差，食物質素也差到一個點。最後埋單$17xx 依間舖頭，食物質素沒有，服務質素沒有？佢哋嘅服務態度連大排檔都不如，

「甘棠燒鵝」喜歡燒味既一定要去試試😍滷水鵝肝 鵝肝入口即溶，配上滷汁，好惹味😋燒鵝啲皮好香好脆，肉質嫩滑，醃料唔會蓋過肉味，大推✨金錢雞食落爽口，配搭蜜汁，好滋味滷水墨魚滷汁岩岩好，唔會過鹹，食得好滋味☺️

燒鵝：呢度啲燒鵝脂肪含量真係有啲高，高到我們只點了下莊，感覺冇食到幾多肉落肚，非常油膩。叉燒：雖然大家褒貶不一，但想我覺得體驗幾好，雖然都係偏肥膩金錢雞：口感幾豐富，店員極力推薦墨魚：醬汁完全處理咗腥味，但係食落同街邊果啲冇乜區別。價錢：3個人求其咁幾個餸就已經1200幾，真心唔平，但係都可以接受

難得BOSS話請客食飯，我呢啲咁為食嘅食客點會錯過呢一次機會。今餐係嚟到大家口中嘅燒鵝聖地--甘棠燒鵝，之前聽就聽得多，都未有機會一睹風範。燒鵝賣相冇乜特別修飾，都係斬好直接擺碟上菜，口感我認為就偏肥膩，對比返另外一間同姓都係賣燒鵝果間就爭咁少少。其他炒菜都係一樣，唔知係咪啲油落得多，成餐飯落嚟食完就係覺得好滯

雖然門口寫住唔係member唔入得，但係其實係隨意進入，大家唔需要擔心。松花皮蛋配酸姜，皮蛋就係同我平時食皮蛋瘦肉粥果啲皮蛋差唔多，酸姜味道濃郁，不過切得唔夠薄琵琶燒鵝，啲夥計會提前問你對花生會唔會過敏先淋啲花生汁上去，但係其實燒鵝本來已經好漏，再加埋啲汁水會更加油膩上火，味道一般般叉燒，出名果種肥叉沽清，剩低瘦叉燒，味道都可以

咁啱約咗F嚟銅鑼灣呢頭，諗住試下好出名嘅甘棠燒鵝。叉燒佢哋話係一定要試，佢口感同傳統果啲叉燒唔同，比較軟糯，有啲類似東坡肉果種口感，無奈我唔多鐘意食肥叉，我覺得叉燒肉質都係要硬少少先好食。燒鵝都係招牌，下邊有啲唔知係乜豆墊住。有碗綠色嘅菜湯，味道怪怪哋飲唔慣。皮蛋，價錢有啲貴，冇乜特別。另外呢度可以一邊食嘢一邊睇人地打保齡，都幾過癮，大部分選手都幾pro，應該有唔少高手

天時暑熱，唔知去哪裡消遣玩樂，有時連食慾、胃口亦都麻麻地。晚飯時段，真係想法不多，但T先生諗到南華會內既<甘棠燒鵝>，飯後亦可以打場保齡球，咁就過來啦。來到南華會時大概晚上7:30多啲，2人座得返一張corner枱，否則要等⋯我和T先生覺得可以就入座了。餐牌主打都以燒味為主，由其係燒鵝，一場黎到，點都要試吓燒鵝質素係點嘛。📍燒鵝下庄 $220燒鵝下庄，堆成一個小山丘咁，賣相不俗。而味道，皮唔太夠脆，似放耐左；由於是下庄，即係髀既位置，會有些嫩肉，但我地食唔到最嫩最滑部份。成個庄感覺唔完整，似砌出來😢 好在唔太咸，味道合格only，但賣呢個價錢，都幾搵笨，唔太推薦。📍南乳炆粗齋 $168比想像中大碟！味道上亦很有驚喜！食材上有白菜，粉絲，幾款菇類，枝竹⋯好多時南乳會偏咸，但這裡調味適中剛剛好，而菇類亦煮得腍身和入味，將咁多款食材一齊煮時好夾，一定配白飯食，令你扒多幾口😋📍鹵水鵝紅 $38細細碗而份量較少。而味道上，對T先生來說，非常有驚喜😆 好滑口感似豆腐花，好入味，但價錢稍貴。📍豉椒粉鵝腸 $180呢款我係嘩一聲，好大碟而且會smell 到豉椒味。食材有鵝腸和其他配料，

叉燒味道可以，不過太肥膩，同埋分量唔多，基本一人夾一舊就冇；酸姜皮蛋作為招牌前菜一定要試，唔錯。鵝掌扎因為太遲先到，一早就賣晒，可惜。琵琶燒鵝，因為我哋人唔多，所以先點咗半只，同叉燒一樣偏肥膩，食唔出有乜特別

去開南華會既波友話唔定都試過呢間餐廳，小弟去玩桌球間唔中都會和朋友一齊食下。✨燒鵝半隻（$320）燒鵝肉質好飽滿，鵝肉味好重，燒鵝調味夠入味而且不鹹，份量比足。✨燒鵝叉燒飯（$75）燒味雙拼飯價錢可能算中上，叉燒半肥瘦幾好，燒鵝有水準味道好食，飯量食得飽。✨西班牙豚肉叉燒（$150）因為好奇菜式名而點咗呢道菜，賣相比較特別，口感及味道食落似臘肉，但又不是完全乾身不會很硬。上菜速度都頗快，如果去打波諗唔到食咩，可以一試。

環境：位置有限，基本每圍都係搭台，好逼夾，點多幾味餸真係張台擺唔落服務：中規中矩，有部分夥計反應有啲鈍，一啲都唔醒目，不過收銀果位姐姐人就幾nice琵琶燒鵝：賣相OK，不過呢隻鵝就開頭果幾啖食得落，到後邊完全食唔落，太滯了薑汁炒芥蘭：薑汁味太重啦，芥藍冇乜味