甘棠燒鵝

Open Now

Now Closed

店內面積不大，睇啲裝修風格就係似一間老字號嘅店，人雖然唔少不過好彩唔洗等位，老細就叫我哋幾個搭台，本來想影相不過坐得咁逼就費鬼事影。兩個人點咗燒鵝拼叉燒，叉燒肥瘦相間口感偏甜，不過唔係好油膩，燒鵝皮夠脆但係肉好鞋，個人推薦叉燒多啲

朋友外國返嚟，話想食燒鵝，諗唔到有邊一度，海港集團，朋友話已經食咗好多次，咁就帶佢試下出名嘅甘牌燒鵝，最後朋友覺得個燉湯好正，燒鵝反而普通，好傳統，比較肥少少，如果鍾意食傳統燒鵝嘅，就會喜歡，餐廳餐牌唔多款式揀，但係侍應們好有禮貌，朋友有兩個小朋友，小朋友覺得有保齡球聲，跟住喺度食嘢好得意

齋聽個名就知道呢間係一間以燒鵝聞名嘅餐廳，今日專程嚟一試究竟！整體感覺都係可以嘅，餐廳環境同其他茶餐廳差唔多，出品唔會話特別驚艷，不過價錢就有少少貴，有啲菜品甚至係其他茶餐廳一倍，個個都極力推薦叉燒，個人覺得麻麻，我偏向燒鵝，呢個招牌叉燒實在太肥膩，食唔慣

食呢餐真係唔容易，爬咗好大段斜坡先搵到，就係間保齡球館裡面，嚟嘅時候已經過咗繁忙時段，所以人唔多。網上都話叉燒同埋燒鵝係必點，叉燒味道可以，肥瘦適中，分量剛好夠。燒鵝本來想點下莊不過冇晒，剩下嘅都係啲比較鞋嘅部位，味道都過得去，不過唔算得上話好味。

講真，嚟得甘棠肯定就係為咗馳名全港嘅燒鵝而去，不過真心麻麻哋。環境雖然唔係話好豪華，不過裝修都幾企理，服務都唔錯，就係燒鵝嘅出品弱咗少少，唔入味，皮又唔夠脆，啲肉汁水又唔係幾夠！

一坐低個夥計就不停催促咁問我哋飲乜，我話我哋睇陣菜單再決定，一臉好唔耐煩咁！例湯味道可以，不過如果搭配燒鵝食我覺得會有少少搶味，燒鵝有啲鞋口，啲醬汁好鹹，如果主食唔係配白飯嘅話會好油膩！

聽講呢間餐廳好火爆，難得今日放假同同事嚟試下，中午1:30嚟到都仲係滿座，費事排隊啦我哋，唯有叫外賣返去食好過！等咗二十分鐘左右先打包完，有啲耐，菜品味道還好，冇話特別驚艷，叉燒我覺得可以再嫩返些少，燒鵝就偏肥咗啲

上等燒鵝外酥內嫩,肥而不膩,皮脆肉香,入口即化。汁多肉嫩的燒鵝腿,軟嫩鮮甜,一口咬下令人回味無窮。配以酸甜可口的醬料,更突出燒鵝的鮮美風味。無論是午餐、晚餐或是小食時段,來上一盤色香味俱全的燒鵝,絕對能滿足挑剔的味蕾。作為香港本地道地小吃,燒鵝絕對是值得一試的美食佳餚。

今日特別提前book定位，皆因傳說中嘅甘一刀叉燒需要提早預訂，入口真係好正，外殼酥脆但係入口即化，肥瘦適中，一人食一舊都唔會話覺得好油膩！燒鵝相比之下就有啲一般，係用咗加蜜豆嘅做法，肉質同醬汁個人就覺得比較普通！

嚟到甘棠最想食嘅當然係燒鵝同埋甘一刀叉燒，不過嚟到話叉燒已經冇晒，烧鹅刚好得返一份上庄，店員推薦我哋試下酸姜皮蛋，話呢個都係好出名好多人點嘅。酸姜皮蛋果然如其名，就係酸姜+皮蛋，食唔出有乜特別，燒鵝選料應該都係靚嘢嚟，不過醬汁太鹹，應該係有花生醬係入面，肉質幾嫩，但係啲皮就肥咗啲

我哋揀咗周中嘅中午去食，人都幾多下，不過好彩唔洗等位，餐廳就係保齡球場隔離，都比較隱蔽，冷氣都幾夠力！最多人推薦就係叉燒同燒鵝，叉燒兩個人食一份有啲多，肥瘦相間，偏肥，同之前食嘅叉燒好唔一樣！燒鵝就選下莊，比較偏瘦，下面鋪咗蜜豆，味道過得去！

呢間之前朋友已經極力推薦，今日就南華會嚟試下，位置就係南華會嘅保齡球館隔離！燒鵝味道一般，皮脆，不過就偏肥咗啲，叉燒好少見有好大舊，簡直同厚切豬扒一樣。黃喉就好普通，餐廳冷氣有啲大，啲夥計唔知係咪見我第一次嚟，係咁sell我其他菜式，個人覺得呢度似做熟客生意多！

慕名來到南華會保齡球場甘棠燒鵝。一場來到當然要叫他的燒鵝髀飯啦，收費188絕對唔平，但鵝肶非常之嚡，好像隻鵝剛剛跑完馬拉松一樣，令我非常失望！燒鵝下面啲白飯好似浸喺油裏面咁，非常油膩，見到已經唔係好想食，加上酸梅醬太過酸，絕對唔享受呢一頓飯！我食過不少出名的燒鵝餐廳，這間真的令我非常失望！自從走塑之後飲食習慣也要改變了，以前一路吃一路飲，現在已經不敢把只飲管一早放在凍飲品裏了，只好忍忍忍到最後吃完飯才一次過把飲管放入飲品裏，如果唔係就會溶晒。講返這家餐廳，以他們收這樣高的價錢，絕對不是一個好的選擇！可以慳返！

環境：就係保齡球館入面，同一個大門入，冷氣好足！甘一刀叉燒：肥而不漏，外圍好似焦糖包住咁，個人覺得太甜了燒鵝：下莊已經沽清，得返上莊，皮係夠脆嘅，不過肉有啲鞋，可能下莊會好啲

燒鵝醬汁唔錯嘅，但係肉質有啲鞋，皮下果層脂肪太多了，好影響口感，而且有啲碎骨，感覺其實一般！叉燒唔肥唔瘦，入口即溶，一人一舊啱啱好，麵嘅湯底就偏鹹,本嚟想試埋個金錢雞，不過驚食唔晒，唯有下次啦