Video
成豐片廠直入
continue reading
Good For
Group Dining
Opening Hours
Mon - Sun
13:00 - 00:00
Above information is for reference only. Please check details with the restaurant.
Signature Dishes
首先，燒烤場的位置非常隱蔽，無論駕車或搭的士，都極度難搵，搭的士嘅，仲好大機會比的士司機黑面添，而走嘅時候，就唔駛諗會有的士黎接你喇！終於入到燒烤場，老闆娘好快就問：係咪X先生訂架？我答係，佢再問你哋幾位？我話十幾個到啦！佢就用一個非常惡劣嘅態度問：你講唔出幾多位，我安排唔到位比你喎！果度啲所謂位，根本十三個同十九個係無分別，但佢就用佢惡劣嘅態度不斷問人數，又追問幾多個大人，幾多個小朋友，又問有無狗（因帶狗每隻收$20），根本就係為咗收$，絕對唔係因為安排，未齊人就叫我哋比$，大人收$198，小童收$138，我哋14個大人，2個小童，開咗1個爐仲要三吹四請先肯開多個爐，我哋比成三千幾蚊，唔通仲要16個人用1個爐？由於是節日関係，此價錢並唔包飲品，汽水每罐$12，老闆娘仲要用惡劣嘅態度話呢款無，果款又無，因有小朋友関係問佢攞飲管，佢依然用佢惡劣嘅態度話因為支持環保所以都無！食物有不同嘅丸，腸仔、牛排、豬排、好似手掌咁大嘅大眼雞、金沙骨同魷魚，話就話任食，但每次再要加食物嘅時候如同乞食，非常𣎴滿咁問你想要乜，每個爐只比一包一包炭，再加每包$50，16人包兩枝蜜糖，比少左一枝我哋話佢知仲要覺得我哋講大話！果度非常多蚊，而宜全場除咗老闆娘同一個亞叔，其餘員工都係南亞裔人士，而且人手非不足，所以，要攞食物就要向老闆娘乞喇！我仲見到有兩個客人，好友善咁同老闆娘講話佢重複收咗佢哋$，老闆娘第一句就以佢惡劣嘅態度問：咁你即係想點？好在果位男仕亦唔嘢少，退返$之後叫老闆娘開返張單，老闆娘就話自己好忙，叫男仕再提佢，果男仕就話：咁我宜家提你，你開張單攞比我！老闆娘當堂無聲出，呵呵！總之如果想要比錢，又要受氣嘅，呢度真係首選！
continue reading
之前有fd 食過話ok ~話個view 幾令野食唔錯~打去book 果陣話好近,的士去都係$40 左右,不過塞車搭左$7x 先去到~要搭的士一定要搭綠的,紅的貴d 之餘仲要未必識去ga~中秋節正日去bbq ,點知去到好失望,$158 任食仲要冇野飲~bbq 黎講都算貴~咁貴應該好多野食好多款先係ga ma~黎黎去去都係果d 野食~都係得d 腸仔牛排豬排魚蛋果d 野~豬排好咸~唔買佢地d 野飲都唔得la~個toilet 好dirty ,又冇皂液洗手~要用就自備la~唯一個view 又真係幾靚~
continue reading
店長服務十分差劣，老闆娘惡到死，係咁趕客走.食物份量完全不足，老闆本來話左可以加，老闆娘之後又話唔可以 (唯有同佢鬥交解决)環境係好，食物過得去，但係食到成肚氣 有人比錢請我都唔再去.
continue reading
上openrice見d相幾靚, 室外bbq又驚落雨, 所以搵左呢個場試下~店主話搭車黎落左車好易搵....行5分鐘就到.....最後我地自己揸車....都搵左好耐先到..大家留意, bbq場幾難搵, 唔係自己開車真係要行起碼15分鐘....中途會有唔少流浪狗...場內環境比想像中靚, 幾多新奇野玩...例如"千秋",搖椅, 搖床等等....仲有唔少亭仔...適合一堆人燒完野食圍埋玩...我地幾pair情侶去, 都覺得幾好feel ...而且影相出黎d相幾靚...野食就一般啦...幸好未有下面d人兄所講,食到d變左味既野....我地食既係$ 138既普通餐......不過自己愉愉地帶左唔少海鮮去燒...不過冇人理既...因為根本冇人會招呼你....都冇人會行埋黎....所以最後我地只係食左場內提供既肉, 咩丸呀腸仔o個d都冇食過(所以食唔到叔味!?)...提醒大家最好自備飲料同多一包炭...因為o個度買唔抵....當晚有唔少一大堆後生仔同一家大細黎玩....有唔少小朋友打羽毛球...又有人放狗玩...以上活動呢個場係幾適合既....總括黎講, 一堆人玩下﹑燒下野食﹑影下相都幾好, 但食物方面唔好有咁高期望,同埋地方幾偏僻, 要有心理準備比較難搵。
continue reading
其實上年有黎幫襯過,當時印象極好,環境優美,野食又真係唔差當時,我地一行人已經諗住飛甩食左多年既燒x王年中有一次想去但佢地俾人包場, 無緣今次去,懷住見返胡鬚既心情(有隻貓唔怕人,抱佢上手唔會跑返落黎,直至你覺得夠為止)去到,招呼好唔錯,員工好照顧人,又好禮貌地方---今次好多人呀,周圍的玩意多左好多魚池---有條死魚所有野都唔錯,錯就錯在d野食.....唔知係咪地價貴,138蚊既價錢佢地賺唔夠80%以上既野食係好咸又多味精的,當各位覺得咸又渴既時候有咩解決方法呢?就係買野飲囉佢地d汽水唔算好貴,只係7蚊,比起迪迪尼平好多架啦質素差左,賺完前人既笑後唔識keep住個質素以前d野食係你走到去櫃台前向佢要依家竟然係用自助餐果種熟食架囉,係有蓋不過咁多人玩過,仲玩足成日,不幸地我地食既野,腸仔,魚旦同豬扒都有怪味尤其魚旦同腸仔仲有叔味三粒魚旦同時燒,燒完後可以係一粒硬既兩粒軟既牛扒肉爽但過咸,豬扒係靚位,件件有骨,但都係過咸,食完係即時口乾幾經辛苦發現有燒賣,但係乃屬粉多的魚肉燒賣,蒸可能還可以入口,但燒就....雞翼我無食過啊,因為難燒,不過就無聽到朋友話D雞翼唔好囉講真,呢度最大好處係你可以帶埋狗黎,d玩具又真係岩狗玩,大狗細狗都可以周山跑好開心但如果閣下無養狗....講好食講平,大把地方好過呢度
continue reading