佳佳甜品

Open Now

Now Closed

對上一次食係佐敦，都兩年多前，當時一系列中式甜品，紅豆沙，各式糊露，火候同味道都與別不同。旺角呢間新舖，完全唔係果回事⋯.唔怪得完全無人排隊。始終係糖水舖，佢唔會極級難食，但只係一間極其普通既糖水舖。我諗我應該唔會再去了，畢竟掛住佳佳既招牌，但俾咁既貨，失望實在在所難免。只可惜，同好多結業既老舖一樣，隨住呢幾年，佳佳以前既味道一去不返了。今日點左個紅豆沙加湯圓以前既佳佳會俾到碗唔太甜，又有少少陳皮香吊一吊味既糖水你。今日食既，只係一碗好食過酒樓送既紅豆沙

由舊店於佐敦的佳佳，再食到於旺角新店的佳佳，疫情後的水準，真的退步了很多。不知道以前煮綠豆沙的老師傅是否已退休，還是穩座摘下了米芝蓮的稱號，就沒有再用心去做糖水了，很失望。佳佳的綠豆沙，以百合、臭草去煮，該是清香撲鼻、百合亦煲至粉香。然而，現在的綠豆沙沒見綠豆，尤如頗甜的糖加水一樣。雖然都有百合，但煮的時間不夠，百合沒有化開變粉。加了3粒湯丸，這個品質就沒有變，也許是貨源沒變吧！調整價錢沒問題，因成本上升；然而換了小碗，湯丸亦不可另上，質素比即食糖水更差，真的令人失望至極。佐敦店有一個女職員，就算非繁忙時段，全店都沒10個人，她都要指定你坐於走廊位，那怕我10分鐘就食完離開，真的莫名其妙。旺角店的職員就好有禮貌，值得讚揚。

晚飯後想吃點甜品解饞，這次來到旺角的「佳佳甜品」，試試他們的招牌楊枝甘露和腐竹白果糖水，感覺是不錯的選擇。店面位於旺角熱鬧地段，進門後竹條天花板和木質裝潢設計帶點日式風情，牆上掛滿甜品介紹的畫作，環境溫馨又有格調。值得一提的是，佳佳甜品以往人氣旺盛，較早前需要排隊才能入座，但當日運氣不錯，無需排隊直接入內，節省了不少時間。不過要注意，座位設計有點狹窄，特別是晚市高峰期，空間有點擠迫，建議避開人多時段入座。這晚點了凍楊枝甘露，色澤鮮艷的芒果湯底散發濃郁果香，西米粒Q彈適中，配上微甜的椰奶，口感層次豐富，甜度控制得宜，冰涼的口感非常解膩，質素確實值得一讚。另一款凍腐竹白果糖水同樣清爽，腐竹軟滑，白果香氣撲鼻，湯底清甜不膩，冰涼的感覺在晚餐後特別舒爽，帶來清新體驗。服務員態度友善，點餐和上菜速度尚可，惟高峰期稍為忙亂，建議提前預約。環境方面，天花竹條設計別出心裁，配合暖黃燈光，營造出舒適氣氛，牆上的甜品畫作也增添了不少藝術感。但座位間距確實偏窄，特別是靠窗或門口位置，活動空間有限，長時間坐可能會感到不適。衛生方面，店內保持乾淨，餐具也算整潔，給人放心感。總體來說，佳佳甜品的甜品質素穩定，凍楊

中式甜品舖一定要去佳佳甜品，朋友平時都係食腐竹白果薏米糖水，今次我就揀咗番薯糖水加湯圓。番薯糖水重薑味，好驅風食完好舒服，腐竹白果薏米依然保持到味道。之前每次去都會食合桃露，不過發現除咗合桃露其他都唔錯。

好日都唔出旺角，食完晚飯見又唔係晏，點都搵返個糖水食啦，行行吓見到佳佳，似係加盟店，坐滿人又幾多人排隊，諗住佳佳分店應該唔會太差啦，點知伏到不能，叫咗兩溝嘅糊好似水咁稀，芝麻糊加綠豆沙冇綠豆味，一樣又係稀，連芝麻糊都可以水咁稀真係冇嘢講，楊枝甘露啲西米硬，又冇奶或椰汁，咁邊似楊枝甘露呀，一係就另上畀人自己落，完全冇真係冇咗個靈魂，湯丸就冇乜特別，都係嗰啲現成嘢，普普通通，總之叫嗰啲都係唔掂嘅嘢，伏到咁，真係試一次夠啦

係旺角同朋友食完晚餐經過見到米芝蓮推薦 就入去試下，吾洗等位 嗌左碗熱芝麻糊同凍冰花燉蛋-芝麻糊 : 上枱係熱但好甜，一食就知係芝麻粉沖個種，好一般。-冰花燉蛋 : 蒸得太老，好甜，好鞋口，用匙羹一不就好散，重點吾滑身。-因為太甜慢慢食，食食下門口有人排隊 店員就好急要清枱 問左幾次食完未。未食完碗糖水就有店員過黎講「其實用餐時間係30分鐘，因為係繁忙時間 所以要清枱」，只能講冇下次吾好食 服務又差，原來咁都可以米芝連。