嘉寶漢堡 (和益中心)

Open Now

Now Closed

有咁質素和水準真係唔錯，份量夠套餐好抵食！食得出係用心做，性價比高！真唔洗去M記！ 准一希望要小小改進就係在盒子上要注明是那款包，因為order 咗5個，返到屋企要每個打開睇有點麻煩！

終於第一次試呢間無人不曉既港式連鎖快餐店😹呢度係全自助形式，價位亦都平民化，可以一戰🤭▪️ 烤菇芝士牛堡 + 升級套餐 - 小食一款及飲品 💲57 + 16幾欣賞個漢堡包，烤烘得挺脆身之餘有香濃牛油味，不過鬆軟度就一般🍞內裏既大啡菇都幾Juicy，塊牛間中有筋位，但有加上烤洋蔥既關係，食落香口會滴汁😗雙層芝士如果再溶啲更好🧀️薯條唔係幼脆身，而係好扁粗偏粉似薯角嗰種口感，會更加飽肚🍟至於燒賣就不過不失，無話有咩特別🤨🔎 整體評分（7.5/10）

無謂堂食外賣都無減質數👍🏻70幾蚊就有齊包+薯條🍟+飲品未打開已經聞到好香，個紙盒高身設計，個包唔會扁布利芝士牛肉漢堡包個包個面仲keep到脆，芝士係半溶，目測有成2cm厚，牛肉個面少少焦香、保留到肉汁，非常juicy唔乾蕃茄、生菜顏色仲有鮮、翠綠，唔似一早切定洗定放雪櫃啲蔬菜。份量好夠、味道都正，唔會過多醬汁。薯條第一眼望好似唔多，但係原薯仔切條炸，好有份量，無炸黑同變淋👍🏻鹽唔好過多啱啱好。食完好有滿足感😁

同朋友黎到尖沙咀 試一試出咗名 平靚正嘅嘉寶漢堡 個日入到去都幾多人 接近full house. 我哋叫左一個蝦堡 羊堡 蕃薯條 BBQ雞翼 同埋 粟米片雞塊 埋單$156 都好飽 不過唔覺得特別平 可能跟餐啲小食都係偏貴 值得一讚係個羊堡 出面好少連鎖快餐店有嘅 而佢都唔會好羶 肉味香夠juicy 面包同醬汁就正正常常 整體而言都可以一試。而蝦堡就好普通 唔係特別好食 mos burger 嘅蝦堡好食好多 可以skip 😐 雞翼bbq 汁好食 但雞翼有啲乾 驚喜係粟米片雞塊 同McDonald’s 既感覺好唔同 再juicy 一啲 調味唔錯 同粟米片幾夾 意外好食 一口接一口。Overall 都會有下一次 大家可以一試 不過唔好期望好似出面講到咁好食 勉強above average la 🤙🏻

個賣相相當吸引，好香既牛味，濃濃既熱溶芝士包住塊牛肉🤤咬落去勁多肉汁，超juicy，個肉一啲都唔會老而且煎得好香😚我覺得佢個包都好好食，係有有脆脆地，微微烤過既感覺，十分好！因為好多快餐形式既漢堡個包都會好濕，而且淋晒，但喱個完全冇喱個問題☺️薯條，薯格薯條佢係粗薯嚟，就冇太大特別，同其他店既差唔多，反而薯格好惹味！炸到好脆口，份量都幾多，現加唔係好多快餐店有得叫薯格，所以我覺得喱個薯格都係必食既其中一樣🤩

好耐無食過burger啦🤧終於可以食返次，解下癮！望咗個menu好耐都唔知揀咩好，樣樣都好吸引咁🤤仲有啲平時少啲見嘅羊肉burger同炸燒賣！最後揀咗大路啲嘅薯餅牛堡同炸燒賣。好難客觀評分，我一有薯餅就會覺得係好食😆個薯餅仲有少少脆，唔太油，同個包好夾，件扒就係juicy嘅～正！炸燒賣好好食，係童年去小食店篤燒賣嘅回憶😆

晚上要在尖沙咀做點事情，又碰著禁晚市堂食，就在OpenRice 隨手搵下附近有咩方便隨街食、又飽肚嘅嘢食，就見到呢間，仲可以網上落單，啱晒！勁肚餓呢！落單後app顯示10 分鐘就有得取，行到過去鋪頭，見到顯示板剛好show左我地嘅number, 完全唔使等，非常之好！行1分鐘，去到K11 戶外廣場，一如所料所有座位已坐滿人，大家都開緊餐。我地行埋一邊，搵到舊大石🪨俾我地放低食物慢慢食，已經很高興。在街邊食外賣最怕油淋淋，不過嘉寶整得好企理，仲有支竹簽拮住個包，食得好方便。烤菇芝士牛堡：有原個磨菇，好香好juicy，芝士係半溶狀態，正！蜜糖芥末芝士牛堡：有片煎過嘅菠蘿，香香甜甜，超級好味。取外賣時，見到餐廳入面都好光猛乾淨，座位都唔少，希望下次可以堂食，試多幾樣小食啦！

宜家m記啲包又貴又食唔飽簡直細過兒童餐就算有天團加持都少咗幫襯lu尖沙咀呢間漢堡非常出名好多人試過都讚好今日終於到我去試食完真係覺得唔錯wo包嘅種類都算多我揀咗個最貴嘅辣蘑菇煙肉牛漢堡個醬係比較重口味不過重得嚟係惹味唔口渴開頭睇個包烘到咁脆以為好硬點知又唔會wo亦唔會跌到周圍麵包碎牛肉多汁，但牛肉味欠奉不過咁嘅價格合格有突加埋啲芝士、醬汁、煙肉都真係夠曬味架啦係覺得個蘑菇比較少啲跟餐可以叫炸燒賣又幾特別wo未見過其他漢堡店有充滿港式風味呢個好好食少少鹽唔會好咸燒賣魚肉味喺炸完之後超出魚肉質地又有啲煙煙韌韌又夠熱我可能會為咗個炸燒賣而返轉頭！

次次經過嘉寶都超級多人， 排隊排到出門口。 今次特登weekdays 下就避開食飯時間過嚟食個漢堡包。嘉寶漢堡d combination 超級多， 基本上隨你自己鐘意， 點拼都得， 自由度好高。 今次我揀左芝士菇雞扒漢堡， 雞扒皮脆肉嫩～ 好正， 菇煎得好香但又keep到好多汁！而且一個已經好大個， 夠曬份量食完返到屋企已經想再食多一個！！！下次搵多幾個人再加埋其他小食， 炸燒賣好吸引～ 小食加飲品都係十幾蚊其實好抵可惜一個人食唔晒

—搬咗新鋪位之後第一次嚟食人氣依然 雖然係快餐 但keep住有人排隊所以都有d壓力 不是本意地俾等位嘅人望住烤菇芝士牛堡($57)大啡菇濕潤多汁 烤洋蔥好惹味因為漢堡包太厚 一啖咬唔晒諗住分開嚟食 點知見到塊肉煎到燶晒☠️好似冇咗以前會有wow咁好食嘅感覺套餐(+$16) 有小食同飲品而番薯條(另+$5) 脆身香甜食炸嘢飲汽水就最夾————————————————————嘉寶漢堡尖沙咀寶勒巷9-11號和益中心地下

.又黎到禁晚市堂食14日🥺但大家繼續要支持良心小店呀💛今次下午茶黎到高質香港人漢堡直頭可以取替國際品牌漢堡薯條呀🍔🍟.🥢芝士牛堡加煙肉 $40 + $8呢個牛真係超級正🐮完全同國際品牌冇得比勁厚身又要去勁重牛味個包仲要兩邊都烘過食落唔乾身🍞加埋煙肉感覺個包好豐富🥓.🥢 日式芥末蝦堡 $62本身唔食牛既朋友有福啦呢個蝦堡超好食🤩芥末醬配埋炸蝦真係好好食🍤超級推介呢個.🥢蕃薯條跟餐有好多選擇特別推介呢個蕃薯條🍟比起普通薯條更脆更好味實心既蕃薯條食完真係超full🤣.

尼間漢堡店在尖沙咀金巴利道時，每次都見到勁長龍，好難食得到 🤣 到之後佢開在寶勒巷較大既地鋪，今次早少少去試試佢，終於食得到 😆 不過離開店時發現原來長長人龍都係會繼續有 😎⁡🐻食後感‼️⁡✨「黑松露芝士牛堡」$52見到不少朋友大讚尼款漢堡，果然無令🐻失望，黑松露醬勁厚一層，咬落去連埋厚厚牛肉🐮、融曬既芝士🧀同新鮮生菜蕃茄🍅🥬 真係幾正🥰 最意想不到佢既漢堡既麵包微脆暖暖的，大推‼️⁡✨「炸燒賣+可樂」$16（升級套餐價）建議大家要升級套餐，因為性價比好高，非常推介大家試佢既炸燒賣，真心無得輸 😭 炸得唔會過火，魚肉燒賣都係好味個款，最開心係份量唔少😆大推‼️

睇完某KOL 介紹香港既漢堡包，見呢間評分幾高又未食過，所以想去試下。兩個人叫左一個烤菇芝士牛肉漢堡同埋一個黑松露芝士牛肉漢堡。當然唔少得叫罐可樂消下滯。先講下烤菇芝士牛肉漢堡，餐包鬆軟，牛肉多汁，芝士味濃，加上非常香既烤菇，連埋一齊食簡直係一絕。另外個黑松露芝士牛肉漢堡同樣好食，分別係超濃烈嘅黑松露味，增加食慾。Overall嚟講烤菇芝士牛肉漢堡比較抵食。晚市餐廳比較多人，可能要啲時間搵位，空間都比較窄。

美國快餐店食漢堡包就食得多，咁你有冇試過喺港式快餐店食呢？如果冇嘅話咁你就可能想試下嘉寶啦。同之前嘅漢堡包post 一樣，我就只係試左最基本嘅牛堡，其他好出名嘅食物，例如炸燒賣我就冇試啦。————————————————🍔 芝士牛堡, $40（2/5）漢堡由烘烤麵包、千島醬、炒洋蔥、牛肉、番茄、生菜、沙律醬而成，成個包高大約5-6cm到，一啖食晒完全冇問題。食落啲番茄同生菜十分新鮮，另外炒洋蔥都加強左包嘅風味。但漢堡扒比較鬆散同食落唔算好有牛味，所以自己唔算好鐘意。而且醬汁太水令到個包浸淋左，有少少失望。不過講真佢又唔算好貴，如果唔想食麥記都可以諗下。

🐔凱撒雞扒堡🍔單點💲4️⃣0️⃣呢個自己就覺得比較普通😮因為配料唔多 只有生菜同雞扒係冇再另外加醬 所以味道都冇乜層次🤣但讚嘅係雞扒幾香脆 肉質都幾嫩🤤但下次自己就會揀個多D配料嘅/食返豬堡☺️🐮烤菇芝士牛堡🍔單點💲5️⃣7️⃣呢個超超超大個！勁足料😂有一舊超大啡菇 仲有生菜🥬番茄🍅一啖真係咬唔哂 仲要啲芝士漏哂出嚟 好邪惡🧀朋友就大讚話呢個幾好味😋兩個包皮都係烤過 係脆脆地😆配套餐加💲1️⃣6️⃣（包薯條/燒賣/薯格 …. 同飲品 凍飲加$2)薯條啱啱新鮮炸好 好香脆🍟追加小食 BBQ雞翼(2隻) 💲1️⃣0️⃣個汁對我哋嚟講 比較鹹一啲 所以麻麻地