火間土 (Closed)

來火間土，多是hh，很少吃東西。飯局時間未到，就跟友人先喝一杯。在西式與日式之間，選了後者，不想走到和居和居，就來了這兒。這裡環境相當優美，裝修間隔跟老店同出一轍。天氣有點熱，就來兩杯大「太陽」生啤解解渴，爽口清涼，感覺無以尚之。瞄瞄餐牌，乍見有兩款「鹽辛」，分別是魷魚及螢光魷魚，大喜，後者上次在函館錯過了，這次一於兩款皆要，另加炸雞軟骨一客。鹽辛魷魚的做法是將生魷魚切絲，浸以味噌、鹽及酒，嚼起來又鮮美又鹹香。此品本是燒酌的良伴，然配以生啤，竟又是另一番風味。大家邊吃邊大口的喝，豪氣十足。螢火魷魚更加出色，是原隻的小魷魚，味道比前者更鮮香。因為是空運的雪藏貨，比起正宗新鮮的，還欠一點鹹鮮；然在港吃到此品，還有如斯水準，已很滿足，結果還要追加兩杯大生啤來下！炸雞軟骨粉漿太厚，不夠香也不太脆，不提也罷。難得找到一位能一起吃清兩碟鹽辛的朋友，有意思；大家豪情地喝着生啤，小節不拘，也真夠痛快。

同同事一齊去食，佢畀左間幾闊落的房畀我地，都算坐得幾舒服。落order，個waitress懶叻咁記code number，我地就由頭更正一次我地要d咩。點知就真係出事，佢拎左一碟大家冇叫既野黎(因為有人試過話果個dish麻麻，所以我地一定冇叫到，估佢係記錯左code……)，我地同佢講冇叫過，佢就拎住碟野又出又入兩三次話唔得ga wor，我地係叫左，仲拎佢張order紙話佢真係落左呢個dish……呢個時候大家都發火，因為我地已經更正左一次我地要d咩，身為一個好的waitress，佢應該自己跟足d，落完order覆一次大家叫左d咩，黎錯左我地都冇聲出啦~ 問題係佢冇呀嘛，跟住佢就黑曬面咁走~ 呢個係咩service? 最後佢都換左serve我地既人，而事情亦都告一段落。叫左好多野食，佢既碟頭細細件，可以叫多d種類，不過人多就唔夠分。味道唔錯，例如香芒卷、魚生飯，而sake既款都多，個梅酒好易入口。dessert都有好多選擇……一班人食得好開心總括黎講比較咁多間大眾化日式料理，呢間無論係裝修同食物都比較好，值得去試~

情人節同女友訂2人房，初頭仲以為會真係有間獨立房，又話要收最近消費$550，但原來只係一個counter，窗都無，對住面牆，很失望。食物不想多談，因為很普通，魚生和帶子不算特別新鮮，串燒也有點乾，是鐵板牛柳比較好吃，其他則很普通，甚至坊間一些放題弄得比它還好吃。由於設最低消費$550，但我們二人又吃不下那麼多東西，只叫了三百多元已經很飽，但總沒可能白白浪費那百多元吧！我們只好叫侍應幫我們計算一下還欠多少才夠單，然後視乎情況再叫點甜品或小食，豈料她竟以惡劣態度回應說：「唉，陣間先啦好冇？」簡直想發脾氣一樣。事實上她整晚實在很忙，要一個人serve一整排的counter(當晚我坐在第一排)，實在應接不暇。算了，今晚是情人節，我不想罵人，儘管不怪她，這是她公司人手不足的問題，但既然生意那麼好，為什麼不多聘人手呢？不過，我是顧客，付了錢來吃東西，總不能受氣吧！還有，我們來吃刺身，但點刺身的豉油碟也沒有、還有湯匙、碗子、添茶、落ORDER等，都是三催四請才有人過來（我們甚至等了十五分鐘也沒有人添茶，結果要自己去拿一壺過來，但也是凍的，而且只餘一小杯），以一家價錢算中上的日本料理來說，服務真的非常

北京道一號火間土由於男朋友上星期已到來訂房所以我們的房間非常"正"面對維港景色，十分醉人還剛好看到有煙火的幻彩泳香江火間土的食物非常美味魚生非常新鮮各方面都好滿意~

好耐未同過男友仔去食dinner,所以打算食豪少少,去左火間土去到waiter 問要唔要二人房,total min charge $330, 都ok啦... 兩人點了: 牛肉火鍋--呢個一般咁啦,不過勝在夠熱,而且都算係幾大鍋壽司拚盤--total 有13件壽司,都幾新鮮,ok! 雜錦天婦羅--炸得好脆,脆粉唔會太厚,唔錯!! 雞腎串燒2串--好味道!!唔會太乾!! 雞翼串燒2串--都係唔錯多春魚串燒2串--呢個就一般姐,可能我同食果陣已經凍左有關.... 個二人房好有privacy,min charge都不過係$330,唔算貴,食物味道就算係中上咁la 下次黎會唔要二人房,見到個menu都有平有貴0既選擇!!

食物真係唔錯,水準都ok食物精緻同相個d都係一樣,鰻魚卷,油甘魚壽司同炸軟殼蟹飯,吉列炸蠔都幾好,直得去食,但係我唔like個到d服務度,我想去叫野食啦,個位女侍應叫佢\,都唔應人係到同個女同事傾計,傾計到我叫佢\都唔知我叫佢\,有人等同冇人,佢\重係到好大聲,講粗口,我聽到都打左個特,我有個仔仔,學左個位女侍應講粗口,我叫個仔仔唔好學個位女侍應說話,我不想在叫佢\service我,我見到個年紀較大的女人叫佢\service我,我真係好想同佢\個經理講個位yee女侍應的問題,但是我想安心食野,冇同佢\個經理,食物好但服務差,我真係比錢佢\教我個仔仔講粗口啊,唉.......= =

三個女仔食飯，由於其中一位唔食生野，所以我地主要都係叫熟野。環境ok，今次坐除鞋位，自成一角，唔會受到其他人騷擾。叫左特色火間土卷，朋友話一啲都唔特別，其實即係鰻魚卷。油甘魚壽司同炸軟殼蟹飯都幾好，吉列炸蠔同粟米就普普通通。最後甜品要左芒果雪糕盤同綠茶雪糕，墊住個芒果雪糕既蛋糕硬到爆，食唔到，敗筆﹗

在這裏食凍的食物最好, 因為保證全程都夠冷凍...坐的位置冷氣開到盡, 冷風對正頭頂吹, 又是趕客位! 對上星期到尖沙咀魚一丁也是同樣情況, 為何他們不響應一下, 把室溫調高一點呢! 想做多點生意也不應用此一著吖!?說回食物, 水準是不俗的。食材新鮮, 份量雖不算大, 但也不會是超精緻, 屬中等份量, 可接受。最愛冷烏東, 烏東彈牙, 煙煙韌韌的, 有咬口。白汁帶點芝士味, 淡淡的, 不膩。剌生新鮮, 切成厚片, 賣相相當吸引。可惜, 今次因病無福消受...炸雞軟骨、炸軟殼蟹壽司、韓式雞蛋炒飯等都是不錯選擇。整體而言, 食物水準中上, 有8 分。熱葷要快食, 不然很快變成冷盤, 冷氣大勁了吧!

四個人上去食,覺得唔係咁抵,兩個原因:1)貴得唔值,2)服務差去到點食物時叫極都無人理,好似當我地透明咁,當時都成9點多(平日),唔係咁多人,落單時又唔多耐煩咁.叫左刺身,但係唔識得俾豉油碟,要問才有.而且d刺身唔新鮮.食到一半天花板滴水,起初只係滴一滴落我男友手上,咁費事換位,後來連我那邊都滴,咁咪叫人換位囉,反正隔離個位都無人坐.個職員係俾我地換,但叫我地坐底後就無理我地,乜唔係應該幫我地將食物過台換過d杯碟俾我地架咩?我地呆等到我朋友話係咪要自己動手架...我話當然唔駛啦,你估大排檔咩,哩d係基本服務黎架嘛......終於有一個年紀較大的女人(比較正常)同一個日本人(可能係經理)幫我地.班年青的侍應就無個幫手,掛住傾計.總之無下次~~

同事想去的日式餐廳內部工事中, 在街上見到了火間土, 想起腦內也有這間食店的名字, 即管一試!午市的定食選擇十分之多, 價錢由58至200都有, 大部分約7x-8x左右. 要了一客炸魚餅烏冬定食.先吃烏冬, 口感算是不錯, 有嚼口, 湯底的味度適中, 整体雖不是一級的貨色, 也交足貨...沙律...唔...不太好吃...沙律醬太膩..魚餅, 外皮炸得不錯, 不會太油, 而內裡是糊狀的東西, 蠻不錯的炸物!而壽司...新鮮度還可以, 一般的貨色也不會要求什麼, 沒什麼評論了...布甸, iced coffee, 水準不行...雖然大堆頭, 但這樣的價錢可吃到更好的, 沒下次了~

三個人去食，訂了位，去到萬里無人，包廳。環境和座位都幾好，尤其是一入門口那個竹林景。服務員由無人的時候服侍周到，至有多些人客時對顧客不啾不啋，真是有戲劇性的變化。食物方面：刺身很新鮮、冷烏冬好味、其他的都有特色，可惜每樣的份量很有限。食物質素為中上級，不過都覺得太貴，可能是因為在銅鑼灣區。短期內都無錢再去。

一d service都冇囉叫佢加茶，witress淨係加一杯，其他個d又唔加叫多佢幾次加水，佢竟然成壺水放係度自己來.......真係好過份收碟時又叫我地第d碟比佢喎.....哇...真係有冇搞錯又漏order真係好唔得環境好嘈，background music好大聲，傾偈都要好大聲d野咪又係香港旳日本野，唔係話好好食食得咁貴，一d都唔飽，因為d野實在太細service真係差到冇人有

星期五晚同客食飯, 去左火間土d 食物同和民差唔多, 都係居酒屋咁囉...但係成條"小路" 十間房, 得一個人serve... service 唔夠好啦. 成枱係碟, 食完無人收左去...食物味道ok, 但係以咁o既價錢, 又唔係好抵囉

早一個星期已經reserved間二人房, 但係今日(情人節)打去reconfirm, 佢地竟然話我book左既係檯唔係房, 仲要話可能係我同佢個員工溝通上既問題!! 只可以俾到張檯我......房一定無.我可以將我book檯成個conversation原原本本講一次出黎, 我好肯定我一定係訂左間non-smoking area 既2人房, 連坐我隔離, 聽住我講電話既同事都可以做証, 佢地既死唔應錯同補鑊既態度都好有問題. 因此, 我同我所有既朋友都唔會再去火間土, 睇下佢地幾時"摺"

兩個人去到, 唔洗等就有位, 除左鞋就諗住入去坐低啦. (建議那些放在一邊的拖鞋貼上"員工"字眼較好, 有不少人都穿了入去坐.) 咁去到仲有好多位剩, 咁就梗係揀個自己鍾意的位置坐啦! 點知唔得, 一定要坐安排好那張檯, 都唔知話佢制度好定抑或要睇多d劉華個廣告!一張四人台兩個人坐, 係要張d 杯同筷子擺響一邊, 有兩個我諗唔俾人搭台的吉位響隔離, 何不擺響正中等客人感覺闊落d呢?好喇, 講完坐位講野食, 叫左以下食品:芒果乳酪/酸(無酒精)- 無冰更好, 味道稍淡.士多啤梨奶- 有珍珠? 好似仙記飲品, 味道唔知, 不過又係好大粒冰.串燒芝士- 好味, 口感唔錯, 唔"流"."火間土卷"- 味道一般."火間土雜錦刺身飯"- ~$150碗的, 可惜唔新鮮, 不過D刺身都擺放得好好.總括黎講, 就係手工好, 用料差.再講返服務, 成日唔見人, 想叫人就好徬徨.講裝修擺設, 都唔錯, 都算有睇頭, 不過擺個裝住茶印住啤酒牌子的膠Jug 要客人自斟自飲又未面太失禮, 擺個茶壺都得掛.講環境, 本身無乜野, 可惜其他客好嘈, 破壞氣氛, 唔知有非吸煙區外, 可唔可以有靜音區.埋單$396, 一