Joey's (Closed)

人與人的關係真的很微妙，可以在試食活動中認識到年紀相約、價值觀、思想近似的朋友實在不易，但緣份讓我們遇上! 今年聖誕，還收到食友特別從西灣河的Joey餅店買來的聖誕曲奇. 小小的曲奇包裝絕不馬虎，面層印上薑餅人及雪人圖案，還有透明的部份是一棵聖誕樹來的，可以透出內裡的數款曲奇，可見設計是花過心思的. 6款口味的曲奇包括mocha cashews, double happiness, cranberry & sesame wheat stick, england earl grey, sunshine lemon, christmas matcha cookie. 曲奇味道天然而且很鬆化，個人特別喜好cranberry & sesame wheat stick & christmas matcha cookie.  前者有有小紅乾，咬落煙煙韌韌，亦有芝麻香味，脆脆的曲奇令人回味無窮. 後者是抹茶味的薑餅人造型曲奇，賣相已經搶去大量分數，另抹茶味甘苦，味道亦不過甜，清淡的味道幾適合愛健康的朋友. 感謝您的心意，希望2014年我們可以結伴同試不同的餐廳，還有多吃也不會胖啦^^ …Read More

之前聽聞過，見啲食評話任試，今日嚟試下囉。一包曲奇10零塊成$50-$75，都幾貴。味道ok(何謂ok? 唔死甜，死鬆，食得出唔係用一般嘅香精／餡料，因為嗰川餅出黎同一個味）款式：有傳統，又有新款，可見佢穩中求進步最Like佢隻紅莓芝麻麥條，好好趙，又好味，食到紅莓肉，感覺上又健康啲dark brownies係朱古力味中最正(同最唔甜),不過食一塊就好溜𥄫過佢個廚房，見可2、3個90後係度整餅，後生仔加油呀，將來要做個出色餅廚呀見係有heart嘅本地製作，會盡量支持，不過唔知點解有keychain賣，唔通都係本地handmade?…Read More

「第 500 天的紀念日，到底如何製造驚喜呢？」這個問題，困擾了我一段時間。我希望今次的禮物是更獨一無二的東西。思前想後，計劃訂製曲奇餅送給安娜。　　在網上搜尋過，可惜找不到味道有保證，手工又要精緻的曲奇餅。這時候，我想起了 Joey's 這間我頗喜歡的小店，雖然他們的網頁沒有訂製曲奇的服務，但抱著 101 % 要做到為止的決心，我居然走上門去問：「請問你們可以為客人度身訂造曲奇嗎？」而很幸運地，店員小姐的回答是：「有的。」否則，我便要買朱古力醬，自行在餅上畫公仔了。跟女店員談了很長時間，只見她耐心地介紹不同造型的曲奇，有心型的、蝴蝶、兔子、男女孩等等，印象中有近三十種；她又拿出樣版，展示實物的效果，想不到竟因此被我發現了更驚喜的東西！原來，可以透過食用色素將相片打印在糖紙上，然後再貼到曲奇餅上面，打造真正獨一無二的小禮物。於是，我決定回家親手設計只屬於我和她的禮物。畫了兩幅圖，然後用電郵傳給 Joey's。第二天回到店舖落實訂單，接待我的是態度親切的女店主本人。由於印一張 A4 糖紙的價格是 $220，店主建議考慮由師傅依照圖樣，在餅上繪圖，會划算得多。不過，我微笑地堅持：「沒關係，我要自己親手畫的，最重要是靚！」　　今次我一共訂了兩 Set 曲奇餅，每一 Set 包括了兩塊糖紙心形曲奇、兩塊男女孩造型曲奇，都是牛油味的。心形曲奇上面分別印了我畫的 Simon 與 Anna 公仔。男女孩造型曲奇，則簡單地畫了笑臉，分別寫著「Happy」和「500 Days」的字樣，象徵我們一起的第 500 天。　　事前不知情的安娜收到後十分驚喜，很滿意今次我準備的小心意呢。晚上，我同安娜一齊開箱。曲奇餅全部獨立密封包裝，最喜歡的當然是糖紙曲奇，造得很精緻，效果不俗！看著自己心盡心思親手設計的曲奇，連我都覺得興奮呢！曲奇散發香濃的牛油香氣，入口鬆化不黏牙。牛油的份量恰到好處，因此味覺比較清新，不會像 Jenny Bakery 的超重手牛油曲奇般，吃完會有非常飽膩的感覺。而那塊美麗的糖紙非常薄，屬於微甜之作，不會掩蓋曲奇的牛油味，同時兼顧了外觀和味道。不好甜食的我，亦毫不抗拒地放入口中。　　Joey's 的訂製曲奇內外兼備，睇得又食得，我非常滿意。當然，我自己畫的公仔也有很大功勞的。對於安娜來說，曲奇裡面更包含著一份無價的心思。她更笑言，這是世上最美味的曲奇。…Read More

好朋友今年送左一樽Joey's嘅雜錦曲奇做聖誕禮物, 其實對一般曲奇嘅興趣實在不大, 一件起兩件止..因為多數嘅味道太甜...而且不喜歡痴牙嘅感覺..今日無時間開飯的時候霎時記起呢份小禮物, 見到笑咪咪嘅薑餅人有d窩心嘅感覺呢~! 而且包裝簡單而精美, 很有心思!求其拎左一塊, 諗住再繼續工作的時候...我停左停.........目光轉移到曲奇上........ wow........很好味呢....!! 甜度十分適中, 誇張地說這是我食過最好的曲奇~!!! 跟住就即拎左張catalogue出黎....試試下已經無左1/3罐.....曲奇鬆化唔痴牙...唔會有即刻想要飲水嘅感覺....每件都有唔同嘅口味同口感, 香得黎亦唔會無左曲奇本身嘅牛油香.....而且每件嘅size都啱啱好...我最鐘意係佢嘅Mixed Berries Snowball, 有節日氣氛, berries粒甜甜酸酸, 增添不少層次....第二就Supreme sesame, 芝麻牛油味好香, 鬆化但我就唔太鐘意佢嘅Japanese Matcha, 嫌佢嘅抹茶味過重即刻想買幾樽比其他好友.......但一查先知得西灣河有............我住元朗呢 ><..... 不過有時間的話都值得專程去買....分甘同味麻~!! 不過如果有分店就好了~ …Read More

係openrice見到咁多人捧場, 又經過開附近, 一於去參觀下啦~去到門口已見到店子小小但人多多喇, 除左客人, 店員亦不少, 見到一樽樽試食曲奇, 店員大方給我們試食, 亦不會只給餅碎咁多, 試過兩三款, 都是味道不會太甜, 而又香口的, 個人喜歡有茶味的曲奇,試完真係唔會只係參觀, 男朋啡熊乖乖買了一包給我回家和家人分享:)…Read More

訂了生日蛋糕~朱古力天堂-Chocolate truffle因為妹妹想食朱古力~就揀呢個一睇就似成個都係朱古力的款~佢地係即日新鮮製造, 甚至整完就俾你拎走~質素一定有保證~我地返屋企一開個盒~就已經「嘩!嘩!」聲~因為好靚~~砌開一擺入口, 就已經覺得好好味~佢朱古力味濃, 而且甜, 但唔會膩~!!!你食完一啖仲會想食第二啖~~而且睇返個cake的橫砌面,佢係做到一層一層的口感~而且仲要係好薄薄的一層…我都曾經學過整cake…呢個cake真係睇落簡單~但完全係花功夫之作~~!!食完之後佢張收據係優惠券~下次買cake可以平d~好想再試其他款了…Read More

拿破崙蛋糕(Napoleon) ，源自法國，是馬虎 (筆者的外號) 喜愛的其中一款甜品。大家可能奇怪這種千層蛋糕到底跟拿破崙有什麼關係呢？如果大家有留意的話，有些餅店稱這款蛋糕為Mille Feuille (法語：即千層的意思)，而Napoleon 的出現是來自Napolitian (法語：意大利城市Naples的形容詞) ，在這裡的意思是來自Naples的酥，其後再誤傳為Napoleon，與人物拿破崙實際上是沒有直接關係的。所以馬虎認為Mille Feuille這個名字較為貼切。傳統的拿破崙蛋糕是以3層酥皮夾2層吉士，忌廉或果醬組成，在蛋糕面撒上糖粉或朱古力粉等。稱得上為Mille Feuille，每層厚酥皮都以多層薄薄的酥皮製成，製作過程非常復雜，師傅要不斷反覆重疊麵粉皮，才能焗出鬆化的酥皮。馬虎試了多間Mille Feuille，近期喜愛上了一間叫 Joey’s 的士多啤梨拿破崙蛋糕。馬虎訂餅的時候說明12時取餅，當天早到了10分鐘，師傅還在準備中，到12時正剛好完成。老闆說這樣才可以確保客人在預訂時間取得最新鮮的蛋糕。在等候期間留意到店主把曲奇命名為「感恩曲奇」，在言談間發現店主和店員都是熱心天主教徒，店員還說了：「我們應該時常感恩」，難怪他們把餅店開在聖十字架堂附近了。回到家後即試，酥皮非常鬆化，吉士醬不甜不膩。放了一天過後，酥皮仍然能夠保持鬆化，非常不錯。馬虎下次會再試榴槤拿破崙。…Read More

:)冇Jenny 咁重牛油味，唔係好甜，好鬆，另一種好味。It costs hkd $98 each for the small jar. They are a mix of all the favors.…Read More

好味的曲奇店有很多…雖然住西灣河, 但每次經過此店都已經關門…有一次還遇著記者訪問SET好腳架, 燈罩…所以一直都沒有機會品嚐Joey’s 今天因約了台灣朋友食飯,之前送過jenny barkery, 亦送過star taste.這次就選這個未試過的joey’s上班前9:30 經過門口…雖然店內已亮燈, 亦有店員…但門外寫著11:00是營業時間, 所以唯有下班再走一趟下班後, 入到店內見到應該是女店長, 她正與曲奇餅師傅討論…而我亦不敢打擾他們…只好環視四周, 看看有什麼曲奇…但店內左手邊所擺放的曲奇選擇太多…….根本無從入手…而店內右手邊全是可供試食的曲食餅…但初到店內…不敢太「自便」所以再繼續看看…後來他們的討論完結後, 女店長各我介紹他們的曲奇…原來共有30多款…難怪我這個「選擇困難症」病人會無從入手XD她讓我隨便試食…亦推介新推出的口味~我選擇先試「咖啡」其實我不嗜咖啡, jenny barkey及star taste的咖啡曲奇都非常出色, 所以好奇心驅使我試試這家的咖啡曲奇又是否別樹一格。我總共試了:1)咖啡杏仁: 曲奇入口鬆軟, 咖啡味白而不苦, 而且杏仁好香!!2)莫加咖啡: 比咖啡杏仁甜少少, 但原來雖然大家都係咖啡味, 但呢個個口感再鬆化D! 睇黎佢地真係每隻餅都調較過口感、味道3)香檸蜜語: 我最鍾意呢個! 個檸檬味好清香~而且有D果肉!! 食完之後成個都仲有好香的檸檬味~!4)蕃茄曲奇: 呢個係新口味~我都覺得好有創意~~食之前超好奇, 到底係咸定甜呢?! 食落有D牛油味, 之後就有蕃茄味慢慢出~好得意~個蕃茄味唔係甜, 唔係咸, 有微酸....係好香口的蕃茄的味~~!! 鍾意試新野GE, 真係可以試食下呢個5)蜜糖夏威夷果仁: 香口果仁, 而且有蜜糖香~!6)蜜糖腰果: 呢個好似冇夏威夷果仁咁吸引~但都好好味這些都是我感興趣的味道…期間女店長非常積極熱情的請我試食…當我說「香檸蜜語好味, 好清!」她又繼續說:「不如試埋個草莓丫, 都係有果肉嫁!」換著其他店的店員可能試一/兩款都已經面黑…而且這店試食曲奇的size都不少, 不會因試食而給客人試「餅碎」,只能說她的確視客人為「尊貴的」。而且她原來一早已經在店內準備, 未到營業時間已經工作, 非常勤力~!!最後我選了香檸蜜語$50、蕃茄曲奇$50、蜜糖夏威夷果仁$60及雜錦曲奇$70。期待下一次的試食XD…Read More

Joey’s的出品，印象中是在甜魔聚會時吃過，但質素如何，又真的記憶模糊，不敢莽下判斷。可幸，我又有機會再嚐此品牌。以精美的玻璃瓶載住合桃、果仁以及腰果，看上去很高貴，是送禮佳品。喜愛香口東西的我，肯定忍不到口，馬上打開來每款都試勻。腰果和果仁都是香脆，帶有蜜糖的香甜；合桃不會硬轟轟，脆口好吃，沒苦味。原來這店子是蠻不錯的。…Read More

團購瘋系列 -- Joey's ，一家座落於西灣河大街，位置頗為隱蔽的中高檔曲奇小店。其實這間餅店背後主人翁的故事，相信很多人都已聽過了，一位本來不愁衣食的家庭主婦，因金融風暴，在女兒的建議下，把自己最拿手的曲奇放上網賣，經朋友幫忙下，一傳十、十傳百，後來更吸引到傳媒的報導，由家庭式運作的曲奇網站到設立門市，相信店主成功的背後，必定得到家人無限量的支持。早前見開飯網站發售此店的半價現金券，以 $50 可作 $100 使用，也買入了 2 張。其實筆者早在此店開業初期，即 2010 年 2 月左右已來過這裡買曲奇作賀年手信，當時已感受到店主殷勤的招待，例如細心詳盡的產品介紹、不停的試食等，不過那時本人尚未加入寫評行列，所以也沒替店子拍下照片或在網上留下片言隻語。事隔年半，這天再重臨店舖，門面裝潢與昔日分別不大，但內裡陳列的貨品看來比前排得更為密麻，三十多款曲奇更被仔細地分門別類：無糖系列、無蛋系列、無麵粉系列、無牛油系列、燕麥系列、黑糖系列、牛油系列、朱古力系列、茗茶系列、鮮果系列等等，嘩！真是花多眼亂呀！由於得悉店中所售的蛋糕是由曾任職著名餐廳 Amigo 的師傅製作，加上之前已試吃過店中的曲奇，此行就以蛋糕為目標。在近門口的櫥窗跓足了好一會，店主知我想選買蛋糕，便說原價每件 $35 的 cut cake， 現只需付 $88 便可購得三件，噢，真好。脆米朱古力榛子 Hazelnut Chocolate：這件蛋糕主要是由朱古力慕士、榛子忌廉、香酥的爆米脆粒所組成的，頂頭再放上小巧的法式蛋白杏仁餅作裝飾。先試一口，朱古力和榛子味都很濃郁，脆米粒甚有嚼感，而忌廉質感更是滑不溜口，吃起來滑中又帶點脆，層次感非常豐富，味道又沒有 chocolate truffle cake 那般甜膩，朱古力和榛子迷要試啊！近排天氣非常炎熱，吃甚麼也提不起勁似的，見這件白雪青檸 Snow White & Lime 以白朱古力薄片扭出頂層的花瓣，樣子清純可愛，也選了一件。蛋糕以白朱古力及青檸海綿蛋糕互相間隔，夾層的青檸吃來酸甜醒胃，入口質感軟綿綿的，還滲透著啖啖青檸的清新味道，配上甜而不膩的冰涼白朱古力，吃得人胃口也增加了不少，真是消暑的良伴呢。至於以透明杯子盛載的 Tiramisu， 內裡的 mascarpone cheese 所佔的比重不算很多，不過入口質感濕潤軟滑，咖啡味亦很濃郁，吃起來更散發著陣陣香醇的酒味，層次感很豐富，配合上面層薄薄又帶點苦澀的可可粉，將芝士、咖啡與酒香三種獨特風味，揉合於一身，甜與苦的配搭但又平衡得宜，非常之有水準，一句講曬，美味！以上述三件蛋糕來說，無論味道和口感都比早前於和富道的 Clover 吃過的蛋糕，更勝一籌。另外，小吃方面，向來都知道 Joey's 是以售賣健康及高質曲奇招客，所以這次也挑了一款我和兒子都愛吃的花生醬粒朱古力曲奇 ($45)。這塊細小的曲奇，入口雖然唔算好鬆化，不過咬落頗香脆，而且內裡花生醬粒放得亦夠慷慨，吃起來花生醬和朱古力味道都勁濃，絕對是下午茶最佳的零食。由於這次從店主口中打探到店子逢周六、日，下午 3 點至 5 點會發售一款名為「一口拿破崙」的蛋糕，而且據說這件 bite size 小甜點是採用自家製酥皮造的，款式更多達 13 種，每日只供應 2 款口味，所以又找了個周末再到訪此店。星期六下午三點剛踏進餅店，女店主已熱情地介紹這天拿破崙的款式，分別為菠蘿、石板街、雲尼拿，一盒 3 件，每盒 $35，噢，竟然有三款，既然一場來到，就三個口味都試齊吧！其實拿破崙酥餅就是在三層酥皮中間夾上吉士醬而成的甜品，雖然看似簡單，不過製作一點也不容易。據店主說，餅師會在酥皮中包入牛油再對摺 3 次，做成千層的效果，而吉士醬則採用法國忌廉及馬達加斯加的新鮮雲尼拿籽打成的。仔細看看這 3 盒 「一口拿破崙」，又確實幾有特色，外形小巧的骰，做到一口一啖，吃時就不會弄得滿手髒污。先吃這款菠蘿味，外層酥皮咬落非常香脆，而夾層則放上了新鮮菠蘿肉，入口果肉味甜美又帶點酸香，不過最令人驚喜的要算是下層吉士醬加入蛋糕底，除令味道富層次外，更減輕了拿破崙給人甜膩的口感，果然值得一讚。至於石板街味，由於餅師明智地加進大小適中又香口的核桃粒，進一步豐富了本已鬆脆得像餅乾一樣的酥皮，味道真不錯。餘下的雲尼拿味，餅皮仍是又薄又鬆脆，帶雲尼拿香味的吉士醬，口感幼滑香濃，如果再配上一球雪糕同吃，相信食味會更佳。其實這裡除獨立包裝的曲奇、甜美的蛋糕外，還有 Brownies、 蜜糖焗果仁、自家製花生醬等等產品，間中來買點小吃作下茶，這兒確實是個不錯的選擇，而這兩次用了團購優惠，總消費實際只需 $138。…Read More

平時都會經過呢間舗頭, 今次因為openrice有Coupon賣...所以就買一張試下...店舖雖少, 但裝修很典雅, 給人很舒服的感覺:)一入到去, 老闆娘已第一時間好親切咁同我打招呼, 佢真係好好人, 大大話比我試O左10多款曲奇, 仲叫我試多幾款, 試到我都唔好意思...比著其他舗頭, 試多2款一定黑你面, 甚至比說話你聽...講返曲奇餅第一款我試O既就係--紅莓芝麻麥條, 其實味道OK,好香芝麻味, 不過我唔好芝麻, 所以唔係我杯茶了解我O既喜好之後, 老闆娘再主動介紹另外幾款比我試..杏仁脆片, 好好味, 杏仁又香又脆, 唔會好似其他舗頭做到因為太重牛油味而蓋過杏仁味...海鹽腰果, 好特別, 幾香, 質感雖然唔多似曲奇, 不過都好好味牛油, 牛油味比起jenny一D都唔重, 好處係食多D都唔會太膩, 但牛油too唔係我杯茶...花生醬朱古力, 好好味, 花生醬粒粒好多, 但係絕唔會令人覺得太甜同太膩, 超讚!雙重朱古力, 鬆化, 香濃, 但味道不過濃, 一般, 無驚喜榛子, 細細塊, 每塊上面都有一粒榛子, 好味, 但唔係我O既favourite咖啡杏仁, 好香咖啡味, 中間帶有陣陣杏仁味, 質感少少硬硬脆脆, 係身為咖啡迷我O既favourite, 真係好好味咖啡合桃, 比超咖啡杏仁, 呢隻隻咖啡味就啖口D...加上我鐘意杏仁多過合桃, 我最後都係揀O左咖啡杏仁 蛋白脆脆, 的確好脆, 甜甜地, 但無特別之處, 所以不能令人留下深刻印象果肉系列我試O左檸檬, strawberry同黑加侖子檸檬, 質感硬脆, 有陣陣檸檬香, 牛油味唔重, 清清O地, 我鐘意:)strawberry, 質感同檸檬一樣, 好味, 但味道同一般麵包店的果醬曲奇無大分別, 所以唔會揀law黑加侖子, 質感鬆化, 黑加侖子味唔出, 好普通, 所以都唔會揀仲有2款無麵粉系列我都有試, 不過唔係好特別, 所以我已經無咩印象試完一輪, 我已經唔記得自己試過D咩, 但老闆娘好親心咁將我頭先有興趣O既幾個item攞出O黎比我慢慢揀慢慢考慮, 佢真係好細心, 讚~:)最後我買O左杏仁脆片 ($25), 咖啡杏仁 ($45), 同檸檬 ($50)埋單只係補多$20, 好開心是次光顧感覺好舒服同好開心, O係香港買O野好耐都無呢種感覺 雖然價錢係貴O左D, 但係下次有機會, 我希望買蛋糕同花生醬O黎試下添P.S. 最後老闆娘話我知佢O地應該唔會再做團購, 我真係好後悔我只係買得一張coupon:(…Read More

1st time to visit here, and i got a big harvest!!when i first step in, despite the shop is small, but the service is reli reli good!!the sales is patiently serving you each and every cookies u wanna try, and will introduce to u the ingredients and the making process, and the texture of each cookie when u r tasting...so u can reli enjoy what that cookie contains!!all are fully recommended~~what i love most is the choco peanut jam cookies, u can taste it w double tasting, one is full of choco smooth flavour, and u can taste the good smell of peanuts at the same time~~it is definitely a must buy item for both chocoholic and peanuts lovers~~2nd choice i will recommend is the sugarless blueberry almonds...it reli does not taste sweet, as it is made w/o sugar added, reli good for the diabetes (but at the same time, butter is another enemy who is against fats XD), i can smell a good butter smell when i am eating it~~ but i love the chewy texture of it~~the tea series is also reli good, too~~next time i will get u home ; )but for the price..reli set a bit too high~~any promotion / discount offered, pls?? …Read More

其實都一段時間之前幫襯嫁啦, 襯我依家開左個戶口, 就補返個食評俾佢啦!!有次晚上途經依條街, 本身都冇乜行依條街, 晚上就更加黑又冇人行, 真係唔行過都唔知有間咁0既0野0係度!?行過望入去見到間店仔都幾靚, 而且好乾淨, D蛋糕餅乾所有0野都放得好整齊, 最重要係真係見到D蛋糕餅乾都好靚好吸引!就係咁我就俾佢吸引左入去, 入到去見到有好多蛋糕餅乾揀, 好多唔同口味, 個個包裝得都好鬼靚!!店員還介紹這裡的都是自家製造, 這點令我覺得更加吸引! 最後我買左個"布朗里"蛋糕試下~~回到家雪凍左先食, 一食之下真係覺得好值好好味! 朱古力味勁濃, 但又唔會好甜, 仲有正宗朱古力的苦甘味, 真係好正!!自那次之後, 其實都好想再去買黎食, 不過真係好少行個條後街, 不過唔係吹水, 的確好味! 抵的!!…Read More

豬小姐買左3件cake同我慶祝生日其實食完飯之後,2個女仔食一件已經夠,但因為她說買三件抵d,所以我地2個女仔食左3件cake食完飯之後已經飽到唔郁得唯有睇完戲之後處置佢地~chocolate mousse香濃朱古力味lemon 酸酸地,口味清新~mango mousse流心芒果,好好味,唔太甜,我最鐘意…Read More