Jika Udon (Closed)

6-4-2010瞓到日上三竿, 出到尖沙咀已差不多 3:00pm, 行到嚟赫德道見到呢間烏冬店, 費事再諗就衝了入去, 還掂以前食過覺得 ok (http://www.openrice.com/restaurant/commentdetail.htm?commentid=2030718) 又唔貴, 加上呢度自稱「本店」, 應該 ok 吧? 點知:-溏心蛋 (好似 $9): 冰凍的, 剛從雪櫃攞出來? 而且係「原隻」上, ie 連殼都要自己 mit, 真係 蛋白幾滑溜, 蛋黃亦夠溏心, 不過蛋香一般 (又話用日本蛋?), 可以更好的 -- 喂, 你收人差不多 $10 一隻, 唔係無要求呀嘛?蕃薯天婦羅 ($15): 上次食過炸雜菜餅覺得幾好食, 呢客蕃薯天婦羅卻極差... 炸漿極厚, 仲有部分係未熟的「粉末」,「誠意爆燈」喎 熟了的就濕濕腍腍的, 油膩而不脆, 唔好得幾多而已; 唯有自行「去皮」淨食蕃薯肉, 不過蕃薯亦唔夠粉唔夠甜, 真 xyz. 套用朋友的說話,「$15 還 $15, 唔好食就係唔好食」, 絕對唔會再叫! 上次食過凍食的胡麻醬掛烏冬 ($28) 覺得麻麻, 朋友卻唔聽我勸叫了來試, 結果大喊「呢兜嘢不怎麼樣」, 仲食剩了大半兜 我試了一條就覺得烏冬質地不錯, 但麻醬好甜好杰, 好在無叫 @_@而自己的主食就係明太子掛烏冬 ($38): 烏冬質地一樣煙韌有嚼勁, 明太子份量好多, 拌勻後食落少少辣, 我嫌佢唔多夠鹹香, 不過同烏冬都幾夾, 亦至少比麻醬好.作為「本店」, 食物卻比「分店」差; 招呼亦然, 店員們態度散漫到你唔信 不過作為鄭生旗下「板字頭」壽司集團的連鎖店, 環境點都唔會差咗去的.每人放低 $45, 繼續好平, 但應該唔會再來了.…Read More

今日我地行活坊, 唸住試下呢間自家烏冬, 攞飛啦超多人, 問個接待員要等幾多張枱, 佢既問題係"我唔知喎" 嘩...咩服務態度呀! 好彩我男友記得赫德道有間分店, 結果我地就去左呢間食啦! 呢到冇人等位喎, 一入去就有位啦, 地方都算舒適唔太迫, 內裡裝修都唔錯, 我地叫左海鮮掛烏冬同炸物烏冬海鮮掛烏冬 - 個賣相都幾靚, 食落都唔差既, 不過呢個烏冬係凍食既, 但呢間啲烏冬係煙煙UN UN得好勁囉, 你放左落口要咬好耐先可以吞, 食得比較辛苦, 雖然我好鍾意食讚歧烏冬, 但呢到既烏冬真係UN得好勁!炸物烏冬 - 炸物有蠔, 帶子, 肉丸, 個烏冬就差啦, 熱水+烏冬, 一啲味都冇家啲烏冬, 兩樣野都唔MATCH既, 真係唔太好食埋單都要過$100呀! …Read More

原本想去『萬ｘ屋』，但排隊排了十多分鐘也沒有起色…所以就近近地去了這裡。這也要等數分鐘。要了：1) 蕃茄雞肉烏冬：蕃茄湯底唔得！味道跟羅素湯差無幾。烏冬就做得不錯，彈凡牙的，雞肉也可以，不是太有『雪味』2) 豬軟骨烏冬：豬軟骨好味，夠『林』及入味！3) 柚子炸雞球：找不到柚子，只有檸檬伴碟。炸雞球炸得幾鬆，不是用萬年油，幾好味！原本想吃的小食一一也賣清，只不過是星期六下午二時多．．．:(下次要吃『凍食』烏冬，看來不錯呢…Read More

本身想去萬豚屋.. 估唔到 2 點都咁長龍... 所以放棄了...見到呢間新開,就試下啦明太子掛烏冬 - 麻麻地, 主要係呢隻烏冬唔係我鍾意果種... in in un un 又滑又彈牙果種手打烏冬先好食..咖哩牛肉湯烏冬 - ok, 不過又係唔鍾意呢種烏冬雞軟骨餃子 - 無咩特別, 我覺得平時食開果 d 日式煎餃仲好食Service 麻麻地, 唔叫佢都唔會斟水的…Read More

原本想去萬豚屋,點知太多人等位了，見開了這家新店便走進去試試。帶位果位小姐(原來係assitance manager) 木無表情指咗我地去張4人枱,，我諗住同男友并排坐同一邊，點知亞小姐話﹕我地呢度要搭枱ga，請你打對面坐！嘩~ 當時只係6:45pm，店內只得2成客人，駛唔駛咁快預算搭枱呀? 後尾我發現陸續再入店的顧客也被安排搭枱，而店內有8成枱是無人坐 的！呢種安排方式真係有待改善！講回食物: 野菜蝦天婦羅冷烏冬好油膩，豚肉鍋烏冬又淡又細碗，再加上今時今日咁ge服務態度，以後都唔會再試！…Read More

好友白雪姑娘牛一,8:00幾就放左工.約埋孫悟空同型男去尖沙咀。佢地話食d嘢先去生日p.結果行行吓,就到左呢間.行到門口,reception姐姐叫我地等一陣.5分鐘後,就入坐.坐低左睇一睇menu.因為一陣間要同白雪姑娘飲.所以都唔係叫太多.溫泉旦:4.5分.個旦黃好creamy.幾有溏心皮旦feel.大蝦沙律配wasabi salad sauce:4分.重以為係無咩特別.但個青芥沙律汁又幾香woo.什菜天婦羅掛手打烏冬:4分.剛剛炸起既天婦羅配凍既冷掛烏冬又有一番味道.炸豬扒湯烏冬:3分.呢個就有d失望,型男話似魚湯,但係唔夠味.但整體嚟講都算有d驚喜,計埋波子汽水.兩杯橙汁埋單240.…Read More

同老友們在尖東Happy Hour後，同食家行到赫德道試下自家烏冬﹗RoadShow日日都見佢賣廣告，又話烏冬自家製手打，又話食材日本進口，今日一試就見真章﹗10:00pm來到一個人客都無，店內冷清清待應們打牙骹，一見我地來即歡迎歡迎，很奇怪尖咀如此旺地會無人。店來裝修木感重，簡潔舒服亦不迫狹，不錯﹗看看餐牌，食物不貴，烏冬都係$30-$40已有交易，小食就$20-$30左右，先來個露荀沙律及燒玉子作前菜。先講燒玉子，我仲天真以為係即叫即整，叫完之後竟然一分鐘就來到，擺到明是整定翻熱了吧﹗一客四件，食落唔會太甜厚切亦有蛋香，本來都幾好味，可惜的是唔夠熱，第一件入口已冷冷地，大煞風景，$18雖不是貴不過其實如熱一點的話會正很多，浪費了﹗露荀沙律都只係$20，碟頭雖不大不過露荀也不少，吃落清甜脆口，汁帶點點話梅香，酸酸甜甜十分醒胃，呢個沙律同食家異口同聲說味道不錯。主角是烏冬，食家點的是大蝦野菜餅掛烏冬，烏冬一來到已俾烏冬中間的野菜餅嚇死，竟然份量有成兩個拳頭咁大，材料是甜蕃薯、豆角與芋頭，加多幾隻無咩味又唔爽口既大蝦。一來我地都唔多鍾意食甜野，二來亦睇見都覺得太油太膩，由於太多既關係，食兩口之後天婦羅已凍，慢慢有0的油膱味出現，所以感覺麻麻﹗抵食係抵食但太甜及太膩，如你唔鍾意食甜既天婦羅的話，勸你都係唔好叫﹗入面既大蝦亦不爽不鮮，味道很一般，是賣點卻成敗點。反而值得談談的是個烏冬，食落彈牙煙韌有咬口，入口軟綿綿又滑溜，比起甘味的烏冬我覺得更勝一籌，好食﹗但個烏冬汁就淡而無味，一味死鹹有如味精水，唔.......只可說烏冬好卻未有食材配合吧﹗我的吉列豬扒湯烏冬夠哂大份，烏冬個碗大過面盤﹗烏冬同食家的一樣，口感很不錯，可惜湯底真係麻麻地如味精，吉列豬扒賣相扁扁的平平無奇，食落是脆口卻全驚喜，豬扒亦乾身無肉汁，茶記貨色，又係0個句，可以更好的﹗埋單四樣野只係$120，環境不錯服務亦幾好，食物上枱好快，手打烏冬亦好食，價錢又不貴，可惜的是其他食材湯底配料都未能配合，如在其他方面再下點苦工，應會有更好成績﹗…Read More

今次黎食的係 Udon with sesame sauce。上面有好多像冷麵的伴蔥同埋青瓜，跟住自己生磨 d 芝麻再灑上面。雖然味好像淡 d ，但芝麻都算幾香。另外亦試了個溫泉蛋，佢想扮溏心蛋，但有 d 失敗左既 feel，想散咁上檯。甜品的牛奶 pudding 好滑，但 $18 得個細細杯的話，還是試一次好了，有更多更好選擇。…Read More

見廣告講到幾正宗咪去試下囉, 點知食完好失望!!先講食 - 我試左個豚肉鍋烏冬 - 可能食慣出面的鍋烏冬, 通常會有好多配料, 所以見到個鍋得清湯同好少烏冬覺得好失望最唔掂的係, 我食到一半時D 烏冬已經淋晒... 自問已經唔係要好爽口彈牙先叫貨, 但都唔好係淋晒丫!! 咁樣的烏冬收我$60 真係唔抵味道唔好都唔夠, 最緊要係連D 服務都好差! 唔能夠相信一間自稱有水準的餐廳, D侍應上菜時係唔識得將個碗放到客人面前. 每次個侍應只係放低左成個PIZZA 咁大的碗就走左去 (仲要係放枱中間). 莫講話於放低的同時講埋 "呢個係XXX 烏冬".我比較抵唔住頸, 所以佢第二次上菜時已表明 "呢個係呢位先生的" (指住我朋友). 但佢當聽唔到走左去!! 咁的食物 + 服務, 幾平都係冇用啦.…Read More

是日系tst度食dinner,一心諗住去萬豚屋,去到點知無開,吾知做咩so,就去了附近既自家na,對d間期望刀吾會太大...1入到去,哇個個碗刀咁鬼大既XDorder: 雜錦天婦羅湯烏冬:::::: 自己吾食蝦,所以叫左d個,有番薯,茄子,苧頭,南瓜!! 份量對我黎講多左...烏冬好煙韌 吉列豬扒楊烏冬:::::::烏冬放系個木桶,幾得意,雖然個木桶大大地,但其實吾多烏冬,男仔就真系吾夠食!!!另外有個泠麵汁加d蘿蔔蓉and蔥花,好似食緊冷麵咁!! 野菜餅:::::::: 新鮮炸熱辣辣,粉不會太多!!掛住食烏冬搞到凍哂,變左勁油膩但岩岩炸出黎個下食就真系吾錯既!! 入面有1條條苧頭,蘿蔔等等!!埋單2人刀不過$100,太好了!!…Read More

天氣凍了，便找一間有熱湯的菜下肚。想到自家烏冬也有多曰不來了，便走來吃碗熱熱的烏冬。本來想去活坊店，見到人潮便知要等了(拿飛後才知要等二十張木台)。最後把心一橫，便去了赫德道分店。見到店外只有小貓三四隻，心下暗喜，不用十分鐘便可以入座了。不多想，叫了兩個有湯的烏冬，都是食過而覺得不錯的。分別是野菜天婦羅斧楊烏冬及咖哩牛肉烏冬。落單後不久便上菜了，不知道是否師傅的關係，質素竟比活坊店的差得多了。先說野菜天婦羅斧楊烏冬，甫一上菜便發現那個野菜天婦羅比以前食過的已經失色了不少，因為它的用料已經不均均勻了，只一味的多紅蘿蔔，其他的便少之又少。再說，它炸出來的質素，啡啡的，有點兒炸過頭了，而且非常的油膩，比起上次食時的金黃香脆已不能相提並論了。而烏冬方面，可能加進熱湯後會變得比較軟身，但可惜的是，那湯只可以說是微暖，稱不上熱的。亦可能是湯的不夠熱而使到那烏冬出奇的硬，難以哽下呢。而咖哩牛肉烏冬比較好，份量同以往一樣，是比想像中的來得大份。不過那咖哩底似乎比之前希了，水汪汪的，亦沒那麼濃味呢。再者，那烏冬也是不夠熱的，亦間接地令烏冬比平時的硬呢。其實一直都覺得這店的烏冬是比較出色的，唯無奈那天食的湯底真的比較差，亦不夠熱。總覺得熱食的湯底是很重要的，所以對是晚的質素亦大打折扣，希望管理上的人可多加留意呢！…Read More

星期六晚，打算去尖沙咀兩個新商場 K11 及 i-Square 逛逛，順道試試銀座梅林的吉列豬扒，點知二人竟然在商場迷路，原以為穿過 Marketplace 便可到處，卻發現此路不通，結果還是上回地面找另一條路，到達時還未夠六點半，門外已人頭湧湧，要等二十個號碼以上，情況非常誇張，還是打退堂鼓好了。轉移目標吃烏冬，想起萬豚屋，最後卻去了赫德道的自家烏冬，全因見到店外無人排隊，可以立即入座，機會難逢。自家烏冬是典型港式居酒屋的格局，環境比同類對手赤丸製麵所及川福烏冬要寬敞一點，但由於店內大多是四人座位，所以客人無可避免要「搭檯」。招牌的讚歧烏冬共有三種食法，分別是湯烏冬、掛烏冬及釜揚烏冬，價錢約三十至四十元，夠大眾化。或者，食物正宗與否是後話，先將消費群直指「八十後」，出色的市場定位，不得不佩服 Ricky San 的生意頭腦。女友要了一客胡麻醬掛烏冬 ($38)，先將磨好的芝麻粒混入胡麻醬內，再倒在冷烏冬上，與青瓜絲、木魚絲及蔥等配料拌勻，撈起便成。烏冬質感豐滿，非常滑溜，比在川福吃到的明顯高了一個檔次，但可惜來貨的胡麻醬味道不夠濃，不夠香，結果打番個和。我則要了吉列豬扒釜揚烏冬 ($35)，釜是盛載烏冬的器皿，將釜內的麵條夾起，撈上烏冬汁吃，一熱一冷，能令麵質保持最佳狀態，不易變淋，一啜入口，更能突出烏冬的滑溜質感。烏冬汁加入一些蔥粒、薑茸和天婦羅脆脆，味道並不單調，以此價錢已可收貨，唯一不滿的是吉列豬扒實在太乾，即使沾上大量沙律醬，也補救不了這個先天缺陷。至於小吃牛油焗什菌 ($28) 及溏心蛋 ($8) 只是普通貨色，前者是餐牌上唯一的菜類選擇，可惜味道卻略為偏鹹；後者火喉剛好，蛋黃處於半熟的狀態，題外話，煮溏心蛋有一秘訣，先將雞蛋煲 4 分鐘，熄火浸多 2 分鐘後，沖凍水或放入冰水內便成，有興趣可以試試。總括而言，自家烏冬這品牌雖則大路，但其機製的烏冬也有不錯的水準，夠滑溜、夠新鮮，值得再來！…Read More

本來諗住去轉角好出名果間食, 點知無開門.見到呢間新開又近近地就試下la.叫左果牛肉湯烏東, 廣島蠔鍋烏東, 糖心旦我同阿b都好鍾意食烏東, 覺得呢間都好ok牛肉好有牛味, 蠔仔細細都幾有蠔味.其實隻糖心旦都唔錯, 不過凍冰冰甘都係日本拉面店果d好食d…Read More

同事們議論紛紛公司附近開咗間udon鋪ha~ 收工要一試格局坐得幾舒服可惜張枱個電磁爐底做得好易撞腳(隻角好尖 大家坐時小心D)我一吓就冚爆膝蓋la 痛/////////温泉蛋好味 如果暖/熱食更好涷冰冰咗D個碗超大(成個洗手盤咁禁大 好好笑)百厭FD 隨即搞gag湯 咁清 以為冇味啦試一啖 好魚味udon 好滑什菜炸得好特色可惜芋頭太吸油 大大扣分成舊食唔落好在南瓜+蕃薯冇咁油利如果唔係又冇得食成晚he he ha ha以後宵夜又一聚腳地…Read More

見完客,途經k11,不想吃太飽,放棄了梅林,剛巧又見到這一家自家烏冬就進去了。被安排坐counter位,還有熱茶,見到杯內的茶包,就在想是否從壽司店取用的...。叫了沙律雞掛烏冬,上桌時賣相的確是很不錯。先試了烏冬,彈牙的,而且夠凍,是不錯的,但在沙律醬在烏冬上的情況之下,把湯汁淋上面似乎是有點困難,而且吃一口後,湯汁都被烏冬的水給沖淡了。雞肉不嫩,還有點硬,咀嚼需時。菜不少,但都已經變了鐵銹色,請問它們給放了多久?…Read More