江順名滙

Open Now

Now Closed

難得約到兩個朋友去飲茶，佢地揀咗响iSquare嘅江順名滙，對我嚟講有啲陌生，始終比較少去iSquare，完全冇留意有呢間酒樓。雖然開响iSquare，但感覺有啲似屋邨嘅酒樓，呢個純粹裝潢上嘅感覺。食物方面，我地點咗唔係太多嘢，加上選擇都唔係話好多，我哋求其點咗四樣嘢食。包括有「蟹籽燒賣皇」、「鮮蝦蟲草花菜苗餃」、「 蜜汁叉燒腸粉」同「雪山叉燒包」。「蟹籽燒賣皇」可以話係正常嘅發揮，冇話特別好食又或者唔好食。「鮮蝦蟲草花菜苗餃」就比較特別，屬於係進化版嘅蝦餃，外皮夠薄，成個餃係爽口彈牙，呢個餃有驚喜。「 蜜汁叉燒腸粉」都係正常發揮，唔會話特別出色或者特別差，勝在係佢個腸粉皮唔厚同濕潤，唔會乾爭爭。「雪山叉燒包」我幾喜歡呢種做法，外皮夠脆又有食到叉燒嘅味道，比起傳統嘅叉燒包好食，呢個我覺得加分。最後呢樣我唔知咩嚟，反正我都冇食到。對我嚟講佢嘅點心唔算話好出色，但又唔係差，正常嘢咁，如果問我會唔會再嚟，或者我會想試下佢晚餐。

以为下午茶大中小点都是$18.8好抵啦原来茶钱每位$16, 今次我们两位长者,被编排到好似后巷的两个位置, 冇冷气,冇服务,食物唔可以说是难食, 但一啲唔好食鸡包仔包皮好似唔熟,菜苗饺个样唔错, 但食落冇味,两个长者叫了五个点心,只有鲜虾肠粉比较好啲,两点钟入座, 2点45分已经有人在间板拆房,在我们两个长者身旁嘈吵得不得了,我们叫伙记给我一个盒把食物打包走就算了,叫女侍应佢话唔得闲,我叫个男士应, 佢又叫另外一个人可以说是大懒使二懒,二懒使三懒,今次的惠顾, 感觉非常差👎

之前黎食過好幾次晚飯好正宗唔錯，所以黎試下飲茶～足料點心、口味與傳統並存*燒賣：好少咁大粒咁實在，唔會有好多肥肉*牛肉球：鮮味十足，肉、芫茜、陳皮味平衡得好好，又唔會好似其他加好多澱粉*側魚湯鮮竹卷：鮮竹卷食得多，但用側魚湯浸鮮竹卷就更加鮮味，仲可以飲埋湯順德點心勝在「鮮、稀、足料」推薦點心： 🥛🥣雙皮奶：經典順德甜品，口感綿滑、奶香控必試，水準冠絕其他連鎖雙皮奶店（太好食，食到一半先記得影相）

2O24年11月在此店擺賀眼科大Sit登六宴嗰餐，無論員工服務態度，食物質素及味道和此店提供嘅埸地，都大獲出席嘅同事好評。有見及此2O25年6月7日，賀眼科萬歲之王，玲姐嘅登六及榮休宴亦順理成章不作他想，再選擇在此店舉行，亦合情合理冇人有異議。可惜事與願違今日此店，雖然仍然提供到優質廳房場地和員工對顧客的到位貼心服務，可以值得一讚外席上嘅食物可說是，劣食每款菜色都喺(咸過咸伯)到連出名，食嘢重口味嘅肥華都要舉手投降，敢開懷大嚼全個晚宴，肥華認為祇有個籠🍑食得吓，其他食品都不值一提，所以連相都冇影，無謂被食物買相誤導咗觀看肥華此篇食評嘅捧場者此餐！👎👎👎👎👎

呢個四人餐性價比超高，食材上乘，價錢相宜，平均每人二百幾蚊就有鮑魚魚翅龍蝦食，最啱帶屋企人嚟食冰鎮8頭原隻鮑魚肉質彈牙鮮甜，原汁原味，鍾意濃味啲嘅可以加芥末豉油調味花膠竹笙魚翅花膠養陰潤肺，竹苼健脾益胃，加埋足料魚翅，口感豐富，味道上乘，加少少醋，更加開胃蒜蓉蒸龍蝦蒜蓉開邊蒸嘅龍蝦每位有半隻，龍蝦蒸得啱啱好，肉質彈牙，蒜蓉味好香順德欖角豬扒欖角係醃製左嘅烏欖，呢個欖角豬扒好入味，啖啖咸香得黎帶甜味，滿滿順德菜嘅風味米水浸時蔬簡單嘅一道白菜仔，可以清清味蕾銅盆蒸污糟雞污糟雞其實係走地雞，雞件鮮嫩多汁👍🏻順德菜出名係粗材細作，用銅盤裝住去蒸熟，烹煮嘅時間比較短，用錫紙封住上枱後職員先打開，能夠鎖住肉汁，所以肉質比平時食到嘅蒸雞更加滑嫩生炒糯米飯炒到粒粒分明，口感煙韌，唔硬唔粘，花生蛋絲再提昇左味道同口感桂花糕口感軟糯，味道清甜，可以解膩紅豆沙仲有紅豆沙送，食埋呢碗甜甜嘅港式糖水，好滿足餐廳光線明亮，啲餐具都好靚，有多間獨立房間，可以打麻雀同唱卡啦ok

11月1日眼科多位前同事，聯同揾食肥華及靚媽，在此店為前上司，大Sir設預祝生日及賀其登陸晚宴，承蒙此位，值得各眼科同事尊重的，前上司，今朋友，令人敬重的上司，賞面出席，接受同事的一番心意，所以今晚有份出席嘅，現職及已退休同事都，滿心歡喜，加上今晚，此店所供應的廳房及服務人員，對客態度亦令人滿意，而宴席上各款食物，味道及質量亦無令人失望，所以今餐各人都，飲得開心，食得過㽼，今晚此酒搂在呢個，賀大Sir登陸宴，整體表現值。👍👍👍👍👍😄😄😄😄😄

8月31日眼科前同事，在此店提早擺登六壽宴，揾食肥華和靚媽，有幸獲邀出席，當然欣然赴約，當晚壽宴菜式，可說是先揚後挫，最先上埸嘅，鎖8頭鮑魚，味道清新，件頭吸睛，呢個頭盤個個讚好，跟住而來嘅，蒜蓉篜開邊龍蝦，亦喺高質美食，龍蝦夠新鮮，肉質夠爽彈，呢兩道美食已為今餐打响頭炮，再加上隨後嗰盅，海雀天麻魚頭湯，攞盡席中各賓客歡心，個個爭相添飲，呢三個先聲奪人優質美食，可說是今餐高潮所在。但高潮過後，跟随而來嘅食品，都喺無驚無喜，平平無奇，而嗰條蒜汁篜蟠龍鱔和家鄉秘制碌鵝，更是低水準食品之作，今餐👎👎

老細叫幫離職同事攪farewell. 佢話想試順德菜,咁我就揀咗呢間就腳嘅餐廳. 位置尖沙咀I-square 三樓,地鐵站上面,極之方面. 知客幾有禮貌,都安排一張6人枱比我哋4個人. 侍應生都友善,問完飲咩茶就介紹特色菜. 原本釀鯪魚要預訂, 無得食添😭咁就叫其他...順德煎釀三太公,係煎釀三寶🤣但好好味喎,鯪魚肉釀虎皮椒,蓮藕夾,鯪魚球,配蜆介汁👍跟住叫咗個薑蔥焗魚咀,堅好味😋蝦醬西芹炒魚膘,蝦醬惹味,魚鰾爽脆又唔腥☺️順德炒鮮奶,滑,再叫一個孖寶,沙薑蒸滑雞,蝦乾蒸茄子😋最後叫咗一個黃金糕,餐廳就送咗紅豆沙同埋紫米露😁埋單每人$370,物有所值☺️

星期六去食飯，尖沙咀行完街iSquare 江順名匯見到有特價難得喺香港搵到一間免茶錢免+1喺尖沙咀呢啲旅遊區竟然仲有咁嘅收費實在太抵試咗個孖寶三重彩嘅c餐走地雞加個茄子都只係$198夜晚能夠喺尖沙咀iSquare有呢個價錢實在難得

呢排唔係 落雨落到又紅又黑， 就係曬到要帶帽， 墨鏡 ，風扇都出埋。 去到尖沙咀， 搵個有冷氣地方抖下氣， 見到isquare 三樓江順名匯 做特價， 晚飯 孖寶三重彩， 睇到個孖寶B唔錯 ， 夜晚去咗試試，地方座得舒服 ， 條魚蒸得唔錯 加埋個小菜 同白飯 ， 埋單 260蚊 ， 睇睇張單 原來重免埋加一同茶介， 抵到爛， 平過茶餐廳。

和家人來吃了六人套餐 餐廳做緊半價優惠所以真係好抵食！ $1628 六個人真係好好的價錢。冰鎮鮑魚真的很新鮮很大隻，配合芥末醬油，很鮮甜冰涼。鮑魚處理得很乾淨，沒有任何魚腥味。花膠竹笙魚翅羹- 味道很好，也很足料，所有材料都清楚看到厚厚的一絲絲，很大鍋，我們每人都喝了兩到三碗。他的調味簡單不會很咸。秘制蝦醬骨超好吃！好惹味！排骨炸得很酥脆，再裹上厚厚的蝦醬翻炒，好香好好食，配合白飯一流。六人餐亦都包括咗一條大嘅蒸魚，有隻雞，同埋荷葉飯。呢度嘅食材全部都好新鮮好大份，無論係屋企人定係同朋友食都好值得嚟試吓。每碟食物嘅份量都好大，最後係食唔晒。 經理同埋職員嘅服務質素都好好不停過嚟幫我哋加茶，分菜，換碟。 甜品方面呢，套餐包咗桂花糕，都好好食好清甜同埋夠實淨。經理好好人仲請我地食紅豆沙！

江順名滙, 位於  iSQUARE  國際廣場, 3樓.   乘地鐵或 巴士去, 交通非常方便.  餐廳主打順德菜,  今日朋友請食晚飯,  訂了 VIP 房,  4:00 可以麻雀耍樂.當天 7:00 開始晚飯,  侍應招呼好好.   準時上菜.  第一道頭盤,  順德名菜, 命名  [三太公] ：藕餅, 釀青椒, 蜆芥鯪魚球.  擺碟美觀吸引.   藕餅好爽脆,  蜆芥鯪魚球, 魚肉鮮嫩.  釀青椒, 魚滿滿清香彈牙. 美極煎大蝦,  蝦好巨型, 肉爽又彈牙, 調味正.秘制蝦醬骨,  調味好, 肉質優,  煎得香口.銅盆污漕雞,  雞肉嫩滑可囗, 好好食！雞蛋蒸焗魚腸:  古法制作, 有農村風味, 滋味甘香, 叫人食後難忘.蟠龍鱔, 用蒜蓉鼓汁蒸, 上檯 熱辣 辣, 好睇又好食.接下來, 有鮮蝦荷葉飯, 杞子桂花糕,  也不錯. 這個晚餐吃得好味豐富, 大家滿意.

中午11點半去飲茶，諗住話叫點心，牛百葉叫完1分鐘都唔洗就上左 發現原來凍唧都算，叫左個牛肉球等點心 落漏單 特登reorder 都係無入 ，first order 個叫左個黑松露炒飯 等左成個鐘都未到 first second order 都食曬都未到 揾左2個先幫手睇到漏咗 隔離枱等埋單都等左成半個鐘都未有人ser佢 啲侍應個個都唔休做咁，懶懶閒咁，的服務可想言之 食物價錢又唔算平完全揾唔到主打賣點係食物完服務定咩 簡直就係俾錢買難受 永不再臨

昨晚和家人一行九人光顧此店，點了八道菜，其中一樣是銅盆污漕雞，要全雞，但上菜時份量只似是半雞，而且只見一隻雞翼及一隻雞腿，問一女侍應是否上錯半雞，她郤說廚師將幾隻雞斬件後一起調味，蒸時才執夠一隻雞的份量來蒸，我不相信專業廚師會這樣做，但因為已吃了兩三件，不能退貨，只好勉強接受，但後來看見鄰桌的銅盆雞盛器和份量都比我們的大，便再找侍應理論，她竟說你們吃光才出聲，但我們一早已投訴了，於是要求見經理，但見另一侍應和廚師講話後前來說計你們半雞算了，簡真侮辱顧客智慧，肯定不會再次光顧！

總括嚟講呢一餐好好食！$3888 ，/10 位，全包宴平均每人$400唔使好抵食。平時出邊茶樓啲嘢飲唔係人人都要$300一位平均，今次呢餐又飲又食，仲有卡拉OK，又可以打麻雀，仲可以玩到好夜添。非常推薦，地方又方便。喺尖沙咀區。以下就係今晚食物圖片：啤酒夠凍𠮩𠹌三太公：藕餅、釀青椒、蜆芥鯪魚球，揸得好鬆脆。蝦好大隻，又彈牙，抵讚！筍殼魚炸得好好碌鵝，冇得彈。梅菜排骨陳村粉：一絕！桂花糕，完美的句號。