23
4
4
Exit E, Causeway Bay MTR Station
continue reading
Introduction
A rising star in the scene of elite restaurants, Island Seafood & Oyster Bar is one of the most innovative seafood restaurants in Hong Kong offering a stunning array of fresh oysters as well as creative seafood fusion. Conveniently located at Tsim Sha Tsui and Causeway Bay.
continue reading
Opening Hours
Mon - Sun
12:00 - 15:00
18:00 - 23:00
Above information is for reference only. Please check details with the restaurant.
Signature Dishes
11號嗰日超凍，去到餐廳大概十二點半，一入到去就有人黎serve我地，俾我地嘅係熱水，貼心!我地揀食物(set lunch)就揀左石斑魚和牛柳(圖)，至於前菜就有是日餐湯或沙律揀，由於天氣凍的關係，我們都揀了餐湯(是日是龍蝦湯，冇影相，極濃和香，但咸了一點。)石班魚就一般，有點太冧，牛柳就唔錯，可惜冇西冷 有甜品，當日係紅莓朱古力蛋糕，正正常常啦!最後有個餐飲，coffee or tea，一般貨式。值得一贊係服務好好
continue reading
KsMeow曾在銅鑼灣工作，名店坊、百德新街一帶也是敗家選擇地，喜愛那里靜中帶旺，逛得舒服；還有不少餐廳食肆，當敗得累時，找個悠閒落腳地也不錯！．．．最近到了那里一間餐廳，邊嚐美食，邊學習品嚐香檳，感受美酒佳餚所帶來的樂趣！專業品酒師Jennifer Luk，帶領大家認識香檳的歷史及知識，由淺入深，簡單易明！相信門外漢也能有所得著！．．．法國的Fine de Claire肉身帶青色，裙邊爽彈，帶有濃濃海水味！個人的心水吃法，就是不蘸任何醬汁（包括檸檬汁）吃到蠔的後段，喝一小口酒，以其去提升蠔本身的甜味！G.H Mumm Blanc de Blancs不算太甜，帶點果香，配生蠔不搶其鹹鮮！．．．菜式之間，KsMeow特別愛看杯內的香檳氣泡，氣泡不斷的翻騰再分裂，不但觸動味蕾，更是眼睛的享受（笑）西式魚扒主菜，智利鱸魚及帶子配忌廉菠菜伴香檳龍蝦忌廉汁，令人滿意！鱸魚雪白富彈性，比想像中要滑嫩很多，單吃也亳無腥味，下了少量海鹽，魚肉的鮮甜更突出！想濃味一點，亦可輕蘸龍蝦忌廉汁，旁邊的忌廉菠菜吸收了魚油，翠綠又夠嫩，同樣不錯吃！屬清香味甜的G.H Mumm Cordon Rouge，跟魚的鮮甜亦很匹配！．．．甜品是焗蘋果金寶配雲呢拿雪糕伴什莓，兩者甜度較高！以入口帶微微果酸，有著淡雅高貴的三文魚粉紅色G.H Mumm Brut Rose襯托著，起了平衡味蕾的作用！小分享完畢，有興趣可按KsMeow或Openrice內其他分享！謝謝！
continue reading
與好朋友飯聚，她一早為我哋個飯聚訂枱，所以去到即時入座。朋友知道我鐘意食蠔，所以也特別揀咗呢間餐廳。餐廳環境舒適寬敞，感覺好舒服。一坐下，WAITER就捧2個大餐牌來介紹蠔款同埋TODAY'S SPECIALS。我個人比較喜愛CREAMY OYSTER，所以ORDER咗幾款WAITER都話係比較肥大既OYSTER。食蠔之先，先來一個PAMA HAM卷著芝麻菜卷，咸苦之間，味道尚可。接著我最喜愛既OYSTER上枱啦，WAITER都會提醒客人食唔同品種蠔既先後次序每人食咗3隻，反而食到最尾SIZE比較細既，先覺得好夠蠔味，相反，越大隻的，唔夠蠔味，唔夠肥厚，略淡口。原先我哋仲ORDER咗TUA TUA CLAM的，可能因為太低食啦，所以未夠8PM已經話賣哂！嘆完隻美味OYSTER，好想蠔味喺口留多陣，不過WAITER接著已送上前菜小食。呢個小食亦都係我最喜歡的鵝肝。不過呢度個CHIEF就煮得麻麻啦…雖然佢能夠細心煎得外脆，但可惜入面既鵝肝差少少先叫熟，所以食呢一小件鵝肝時，雖然煎得外脆，但入面生生地唯有食完即刻飲番杯白酒殺菌，安心啲。跟住我哋仲ORDER咗個SAUTEED BEEF SHORT RIB WITH BLACK PEPPER SAUCE，一口牛，幾好0趙口，BUT肉質粗糙咗啲，食落口都乾咗啲，下次可以試其他。食完哂頭盤小食，接著應該係到主菜。上主菜之先，WAITER捧上STRAWBERRY雪芭俾你RE-FREASH番再食主菜，感覺好唔同，唔會混雜前菜/小食香口既味道。而我哋今晚既主菜就係呢個帶子墨魚汁意大利粉。呢個主菜真係值得推介呢。粒粒珍寶帶子咁大粒，口感非常，墨魚汁夠新鮮意粉又爽口彈牙，下次一定會再食呢個。不過提提各位食呢個主菜時，緊記細細口咁食，想同朋友傾偈時先抺抺口同飲啖嘢，因為你一食呢個，滿口滿嘴唇都係烏卒卒，唔抺抺嘴先同人傾偈，真係失禮啦！食西餐，最後有個甜品先會覺得完美。朋友亦都就我意願揀咗一個好HEAVY既DESSERT：火焰雪山食火焰雪山都係貪見到果團藍火喺CREAM面上郁動。WAITER都會JOKING一句：「見唔見到啲火呀？呢度太光，唔係見得好清楚…」但事實又見到果團藍火燃燒過一陣子的。講番個味邊方面，整個火焰雪山味道ok，但略嫌酒味重咗一點，內裏相信唔止係雲尼拿雪榚咁簡單，因為仲包含有啲nuts喺度，增加一點0趙口。
continue reading
8月25日同朋友嚟左呢度食生蠔,其實尖沙咀都有分店的,不過我地之前去左上環所以去銅鑼灣好似近d,就揀左銅鑼灣啦.但去到竟然係冇做買一打生蠔送半打的優惠呀,問仕應點解尖沙咀有做,佢地就話唔同分店未必會做同一樣既優惠的呀,朋友前一晚係打過去尖沙咀問話仲有呢個優惠的,真的好唔抵.好無奈的情況下就叫左每人兩隻生蠔啦,無得送真的差好遠,我叫左一隻澳州,另一隻係愛爾蘭,兩種完全唔同味道的生蠔,大細都差一d,澳州的較咸及有蠔味,肉身都較爽口,愛爾蘭的則比較creamy及淡身,我較鍾意濃味的澳州呀,其他朋友叫左既種類都好唔同架,口味亦係有些鍾意濃,有些鍾意淡身d.送了一籃麵包,麵包有三款細細個的,味道都ok的,我地還order左一些嘢一齊食,羊架及牛扒,還有沙律,墨汁意粉等, 羊架有兩件的,賣相都幾靚及唔會好生,味道都好味的又唔算酥,配一些薯蓉拌碟的. 西冷牛扒五成熟,所以我都唔敢試,但賣相都好ok,出面煎香但入面還生生地,肉質應該會好滑的.沙律一款用coupon送的,另一款則係凱撒沙律跟幾條炸了的魚肉條,ok啦,但好重味,d沙律既汁太咸及太多了.反而送的那款較清,還有pama ham的呀!因唔太夠食所以就叫左一個墨汁帶子意粉,嘩粒帶好大粒架,帶子好好味又爽又多肉,意粉都好香及入味呀,雖然食到成口黑晒,不過我地唔夠口再叫多左一碟的呀.環境都ok的,雖然唔係好大,服務ok,但如果有埋買一打生蠔送半打就very ok啦!!
continue reading
我一個月都最少會幫襯兩王三次既,無論日頭或者夜晚我都覺得d野食都做得好好,waiter同waitress亦都好"好客",眼見同其他客人能夠打成一片,食客都食得好開心,又會主動介紹佢地既daily specials同其他promotions,相信末必間間餐廳都能夠做得好(到),食物都保持一貫水準,由其係佢地既pasta同海鮮都做得十分出色,智利鱸魚更加無得預,隔離枱枱外國客人都大讚一番,相信佢地可以做得更加好呢!!!!!!by the way,剛剛睇倒之前兩篇既食評,希望你地更加努力,証明你地既service同食品係好好既,努力,我地一班朋友同你地既客人一定會繼續撐你地既.........!!!!!
continue reading