一樂烏冬 (Closed)

這是一間小店，小店到只有幾張枱，但卻完全感受到小店的用心、體貼。呢間日式小店有好多小食，其中看中了這款。這款是蟹膏玉子燒。平時玉子燒都只係一舊蛋，但呢款就唔一樣啦！佢係有沙律在上面的，還有蟹膏。而玉子燒是甜甜地，但蛋咪十足，而且仲有少少半熟的蛋醬。嚟到呢度又點可以唔食烏冬呢？先選了湯底，好辣的人一見到個「辛」字就二話不說了。來個地獄辛辣湯底，之後揀了豬軟骨做餸，最後當然是要烏冬吧！湯底雖然又未到地獄的辣，不過因為有好多配菜如日式魚旦、蘿蔔、菜、紫菜等。所以都好有味道。烏冬的麵質一睇就知是靚料啦！麵質軟硬度適中，食落入味之外，都唔會易碎、易斷。另外，見到餐廳都推介這款小食。如果你以為佢係普通的雞翼，咁就真係太少看佢啦！呢款雞翼是有內餡的。所以一咬落去口感十足。內餡好足料，係好多肉係入面，而且味道豐富。最後就係甜品了。聽店員講甜品是剛推出的，係老闆凌晨研發出來嘅，淨係心機都贏啦！味道不錯，而且很健康，值得一試

放工後去長沙灣探朋友，去開宇宙商場附近，諗住搵啲小店幫襯下，行到美寧中心就見到依間日式烏冬店喇。店鋪係比較醬細，大約有10個位左右。我地黎既時候比較早，有兩枱大係度。店鋪裝修得唔錯，最重要既係感覺乾淨。依間係主要食烏冬既地方，所以有好多款唔同既烏冬可以揀，仲有7款湯底，實有一款啱你。小食都有好多選擇，都好吸引，仲有埋甜品，但飲品就普通啲，有可樂汽水烏龍茶咁。因為我太熱氣所以無試到依度既皇牌A4鹿兒島和牛烏冬，但我見人地既食法都好特別，係要自己放湯汁去整熟佢，好似生滾粥咁，咁樣牛肉一定唔會太熟啦。我今次叫咗依個日本黑豚肉烏冬，配咗赤湯，睇落去可能你會覺得好辣，但係食落其實啱啱好，湯底唔油膩，加上豚肉肥瘦適中，成個都約配合，配菜又多，個白蘿蔔如果再大舊啲就更好喇，值得推薦。另外我地都俾啲小食吸引住咗，依個玉子燒蛋味濃郁，熱喇喇，好味。明太子雞翼，咬落去無骨既，雞翼裡面塞滿明太子，明太子咸咸地既味道同雞翼都幾配合。依個炸蠔俾想像中讓好食，無諗過會係度食到咁鮮味既蠔，由於每樣野都係即整既，所以都新鮮熱喇，由其是依個炸生蠔，我強烈建議點咗沙律醬，會升咗去另一個層次，會令個生蠔更加鮮味同個皮無咁油

朋友住附近，晚飯時推介我黎試下，話價格相宜，就算放工時間都唔會太迫。門面店員安排我坐係卡位，即刻被枱面餐單吸引，大大隻牛印咗係度，原來係和牛，作為牛魔王，梗係試下。餐廳仲有提供七款湯底配烏冬。今次款烏冬係跟一樂特色湯底。餐牌湯底係同烏冬分開上，湯會在你面前煲滾，然後淋上和牛烏冬，又可以睇住和牛肉由生變熟，又可以保持肉質新鮮。和牛薄薄一片片，入口滑嫩，味道不錯！另外點了兩款小食，一款係厚切玉子燒，另一款係明太子手羽。兩款小食上枱時都熱辣辣同香噴噴。一樂燒玉子四件一碟，甜甜的玉子燒，入口暖笠笠，有一種滿足的感覺。明太子手羽（2件）作為雞翼粉絲嘅我，又點可以錯過，雞翼拆咗骨，釀入明太子及用蔥調味，入口既有雞翼香煎味，又有明太子獨有味道最後叫了一份甜品，黑糖厥餅，作為晚餐完結，包裝幾特別，黑糖糕配上白宮本黃豆粉，幾好味！

今天一早同靚女去找黃鈴花，可惜花落哂啦！聽到有人話漢花園有亭台樓閣，咁我地未帶著希望去睇，不過都是失望，行到又攰又餓，遠見到間以藍白色為日式餐廳，見價錢合適便入去試試，內部裝修更加日式，掛了日式燈菜單圖文並茂，簡單易點，湯種類分得非常仔細，並用顏色分清楚，餐具套以櫻花作設計我地點左日本產黑毛豚肉配赤湯(即是一樂秘伝蕃茄豚骨濃湯，日式餃子(4件)，一樂手打烏冬加明太子胡麻沙律汁先遞鴨胸芝麻蟹籽沙律，很多蟹籽，沙律菜新鮮，芝麻醬多日本產黑毛豚肉配赤湯烏冬：很多黑毛豚肉，烏冬彈牙同滑，配菜多日式餃子(4件)：煎得皮脆肉嫰，一口咬下立即有肉汁流出一樂手打烏冬加明太子胡麻沙律汁，冷烏冬更突顯出烏冬彈牙同滑，蟹籽、青瓜絲、蟹柳絲同粟米多，配埋明太子胡麻沙津汁同紫菜，非常好味最後我地想點紅豆宇治綠茶奶凍作甜品，侍應姐姐介紹我地試沖繩黑糖蕨餅，因為堂食特價15蚊，外賣就25蚊，不過嗰靚玻璃樽在堂食就回收返，外賣則不用。甜度適中，蕨餅煙韌彈牙

一樂烏冬 烏冬天王拉麵專門店就見得多，想不到烏冬也有專門店，今天一於實地勘察一下，滿足我對麵食的一個狂熱。食店主打冷熱烏冬，湯底非常多元化，有元氣清湯、鮮魚湯、代表辛的辣豚骨湯，代表白的豚骨湯，代表黑的黑蒜油湯、代表赤的蕃茄濃湯和代表金的喇沙濃湯，相當有誠意的特色湯底。另外食店還提供一系列的小食，有炸物、燒物、沙律、茶碗蒸、一品料理和甜品等，非常多元化。赤。日本產黑毛豚肉烏冬大大件黑毛豚肉，肉質扎實有口感，肉味濃，薄身，脂肪比例好，赤的蕃茄湯底非常濃郁，烏冬條條分明、幼滑，不會黏在一起像麵粉團，晶瑩剔透。配料亦非常多，有日本蔥花、赤板魚蛋、昆布碎、大根、紫菜絲、水菜和花菇，絕對可以媲美拉麵的地位。日式吉列炸蠔一客四件，金黃色的炸蠔，脆脆鬆化的外皮，蠔的鮮味，蠔非常多汁，不會炸得過乾過老，浸一浸烏冬湯底，惹味！一樂厚燒玉子相當有厚度的玉子燒，層層分明，一咬開時，熱氣騰騰升起，玉子預先經過調味，令玉子燒底味非常夠又不會過甜，出色一品料理。純手工黑糖蕨餅事關包裝得太靚太有味道，最後忍不住外帶走回家再嘆過！

今日係屋企附近食晚飯, 因為今日天氣有D凍, 想食D比較熱既野, 所以就去左呢間日本拉麵店, 一坐低就立刻點菜先, 哈哈….係自己劃的, 我地點左一個肥牛手打烏冬$55, 湯底選左豚骨湯, 另外仲+$20升級轉套餐, 可以選一款小食&飲品TIM, 小食選左厚燒玉子, 飲品選左麵鼓湯, 講返碗烏冬先, 烏冬係幼身的, 幾喜歡呢個豚骨湯, 大廚加了黑蒜油, 好香口, 而配料更有糖心蛋&木耳絲. 而小食燒玉子面還放了蟹籽沙律, 味道更豐富, 仲有4件TIM.另一款我地點左吉烈炸蝦手打烏冬$55, 都係豚骨湯底, 吉烈蝦炸得香脆, 有3隻, 呢個我地無跟餐, 因為我地想叫芝麻雞翼$38(2隻), 呢個不包括餐內, 哈哈…為有散叫, 雞翼炸得香口之餘唔會乾哂, 仲保存左D肉汁係到, 好JUICY.

少見香港有專門烏冬舖，特地在回家路上繞到長沙灣買返屋企食。回到家己是成個鐘之後了，將湯加熱了之後倒入烏冬中，拌勻之後就食得。味道不過不失、豬骨湯同木魚湯都恰如其份。屋企人亦都話好味。配菜叫了厚燒玉子同胡麻豆腐，胡麻豆腐係一驚喜，十分好味。厚燒玉子亦算可以，但應該可以再進步少少。總體來講，算是一次愉快的用餐經驗。但是外賣的包裝可以再進步、尤其對唔住附近的人，包裝的好壞十分影響外賣嘅意欲。未影相，因為未想過要上來評。但希望小店能好好發展、生意長做長有！

呢排食烏冬食上癮 去到邊度都想食烏冬 我啲烏冬癮又起 朋友係長沙灣附近返工 佢話近近地 一於同我去呢間新開既日式烏冬小店 幫我止一止烏冬癮 呢度店舖細細 店員安排我地坐一張四人枱 都坐得舒服 話晒呢度主打手打烏冬 我地當然要叫黎食下啦 鍾意食辣又係食肉獸既我就叫左個肥牛地獄湯烏冬 朋友就話想試下個黑毛豚肉豬骨湯手打烏冬 呢度所有烏冬都可以加＄20升級做套餐 套餐包小食/炸物再加汽水/麵豉湯 我地升級左一個套餐 叫左份炸餃子🥟店員效率都好高 等左5分鐘左右已經有得食肥牛地獄湯手打烏冬辣對於我黎講就可以更辣 但呢個地獄湯聞落好香之餘 食落都夠味 烏冬沾上辣湯更加好味 肥牛都有四五片 牛味十足 最正當然係主角手打烏冬啦 呢度既手打烏冬比較扁身 有啲似意大利扁麵 口感亦比平時出面食到既手打烏冬更煙韌 每一碗烏冬仲有紫菜 木耳加半隻蛋 價錢仲好平民 夠晒抵食 黑毛豚肉豬骨湯手打烏冬朋友就話個黑毛豚肉咬落都有啲似肥牛既口感 大片肉得黎又唔鞋口 但佢最欣賞就係隻溏心蛋 時間拿捏得啱啱好炸餃子味道尚算不俗 炸得亦唔太乾 唯獨感覺油左少少 小食黎講都有4件 加錢轉套餐都真係好抵經過今晚 相信呢度會成為

今天要往長沙灣買點東西，行到肚餓，經過這間烏冬店，看到menu頗合口胃，價錢又不貴，決定入內試試。店內面積不大，但很新淨。看看menu, 簡單點了兩個烏冬和一客餃子。櫻花蝦手打烏冬很多櫻花蝦，夠足料！讚😋。流心蛋煮得剛好。主角烏冬-很彈牙👍黑毛豚肉手打烏冬豬骨湯底夠味。豚肉切薄片夠入味，且肥瘦適中。烏冬很彈牙。炸餃子熱辣辣，炸得剛剛好，不會乾，用來送烏冬一流。沒有加一，讚👍。下次想吃烏冬，又一個好去處。

諗住新開張支持下,但吃了失望而回。叫了一個湯烏冬。烏冬到左,凍的。要叫佢地加熱...好了，加熱後再食,味道完全吾得,難聽d講句,我自己煮即食面冇分別。因為完全係即食面味道,半熟蛋食落好似食膠,味道普通

做完gym經過東京街， 見到新開一間日式小店 原來係食手打烏冬 ，走入去試下 ，我叫咗個 七味雞翼 手打烏冬， 價錢58蚊都幾好味喎 可以值得推介 ，但店內得煮面師父一個人既關係 ，入去食就真係要等等啦， 味道都唔錯，大家可以試下!

天氣開始轉涼，加上少少落雨，誠實嘅身體開始引誘我去搵啲暖身既食物。好想去食日本野，但係今次不再以刺身、壽司為主，秋高氣爽，食烏冬就最有氣氛。每次黎一樂都爆場甘滯，唔訂枱分分鐘要等位，今晚提早六點半到，成為等一台客。一坐底，即叫左呢度人氣黑毛豚肉手打烏冬!！依然係咁柔軟、彈牙、好嚼口。每塊都煎得好 juice. 嫩滑無比，肉質新鮮， 火喉啱啱好，好利害！每次黎一樂烏冬之後。都非常滿足。下個月，還要再來！

今日放工相約好友去左長沙灣行街，朋友又想食面, 記得之前去過一間叫一樂烏冬食過，味道不錯，今天甘岩來到，當然要再嚐美食啦今日大約8點去到都不用等位，好快就入得去坐.雖然店面比較細, 但都好整潔,我點左個吉烈炸蝦手打烏冬, 等左6分鐘左右就有得食, 好高效率, 現點現炸, 炸蝦分開上, 好脆好多肉汁好香!i like it 朋友就點左個肥牛手打烏冬 地獄湯頭,  嗅落好香, 朋友話好夠辣, 肥牛不會鞋, 好食過吉野家 

星期日晚約左朋友食飯，返工時間上網揾餐廳，最後睇中呢間，而且係公司附近，地鐵站一出就係，夠近！呢間主要吃日本菜，烏冬為主~價錢平……最後我揀左黑豚肉豬骨烏冬，朋友就天婦羅大蝦烏冬，好好味貪佢有海鮮又有肉，外加套餐, 有餃子同氣水, 唔錯果然無令我失望，烏冬彈牙，湯夠熱而且肉多少，個湯又好味，仲有配蛋菜蔥，雲耳等~食左朋友隻,天婦羅大蝦, 哈哈, 現點現炸 好脆!好大隻個餃子 一樣都係, 現點現炸, 好脆

今日去左陪朋友去長沙彎搵樓，行左半日，係付近有間日式烏冬、似模似樣又吾貴，地方小小，，五點人吾多，2個人慢慢食下都幾舒服地方雖小，夠光猛面對大街價錢十分相宜豬湯底好香，色澤淡淡牛奶色每碗配以木耳，紫菜，半隻流心蛋七味雞翼，三隻，多肉，皮香脆黑毛豚肉手打烏冬，豚肉吾會太肥烏冬又滑又彈牙，幾十蚊都有咁出色表現小食玉子燒，賣相ok ,表面金黃微焦，美中不足不夠熱，小小油，如果物吸油會較好整體表現ok ,平平地真係可以試下