Ice Puff

Open Now

Now Closed

見到雞蛋仔真係好難抗拒•比利時朱古力雞蛋仔🧇賣相已經好吸引以70%比利時朱古力製成食落唔甜又唔會太甘苦 朱古力比例啱啱好而且食落外脆內軟 入邊仲係綿綿嘅質地好食 過關🧡

介紹一間我每次去旺中掃街～都一定會食嘅雞蛋仔✨位於一樓嘅Ice Puff長期都好多人排隊架！（近新之城）因為佢嘅雞蛋仔同格仔餅係有好多口味可以揀嘅😇之前食過好突出到蛋香味嘅原味，同食完一啲唔膩、好清新嘅伯爵茶口味😜今次一於試下Nutella榛子花生🥜同之前食嘅雞蛋仔一樣外脆內軟🤩Nutella嘅味道都幾濃，仲食到一粒粒嘅花生係粒雞蛋仔入邊！口感都幾過癮😉唔知大家去到又食過咩口味嘅雞蛋仔？介紹俾我下次再去食呀😆回頭指數：🌟🌟🌟🌟🌟Ice Puff (旺角)旺角彌敦道688號旺角中心一期1樓F51舖

🐭 米奇老豬Vol. 280 🐷［Ice Puff］呢間係得到雞蛋仔關注組認證嘅 🉐️老豬怕排隊 所以開舖前5分鐘已經等緊🤭一開舖之後已經有1X個人陸續下單 果然早起的豬有雞蛋仔吃😎.🐖🐖《阿華田脆脆雞蛋仔》🐖🐖 🛑 8/10 🛑 💰$29 （麻糬+$6 麥精雪糕+$30）💰雞蛋仔超脆 係脆到有聲 👂🏻不過有d比較空心～加左麻糬 差唔多每粒都有 仲有阿華田脆脆醬 🤤但變相雞蛋仔底漿少左雞蛋仔本人就食唔出阿華田味😳雪糕係XTC出品嘅麥精味口感偏雪芭 無gelato嘅口感 🫣同埋因為加雪糕要用杯上所以食到底嘅雞蛋仔就會焗到淋左咁樣一個雞蛋仔要$65就覺得小貴🥹.🐖🐖《伯爵茶雞蛋仔》🐖🐖 🛑 8.5/10 🛑 💰$26 （蜂蜜+$6）💰本身老豬好怕伯爵茶加左奶嘅任何製品今次呢個試完超驚喜 🤩係❣️真❣️伯爵茶味 唔會有果種番梘味😂見到每粒雞蛋仔都有茶葉碎入口清香 👃🏻 🍃蜂蜜係一粒粒爆珠咁 同茶味好夾.雖然呢間都唔錯 幾脆口而且伯爵茶蜂蜜有驚喜 👻不過我都係鍾意潮食同醉香雞蛋仔多d.❣️🐭總評分🐷❣️味道：8.3/10服務：N/A環境：N/ACP值：✴️ 中 ✴️ ENCORE：✅ （伯爵茶蜂蜜）.自費️

喺旺中掃街，好多人推介呢間雞蛋仔！即管一試～店有好多唔同口味嘅雞蛋仔，有咸有甜、亦有夾餅。我哋叫左70%比利時黑朱古力雞蛋仔，等左大約十分鐘，即叫即做！仲可以儲Mee積分添1. 70%比利時黑朱古力雞蛋仔一拎上手熱辣辣，黑朱古力味撲鼻而來！雞蛋仔唔太夠蛋味，但落足黑朱古力料！成個雞蛋仔唔甜、唔算偏脆，但都好好味！大推

下午茶時間想食少少野，掃街黎講食雞蛋仔是我的首選，呢間係我覺得幾好食既。今次試下咸味雞蛋仔，叫左車打芝士味，仍然保持水準，外脆內軟，每一粒都有濃郁芝士味，2個人 share食都好滿足了。鋪頭細細，得一張枱仔喺門面，所以要搵個角落企埋一邊慢慢食。

旺中掃街飽肚之選一定係ice puff💛雖然價錢比較貴少少，但真係真材實料😚雞蛋仔即叫即整，所以即使前面無單都要等5分鐘左右⏱特別推薦紫菜肉鬆口味($30)同栗子($28)🌰格仔餅外層脆口，非常重蛋味，而且每粒都脹卜卜，非常之足料😋佢哋啲蛋漿高質到見到好多人買原味格仔餅走所有醬🤣另外跟餐買埋泰式奶茶都好化算👍🏻價錢只係$16，用ChaTraMue茶葉🫖除咗價錢平啲，優勝過ChaTraMue專門店嘅原因係冰係數目😶ChaTraMue專門店啲冰多到飲咗2啖就無曬🥲雖然佢解釋係泰國天氣好熱所以落足冰，但呢度係香港，或者佢可以收返我泰國嘅價錢😠加埋都係$46，有時候唔太餓真係可以咁就當lunch/dinner😆

2022.8.27 星期六 3:50pm上次吃過車打芝士味，今日第二次吃，必定是點沒有試過的味道啦，今次咸蛋黃味~| 黃金咸蛋黃雞蛋仔 | $32咸蛋黃不少，佈滿雞蛋仔，不會有硬粒，很香口但不太咸，都很有蛋香。這個比上次吃的車打芝士，沒有那麼挺身和脆，所以有些錯覺，沒有上次的那麼大份。不過還是很好吃的~

每次經過旺角中心都「心郁郁」想來這店買雞蛋仔做甜品💓已吃過不下十次，雖然這家有好多不同口味的雞蛋仔，但我還是鐘情於他們的伯爵茶口味，新鮮製作的伯爵茶雞蛋仔，除了熱氣騰騰外，未脫下口罩已聞到伯爵茶獨有的香氣～配料選擇了蜂蜜口味的爆珠，咬開雞蛋仔時會先嘗到伯爵茶的茶香味及蛋香味，再咬到蜂蜜的部份是，甜味就會在口腔內爆發開，非常有趣的口感！🤤

每次經過呢一間舖頭，除咗有好香濃嘅雞蛋仔味之外，都一定有人排隊。今次見到等嘅人唔算多，所以就即刻排隊買🤤掙扎咗好耐到底揀朱古力味定伯爵茶味好，咁啱見到出爐嘅係伯爵茶味，而且隔住個口罩都聞到好香濃嘅茶味，所以就決定揀佢！大概等咗15分鐘☺️ 就有一底熱辣辣嘅伯爵茶雞蛋仔！佢真係外脆內軟，仲有濃郁嘅伯爵茶味，真係好食同大大推薦🤪🤪 如果唔係仲想試埋其他旺中嘅嘢食，應該會直接買埋朱古力雞蛋仔嚟食🤣🤣

由細到大最鍾意❤️早餐飲杯阿華田😍今日我就展開阿華田尋味之旅🙌發掘更多有關用阿華田製作既食物🤤第一站我就黎到位於旺角中心既ICEPuff 🥰小食款式都好多🤗而雞蛋仔味道都多到不得了👍不過我當然會點返份我最鍾意既「阿華田脆脆雞蛋仔」口味啦❤️❤️呢份🐥雞蛋仔係整既過程加入咗阿華田粉😜聞落真係香噴噴🥳🥳食落唔會超甜配上濃濃雞蛋香🤤入口超鬆化而且有外脆內軟既口感真係會食到停唔到口架🤤

唔知幾時開始旺中變咗美食中心咁.入邊好多好嘢食.而且都幾齊全.我中意食嘅大部份都有.今次分享呢間先.真係一定要試吓哩間既雞蛋仔.如果同朋友一齊食.仲可以試多幾個唔同既味.朱古力味.伯爵茶味都好好食😋仲可以加麻薯今次得我一個人食.所以淨係買咗我最鍾意嘅芝士味!車打芝士雞蛋仔超香既芝士味.因為芝士溶左.所以令到個雞蛋仔特別脆.同埋好多芝士.溶哂落個雞蛋仔好正.作為芝士迷食過真係返唔到轉頭🤣芝士迷一定要去試下呀👍🏻價錢唔算貴.而且即叫即整性價比高🤟🏻

去旺角掃街，第一站就嚟咗ice puff，好好彩，我哋啲嘢食做起嘅時候，張枱就有得俾我哋坐，可以慢慢食，唔使食得咁狼狽試咗兩樣嘢，原味雞蛋仔（$20）同埋阿華田脆脆夾餅（$39）呢度選用日本麵粉，所以識落啲雞蛋仔同埋夾餅都好鬆軟先講雞蛋仔，外脆內軟，好香蛋味夾餅揀咗阿華田脆脆，夾餅好厚，都係外脆內軟，好鬆化，個阿華田醬都甜嘅，但係配埋個上下層咁厚嘅夾餅，甜度到就啱啱好，咬到中間仲有啲脆脆，增加口感，好味

2022.7.4 星期一 5:15pm過了下午茶時間，又未到晚飯，肚空空的時候就好就是吃小食😋Ice Puff在旺中1樓連接新之城的位置，有很多人買，有一張枱可以坐。味道很多選擇，不過怕太飽又想有點特別，所以選了車打芝士味~••••••••••••••••••••| 車打芝士雞蛋仔 $26 |🧀🥚即叫即做，拿上手暖暖的，未吃已經陣陣芝士香味，金黃色很吸引。外脆內軟，脆得來不會太薄，有咬口，不會乾，亦有焦香的濃濃車打芝士味，均勻地佈滿全底。整個雞蛋仔很挺身，吃到最後不會塌下來。••••••••••••••••••••十分高質的雞蛋仔~還有很多配搭，全部都想試😋😋😋

經過旺中每次都忍唔住想發掘好野食 作為一個蛋控🥚🍳小編決定去買一底心心念念嘅雞蛋仔🥹🫶🏻🧇阿華田脆脆雞蛋仔外脆內軟無得輸🫵🏻阿華田濃💋但其實有似朱古力味🤓脆脆嫌佢唔夠多哈哈 可能係小編重口味😋大家下次可以試下加麻糬😊不過今日見飽飽地所以小編就無試啦😛而且佢仲有好多其他味道但係小編一個人就無試咁多 印象中鹹蛋黃好似都破吸引 雞蛋仔關注組可以關注吓💸價錢：$29✨好味·到指數：3.5/5🤍🤍🤍

 朋友介紹旺中1樓有間食雞蛋仔好好食，咁啱經過就去試試佢！友人極力推薦車打芝士雞蛋仔（$26 ），開頭都唔太信會好食，因為我好少會食鹹嘅雞蛋仔，有得揀我都會揀甜嘅餡料，又或者係茶味嘅雞蛋仔，既然友人都咁講，咁就即管去試試！！等咗大概咗5-7分鐘就有熱焫焫嘅雞蛋仔～ 聞到已覺得好香，又脆又香，鹹鹹地又甜甜地，比想像中夾！份量都好多，2個人好夠食！食到好飽！所以好推薦大家去試車打芝士雞蛋仔，包你一定有驚喜！！