漢寶酒樓

Open Now

Now Closed

永遠唔會再去，本人與家人一共7大人1小童晚上於土瓜灣漢寶酒樓晚餐，於安排坐位後本人研究貴酒樓餐牌，貴酒家當日供應特選餐單8選1優惠，由於有疑問，我便向每侍應招手，當時一位身穿白色工衣負責海鮮的人向我行埋嚟問我有咩需要幫助，我便問他8選一優惠是否八人都只可以選一款，他向我表示只可選一款，隨後我便問他，如果我想食龍蝦，這個是$16.8一兩嗎？他即時回答我是，隨後再向我表示如果我需要$16.8享用龍蝦，我便不能選購8選一優惠如果我需要享用8選一優惠，龍蝦便需要正價$18.8一兩，我立即計算，因為我想要兩斤半的龍蝦即是一斤貴$32 ，如果我要食龍躉兩味，原價是$268特價是$168，這是便宜了$100 ，但如果我正叫$18.8的龍蝦，我要兩斤半都不過$100 ，所以我當刻同佢講咁我龍蝦要正價，而8選一優惠我要了龍躉兩味，其後我再點了其他餸，當晚所有餸都是偏涼的，就像是全部都煮好，放進微波爐再拿出來的感覺，而大班兩味的其中一味還是未煮熟，我們都沒有投訴或供給意見，當晚消費$1969，本人於簽賬後發現單據出現錯誤，所以向收銀的那位女士說，收銀的那位女士向我說：龍蝦及八選一優惠不能同時享用，我向他說

各位食友，講真，今次去漢寶食茶，真係有啲出乎我意料嘅驚喜喎🤤！烧贊系列啲烧卖，真係爽口得嚟彈牙，潮州粉果也係粉嫩滑溜，一啖齊心係好過癮。至於馬拉糕，蒸得啱啱好，每逢特價時我都必須點一份✌️。馮爪比起其他地方，賣相潔白，骨吱吱鬆，又有微微嘅麻香，一啖一啖真係好過癮。跟住嚟個南乳醬豬手，肥瘦相間，猪手皮膠質豐富，啖啖肉，口感零售嫩滑。🥢而家啲餐廳少左咁嘅平民價格，但漢寶真係保持到。地方又大又舒服，裝修古色古香，唔使太嘈吵，坐落嚟飲杯茶嘆住啲點心，真係一個悠閒嘅下午。特別推介佢哋個燒鵝，皮脆肉嫩同嗰個咕嚕肉，真係岩哂愛食肉嘅朋友！喺呢度飲茶，你可以真正放鬆，又唔洗擔心荷包大失血。下次想飲茶，記得嚟間漢寶，保證你食得開心又滿足😋！咁好滋味，我下次一定仲會再黎！

18/12/2023來做冬，點了情嚐聚晚飯全包宴-供8位餐。閒日都差不多滿，好彩朋友一早訂咗位。自剪皇子乳豬（一隻），熱辣辣，皮很脆，自己親手剪，原來都幾麻煩，又熱又大份。上湯焗珍寶蝦球伊麵，好多蝦，伊麵爽口。古法洋腩煲，太多肉，多D配菜重好。家鄉燒汁茄子，最滿意這道菜，超好味，朋友個個都讚。清蒸大沙巴龍躉高湯灼唐生菜港式片皮鴨二食涼瓜炆鴨件瑤柱蛋白炒飯，炒得很乾身，好味，但太飽啦，打包。皇母蟠桃

~漢寶酒樓家常晚飯~屹立土瓜灣超過30年既漢寶酒樓 係兒時經常去飲茶既地方 以前既地方係更加大 但能一直經營下去已經很厲害。今晚一家人突然諗起呢間酒樓 便去食個晚飯。 6點左右到達 已經有經枱客人 亦有幾張枱留座。 之後有幾團旅行團 心中擔心做團餐會唔會質素下降。p決定叫4位套餐 + 漢寶出名既龍蝦伊麵。先上原盅燉湯： 有水準 有湯料 每人有2碗炒龍躉球： 好香口蒸龍躉頭腩：好滑小炒王： 有獲氣生炒骨： 酸酸甜甜好食龍蝦伊麵： 正正常常啦整體感覺水準以上 食後無口渴今餐主要係食感覺漢寶係土瓜灣集體回憶。希望可以繼續陪伴我地街坊啦

星期日一家人聚首一堂，土瓜灣沒有什麼選擇可以坐一小時或以上，唯有選擇漢寶， 點心選擇少之有少， 屋企人喜歡食辣，叫服務生攞兩隻辣椒油，佢話只提供豆瓣醬，辣椒油係有，衹不過你要嗌粉果先至會供應，食了接近八百蚊，連兩碟辣椒油都唔畀，我話畀錢，佢都話冇！簡直不知所謂 ！唔會再有下次， 簡直趕客

免開瓶費！土瓜灣地點方便就腳，平民區酒樓收費都好抵，而且漢寶呢個名都上年紀，真心唔希望呢啲非集團酒樓結業！環境大，光猛，尚算整潔，閒日入坐率五成左右都算少。。。晚飯優惠 ： 果皮蒸鮑魚 $11.8/隻每位可點兩隻，鮑魚肉爽，肝臟已去除，鮑魚味就唔太濃晚飯孖寶：金牌燒鵝皇(例) + 菠蘿咕嚕肉 $ 178燒鵝有翻熱，上枱暖偏熱，皮已經唔脆，但肉質唔韌，非常靚鹹度適中咕嚕肉超好食，雖然當中夾雜咗啲細細粒冇肉嘅，但係上枱半小時依然脆皮，咕嚕汁亦調得酸甜有緻四位套餐 $ 500清蒸沙巴龍躉仔未到一斤，酒樓蒸魚豉油非常正魚蒸得啱啱熟漢寶金牌炸子雞皮脆肉嫩，骨位依然紅，剛剛熟上湯大蝦球伊麵大蝦球大隻爽彈，加上上湯有少少蒜非常香口惹味，伊麵亦煮得似意粉一樣彈牙福建炒飯汁料都好足，非常豐富好味飯後水果

一間聞名已久嘅舊酒樓，曾經係爸爸帶我去食過，同樣以龍蝦作招來，現時分店唔多，土瓜灣呢間好似係最老最舊嘅舖！？首先揀佢係因為免開瓶費第二係見到有優惠第三係近市區又非大集團沙嗲粉絲滑牛煲 $ 98粉絲非常多，汁水都收得算乾，滑牛份量唔少而且有咬口，唔會好淋，餸飯一流椒鹽蒜香骨 $ 88失色失分！擺碟唔靚，椒鹽同炸蒜不足，令啲排骨冇味。排骨明顯上炸漿炸，有別傳做法，同我想像有出入，而且排骨偏瘦似煲湯骨，可以不吃晚飯優惠：2-6人一條沙巴龍躉仔 $ 682人黎講啱啱好，自己買條普通魚都40-50。熟度剛好，蒸魚豉油都一貫酒樓水準魚肉滑又爽彈姐姐見我地食到咁上下都自動送上西瓜碟個場都有30圍左右，以尋晚閒日計就生意一般，只有1x圍枱，不過好享受少客嘅寧靜，酒樓電視一直播放優惠同圍餐，冇其他娛樂，建議轉播電視台節目會更吸客更熱鬧

自從土瓜灣星廚坊榮休之後，同區都唔知邊到有好味嘅芝士龍蝦伊麵，唯一未試過係漢寶酒樓.自從壹點甜轉做點心(以前唔係做中式點心，聽個店名就知!)而一直幫襯，已經好少上酒樓，再變成有D抗拒去酒樓，因為又貴又唔好食，所以遲遲唔去漢寶.搵咗好耐，連老遠 (對我老人家嚟講係老遠!) 嘅紅磡街巿都去埋，係文記食咗個好唔掂嘅芝士大蝦伊麵之後，開始有D認命，可能真係要上去漢寶會一會佢地嘅龍蝦伊麵.為慶祝新年食好D，於是去漢寶慶祝吓!大大話話有6年無幫襯漢寶，上到去地方闊落，時間尚早所以大把位.見到有份推介，龍蝦伊麵加半隻脆皮燒雞, 都係 $538，點咗一客，另加蒜蓉炒豆苗，可惜龍蝦伊麵係上湯唔係芝士焗.蒜蓉炒豆苗味道較重，減咸更夾自己口味.脆皮燒雞皮脆肉嫩，只可惜唔多夠熱.龍蝦伊麵龍肉彈牙又入味，份量足無偷工減料，伊麵沾上不少上湯變得更惹味.上龍蝦伊麵嘅侍應竟然一身廚房師傅裝束，埋單又無人理，好明顯人手不足，反哂鄉下過年吧......

和Honey路經木瓜灣，想坐下傾偈的午飯地方，小店和茶餐廳不可，看到漢寶，就試下啦……老名字，但實際幫襯，好像没有。老名字，果然，幫襯的茶客，全是上年紀的街坊。我叫了午市套餐 $78豉油雞半隻 + 一窩湯瀨粉瀨粉好大窩豉油雞入味，雞肉滑，啖啖肉。抵食又好味。Honey讚，連雞胸肉都不「鞋」。午市小食三拼 $88兩拼$68 三拼$88 四拼$108我們選了：菠蘿咕嚕肉椒鹽酥炸豆腐沙薑豬手粒菠蘿咕嚕肉剛炸起，外皮脆脆的；咕噜汁甜酸度剛好；肉是豬爽肉，不肥膩。椒鹽酥炸豆腐也是剛炸起，熱騰騰的。沙薑豬手粒Honey好喜歡，没有骨，啖啖肉；豬手皮不肥，而且是薄皮和脆脆的皮；没有沙薑味，反而是蒜醋汁，更好！滿桌美食，每款都好味。而且，碟碟份量十足，又夠熱。埋單，只需$202，超抵！！！

今天是媽媽節，因為我是🐶白媽跟住白爸諗左好耐都唔知食什麼啊跟住佢話去飲茶，佢話係新開但係佢食飽後就知道搞錯咗，其實新開果間在附近不過唔緊要就當試一次漢堡酒樓兩個人都是點不到太多食物，但因為我想食流心奶皇飽所以先去酒樓食，不過當然沒有流心啦不過鮑汁雞腳就很好食，差不多是我們飲茶首選炸曼頭 有練奶配蝦餃皇 還是不夠爽口再來义燒腸我都不是太明白點解要有莞茜在內，好地地的破壞成件事😓😓，我最怕果個味呀，最後來個鳳爪排骨飯不過已經好飽了我們打包聽朝做早餐啦唯有

今日過嚟土瓜灣區探親，一定要食土瓜灣地標性酒樓啦！無論係過左幾多個年代，一入到嚟就好似細個跟屋企人去飲茶咁，好多懷舊嘅點心只有在舊式酒樓先食到，酒樓嘅叔叔阿姨好有親切感！

街坊老茶樓有佢嘅吸引力,價錢絕對可取早晨孖寶最抵食食過兩次鳳爪排骨飯,所以今次叫臘味滑雞煲仔飯,一人份量絕對OK。小小一片臘腸片好像煎過,並非一小條東莞臘腸果種。冬菇亦得火半隻,可是雞肉就有四五舊;味道可以嘅配合嘅排骨陳村粉早前已經食過,比一般茶樓做得好,唔會一糊糊咁樣。散叫蟲草綿花雞係大點,所以都幾大碟魚肚分量好足夠春蛋燒賣係整粒春蛋,唔係半粒。味道一般無鮮味整體都可以接受,埋單$92。都會再見嘅

今早有事到土瓜灣辦完之後十點幾,心思思想飲吓茶。摸上嚟攞票等咗五分鐘左右,同亞姐講搭檯都可以喇,即刻有位。其實坐落望吓都爆滿,絕大部分都係耆英睇到牆上有大海布推介優惠點心拼盤$26.8所以order嚟試吓先食鮮蝦餃,水準唔錯。大大隻蝦有鮮味,餃皮厚薄適中以咁平價錢,估佢多數係啤水凍蝦兼且包到脫皮脫骨,一筷子夾落去就即時散晒果隻。但佢又唔係喎,好實淨再試燒賣都好好,又有原隻蝦舖面。饀料肥瘦適中,調味有道。食到牛肉球就一般般,比較淡味。無牛肉味,真係類似啤水牛嘞。況且又無香茜兼喼汁潮州粉菓都算合格,多料夠味另外叫咗$21.8孖寶(鳳爪排骨飯+排骨陳村粉)碟仔飯非常(足料)五舊排骨一隻鳳爪道味唔錯食㗎,可惜有少少飯比較蒸多咗水,濕爛咗啲。排骨陳村粉第一次食,有驚喜。咁嘅普通價錢點心,上檯熱騰騰而啲陳村粉係做得一條條帶有油光色潤。唔似好多茶樓咁,一大堆暗暗啞啞咁。抵讚兼且又係大大碟㖭。性價比特高兩個人埋單七十幾,OK喇

是日同男友家人一齊食飯慶祝我生日，男友一路都好鍾意食呢間酒樓，我都會同佢間唔中黎食飯。都好幾年，食物質素一直都保持水準，難得既，而且聽聞呢度芝士龍蝦都出名好食。基本上好多時係度食都會叫鍋湯，佢d湯水經常好快賣晒，本身想叫鱷魚肉湯，但已售罄，所以叫左個西洋菜陳腎湯。湯料幾足，一鍋有成8碗以上份量，好在我鍾意飲湯，清甜的。今年第一煲羊腩，估唔到幾ok，有好多羊肉，味道適中濃郁，羊肉整得夠淋身。果皮蒸鮑魚，今日比較細隻少少，但果皮好香，鮑魚肉質鮮味。蒸魚（沙巴躉）不嬲都唔錯，蒸到岩岩好，好滑而且鮮甜。芝士焗波士頓龍蝦*2，本人超喜歡呢度既芝士焗龍蝦，好重芝士味道濃郁，佢既濃厚度剛好掛晒係伊麵，正正子龍蝦其實都做得好好，爽甜剛好離殼。但小妹其實喜歡食伊麵多過龍蝦😂呢餐飯係滿足既

今晚有個auntie請食半席全包宴，本來仲冇咩期望、因為覺得呢啲酒席野食到好麻木🤣不過一想到去成間酒樓咁大間都差唔多錯門人，全部都係大枱，應該水準都有咁上下嘅。呢個半隻先上咗個XO醬炒豬肉同螺肉，都幾惹味。大蝦伊面就係配上湯汁，份量唔算好多，叫做不過不失。炸蠔餅同埋半隻燒乳豬比較有驚喜，蠔餅雖然唔算好多蠔，但每一隻都好大隻，同埋炸得好香脆。乳豬就燒到好鬆脆，最有質量！之後嚟咗條蒸石斑，以本席你計佢焦比返成條魚都好抵食，條魚都足跟半至兩斤！唯一可惜就係蒸得有少少老，魚肉有少少鞋，但都尚可接受。炆鵝掌嘅份量就好多，都係好基本咁配返冬菇同埋生菜。呢本席仲有個燒翅，嚴格來講似個羮多啲🤣食咗碗半都唔覺得有翅入口⋯不過以地區酒樓黎講，呢本席又真係好抵食，就算週末晚飯半席都係1500有找，仲要全包宴有埋嘢飲，有一支啤酒同一搾橙汁。食到最尾仲有果盆同埋一籠蒸壽包，又食又拎叫做好抵食！