2
1
1
Telephone
26702345
26684055
Payment Methods
Cash
Other Info
Phone Reservation
Outdoor Seating
Above information is for reference only. Please check details with the restaurant.
Signature Dishes
燒走地雞
Review (4)
Level7 2021-02-17
719 views
今年留港過年,偏偏沒有任何過年氣氛:年宵市場冇咗、戲院唔開、主題公園(甚至普通公園)暫時關門、連夜晚出街食飯的機會都沒有!幸好經過一輪網上搜索,終於找到一間之前未去過的私人營運農莊開門營業,可以安排室外團體活動予一班小朋友,不需要鬱在家中過年。「假日農場」位於上水與粉嶺之間,地點很偏僻,需要由粉錦公路其中一個分叉單程路口轉入,再經過一條彎彎曲曲的小路才到達。自己揸車好大機會唔識路,就算識路都未必有駕駛技巧走過那條小路 ⋯⋯ 尤其是出現對頭車的時候。建議最好還是搭的士。雖然農莊名字有「農場」兩個字,耕種有機菜的農地只佔極少面積,養牛養羊也只是為了吸引遊客;主要收入來源還是一家大細遊客及團體遊的入場費。場內有大片草地租給入場人士作日營,亦有供應 BBQ 燒烤包,最大賣點就是有很多適合小朋友的遊樂設施。之前去過新界的其他私人農莊,暫時以這一個最適合有小朋友的家庭。農場內有小賣部,都是汽水、魚蛋、滷水雞翼之類的簡單食品,較為特色是田園薄荷奶茶及自轉棉花糖。再往下走就是真真正正的開放式廚房,只用簡單的鐵絲網同行人通道分隔。鐵架上面掛起了一隻隻已經燒熟了、香噴噴的「無酒雞」($280),如果提前預訂就只需$250。差不多所有入場人士都會幫襯,因為農場裏邊冇其他選擇,除非你自攜食物BBQ、或者幫襯BBQ燒烤包;也沒有可能代叫外賣 - 根本冇人會送貨去這麼偏僻的地方。爐頭非常原始,竟然是自家堆砌的磚窯!揭開磚窯的生鐵蓋,可以見到磚窯底燒到火紅的炭火堆;磚窯內壁就掛滿一隻隻大肥雞。估唔到農場所供應的是貨真價實、明爐炭火燒雞!燒雞廚房旁邊還有一個麵包爐,現場自家爐制菠蘿包及蛋撻。價錢非常吸引,菠蘿包每個$5,蛋撻每個$8;同市區一間普通餅店的定價差不多。用餐的地方非常簡陋。但農場總算提供了食燒雞的必要工具:棄置雞骨的小膠桶、即棄手套、燒烤鉗及一把小刀。只可惜小刀唔鋒利,根本沒有辦法切開雞胸骨及雞背骨,最終還是需要用人手直接撕下雞肉。一家大細分享一隻燒雞就沒有所謂,如果係同朋友一齊分享的話,就似乎不太好了。農場應該考慮提供一把雞骨剪,會更加方便。「無酒雞」(冇走雞)($280)同超市大型電烤爐的烤雞比較,價錢貴了一截;定價同市區一間普通中式酒樓差不多,以場地環境來說,其實都算幾貴。不過,賣相實在非常吸引。烤雞不停出爐,隻隻熱辣辣,狂噴白煙。雞皮又烤至金黃色,就算未食,已可以感受到雞皮的香脆。撕開雞腿,未見有大量雞油雞膏,只見豐溢的雞汁,一定係密閉磚窯的炭火高溫逼出了所有雞油。大啖咬下去,由於大部份雞油雞膏被「烤走了」,雞皮顯得份外香脆、亦有一份木炭燒焦的香氣,同時又保留了少少雞皮的滑溜口感,較用滾油炸的炸子雞雞皮更好吃。雞膏被高溫炭火「烤走了」的雞肉,唔肥膩、但又嫰滑多汁,好味道!超市大型電烤爐的烤雞完全冇得比,味道差了一大截;普通中式酒樓的所謂燒雞(其實即是炸子雞),同樣比不上這一隻「無酒雞」。兩大一小三個人剛剛好吞噬整隻「無酒雞」(冇走雞),果然名副其實「冇走雞」!入場費大人小朋友一律$120,如果係公眾假期或者其他特別日子就要$160,雖然價錢唔算便宜,但農莊場地夠大、又有很多遊樂設施,都算合理。更難得所有遊樂設施都由農場營辦商人手製造,並非坊間兒童遊樂場的組合式遊樂設施,有心思、抵讚!亦因為自家製作,每一項遊樂設施都有專門人員負責「操作」,確保小朋友的安全。 continue reading
(The above review is the personal opinion of a user which does not represent OpenRice's point of view.)
Level4 2015-04-16
4059 views
香港生活節奏急速,有時真係覺得有點喘不過氣來,所以假日時總愛到一些郊區,或者充滿田園氣色或鄉土氣色濃厚的地方放鬆一下~相信提起農莊,比較為人熟悉的也是嘉道理農場、香薰園或士多啤梨園,這次到網上搜尋一下,發現原來新界區也有不少農莊呢~不過有部分原來要提早預約,打了好幾個電話,最後決定到上水的「假日農場」。網上雖有交通指引,但由於地點偏僻,到處也是草原,加上沿路指示不多,幸好沿途有村民經過,總算可以詢問一下,最後還村民叫我們跟隨他的單車尾,我們才能到達呢!一入到去就有一大一小嘅牛牛~可以買草餵佢地~不過到我想買嘅時候,竟然無晒草. . . 得返麵包. . . 所以無得餵牛T.T多走兩步,鐵門上貼有數張指示牌,洗手間竟有分為農場風味及田園風味,往右轉就到達荷花塘、植物園及小肥豬~遊人還可租借釣具在荷花塘釣魚~不過先往前行,回頭再跟大家介紹田園風味的洗手間~沿路上也擺放著一些農作物,天花上掛上了一個個大胡蘆作裝飾之用多走幾步,開始發現到小動物的蹤影,有一指示牌寫著「葵鼠愛飛碟。飛碟愛葵鼠」原來是以一枝小魚竿鈎著一小塊紅蘿蔔,給小朋友餵葵鼠看到附近還有小白兔及羊群的關係,所以就先買一袋「餵食包」,內裡包括了兩片麵包皮及數條蘿蔔條,沒記錯好像也需要$10,也不便宜喔先餵一下小白兔及葵鼠,很可愛呢再多走一條樓梯,就發現有大群山羊,有大有細,有黑有白,由於長草已經售罄,員工說可以麵包代替青草,山羊同樣愛吃餵過小動物後,也是時候餵餵自己了~園內有個小雜貨,有少量熟食、飲品、零食、杯麵及小玩意供遊人購買,不過其實熟食只有魚蛋及雞翼供應,而飲品方面除了有汽水外,園方還有自製涼茶~魚蛋 $20/15粒[評分:6/10]由於已是最後一份,所以魚蛋已經變冷了,沒太多調味料,所以味道較淡,只帶微鹹,而魚蛋質感則比較厚實,在田園地方有點肉食,對於肚餓的人來說,也算不錯了,不能要求太多鹵水雞翼 $20/4隻[評分:7/10]鹵水雞翼正常是1份4隻的,但同樣由於是最後一份,所以只餘下兩隻,兩樣加埋,小賣部姐姐還收平了我們5蚊,雞翼個子較少,鹵水味不算入味,皮身還有少量雞毛,幸好不愛吃雞皮,脫掉雞皮後,內裡肉質尚算嫩滑~紫貝天葵[評分:9/10]最得我歡心的,總算是這支紫貝天葵了,有著醒神的紫紅色,細看下,樽內還有一粒粒碎冰,喝下去時透心亮的,感覺清爽,而且味道酸酸甜甜的,特別醒神開胃~紫貝天葵還有生津止喝的工效呢~正!菠蘿包[評分:8/10]吃著魚蛋雞翼的期間,看到其他遊人取著一個個紙袋,原來是新鮮出爐的菠蘿包~往斜路走下去,終於發現了一盆漲卜卜的菠蘿包~菠蘿皮烘焗至金黃脆面,取上手時,蠻輕盈的。咬下去時,發現脆皮薄薄的,甜度適中,而底下的麵包內部比較鬆散,口感鬆軟非常,與一般的菠蘿包口感截然不同,感覺新鮮。不過雖然好吃,但此包只適合作小吃,感覺有如一陣清風似的,若想填飽肚子,相信要吃過十個八個才足夠了吃過東西後,還可去玩玩其他遊玩設施,有爬繩、直長滑梯、波浪滑梯、水筒滑梯及超巨型搖搖板等. . .大部分設施雖說適合小童,或需家長陪同才可使用. . .看到小朋友玩得這樣興奮,我也挑個玩玩吧. . .但其實有些也蠻刺激的. . .超高的滑梯,需以麻包袋墊底,上方有工作人員協助坐好,坐上去後一望,高度已令我有點想縮沙. . . 硬著頭皮. . 工作人員再輕輕一推. . .怕玩機動遊戲的我,差點嚇暈了,離心力超嚇人呢. . .為甚麼小朋友會玩得這樣興奮呢. . .=_=走到另一邊,是一遍綠油油的植物園,種植了不同類別的蔬果,有士多啤梨、蕃茄、生菜及蘿蔔等⋯有興趣的可即摘即磅,入口位置有提供小膠筒及剪刀,還貼有價目表,可先看清楚再決定~田園的左邊,原來就是田園風味洗手間,果然夠風味. . .殘殘舊舊的,小妹要不太願去了洗手間旁就是「小肥豬」⋯何來小呢. . .雖然不算太胖,但身長也有一個人的身高了,可以餵「小豬」吃點麵包,不過小豬的口氣也較為濃烈,所以餵了一會就離去了園內還有一些水車、獨木橋、大型木製摇搖板等,讓遊人親親大自然之餘又能感受農村生活~愛向難道挑戰的友人,走過了下方是小溪的獨木橋,平衡力不好的我還是繞道而行算了後記:以農莊黎計,依到嘅設施比一般嘅多好多,除咗有農場外,重有好多大型遊設施比大人小朋友玩。另外,重有地方bbq~沿路亦放有一啲小玩意,例如用唔同大細嘅鋁罐、鐵通製作成尋音環,推廣環保之餘又可以比小朋友敲打。10點令入到去,燒下野食、行下、玩下,足以玩足一日。如果假日想放鬆一下,吸收下新鮮空氣,都係個不錯嘅選擇~假日農場 (上水)上水大隴坑村62C號舖開放時間:星期一至星期日上午十時至下午五時團體需預約~~~~~~~~~~~~~好玩:8/10味道:6/10環境:7/10服務:7/10衛生 : 6/10抵食 : 6/10 continue reading
(The above review is the personal opinion of a user which does not represent OpenRice's point of view.)
(Non-member) 2012-07-29
3138 views
炎炎夏日走去燒野食!同屋企一行6人齊齊親親大自然加熱辣辣BBQ!!入場$60 + BBQ $60!BBQ包括:豬扒X1雞全亦 X2金沙骨x1雞肉腸x2丸x4腐皮卷x1飲品x1炭x 2包包曬用具仲會幫你起爐!服務周到!不過會限時11:30可以燒,最遲15:30要交爐!時間其實好足夠!野食方面,好新鮮!!唔似其他場咁擺好多日仲比你食d味道好好!唔會好salty!!!仲好好味!!!雞全亦同豬扒既香矛味好夠!!!金沙骨既南乳香又正!!!其他無咩特別...除左BBQ!仲有好多其他野食,比較特別既有菠蘿包,蛋撻,同好特別既奶茶!!野食樣樣都好新鮮!!!!!!!!!!!!!呢個場野食叫唔錯!!仲有好多其他野玩!!!成個場都好環保,又有動物同其他手工!!如果有小朋友10歲樓下既仲更加岩!!!!下次1定再去!!!!!!! continue reading
(The above review is the personal opinion of a user which does not represent OpenRice's point of view.)
Level4 2010-05-03
2173 views
五一同教會d朋友去左假日農場.其實一心都係去BBQ因為都知唔會有咩特別野玩.去到真係比想像中重要細好多...不過除左BBQ外原來都幾多其他野食.燒野食就係一人一個燒烤包,內容係:豬頸肉一片,雞全翼一對,雞肉腸兩條,魚蛋兩粒,牛丸兩粒,重有一條魚紮.真係小家左d. 不過就都叫ok唔係放左幾日個d.其次係呢度有佢地自己燒的 炭燒走地雞78/each.好唔好食就唔知,不過見佢係即燒又真係用炭火烤.都有個食鐺係度時不時有炒麵個d食下.我自已就無下次. 一來入黎好麻煩,二來地方細無咩野好玩. 野食又唔吸引. continue reading
(The above review is the personal opinion of a user which does not represent OpenRice's point of view.)