喜惶點心專門店

Open Now

Now Closed

一人下午茶餐有2款。第一次食先試40幾蚊個款。茶芥$4，不算貴。下午茶除了一人浪漫點心併盤（有2款，價錢不一樣）。還有蒸飯併點心優惠價，或者一個價錢指定2款點心任揀。因為太餓，忘記先拍照。山竹牛肉也忘記拍照🤪一人浪漫點心併盤，叉燒包我沒有太大感想。竹炭流沙奶皇包，餡料好像沒有影片那麼多，而且包皮也很厚...不過店家是牛肉專家，所以非牛肉的點心不太好也不是罪過。蝦餃餡料新鮮，也沒有蒸過頭，皮沒一夾就穿👍🏻乾蒸牛肉燒賣咬落實在的牛肉質感，還有少少陳皮甘香味，沒有在別店食到這樣的味道。😋蟹肉菜苗燒賣也好味，新鮮燒賣食落先有肉汁。小籠包放凍左皮也沒有穿，而且食落還有肉汁。証明廚房控制火候剛剛好。要不然，蒸的點心皮會很易穿。👍🏻👍🏻另外還點了下午茶的優惠雙併點心，炸蜜瓜鮮奶，感覺上好似某紙盒蜜瓜奶，用嚟做炸鮮奶，有點搞笑味道。但炸的點心也做得很好，因為就算凍了，皮也是脆不油膩。山竹牛肉不用說的好味，沒有梳打粉的味道，又不是加左太多水那種軟淋淋，蒸完發脹牛肉球，而係實在彈牙山竹牛肉，還有爽口馬蹄粒，不用落喼汁也好味。下次再試其他點心！

要搵黃店點心本來已經好少，係旺角就啱啱好有呢間喜曶點心專賣，星期六日周末多人晏就飲茶都要等3-4個字左右，見佢話出名點心專賣就試試佢。首先係牛肉球，夠熱，牛味都幾出（不過未去到好明顯分得出同其他有好大分別）燒賣又4粒，細粒啲，有啲蟹棒絲係上面，味道都ok。係細粒咗少少啦﹗蝦餃反而冇咁細粒，仲有4粒，都幾抵食，蝦仔幾爽口彈牙唔會太林，啲蝦唔會夾到爛晒或者濕濕立立咁，表現都幾好，抵食尖椒有五隻左右，細細隻，不過因為細隻所以尖椒都相當薄身，所以感覺冇咩肉食，兩樣野冇咁平衡。車仔混醬布拉腸粉超超超多醬勁正﹗﹗﹗同平時啲腸粉好唔同，麻醬、甜醬、豉油、芝麻樣樣都好足大愛﹗﹗甜品：紅棗糕，紅棗蓉都幾明顯，午市送甜品都真係唔錯。3個人食都係200唔算好貴，仲覺得幾抵，個人超推介腸粉哈哈哈~~~~

#喜惶點心專門店 歷史悠久、用心製作既點心專門店自稱牛肉世家，以牛肉製作既點心而聞名山竹牛肉、牛肉蝴蝶餅、牛肉燒賣、牛肉腸粉等等都係人氣之選牛肉蝴蝶餅係自創點心，真係好特別‼️餅食落係軟綿綿、有空氣感、薄薄一塊既饅頭，然後包住一塊牛肉餅呢度既牛肉肉質嫩滑，肉味濃郁又唔會好粉有豉油既甜味，都有蔥花調味，但又唔會搶左牛肉既味道，正‼️蝦餃皮薄餡靚，蝦仁大大粒好彈牙，超級足料鳳爪係小編每次食點心都必叫呢度鳳爪夠入味，仲好細心甘幫你剪左指甲（小編每次食鳳爪都好介意佢個指甲有冇剪）瑞士雞翼本身話賣晒，唔知係咪多人叫，所以再重新做過一轉可能係岩岩整起，我就略嫌餣得唔夠耐唔夠入味紅棗糕係餐廳額外送既甜品，好鬆軟，有淡淡既甜味真心覺得呢間餐廳好高質又抵食‼️唔怪得食飯時間成日見到有人排隊🤭

一入去見到牛肉世家既招牌，所以就叫左個太陽蛋牛肉飯，仲有得揀有飯焦。出到黎d 飯焦好脆，牛肉又香又軟。另外食過 炸鮮奶，好鬆脆，不過油膩野share 會開心d。腸粉好滑👍🏻同埋佢個老火湯都好掂，冇味精糯米雞都好夠火喉，出到黎又唔會痴住哂d 葉。店員好細心，當中有好多都係叔叔，可能會唔夠d 後生講野咁圓滑，不過都係好好人，好有人情味👍🏻另外仲有外賣，如果住附近又唔想住飯，可以一試。建議自備餐盒，會更加環保。

主打食牛肉類嘅點心牛肉蝴蝶餅幾特別，平時少啲食到金錢肚口感唔錯 爽口，有啲其他鋪整到好淋🥴個汁恰到好處，唔會太鹹太傑身蜜瓜炸鮮奶都幾特別😂不過我本身唔太鍾意蜜瓜如果有埋原味炸鮮奶可能會好啲🤪第一次食有上湯浸住嘅鮮竹卷無咁油膩😌😌牛肉荷葉飯有少少偏鹹🙈

店內有2層的座位。木瓜紅蘿白雪耳豬骨湯，濃郁好飲。芥末沙汁三文魚春卷，脆卜卜的春卷皮內包住大量青瓜、沙律汁、煙三文魚，的確爽夾脆。竹碳熔岩流奶皇包，咬開黑金色的包後是流沙奶皇，唔大甜，熱辣辣吃口感更佳。葱花炸兩腸粉，炸兩很鬆脆，沒有被腸粉皮的濕潤弄得變軟。粟米煎牛餅，牛肉彈牙，夾雜著粟米令香脆和內裏軟綿外多了一層清爽甜味。蟹肉菜苗燒賣，只是蟹柳無乜特別，賣相麻麻，吃時唔多覺菜苗的存在。荷葉黑椒牛仔骨飯，惹味且份量唔細。鮮肉灌湯小籠包，一般啦！送黑糖糕，依韌甜度適中。焯生菜，賣相令人都唔係幾想吃，焯得過熟一啲都唔爽脆。 

呢間點心店全日都只係做點心，點心亦都做得相當出色出色。雪山叉燒包叉燒包上面啲雪山類似菠蘿包上面嘅酥皮。甜度適中，亦相當有牛油香味。叉燒包包皮軟熟，甜咸配搭好好叉燒腸粉腸粉皮好滑，唔會過老。而且配料亦都好豐富，相堂足料，唔會好似其他酒樓嘅腸粉一樣，剩係得腸粉皮。鳳爪正常發揮蝦餃餃皮非常煙韌，蝦非常新鮮而且彈牙爽口。金錢肚都係正常發揮，水準之上呢個係紙包骨👍🏻👍🏻👍🏻一開始睇餐牌唔知道係乜嘢點心。特登上google睇下，原來係廣東傳統點心，用油紙包住排骨去炸，鎖住排骨嘅肉汁，排骨唔會炸得過老仲試咗個牛肉球，但唔記得影相。呢間店出名係牛肉相關嘅點心，牛肉好滑，香口。而且點心價錢貴，可以一試再試值得一讚侍應加水加得好密，而且會主動提供口罩袋，好貼心

今晚專登嚟試試喜惶，本身都有一定期望，看到他們檯面上的餐紙介紹佢哋牛肉專家，令我更期待他們的出品。但看到我的標題就知道結果係咩啦。。。茶 －只有普洱同鐵觀音兩款。經理見一個茶包啲茶色好淡，所以好好人咁幫我哋加多兩個。茶香還可以！例湯 － 聲稱無落味精嘅蓮藕湯，一個字 「咸」。我自己都有煲湯，我都幾肯定嗰度咸味唔係天然嘅。乾燒牛肉燒賣 － 牆上報道寫牛肉有芫茜同馬蹄，但我只係食到前者粟米煎牛餅 － 欣賞外面加咗層脆卜卜的外層，加添香脆口感，但牛餅又係牛肉燒賣嘅口感，粟米有啲畫龍添足，蓋過牛肉味。炸兩 － 建議食普通腸粉。粉皮OK，個油炸鬼完全唔得。雞扎 － 我個人係好鍾意食雞扎，去邊度飲茶都會叫。佢呢個雞扎內有蟹柳、雞柳、冬菇和魚肚（棉花）。 除咗冬菇同個支竹OK，個魚肚同個蟹柳係食材本身質量差，個雞柳調味唔好，我朋友食咗一啖想吐番嚟，你話有幾嚴重。海苔香煎蘿蔔糕 － 堅難食！！蘿蔔糕係糊狀，連夾都夾唔起，我哋食咗兩啖食唔到落去（連我朋友係蘿蔔糕狂迷，都頂唔順）結論：唔會再去！亦唔會介紹任何人去

尋晚收工和同事食左一間正正子旺角黃店點心鋪，真心唔錯！👍👍😍.我哋係叫佢外賣，見到佢有做套餐優惠，但其實本身價錢都唔算好貴。我哋四個人叫咗兩個套餐再另點啲點心先至二百幾蚊。而且第一感覺係好細心，外賣的油炸點心，佢都會響外賣盒上面剪個角幫佢透氣，以防淋身👍😋.點心嘅種類有好多啊，食材新鮮而且份量足👍蝦餃，燒賣，鳳爪和鮮竹卷等都好食😋個飯我地點左個荷葉冬菇蒸滑雞飯，啲飯吸晒荷葉邊，滑雞鮮嫩👍😋.另外我們見到佢大大隻字寫住「牛肉世家」😍香港佢哋嘅牛肉類點心全部用新鮮牛肉製作，於是我們就點咗佢一啲牛肉正嘅點心，好似牛肉燒賣同埋粟米牛肉餅，牛肉真係幾新鮮，先冇乜冰鮮牛肉嘅雪味，而且牛味很濃👍用新鮮牛肉整點心，呢個夠晒誠意啦！.另外見到佢有點心都具創意，好似將鳳尾蝦釀落鹹水角，竹炭熔岩奶皇包等等，不過個竹炭熔岩奶皇包有少少失望😞我哋以為佢的奶黃會好似熔岩咁樣湧出嚟，不過佢嘅岩漿好似少咗啲，做唔到個效果喎，但係我老闆都好好傾，佢哋話食完俾返啲意見佢，我應該之後會同佢講返。.落單嘅時候同老闆傾左幾句，老闆幾好傾互相勉勵下，佢都非常之有心，攞到外賣嘅時候已好驚喜見佢仲送左幾個口罩。呢間點心鋪係深黃，嘢食

喜惶點心專門店老板係牛肉世家，三代攞牛肉，所以此鋪所有牛肉全部靚貨，但凡有牛肉嘅點心都係好食，有牛肉味。蔥花炸兩腸粉正正常常食開嘅味道，未見有乜野特別突出。無味精老火湯夠料老火湯，十蚊大大碗，是晚係木瓜雪耳煲肉排，唔鹹足料，有湯味，抵飲好飲，係衰在唔夠熱啫。紙包骨實在係太耐無食過，排骨與軟骨位，因為包住間油紙去炸，所以可以食到油炸嘅香脆但又唔係太油膩，但其實食味一般，食其回憶。金錢肚正常酒樓食味，無乜特別。陳皮山竹牛肉球依個好食，陳皮味同牛肉味好立體互相匹配，牛肉好明顯係靚貨，肉質嫩滑彈牙，有牛肉味，非常多汁，牛肉打得彈牙又結實，好食。乾蒸牛肉依個都好食嘅，但明顯與山竹肉球有嘅對比，有啲乾身，牛肉汁與山竹牛肉對比就明顯唔夠，但其實都係好食嘅。粟米煎牛餅食完蒸嘅就食煎，粟米嘅甜與牛肉嘅鮮都好匹配，雖然係煎，但係師傅控制得幾好，皮煎得幾乾身，但咬落還有肉汁，好食。密瓜炸鮮奶依個就好似食緊固體嘅陽光密瓜豆奶咁，係完全一樣味嘅，我原本就好鐘意密瓜豆奶嘅，所以覺得幾好食。整體而言，抵食又好食，好值得幫襯。

之前因為疫症蔓延關係，所以很多地方都要關閉。今天終於可以去美容院做美容療程了。因為未到約定時間。所以就找點東西吃飽啦。因為想慢慢休息下。所以選擇點心。可以慢慢嘆茶。門面簡單在門口位置已經有曬餐牌。大家可以睇完先再決定食唔食。門口有個人係負責量體溫的。但佢又唔著制服。所以開始時以為佢係客。這裡最出名的係牛肉。牛肉燒賣係佢哋招牌點心。比其他點心店和酒樓的同款貴很多。這間點心店很新派。有QR Code和電話落單。有餐廳介紹透明度高。這裡的下午茶真係好多選擇，很多都係飽肚選擇。比其他時段抵好多。這裡散叫真係幾貴。普通牛肉都差唔多三十蚊一籠。講返用餐經驗：今次一個人點咗兩樣。一個人的浪漫和牛肉燒賣。其實一個人的浪漫已經好夠。但我又貪心想食多個招牌點心。所以好豪地叫咗兩個。但如果女仕一個人去就真係一個孖寶點都夠。牛肉燒賣我只可以講對得住個價錢。都幾好食。但要用差唔多三中蚊就真係唔值得。其他時段食會感覺值得點。一個人的浪漫是很多唔同嘅點心，組合在一起。一個人同時試過很多款。這裡有很多醬汁在桌上自由選擇。但竟然係無醬油碟。這樣就唔係太細心。八款點心里最喜歡流沙包。擺了很久都依然流心和好味。其他都係不過

晚飯時間喺旺角，突然經過呢間點心店，覺得好耐冇食點心所以就想入去食下😋-竹炭熔岩奶皇包 $24（推介⭐️ ）賣相精緻嘅點心😍 奶皇包包身鬆軟，一咬落去流心奶黃名不虛傳，流心奶黃真係會爆出黎😍 流出黎嘅奶黃甜度啱啱好，值得推介！ -蜜瓜炸鮮奶 $26賣相尚有進步空間，咬落去脆口，蜜瓜味好強烈.-皮蛋瘦肉粥 $19勁足料的皮蛋瘦肉粥😋 啖啖都有豐富嘅瘦肉同埋皮蛋碎. -海苔煎蘿蔔糕 $21其實蘿蔔糕本身還是可以的，但可惜全個蘿蔔糕都煎得太燶，每啖都主要淨係食到煎燶咗嘅感覺😢.-醬皇金錢肚 $27白蘿蔔配合金錢肚，白蘿蔔鮮甜入味，金錢肚亦都煮得夠入味，配白飯或者粥最適合😋-

呢間點心店老闆本身屋企做牛肉鋪，黃到金唔洗講，下午茶時段好抵食，粟米煎牛餅同乾蒸牛肉燒賣都好多汁好食，仲有無味精湯飲，正所謂 #黃藍是政見好味是良知，呢間真係好食過添好運好多！⁣One of my favourite dim sum places in Hong Kong. The owner’s family operates a beer butcher, so the beef dim sums are super juicy and yummy! Way better than Tim Ho Wan!⁣

呢間點心店真係超正！平時一向好鍾意食點心嘅我，有時都會去幫襯下添好運，呢一間真係可以同添好運鬥，甚至某啲點心仲好食！鳳爪、金錢肚嘅醬汁都勁好食，牛肉粟米餅略嫌比較油膩，面到太多油，但個餡料係超正嘅，好有牛味同埋粟米配襯都非常夾，仲好脆添！XO醬蘿蔔糕又係勁好食，好香，不過再完美啲就係個蘿蔔糕可以乾身多少少，咁就完美喇！全部點心都俾我哋兩個勁快清晒，下次會再嚟幫襯！又好食加上係黃店一定多多支持！加油哦！

喜惶點心專門店位於旺角女人街，他們的太爺從二十世紀初由廣州賣牛肉賣到來香港，他們四代人都是被牛養大的。現在他們將太爺的祖業發揚光大，用心以新鮮牛肉製作香港點心。⁣⁣🔸粟米煎牛餅 $25⁣即叫即煎金黃香脆，十分足料，牛肉juicy粟米香甜。⁣⁣🔸荷葉黑椒牛仔骨飯 $48⁣即叫即蒸需時20分鐘，荷葉飯配黑椒牛仔骨，配搭新鮮，肉味香濃，惹味的黑椒汁和白飯融為一體，加上荷葉的青香，味道一流。⁣———————————————————⁣⛳️ 喜惶點心專門店 (旺角)⁣旺角通菜街17號地下⁣⏰星期一至日 10:00-23:00⁣⁣