喜惶點心專門店

Open Now

Now Closed

想食抵食既點心係女人街真係得呢個選擇，第一次下午茶黎，有套餐可以一個飯配一個點心，或者兩個點心套餐，價錢都唔貴🤪嗌左鳳爪跟荷葉北菇蒸雞飯，小籠包，蘿蔔糕同金錢肚；鳳爪個汁都夠香夠濃，唔錯荷葉雞飯既雞有驚喜，夠香而且幾滑，仲有荷葉香，可惜飯比較濕小籠包就個頭厚左d，d汁都夠香蘿蔔糕第一次食有紫菜做配料，又估唔到加埋甜醬都幾香幾夾牛肚就差左dd，太淡太稀p.s.要讚既係唔會坐太多人，而且有擋板，食得安心

//< 喜惶點心專門店 >🐷🐤小編們食cafe食到好悶，突然想食點心，就一嚐呢間位於旺角既黃店！————————————————- 懷舊紙包骨 $23 -小編第一次食紙包骨覺得好得意！揭開張紙，裡面有滿滿既排骨😆 排骨唔太油膩，食落香口～————————————————- 粟米煎牛餅 $25 -小編覺得呢個必試！我地二人唔太喜愛芫荽，所以唔太鍾意點心既牛肉products😂 但係呢度係牛肉世家，又點可以唔試下呢！呢個首先炸得好香口，外層好似粟米片，裡面亦有滿滿既🌽！牛肉好鮮唔乾芫荽味唔重，幾好味🥰————————————————- 蟹肉菜苗燒賣 $29 -呢個其實味道都唔錯，小失望嘅係食唔到有蟹肉，反而係蟹柳絲（？）😂😂————————————————- 鮮蝦腐皮卷 $27 -腐皮卷裏面嘅餡都幾豐富，亦都食到啖啖蝦肉。炸得到香脆可口，正常發揮😊————————————————- 竹碳熔岩流奶皇包 $24 -小編太遲食，個包已經攤涷左所以少少硬～ 包既質地帶些少煙韌感☺️裡面既奶皇唔算好沙但係流質！甜度適中，幾好食🤪————————————————- 晶瑩鮮蝦餃 $32 -

老人家鐘意食點心，黎喜惶就岩晒，地點幾方便～非常美味！下午茶優惠套餐，平左但唔會縮皮，比少d 份量，果然有良心❤️牛肉球：鮮嫩有肉汁，絕對要試👍燒賣：好扎實，又香口，大大粒😚芥末汁三文魚春卷：配搭好特別，其他店好少見～熱辣香脆～蟲草花魚肚雞：雞肉好嫩滑☺️鳳尾蝦香辣鹹水角：其實唔辣，香糯煙韌，好正🥰炸蜜瓜鮮奶：好特別，絕對唔會太甜，值得試試～牛肉餅～整體味道好好，價錢公道，環境光猛，唔錯唔錯☺️老人家黎食，都讚口不絕👍👍👍

今次嚟到一間旺角嘅飲茶小店，店舖總共有兩層，裝修非常簡單，如果人多嘅話都未必坐得晒！入到去叫咗一壺鐵觀音，茶嘅味道偏淡。另外，最重要嘅衛生情況，都算唔錯！而服務人員都非常之有禮貌👍🏻我知道呢度最出名係食牛肉嘅點心，而呢度老闆都係食牛肉食到大，所以今次嚟到點都要試一試呢度嘅牛肉點心！而呢到嘅點心款式唔算太多，最基本嘅都有齊，亦有啲比較新式嘅點心。首先要介紹一下佢哋嘅牛肉燒賣，好坦白講，有少少失望，雖然我本身唔係一個牛肉愛好者，但食落都唔係太有牛味，要點一點啲喼汁先好食！另外個蒜香南瓜蒸排骨都好夠味！啲豬肉都食唔到有雪味🤩呢一到嘅蔥花炸兩腸粉非常好食😋 個炸兩非常之脆，有少少芝麻、甜醬同豉油配合埋一齊真係香口，我建議大家一定要點呢個！上網睇到有好多人都話一定要着呢個竹炭熔岩流奶皇包，奶黃唔會太甜亦都會流出黎👍🏻 另外佢地個小籠包唔會蒸到乾晒，咬落去仲有好多肉汁。 最後，今次試埋個龍仔荷葉北菇蒸雞飯，雞都算滑，而底下啲飯都吸晒啲精華，食落好香！總括來講，呢度啲點心算高質，而且價錢都比較親民，我下次都應該會約埋班朋友一齊嚟，大家都可以過嚟試一試！

想飲茶？唔係得黑心集團同鄉黑富X集團先有茶飲既。今次帶埋屋企人一齊食，大家都好鐘意飲茶。😬搵到旺角有間啱💛水，一於去試試。喜惶點心專門店 Hay Wong佢地最出名應該係牛肉既食品，攪到平時飲茶唔會叫牛肉球既我，都忍唔住點返籠嚟試下。😂點心係唔錯，服務都ok。佢地其實就係女人街入面，唔難搵，喜歡飲茶嘆點心既朋友可以去試試。以後想飲茶唔洗左搵右搵，可以去幫襯佢地啦。#點心#飲茶#旺角 #女人街#喜惶點心專門店

又反彈呀不過中咗有5k姐係鼓勵啲人中，多5K買聖誕禮物！近排反彈先想食一盅兩件又唔夠膽去茶樓...好多茶樓B for💙特登早啲去知道一定有人排隊。個牛肉球極之好食不能錯過！係極之好食！超級極之好食！要講三次個提升重要性。牛肉專家唔係浪得虛名，牛肉球彈牙不特止，嫩滑多汁唔乾有勁濃郁嘅牛肉味。唔係誇張一個人食曬三件都冇問題荷葉黑椒牛仔骨飯，呢有啲有牛嘅野所有都好好食！大家食開牛仔骨都知有時用盡九牛二虎之力都咬唔到一啖 #要成舊吞出奇地牛仔骨肉腍到可以一啖啖咁咬，加埋啲黑椒汁同個飯撈埋一流蝦餃個皮就厚咗啲。芥末山汁三文魚春卷裏面有好多沙律醬冇咩芥末味，夾埋青瓜三文魚都幾新鮮。炸蜜瓜鮮奶第一啖咬落去超熱盪親條脷，應該係用蜜瓜豆奶炸炸出黎，食落去好有熟悉嘅感覺有淡淡蜜瓜味。總括嚟講啲炸野就一般，其他一中兩件推介特別係牛肉！#黃絲餐廳 #黃色經濟圈 #支持小店 ⠀⠀⠀⠀⠀⠀⠀⠀⠀————————————喜惶點心專門店 旺角通菜街17號地下————————————

去旺角閒逛，係附近既女人街巷仔搵野食呢條街好多野食，D食店開完又執，執左又好快開過另一間所以選擇好多，每每有驚喜路過這店子，同外面既點心鋪差唔多價錢，價格平民，於是試下店面唔大長方形有兩層，座位都幾迫，如果想要酒樓咁坐得舒服同酒樓既濃茶滾茶，呢度一定滿足唔到你不過油樓去得多，食下小店都係唔錯選擇黎既大大隻字寫住即叫即蒸, 一於試下又如何竹炭熔岩流心奶黃包, 真係爆出黎, 甜度適中帶少少咸蛋香味打分幾高分牛肉球，未至於特別好食，可點可不點排骨飯，非點不可，個飯好好食拼盤點心，每樣一隻，碞晒貪心咁多款每樣食一D既的整體大部分都好評，屬高質旺角點心價錢唔算貴，好多點心都係$20-$30，同其他店心鋪都係差唔多價錢但真係即叫即蒸，熱辣辣

一向熱愛飲茶，可以品嚐啖啖好滋味的各式包餃卷酥，大大小小嘅酒樓，點心專門店我都食過唔少，點心專門店向來適合方便快捷的都市現代人。今日行旺角，決定到女人街走走看，見到間點心店，當然感興趣去食，見名字也不錯，喜惶點心專門店，決定入去試⋯入到去點心款式不到，只有一版紙，本身戎牛者，細心察看檯面「墊檯紙」原來店裏出名嘅係「牛肉世家」轉為以新鮮牛肉製作點心。看看餐牌，點心必食嘅燒賣，就只有「乾蒸牛肉燒賣皇」，沒有其他選擇，有點失望。「魚肚四寶滑雞扎」棉花唔入味，雞件硬，還需點豉油先有味！「荷葉蒸雞飯」一般會食到淡香嘅荷葉味，但沒有，而且飯底係濕淋淋，完全唔乾爽！雞件同四寶滑雞扎嘅味道完全一樣，食唔到荷葉蒸飯嘅味道「酥皮焗叉燒包」最期待嘅叉燒包，皮面略脆，但偏麵粉味。「小龍包」賣相每一粒都唔對稱，應該係真嘅時候冷縮熱漲嘅問題，一口咬有汁流出，都算可以。好抱歉我認為這家不是用心製作點心，有待改善

店舖下層位置唔算太大，但坐落尚算寬敞舒服。可能時間早嘅關係，枱櫈都比較乾淨。美中不足嘅係如果要搭枱，隨行物品就可能要放係地下，如果有個籃放絕對係件好事。睇菜單就見到招牌點心，以牛肉為主，陳皮山竹牛肉球，乾蒸牛肉燒賣。陳皮山竹牛肉球★★★★★ 💰25淋上食牛肉球必備嘅喼汁。咬落去好彈牙，好有陳皮清香同濃郁牛肉香。食得出係用新鮮牛肉做，有時係其他地方食嘅比較鬆散而且無肉味，喜惶嘅牛肉球的確係有d水準。乾蒸牛肉燒賣★★★★💰29賣相標緻，食落去口感同牛肉球相近，都係富有彈性。但可能口味問題，不失為一個美味嘅點心。叉燒腸粉★★💰25呢種切半嘅腸粉，上菜果陣已經唔夠熱，同其他一般酒樓食嘅腸粉一樣，皮厚而且比較漿口，唔夠滑溜。蝦餃★★★💰32放涼左再夾起皮就唔會夾爛。半透明又爽口彈牙，咬落去蝦唔會一咬就散，大大隻蝦🍤加埋入面嘅肉汁，無得頂👍🏻茶芥💰4 / 一位

平時行街都唔為意旺角有間咁嘅點心店今日同朋友行行下街無啦啦發起條點心癮搵下搵下就搵到喜惶，不過都有少少難搵😅嚟到夜晚8點幾都重係好多人醬皇金錢肚 -27唔算好濃味，金錢肚唔會整得過淋，幾爽口蘿蔔都好入味魚肚四寶滑雞扎 -29魚肚大大嚿，好juicy重有我最鍾意食嘅蟹柳名醬蒸美國鳳爪 -22好入味，都係唔會蒸得過淋👍🏼竹碳熔岩奶黃包 -24外觀好正，入面都好流心不過包身好厚同有啲乾蜜瓜炸鮮奶 -27好耐好耐無食過！竟然呢度有得食一定要嗌🤪朋友就覺得一般我就覺得好好食，係回憶入面嘅味道好香蜜瓜奶味蟹肉菜苗燒賣 -29有別於傳統嘅燒賣加咗菜苗又岀奇地夾，重可以減低罪惡感🤣🤣XO醬炒蘿蔔糕 -36初頭食個幾嚿覺得太過粉同淋，但食食吓又幾唔錯喎，不過發現，啲蔬菜都好好食😋由於太夜嘅關係，老火湯已經售罄唯有下次再早啲嚟啦🤣

旺角有好多不同嘅點心店，呢間我覺得係好有特色，皆因佢專做牛肉點心。除咗一般酒樓嘅山竹牛肉，佢仲有牛肉燒賣！認真特別！除此之外亦有其他好創新嘅點心。喜歡食牛嘅朋友仔就啱曬喇。地點喺女人街，地鐵站行過去都好近，非常方便！

🖤竹炭熔岩流奶黃包 - $𝟸𝟺賣相好特別 細細舊好得意包既質地好軟熟咬一啖就會有奶黃汁流出嚟(小心辣親)奶黃味既奶味偏重 甜得黎唔會膩🦀蟹肉菜苗燒賣 - $𝟸𝟿呢個燒賣唔算好有驚喜少少失望既位係無咩蟹味同鮮味但係口感都係彈牙既！🍖蒜香南瓜蒸排骨 - $𝟸𝟸半肥瘦排骨 多肉唔係淨係得骨👍🏻𝙹𝚞𝚒𝚌𝚢口感排骨有蒜香味 有清甜南瓜鋪底📋呢間其實主打點心係「牛肉」📋不過都想試吓其他唔同嘅點心📋如果想再抵食啲可以揀下午茶時段📋$𝟹𝟽已經有兩款點心～

💛下午茶套餐-一個人的浪漫💛可以一次過試到唔同款式嘅點心鮮蝦腐皮卷用熱辣辣又香脆既腐皮卷包住足料既蝦肉竹炭熔岩奶黃包，雖然攤左陣但咬落，中間既流心奶仲暖暖哋包夠鬆軟，奶黃都唔會太甜蟹肉菜苗燒賣食落幾fresh，不帶油膩感香芋糕夠鬆軟，帶有淡淡又甜甜地既香芋味道小編對小籠包有少少失望，可能攤涼咗，冇滾盪既湯汁爆出黎既感覺山竹牛肉球真材實料，肉味香濃，肉質細緻嫩滑鮮牛肉腸粉潤滑多汁唔會太粉，但牛肉份量唔算多鳳爪入味多汁

2020年10月26日星期一長假期嘅最後一天，今日約咗兩個好耐冇見嘅中學同學去食嘢。分鐘一個話想食點心，上網咁啱搵到呢一間點心店。食物質素果然冇令人失望。傳統點心煮得好味，餐廳亦都有自家製特色點心。最特別係佢嘅竹炭奶皇包同埋煎粟米牛肉餅，非常好味。其他地方應該幾難食到這兩款食物。牛肉球一個非常唔錯，有好香嘅牛肉味唔似得出面酒樓嗰啲牛肉球。可能係特色小店嘅關係出面都有唔少人排隊，想食嘅記住早少少排隊。叫咗八個點心啊買單唔使$230。非常抵食

睇睇下IG，見有人推薦呢間食店，望落d點心又幾吸引wo 所以特意約埋朋友去食我地中午去食，去到就即刻有位啦！地方唔算寬敞，環境亦唔算十分理想，無計啦，小本經營生意，唯有將就下！希望食物質素理想望落張點心紙，點心既款式唔算多，但勝在幾特別，唔似d集團式酒樓咁，食黎食去都果幾款。竹炭熔岩奶皇包呢款奶皇包賣相已經同一般食開既白色奶皇包唔同，只係食落無咩佢講既竹炭味，但驚喜既係佢既奶皇甜度十分適中，唔會太甜，質感亦好滑之後嗌左個小籠包，都尚算唔錯，皮都算薄，唔會太厚似食粉，但要彈既係佢黎到好似凍左d呢款酥皮焗叉燒包就有驚喜啦，佢表面個層覆蓋住酥皮，亦帶有甜味，咬落配合叉燒，口感十分好一甜一咸！呢款蟹肉菜苗燒賣亦算理想！用料十足，更重要係佢唔同平時食開既燒賣，用蟹肉跟菜苗整成既燒賣，已經帶比我一種新鮮感再黎就係蜜瓜炸鮮奶，又另一種少見既點心，雖然外層鬆脆度唔算理想，未做到外脆內軟既效果，但食落都唔差既。呢個紫薯鬆糕就比較失望，食唔出紫薯味，只係食緊一舊粉最後埋單都只係150蚊度，都叫幾抵食！雖然食物味道唔算十分出色，但勝在特別！有特色