甜蜜蜜甜品專門店 (Closed)

個人超愛食甜品，呢間尖沙咀厚福術甜蜜蜜係經常去食嘅甜品舖之一今日試咗個香橙梳乎厘青檸雪皅感覺清新。之前食過有一間似洗潔精味。。。但係甜蜜蜜嘅雪皅不會，好食個梳乎厘都不錯唯獨個配汁，橙汁味就。。。。。個人覺得有點似藥水味。。之後無食。。除了個汁外，整體都好食。不過點呢個甜品嘅朋友需耐心等待，因為即時制作，大概要等20分鐘左右。仲有上次試咗個綠茶心太軟配豆腐雪糕超好食，我不太吃綠茶味，純粹是一試之心。估唔到有驚喜上次post出唻，今次補番。因為呢個真係值得推介連不太吃綠茶味的我都覺得

喺尖沙咀食完飯想食返個甜品突然之間好想食芒果嘅甜品男朋友就話呢間好好食叫我試吓一坐低就叫咗個炸芒果春卷會沙巴翁因為即叫即整都等左一段時間醬汁做得好特別未食過呢個味道有啲似忌廉但係冇忌廉咁油膩個芒果好鮮甜果皮亦都揸得好香脆加埋芒果汁太好味

當飯後食到一碗美味嘅甜品，真係人生一大樂事！而當飯後食到一碗令人失望極透嘅甜品，就算之前嘅一餐飯係有幾咁美味，也只會落得一敗塗地！而「甜蜜蜜」剛好係後者！尖沙咀厚福街食肆何其多，短短一條巷仔，已經有三間甜品鋪，在美味嘅晚餐後，選擇咗一間好似好多元化嘅「甜蜜蜜」！星期五晚上嘅「甜蜜蜜」真係人山人海，慶幸比其他人早到一步，剛好有位就即時入座！員工表現親切！餐牌選擇有好多，食物圖片亦都好吸引！最後揀咗一凍一熱「爆爆珠芒果戀曲」、「面面俱圓」。一擺上檯，失望感即湧現！爆爆珠芒果戀曲賣相真係超求其！圖片與實物亦相差實在太太太遠，根本太大出入！味道超普通，只係將一堆味道平平無奇嘅材料放埋一齊，結果味道就非常淡！淡得可憐。$52嘅價錢買一碗咁差質素嘅甜品，食完真係背脊骨落！芒果戀曲...未開始投入戀愛就已經失戀了。無賣相、無味道、無品質！ 另外，「面面俱圓」更離譜！$59！原個椰青，入面放左3、4片海底椰片，兩粒熟到接近糊嘅芝麻湯丸，幾粒有顏色但冇味道嘅粉團粒！材料少得可憐！再加一兜稀到唔稀嘅椰青加椰汁水...愈飲就愈渴喉，愈飲個喉嚨就愈唔舒服，渴渴嘅！結果飲剩半兜，實在無法子再飲落去！誠意分係零！

一進店超香椰汁味，貌似signature是椰皇蛋白和面面俱圓(ie. 椰汁湯圓芋圓，兩個都是大概$55)。偷吃了一口蛋白，超濃的蛋味，不像外面有些只有奶味。兩個椰皇都超夠熱，是岀色的冬天甜品！而我點的面面俱圓用椰汁底，然後每款圓有一兩粒，不會過飽，椰汁底芬香淡口，圓子微甜，兩者很配！另加炸芒果pancake，因為好像它們是做炸豆腐花起家，但今天沒賣，就試試炸pancake。感覺一般般，可能因為裏面的雪糕一般般，不太香還是椰奶系的甜點好吃。

同朋友係尖沙咀食完飯之後仲想見多陣，當然要直落糖水啦！厚福街係甜品集中地，但價錢都唔平，睇左幾間之後就揀左依間價錢比較合宜既鋪頭～當日我就選擇左魔鬼天使($48)依份係特濃朱古力味既雪花冰，配料有香蕉、雪米糍、棉花糖、海藻珠同埋朱古力醬 朱古力味都幾濃郁，唔係好假既調味。美中不足既係配料份量有啲少，雪米糍只得一粒，而香蕉、海藻珠等等都係得好少，變到好似淨係純食冰咁 不過冰既份量都唔少，足夠兩個人share黎食，係尖沙咀黎講性價比幾高！

食完晚餐之後，我哋近近地搵咗間鋪頭食埋糖水，以尖沙咀來講呢度嘅糖水唔算太貴，等候時間亦都唔係好長，所以我哋就決定食呢間！不過因為我哋食完飯已經好飽，所以我哋冇一人叫一個糖水，七個人share食咗四個，雖然係繁忙時間，不過呢度都冇指定要一人叫一個糖水，都算唔錯！其中呢個宇治金時嘅雪花冰雖然有好多唔同配料，但係味道就麻麻哋，綠茶味唔夠濃郁，只係有淡淡既甜味，而且賣相又唔算太好，拎到過嚟都融融地，有啲失望！呢個木糠布甸就相對唔錯，賣相精美，激到埋嚟嘅時候仲熱辣辣，同平時食開嘅木糠布甸感覺好唔同，係一個唔錯嘅新嘗試😋

與友人吃過的晚餐，看到門口，其實不吸引，但見店內人流十分旺盛，就試試看。· 頹，生果普通，賣相唔吸引，唔算特別鮮甜· 底層涼粉苦中帶甘，我覺得同表層芒果西米既甜唔搭調· 唔推薦lol反而朋友吃的芒果大西米河粉就比較有特色和好吃。另外都唔好嘗試叫小丸子芒果西米露，小丸子粉糰味重。朋友仲要食食下停手，話想食返許留山🤦🏻‍♀️

因為想食中式甜品，所以同朋友黎左呢間貌似有中式甜品食既地方。因為店內好少好少熱食，所以揀左兩款僅有熱食，一個係薑湯湯丸，另一個係紅棗桂圓。最失望係湯丸，一來唔夠熱，勉強只可以話係暖，二來薑湯太甜了，掩蓋哂薑既味道，三來芝麻湯圓入面既少得太厲害，完全冇芝麻味，好似每粒食緊齋湯丸咁，令人非常失望，價錢都不便宜，要三十蚊五粒服務態度不太好，就算冇客都會勁執野趕你走，非常無癮，而且大部分都賣哂，叫你食第二樣

和友人食飽飯後，想傾多陣計，當然是去吃個糖水慢慢傾！尖沙咀不太熟路，只懂去厚福街。選了一間正正常常的。店裏都幾full，要坐出出面。這間有正路的西米露紫米露，還有一些傳統糖水。新潮一點的窩夫，班戟也有，不過我認為有點貴，所以點了芒果西米露，都要4x 元，尖沙咀地段嘛。。 味道方面，就真係與價錢不乎😓😓😓芒果不過不失，不會太酸。不過西米露真的無乜味🤦🏻‍♀️撈了那些芒果汁也無乜味。可能其他甜品會好吃點掛。。☹️

2大1細，但只有一張6人枱有2位空的，阿姐話加多張凳係走郞位，我地無所謂，知星期六晚人多，照坐。對面卡位4人枱埋單，我地話轉過佢，佢唔比！話仲乜咁心急！你地隔離個4個客都就走，佢地食完你自己坐入去咪得囉！好！唔緊要，咪唔轉囉！陣間有一大班人入黎睇下點！都唔識做生意既！驚死我地坐左張卡位會薛底晒咁佢講完跟著就有6個客入黎！！佢地居然叫佢地坐迫啲，坐卡位4人枱唔係化！全部大人有3個係大大隻既男人，知你貴租，都唔洗賺到盡下嘩！我地野又未黎，我開聲話我地比張枱你我地坐卡位啦，果6個客好有禮貌同我地講唔該，但個老闆娘一句都無講！呢間野為左賺盡，位都安排到咁！啲食物都唔知會點！我地叫左心太軟，刨冰拼盤，奶凍（？）心太軟唔熱架！啲朱古力唔會溶出黎！仲有係無底架即係個底唔係蛋糕唔係化！洗唔洗省錢省成咁呀！又唔熱又縮皮！拼盤一般啦個奶凍（唔記得個名）入面係成舊硬芝士，冰架！點食呀！食左一啖真係食唔落去！浪費都無辦法我一向支持小店！但呢間？sorry...唔該比多啲人情味，唔好只為錢！

食完晚餐，再食甜品魔鬼天使（4/5分）: 朱古力綿花冰配以香蕉，雪米糍，綿花糖，海藻珠和朱古力醬。我本身中意食朱古力，夏日炎炎食綿花冰真係唔錯！面面俱圓（2/5分）：椰皇內有椰汁底，海底椰，小丸子，湯丸，紫蕃薯丸。呢個差d，味道較淡，d料好少。

經常大排長龍的甜蜜蜜， 今天八點幾來，到，不用排隊終於可以一試。椰皇海底椰鮮奶燉蛋白， 將椰汁及燉蛋白 放在一起， 甜而不溜， 又有椰皇肉咬下。而且椰皇細小，份量剛剛好。炸香芒春卷伴芒果沙巴翁， 比想像中失望， 沙翁包着的是芒果雪糕，而不是新鮮芒果。上碟時是整件上， 沒有切開， 與相片大相逕庭。

同好姊妹食完飯啦,梗係甜品時間都話咗女仔有兩個胃,其實想食甜品祇不過系想見多幾面啫。熱辣辣上擡，椰汁很濃，海底椰有軟硬口感，可以熱下個胃。原隻燉海底椰$58很椰汁呀，香濃椰奶加上colourful小丸子，好有咬口，熱辣辣，呢排天氣冷左，暖下個身都好。好姐妹叫我少食冰，對身体不好。😍😍😍❤❤❤面面俱圓$58呢門口蒲頭在厚德街@尖沙咀都算好容易揾到，不過到咗八九點之後 人流量就越來越多，所以店員會催你走。整体上啲甜品都算好味，價錢都算抵食。

同朋友食過晚餐後依然想繼續傾計，為左唔好阻住餐廳做生意，我地唯有轉場，去到位於厚福街既甜蜜蜜食甜品。可能因為時間尚早，只係八點幾，所以店內仲未有太多人，唔洗等位。坐低之後，我地好快就揀到想食既甜品啦。一行四人，選擇自然多好多，我地亦都可以叫唔同既野share食。原個椰皇鮮奶燉蛋白:用原個椰皇上既鮮奶燉蛋白，只係賣相已經加晒分，上檯時仲有陣陣椰皇味，入口熱騰騰，鮮奶燉蛋白入口仲非常滑溜，一路食一路挖椰子肉同海底椰食，非常好味。炸香芒春卷伴芒果沙巴翁:雖然實物同餐牌上既圖有好大出入，但係賣相一D都唔差，暖暖既沙翁入包住冰凍既芒果雪榚，一冷一熱既感覺真係幾過癮，可惜用酥皮整成既兜有點兒過油，有改進空間。面面俱圓:「面面俱圓」呢個名真係好特別，如果唔係因為餐牌上有圖我都唔知咩黎，未必敢叫。同「原個椰皇鮮奶燉蛋白」一樣，呢個甜品係用原個椰皇上，裡面再加入椰汁，小丸子，海底椰肉同芝麻湯丸，賣相相當吸引，入口唔會太甜，連埋椰皇d肉一齊食，味道一流。心太軟伴雪榚:朱古力心太軟幾時都係賣非佛，切開後流出黎既朱古力醬，配埋雪榚一齊食，一冷一熱既交替，就係我最喜愛既感覺。不過呢度既心太軟選用左濃度較高既黑朱

今晚和友人在尖沙咀食飯girls talk,盡數心中情完後，當然要食埋甜品才完美啦。我地走到厚福街一條街尋找甜品。這條街原來只有三間甜品鋪，而且一到宵夜時間，每間甜品舗總是排著一條長隊。最後我地揀了甜蜜蜜這間。等左一陣就有位啦，打開menu，有各種的甜品，中式甜品又有，西式甜品都有。不知如何㨂才好。最後我㨂了人氣西式甜品綠茶心太軟伴豆腐雪糕＄58綠茶粉絲的我基本上凡綠茶就喜歡，當然這個綠茶心太軟也不例外，心太軟很流心，配豆腐雪糕份外夾，甜度剛剛好。友人點了另一個人氣中式的凍七星伴月＄58七星包括有大西米，小丸子，椰果，黑珍珠，芒果粒，翡翠西米，海藻珠加雪糕。友人說這七種異常的夾，係大熱天氣吃一口馬上可以降溫，但就覺得甜品太小了，＄58有點不抵！