合香園

Open Now

Now Closed

11月6日, 喺德發食牛丸, 同時亦已一早target要試埋名物“新嘢”~ 起初以為係兩間茶檔唔知邊個抄邊個咁, 大家都有賣“新嘢”… 原來係你喺格離食牛丸嘅同時又可以喺呢度order食物同飲品, 各有各做~ 咁又幾和諧喎!::: 新嘢 ::: $12新嘢基本上係一件混醬厚多~ 特別在佢係用麵包頭嚟做多士! 麵包頭即係一條長方包嘅頭尾位, 除咗面頭係白麵包之外, 包底同四邊都係麵包皮~ 啱晒我呢d鐘意食麵包皮嘅人! 由於麵包皮本身較硬, 焗完之後質地更加香脆鬆化! 面頭搽上咖央、花生醬仲有一小塊鮮牛油, 微甜嘅咖央醬加上鹹香嘅花生醬味道複雜交錯, 頂頂舊牛油香而不膩, 一啖咬落麵包鬆化, 醬汁幼滑, 好奇妙呀! 美中不足係舊鮮油太細, 唔可以大啖大啖食!::: 茶走 ::: $7嚟得茶檔梗係要叫番杯茶走啦~! 呢杯茶走亦茶味略澀, 但奶味香甜~ 一貫茶檔水準, 收貨啦!今餐晏仔可以食勻彈牙牛丸又可以食到新嘢, 平平地但好滿足!

通常名人的口味都不能盲從附和, 這次又是好例子。 少爺知道小妹喜歡麵包多士, 聞說這兒的咖央多士很出名, 就帶小妹來吃。咦, 1碟黃色面厚厚的多士來到。 的確是烘過底所以底脆內軟, 小妹吃第1片時單獨對於多士的感覺是蠻不錯, 底部微脆而白色的麵包很鬆軟, 可惜多士只keep在微溫, 小妹吃得慢1點已經麵包變硬了。 至於面頭的黃色物, 沒有咖央獨有的香味, 感覺像奶油多。 相比之下, 小妹覺得多走遠2步到breadtalk買的咖央餡麵包更好味呢, (不是toast box的多士而是bread talk的麵包哇~)

星期五那天聽到森美小儀早霸王介紹德發牛肉丸, 當時聽到小儀說除了牛丸好味之外, 架央多都好好味。隨後即在開飯喇搜尋, 幸得網友提供資料, 才知道合香園的「新嘢」, 其他周邊的檔口無法仿傚的美味食品, 於是決定周日到熟食檔一逛。第一次來到這兒, 感覺很平民親民, 檔主招呼客人都親力親為, 「自己錢係唔同d」! 看到一篇食評提及在德發食牛丸麵, 想一併 order 合香園的「新嘢」, 點知 「嚟嘢」, 吃下了另一檔的冒牌貨, 結果當然不歡而散。得到網友提點後, 我也小心奕奕, 在德發吃了牛筋牛腩麵後, 又跑去 合香園 order 「新嘢」和一杯凍檸茶。「新嘢」是一片厚多士, 切成4片三角形上桌。多士上邊塗滿了花生醬 + 果占 + 牛油 (4大片), 自問也是頗注重健康飲食的人, 看到新嘢上桌的時候, 其實蠻有點怕的。不過, 得快樂時且快樂呀! 不是要你天天吃這個, 才一次而且, 總得要試它一試。於是大口大口的, 把它吃光光。多士烘得香脆, 而原來混醬也可以這麼美味。有花生醬和牛油的香, 果占的甜, 加上多士的脆, 是下午茶一絕呢!一杯凍飲 + 新嘢 埋單才$20! 超值呀!!!!沒有試過

來呢度外賣奶茶係常客仔, 今日lunch落去買左件蛋牛治$9 + 熱奶茶$10雖然蛋牛不是佈滿麵包裡面, 但不乾有蛋汁, 再加埋有厚度既麵包, 好食呵!!!!!

不要說我大鄉里，我真是第一次吃「咖央多士」。早前看過一篇有關於「咖央」的文章，得知「Kaya」是星、馬傳統小食，十分美味，配合奶茶或南洋咖啡，會是一個美味配合。「咖央」有綠色或啡色的，塗在已上牛油的多士上便成，是十分簡單而味美的食物。「咖央」的香味來自東南亞常用的香料香蘭葉，或叫作斑蘭葉，再加上椰漿、雞蛋及糖等材料，弄成稠稠的濃郁甜醬。今次又來到海防道的大排檔，上次因太晚來而吃不到咖央多，今次誓要吃到才心息。但其實此地帶有兩間同樣售賣咖央的茶檔，最後決定來「合香園」，因為預計會在「德發」多點一碗牛腩河。天氣悶熱，又還未下出雨，由彌敦道步行到達時已開始冒汗，近風扇的位置已滿，只好坐風扇輕輕吹得到的二線位置，馬上點了熱奶茶($7.00)及咖央多士($11.00)。熱奶茶先來，早已下了糖，甜度適中，茶身夠滑，但茶味不太濃，算是不過不失。咖央多士隨後送到，厚身的多士已預早一開四件，咖央厚厚的塗在多士上，咖央帶點點椰香味，甜味剛好亦夠稠，用來送奶茶相當不錯，可惜多士烘得不太夠脆，否則便更理想。首次品嚐咖央的我，對其印象十分不錯。

除左食牛丸之外, 仲幫襯了合香園的加吔多同凍檸茶初初以為都係德發供應埋多士同飲品, 但睇番水牌先知原來係兩間舖一齊叫野食! 個加吔多唔係好夠加吔, 無咩椰子味, 只係一層薄薄的甜味醬, 多士係打對角十字咁切開, 雖然加吔醬唔夠好食, 但係麵包就烘得好好食, 因為夠厚同埋切哂啲麵包皮!杯凍檸茶幾好飲, 檸檬片落得夠多, 有五大塊, 紅茶味道濃厚, 不過比較細杯, 碗牛丸粉咸, 食到一半已經飲哂, 真係想叫多一杯, 但又覺得唔抵, 同埋環境因素, 所以都匆忙埋單走人

尖沙咀海防道390號熟食檔本人好中意食多士 已經來過好多次啦總介紹左幾個朋友來添 ,D朋友都話介紹得好睇到朋友們吃得甘開心,我都好滿足油多士,好味吖``點食都5厭奶茶是用舊式藥煲煮的，色香味俱全很香濃 抵食

試過好幾間熟食檔，今次再試合香園。原來其出名是厚多士，鍾意食厚多的我，當然沒有放過。要指定麵包頭的咖央多士，他用的咖央醬不夠香口，味道淡淡的，多士烘得不香脆，與昌記真是無可比。蛋牛治-饀料的雞蛋鹹牛肉份量不多，我反宜鍾意那半寸厚的麵包，軟綿鬆軟。以為茶檔的奶茶一定是很傳統，而這間的奶茶是用舊式藥煲煮的，心想一定很有色香味，單看色水以為很香濃，但呷落一點茶香也沒有。

其實唔知坐係第二檔度可唔可以叫唔同檔既野食？呢檔主要賣係粉麵同多士。點了平時好少聽人叫既「醬油多」，花生醬加牛油，真正的外脆內軟，烘得剛剛好，而且花生醬同牛油夠又唔會太多，人間美味呀。奶茶會落埋糖，略嫌有d 鞋，不過茶和奶的比例剛好~很滿足的一餐~

平日多數落嚟外賣奶茶返上公司嘆~ 今日又冇飯帶就與同事落嚟堂食, 大家食完碗粉, 叫多一件油占多$6, 好味 ...... 又唔甜, 再配上一柸香濃奶茶$10, 咁先至完美! 呵呵呵~

今日lunch又冇飯帶, 就走落去食先~ 叫左一個沙嗲牛肉通粉$15, 好味道~ 叫埋柸熱奶茶$10就岩岩好喇~ 佢個沙嗲雞柳都好正架~ 厚多士仲正添~

阿叔安排我們坐在合香園檔前位置,見到檔前貼著"咖央多士"、"麵包頭"這些宣傳紙張,仍有胃納之下就叫了一份咖央多士和凍奶茶甜甜嘴巴。看不到這店是否如其他排檔般以瓦煲煮茶,觀乎凍奶茶茶味較重水準也不壞,相信熱飲會更有風味!咖央多士用上厚麵包,口感當然夠豐富;麵包烘得又熱又脆,咖央味道甜甜,有著香香的椰汁味道,香香甜甜的多士,凡人如我又怎可抗拒??個人覺得黃色的咖央比綠色的吸引得多,視覺上也覺得會較好吃=p四眼哥哥忙著洗碗時也要兼顧送餐,送多士給我們時也不忘提醒:"食左先食左先";付帳時連牛腩麵的也一拼收取,真方便。

有時lunch都會落嚟D度食野~ 係就係大熱天時30幾度响無空調底下食野係好鬼辛苦! 但因D食物水準吸引, 再加上D伙計又nice又攪笑, 咁就值得幫襯喇~~沙嗲雞柳通粉($14)-肉質鮮嫩,雞柳size細細容易入口,醬汁夠味~雪菜肉絲通粉($13)-特別在於有落埋青椒一齊炒雪菜肉絲, 令到更加野味~凍奶茶& 熱奶茶-茶味夠燶,佢地係用煲中藥既藥煲嚟煲茶架.. 夠傳熱喎~ 大家見到D沙嗲雞柳.. 佢個outlook & inside 都一樣咁掂架!