杏花樓甜品 (Closed)

路經香港仔,很想吃糖水,不過不知去那一間好,唯有去了比較大型的杏花樓!!!很久沒去杏花樓的我,不知道吃什麼好,天氣冷冷的,最後決定要一個薑汁撞奶暖暖胃等了接近5分鐘,以為它沒下單之際,霧著煙的薑汁撞奶終於出場!!<薑汁撞奶>它的外表平平無奇,與一般的沒有大分別,白白滑滑的感覺,嚐了第一口,無窮無盡的興奮,薑味十分濃厚,不太甜,薑汁雖濃,但沒有令到整個甜品像吃薑一般!!!!加上它的奶一點也不水汪汪,很有質感!!!實在是太好味了!!!!!!

鎮江排骨is always my favourite. I think the best 鎮江排骨, with average and reasonable price is from this chained restaurants. Now, they have 十八穀飯, it is even nicer. As now people are more health conscious, so offering a healthy staple certainly attracts more customers and also offer more alternatives to us. Which is good!鎮江排骨 has not let me down. It's very tender and the sauce is very tasty. So we finished it in no time. We also ordered its seasonal offer of waterchestnut cake and also the Chine

都好耐無去杏花樓, 最近去返, 兩次都係去食下午茶.吉列魚柳包好好. 個包好好軟熟, 我覺得好食過大家樂和翠華豬扒包用的面包. 吉列魚柳炸得剛剛好, 魚柳好嫩和有肉汁. 好食過mcdonald的魚柳. 裡面另有兩片蕃茄和生菜. 粒粒香甜花生醬厚多士. 厚多士toast得好好, 我食緊的時候, 媽咪見到我件多士都咁話.粗粒的花生醬上再淋上煉奶. 其實同翠華的奶醬厚多士大同小異, 因為翠華都係用粗粒的花生醬. 雖然我一向都覺得翠華的奶醬多好正, 但奶醬就落得太重手, 食完都好漏. 比較之下, 我認為杏花樓的奶醬份量恰到好處, 反而無咁漏和滯.上次媽咪都試左Q版焗蕃茄豬扒意粉. 熱騰騰端上來好正, 上面又加了芝士焗. 媽咪話冇佢個汁冇大家樂的一哥豬扒飯咁heavy. 而且意粉煮得剛剛好, 唔似其他茶餐廳咁烚得過淋和發脹.另外, 下午茶可以加$6或$10改配指定的甜品. 好抵.而且, 都幾好坐呀!

呢度的番茄肥牛不錯, 可以一食. 雖然係甜品居多, 不過普通菜都好食.甜品當然係雙皮奶比較特別, 其他的都很好只係價錢少為貴了一點.服務方面有時候好有時候差, 都要看看老闆的心情吧. 記得座位窄唔舒服要坐卡位.

香港仔既甜品店不多!杏花樓既甜品一般!還算頗貴!可選擇另一間新開--->大佳B多D款式!

好少行黎呢頭醫肚，但一決定黎杏花縷，多數得我自己，咁我一定叫鎮江排骨菜飯，係我至愛杏花樓的食品之一。我雖然怕肥亦知排骨係肥，但係真係抵受唔到它的誘惑。排骨炆得好入味，有鎮江醋香味。好喜歡它有軟骨，好爽脆，好好味。菜飯好多小棠菜，好清香，一碗剛剛好。我去過好幾間杏花樓，都試過鎮江排骨菜飯，發覺佢地的水準都好一致，味道亦一樣，所以去邊間都可以食到美味的鎮江排骨菜飯!唔知大家有無發覺，而家乜都加價，但係普羅大眾都無乜加薪，真係唔係咁alright!

甜品一向幾好，新裝修都幾舒服，佢\d小食都幾唔錯架，我食過-炸椰菜肉餃($18)，可以食得出即炸的<br />不過我今次食既tea set-野菜肥牛湯麵，所謂野菜原來得一d甜椒、洋蔥同椰菜，份量少，肥牛又有雪味，有d失望

(16/5/06)原來裝修左都唔知添。好坐左啦。亦乘勢加入西餐食物,價格定高左。西冷肉眼排餐,跟薯菜,牛排當然被鬆肉粉弄得"林林",蒜蓉汁頗咸,薯仔切半月形,"菜"是節瓜釀入白汁火腿粒,有心思。至於那個餐湯(磨菇忌廉湯)...嘩!槳粉糊,一d忌廉湯成份都無,加幾片磨菇,就叫磨菇忌廉湯!?鎮江排骨菜飯,正呀!最鍾意d醋汁。餐甜品,杏仁糊。另叫兩色湯圓,薑水好夠辣。

$23都幾貴嫁! 不過紅豆大大粒, 又幾鬼好味o既! 如果可以多d紅豆就仲好!

今晚食完飯無咩做就同朋友係香港仔食糖水,見杏花樓新裝修,幾好環境甘,就試下la~~兩个人叫左紅豆沙.麻蓉湯圓.芒果布丁,紅豆沙和芒果布丁都好正,d 紅豆沙好足料,而芒果布丁就好滑,d 芒果都幾多同幾新鮮,唔錯,值得推介.而d 麻蓉湯圓就一般la.係南區來講,杏花樓d糖水都可以算係唔錯~

今晚屋企冇人飯,同家姐去左香港仔都唔知食乜,記得好耐前食過呢度d甜品幾好.. 諗住試下晚餐,選擇都唔算多,我就叫左個南京牛肉上海面.家姐就叫左個鎮江排骨配菜飯,係冇野飲的.南京牛肉即係牛展..好腍幾入味但淡左小小但d面好難食.好腍又碎,至於個湯落左好多師傳鎮江排骨冇試但家姐話ok,個飯都唔錯好多菜服務都幾好..我地係門口睇緊,個侍應姐姐好主動咁出黎比個餐牌我地睇..甜品就ok但其他就可勉則勉

星期日游完水坐車來到香港仔，仔仔話想食這裡，所以就來了。一坐下仔仔就叫了粟米班塊配白飯（$27)和紅豆冰($15)，自己就要了一個蘿蔔糕配熱檸蜜的下午茶($16)。等了一陣就全部上了桌，先講粟米班塊，班塊只得五細件，不過就幾好味的。魚只染薄薄的一層調味炸粉，所以只覺啖啖肉。粟米汁，調得幾好味，還有十幾粒甜粟米。紅豆冰就不好了，紅豆很硬，不是太起沙，早知叫凍紅豆沙好過。蘿蔔糕最好，有兩大件，又厚又多料，又好味，不過不夠熱和煎得不夠脆身。熱檸蜜，檸檬有三片，菜蜜幾甜。**這裡的冷氣幾凍，一定超過25.5度，所以記得帶件外套先至好入去坐。還有這裡的阿姐一個比一個惡，如不是熟客（因為已經習慣了），她們的態度不是人人接受得到的。

媽要了個蠔屎豬骨粥加腸粉，腸粉佢話要蒸唔要煎，好厚及有點兒硬。個粥唔綿，我諗佢d 蠔屎似後期加上去，不過味道算唔錯。我要了糯米雞，好少送汁都唔算多，但我同媽都唔係好鍾意太多送所以幾岩我地口味囉

星期六有報紙香蕉船買一送一贈劵，所以下午出了這間食。點知一攞出贈劵，收銀已經不好態度。當我問可不可以只要士多啤梨味，她已經即刻話冇這味，並且沒有選擇。咁都算了，點知送上枱，見到同報紙上的廣告相差很遠。每個雪糕球只得半個，味道有芒果、杏仁雪味和火麻仁味，很難食。香蕉有小小黑色，忌廉半溶。只得一條朱古加百力滋叫做合格。奉勸各位不要試這間店糖水以外的新口味了。還有這裡的啫哩呀，糕類呀好似全部都不是店鋪自家做，由工場送來的，不新鮮的。

杏花樓的主食仲多過甜品,但係甜品專門店就梗係甜品比較好吃,食正餐就麻麻,米線湯底淡而有味精......芝麻糊/紅荳沙等必備的甜品都好味道, 起碼唔用現成貨式....