光明頂 (Closed)

通常到西貢都係食海鮮，今次想換換口味。之前係報章和雜誌上看過光明頂的介紹，知道該店廚師有份競逐廚神大賽，因此慕名而來。店子裝潢果然有特色，但始終是小店，人手有限，服務有改善的餘地。但值得一讚老闆的細心和服務態度；經他介紹，試了「是日精選」，實在無介紹錯！頭盤－牛沙律；牛係我至愛之一但配沙律凍食都係第一次，估唔到清清地令牛肉的香味和鮮味更突出。主菜－蘋果豬扒；我素來不太喜歡吃豬扒和煮熟的蘋果如蘋果批，因此一開始很猶豫是否該點這道菜。但老闆拍心口說是廚師的招牌菜之一便姑且一試。想不到兩種食物可以產生如此化學作用；豬扒表面香脆而內裡嫩滑，十分有口感。蘋果加熱後果香四溢，再加上微微的酒香，更是香上加香。甜品－因為減肥，今次無食甜品，下次再試。餐酒－試一杯不知名的法國酒莊(類似Chateau de roques)的05年出品；未知是05果真是好年份還是老闆獨具慧眼，雖然酒質未夠mature但入口smooth得很香，是十分適合女士的酒。下次再試下其他菜色．．

星期二26/6到此頂一遊,叫了他們的光明頂套餐.本想可以大快朵頤.可惜......蔬菜沙拉,一般水準.頭盤:肉好像是煮過湯的肉,夠靭呀!少點牙力都會吃不下.主菜:牛膝雖然夠冧,但沒有入味.餐酒是一枝紅酒,味酸,個人不合口味.套餐價錢:$427用這價錢在銅纙灣有許多好吃的選擇,下次不會再來此間外觀靚,食物不能吃的光明頂.

我真係好幾年都未試過食野食到咁受氣啦!! 前日我同幾個朋友係半月灣曬完太陽出黎, 有朋友話想搵一個舒舒服既舖頭食少少野抖下, 於是我地去左呢間光明頂, 無可否認光明頂既裝潢陳設真係好靚好有FEEL, 但係其他野就真係...我想搵個位讚都冇...由於未到食晚飯既時間所以我地食住下年茶先,坐低都冇乜野既, 但係叫野食就知喇, 唔單只水都冇杯過你, 就連落單都要俾阿姐趕我地落單, 你趕我地落單唔緊要,咁都煩請你搵張紙又好簿又好都寫寫我地7個人要D咩丫,7個人落單,最後只係黎左3個,其餘4個呢? 漏晒單...我同朋友3個人都要既雞亦只係黎得一份其餘等左成個鐘,另一個朋友因為等一隻熱狗等左9個字所以嬲得濟走左,隔離台黎遲我地半個鐘但果時已經食緊前菜...離譜既係連刀叉都唔俾...我地都唔係麻煩冇禮貌既人雖然只係黎TEA,希望如果老闆你見到既話你可以改善一下個情況啦, 不過我地都係唔會再黎架喇...唔好意思

對唔住死黨又要在僅有的假日連趕兩場我可以有多一點屬於自己屬於朋友的時間麼?來到這間據說是杜大導親兄弟開的小店總覺得裝修布局很有電影感一度淡黃色的屏風門將外面的世界隔開暗暗的燈光加上店面小小卻有現場音樂只得用cozy來形容人人也會不自覺地坦誠多一點時近凌晨過了廚房last order未有機會吃點東西飲品選擇不算很多都是基本的東西但cocktail、咖啡甚至果汁的水準都不俗不論造型外觀和味道也很合口味絕不是夜了便求求其其的貨色在這個彷如電影的場景下便更有詩意近來才有機會看到好友的blog驚覺她有那麼不同的另一面更替她慶幸的是你和他都無認錯人真正找著一個岩咀型的人了

13-1-2007食完車仔麵, 和太座來個西式茶點, 中西融匯一下。一點半剛開門, 要了兩個tea set.(一) Regular coffee, Chicago cheese cake。(二) Cappacino, homemade cheese cake。環境舒適, 食物質素中上, 不失為西茶的好地方,另外酒類的選擇亦不錯。

地方好雅緻, 一入門口就俾店面古色古香既裝修吸引住. 咖啡有水準, 另外叫左既芝士蛋糕亦都唔係粗製濫造貨色, 唔肯定係咪自己既出品. 坐係精緻木制家具上面靜靜望下街, 睇下書, 嘆番個下午茶. 確係一個好地方~~

不是錯字- 未入去，先俾佢檸檬黃色的槓門懾住了。初時以為佢一係用來呃老外既「香蕉」店，一係係D 文化人開既打書釘茶室。同其中一位老細讚佢既design 同decoration，先知原來係隔離傢俬舖的概念店。o係度諗佢係文化人開既原因，除o左因為見到門口o個一大排書同雜誌之外，成個環境都係精心佈局，中西合璧的：它以檸檬黃同白作牆身基調，配以西式牆腳線、懷舊吊燈風扇、桃木桌椅書櫃（G.O.D. 類）、佛像...還有open bar。o係咁既環境，雖然不是飲house wine，但這個用靚茶葉沖的Jasmine Tea，加埋background 既Jazz music，想唔relax o下都唔得。老實說，很少見到人能用lemon yellow 配得咁stylish 同smart。