研香

Open Now

Now Closed

喺ig 見過呢間甜品舖，講到好足料咁，專情去試一試，點知一試就勁失望。。。見到menu 有個開心果露，對一個開心果愛好者一定係必食，點知一放上枱就feel 到好伏。。。首先當你見到個開心果露係咖哩咁嘅色就知唔對路，一食落口只係食到燶味（懷疑佢係煲燶咗搞到變咖哩色），再食多一啖，仲食到酸叔味，呢種有層次嘅難食法其實都幾犀利。食咗兩啖忍唔住要問侍應碗嘢係咪出咗事，點知佢哋試完話食唔到有咩問題，不過最後都俾我哋換其他糖水，之但係如果碗開心果露冇出事都係咁嘅味，呢個 item 應該 off menu 唔好再放係推介產品喇真心趕客另外試埋隔離個腰果露，顏色正常，一入口冇腰果味只得甜味，唔係好知自己食緊d 咩，不過比起個開心果露叫做放得入口囉

Topblade副線人氣糖水舖係厚福街開左一排 終於係下午茶唔洗排隊嘅時間去左試🤣. 開心果露 . $48可揀冷/熱 我地揀左熱食 最關心係開心果味夠唔夠 因為個味好難整得好出 事實就算夠味嘅 仲有淡淡花生味 唔算滑 有種即磨感覺 面頭有少少開心果碎 杰度就恰到好處 呢個價錢有少少貴 對於中式糖水黎講😂 賣相就一般 . 榴連冰 . $48呢個就有驚喜啦 未食已經榴連飄香 sorbet好綿 好似食雪糕咁 榴連味好濃郁 榴連肉都唔少 好甜 仲有粒粒珠珠爽口 增加口感 個人覺得呢個好食啲😚

📎餐廳類別：甜品店/ 糖水鋪⏰用餐時段：宵夜👉🏻👉🏻適合：晚餐後 想食個快嘅糖水(坐低order左冇耐就已經上糖水 極速🤣)🍽餐廳環境：🧡🧡🧡💛💛( 位置有啲迫)🙋🏻‍♀️餐廳服務：🧡🧡🧡🧡💛👨🏻‍🍳👩🏻‍🍳味道：🧡🧡🧡💛💛💲性價比：🧡🧡🧡💛💛🔸營業時間：13:00 - 23:30 🤳🏻打卡📸：燈光&簡約裝修風 食物影出嚟都幾靚(5🧡最高)夜晚想食個糖水搵到呢間新開🆕決定試吓離遠未行到已經見到好多人排緊隊🤣一坐低望Menu 俾開心果露吸引住因為覺得幾特別 同埋喺其他地方未食過🤣我就揀咗熱嘅開心果露 味道同想像中有少少唔同不過味道唔會太甜啱啱好 而且好滑好香🤤朋友揀嘅：我食嗰陣時唔知係咪因為啱啱開可能payment system 未ready 埋單淨係收現金 有少少唔方便🥲

最近半年尖沙咀都開了幾間甜品糖水舖，研香應該就是最新嘅一間，用自動落單機買咗碗熱嘅合桃露加湯圓，甜度揀咗日本代糖（因佢寫住甜度約相等於半甜，等咗大約5分鐘就有得拎，買一碗糖水比咗一個大到可以放個女裝鞋盒嘅foodpanda紙袋我，仲要走埋餐具。食物方面合桃糊不夠滑仲有幾嚿似渣嘅糕狀，應該是無用篩網隔渣，這點絕對要改善，至於甜度方面半甜好似零甜咁嘅，湯丸就OK。選擇方面款式唔算多，定價方面算是合理。

Happy Friday 食完飯諗住食埋糖水，見到有新開既糖水～仲有開心果糖水做招牌，所以試一試佢～個裝修好有文青感覺，鋪頭細細～ 20:30黎到出面已經好多人排隊😨叫左個開心果露，食完一啲都唔開心🫤🫤🫤一啲都唔好味，仲話係招牌🤧接受唔到，太杰😮‍💨Hkd$48呢個楊枝甘露仲大獲😵‍💫hkd$46未食過咁難食既楊枝甘露，點解咁簡單都可以咁難食？完全成碗野得奶味，勁多既奶，冇芒果味，啲芒果得幾粒😮‍💨啲西米仲要結到一舊舊咁樣，呢碗唔止失色咁簡單，簡直係失敗😮‍💨呢2碗糖水完全唔值呢個價錢，唔會再去食🫤2碗剩係食左小小就已經唔想食🥲

Honestly wanted to try this since the line outside is always long. Prefer to buy takeaway though as the wait is relatively shorter. We got the sesame sweet soup and the mango sago sweet soup which were both quite pricey for desserts at $48 HKD.The sesame was thick but not too sweet, just the way I like it. The poster there says that it is made from Japanese sesame, not sure if that's what made the difference but the sweet soup was not too 

糖水舖裝修走文青打卡路線, 所以定價都相對夠進取😂聰明仔合桃露 ($36)揀左半甜既合桃露味道好香濃, 食落好滑, 另外加左$10黑芝麻湯圓就比較普通😅研香開心果露 ($48)同樣都係揀左半甜既開心果露好濃開心果味, 真係好似食緊一粒粒既開心果咁加埋開心果碎就更加濃味😍 加左$8既豆腐花去配都一樣咁好食😍呢度一到左甜品時間就坐滿曬, 都有好多人叫外賣, 同埋只收現金🙃

專程為咗開心果露同埋芝麻糊而嚟開心果露一啲都唔幼滑，就咁睇都已經見到好多一粒一粒，明顯冇隔過渣，食落味道似栗子多過開心果，叫咗半糖，甜度叫做適中個芝麻糊真係極差標榜磨咗八個鐘，但係好多好多一pat pat, 同樣叫咗半糖，但係芝麻糊完全冇甜味不特止，仲非常之苦，可能佢三種芝麻溝埋一齊之後就係會苦掛。。。我同朋友都唔覺得係香，係真係苦，再問佢攞咗糖水，加咗之後成碗希咗，苦味仍然都係有，而且真係實在太多一pat pat，我近乎有啲食到想嘔，真心佳佳個芝麻糊無論味道定質地都好過佢一百倍PR可能做得好好但係質素完全唔係嗰回事真係好失望名副其實又貴又難食絕對係不可一不可再想試嘅朋友我會勸你三思

見至食評推介，話係網店嗰陣好受歡迎，點知失望😢開心果糊本身預咗開心果應該冇咩味，但係除咗味道之外，質地仲非常水，食落就係有碗有粒粒嘅有味水咁，本身仲話慢磨所以有啲期望，點知完全唔係平時食芝麻糊嗰啲杰得嚟滑嘅質地，而且呢個價錢($48)咁細碗仲裝唔滿，貴夾唔好食😢加湯圓($10)有三粒，比較細粒同皮厚，唔嗒真啲真係唔係好食到芝麻餡😂以前未食過佢哋嘅出品，唔知係新開未穩定定不嬲係咁，短期內唔會食第二次😥

《研香 - 尖沙咀》食飽正餐，當然要食埋個甜品滿足下個胃啦，呢間舖頭由之前做網店到而家開咗實體舖我都仲未有機會去試，反正喺尖沙咀食飯，當然係要去試吓佢嘅開心果露😎店舖個裝修都幾光潔，好似coffee shop咁坐得幾舒服呢個開心果露價錢唔平，都要成$48 㗎，不過可能店租貴啦，同埋我知道開心果嘅甜品一向成本好高，只要佢好食其實貴少少都冇乜所謂😎第一次食一定係試吓熱食啦，一嚟到聞到好香果仁味，個質地唔算好杰，食落都幾滑溜，不過個開心果味冇我想像中咁出，我以為會有好似開心果醬嗰種好綿密嘅口感，食落唔差嘅，不過同預期嘅超濃郁口味有啲唔一樣，始終坊間比較少開心果露呢一種甜品，如果行過尖沙咀突然想食傳統甜品嘅話都會特登過嚟厚福街呢邊食既

每年生日月總要到一間從未吃過的餐館品嚐，恰巧遇上舊同事到尖沙咀相約晚飯，我提議飯後到厚福街上的研香吃甜品，一行人又贊成，於是就前往一試。早在社交平台上，得知它是扒房Top Blade Steak Lab的副線，但也得一試才知道質素是否跟扒房一樣的高。到店時已有不少食客在門外等候，即使取了籌號也得等候約10分鐘才入座。可能不少人剛吃完晚飯就到店吃甜品，所以店內座無虛席，熱鬧得很。店內主打傳統糖水，主要以糊類例如芝麻糊、核桃糊為主；也有新派一點的甜品，如鮮果冰，甚至楊枝甘露也有。只是，我仍偏好傳統味道，還是來一碗核桃糊好了。吃傳統糖水，特別是糊類，最怕是那種死甜的味道，但這個核桃糊即使是正常甜度，也沒有想像中的死甜，也因為這樣，仍可以吃到淡淡的核桃香。更重要的是，糊中仍可隱約見到磨碎了的核桃粒，足以證明是真材實料，童叟無欺。從來都覺得，越是簡單的東西，越要用心去做，要做出水準來更是難上加難。一碗核桃糊，確是可以給都市人苦中一點甜，似乎它跟主線Top Blade一樣，也是高質素的一家甜品店。吃完我也不禁「派like」給店員，畢竟這是對店家的一點肯定。

╹ 研香 Grindie - 尖沙咀 Tsim Sha Tsui╹#tori尖沙咀ʅ厚福街係一條美食街就街知巷聞啦😌最近進駐咗呢間新開嘅甜品店‼️🍧佢哋專門做腰果露、芝麻糊、開心果露～亦都有鮮果系列 例如榴槤、芒果🥭嘅甜品店內嘅裝修走文青風格 座位寬敞幾舒服我哋星期五晚大概10點去攞飛排隊 等咗25分鐘左右啦😗可惜呢個時間好多甜品已經賣晒嚕🥲（睇嚟生意太好啦😆）ʅ🍡熱芝麻糊加湯圓($38+$10=$48) (6.5/10分)芝麻糊比較流質 我比較鍾意濃稠啲嘅感覺但芝麻都磨得幾細滑～湯圓就係一般市面上嘅芝麻湯圓 冇乜特別🥸🥭楊枝甘露加豆腐花 ($38+$8=$46) (6/10分)芒果肉唔多但算大舊🥭柚肉唔會太酸不過豆腐花有啲"鞋" 豆香唔夠突出😳ʅ 📍研香 Grindie尖沙咀厚福街7號地舖ʅ#hkig #hkiger #hkigshop #hkigfood #hkfoodie #hkfood #hkfoodblogger #hkgirl #hkcafe #hkiger #hkcafe #foodie #kowloonfood #hkislandfood #打卡 #假日好去處 #香港美

厚福街出名是屬於尖沙咀的食街。 最近進駐左一間新既甜品店。 係間店未正式開張前，行過已經飄過一陣香濃既榴連味 嗰陣已經同榴連同好者約好要試。 咁岩第一次去嗰陣full哂 ，好彩第二次撞彩數嗰陣又咁岩有位喎，就同朋友去試一試。其實menu選擇唔多 榴連既甜品更加係得一款😅😅有啲失望。 可能岩岩開張關係 好多款都缺貨。 咁既然一場黎到 ， 就分別叫左榴連冰（$48） 同合桃芝麻糊（$38）。order是經QR Code,所以甜品都快上枱。上枱時間大概5分鐘都冇。 比較震驚既係 榴連冰真係堅細碗😅不過榴連味概相當於濃郁標榜用左4分1個榴連係真材實料。雖說榴連冰 但口感是不似冰的 反而似雪糕 。 上面既榴連更加超香濃🤭，中意榴連既朋友必叫 合桃芝麻糊 比較有趣係落單可選擇半糖或正常， 而我就叫左正常甜度。 合桃芝麻糊味道唔錯， 雖說簡左正常 但係味道食落其實唔算好甜無法想像半糖會是什麼味道🫣 。 食物價格黎講偏貴，份量都相對較少 唔太抵。 另外榴連甜品多啲會更吸引。

好消息好消息🔊❕❕早前Top Blade Steak Lab開設嘅糖水網店，終於係尖沙咀厚福街開咗間實體舖！！.堅持使用石磨機，再加上100%嘅果仁🌰有全天然果仁嘅手工糖水🍵 喺香港真係好難搵到🤥加埋之前做網店草落嘅人氣，已經吸引到好多人幫襯！！好彩早少少去到，如果唔係都要排隊啊🫣.▫開心果露豆腐花(凍)💲56｜⭐️⭐️⭐️⭐️⭐️▫開心果露(熱)💲48｜⭐️⭐️⭐️⭐️⭐️同朋友不約而同咁話要開心果露🤣本身想加湯圓，點知店員話已經賣晒，所以就轉加豆腐花～開心果露只係用意大利嘅西西利開心果同埋1:1嘅水製成，慢磨約30分鐘，就已經完成👍🏼係粉粉綠綠、有啲似牛油果嘅色澤，加咗豆腐花嘅顏色會較為淺。質地流質得嚟，亦都有濃稠嘅感覺，入口綿滑，開心果味十足😍😍感覺都有啲似飲緊好杰身嘅milkshake😋加埋豆腐花就更加滿足，真係一分錢一分貨💚 推薦‼️‼️✨下次要再試吓加湯圓先！！

星期六下午路過厚福街，突然醒起近排睇到介紹話條街開咗一間糖水店，見未要排隊就即管一試。試咗芒果冰同開心果露，芒果冰夠晒果味，但略嫌細碗，開心果露就有非常濃郁嘅開心果味，值得一食再食，有機會下次會試埋腰果露同芝麻露。