Green Bakery (Closed)

Green Bakery 的麵包新鮮、好味、款色特別，我特別超喜歡幾款Green Bakery 特有的款式：No.1 我至愛的提子包 - 香、鬆、大粒香甜的提子鋪蓋整個麵包又唔會太軟 (因為我喜歡有口感的麵包)No. 2 芝士法包 - 她的法包是非常有嚼口，加上勁多的大大粒ChedderNo. 3 小番茄Pizza - 她的Pizza是簿脆形式，大大一片，又唔太飽就是為了這3款，本人almost 每兩天都會到Green bakery 買麵包。唉~ 誰料原來在6月中Green Bakery 已被Little Mermaid取代了。起初都有誤認Green Bakery 為Little Mermaid 因為它們有些品種是非常類似而且同是附屬於City super 之內，但細心察看就會看出不同。其實不是Little Mermaid 不好(除咗佢D麵包真係幾貴，Potion 又細) 但是我的No.1 至愛的提子包，是Little Mermaid 的芝蔴提子包遠遠不能取代。我問過店員她們說因為公司要统一經營，這事我是能理解的，但我深深盼望Green Bakery 可以找到一個新的落腳點 (最好

行街行到餓餓地, 聞到麵包香, 不自覺走左入去~ 好吸引的芝士香氣~ 還多手再夾多兩個迷你包個包果然好軟, 但唔會腍一PET咁, 再加上芝士軟心, SO NICE~ 另外兩個迷你包, 都好鬆軟啊~

每次來Green Bakery 都一定係食Croquant但偏偏今次就冇, 可能未出爐正在失望之際突然發現新奇野 Crunchy Puff (可能次次都只係食Croquant, 並冇發現它)咬左一啖後, 發現餅底有D 似Croquant甜甜的蜜糖香味, 而且非常香脆面頭像牛角包, 牛油味的酥皮超香而且非常軟熟鬆化一軟一脆, 口感佩合得天衣無縫下次再來一定要encall

四月二十九日 天蔭來沙田行一行，沙田的Green Bakery在citysuper的旁邊，選了Walnut & Raisin Scone and Cheese Tart 作晚餐茶點。Walnut & Raisin Scone 食落外層脆而中間堤子與鬆餅有少少甜的感覺，我覺得它外面脆內裡鬆軟的層次感做得幾好而且夾雜核桃味道不錯。Cheese Tart 曲奇撻和芝士味掂而且內裡有著濃郁的芝士很正，份量多一個切開一半給兩人享用亦可。分數Walnut & Raisin Scone 79/100 好食Cheese Tart 81/100 還好食

每次黎到呢間麵包店~都想買包包..但見到個價錢....令我停止買既念頭今次..我終於買左一個我好想食好耐既包包. "Croquant " 佢個樣雖然不"土"好但勝在我鍾意食甜....佢呢個都幾甜..正!!

是日在一田逛完之後，經過這間麵包店，想起明天的早餐還沒有著落，所以便決定在這裡買一點麵包作早餐。這個甜蕃薯的麵包置於麵包店的當眼位置，所以在沒有任何決定之下便選擇了這個麵包了。甜蕃薯麵包拿上手的時候一點也沒有油留在手上，比起很多麵包少油很多。份量剛剛好，一件便能滿足我的早餐了，所以其他的都給了家人吃。整件麵包也是烘得金黃色，顏色十分討好。咬開之後，便能發覺有不少小顆的蕃薯粒在中間，可是口感上就還未能滿足到我。我覺得蕃薯粒太小，沒有認真去研究係絕對唔會發覺佢既存在。幸好中間的部份造的十分鬆軟，佈滿了很多小孔，裡面的味道也尚算令人滿意。

見到E間咁多笑面,所以對佢都幾大期望, 雜果朱古力軟包($6)牌上寫住:朱古力麵包加入芒果,木瓜,橙皮,蔓越莓,朱古力粒。吃下去時,只覺得像吃了朱古力粒加帶點微酸的朱古力麵包。事實上我亦只看到除了表面的朱古力粒粒和入面的數少粒蔓越莓,所謂的芒果,木瓜,橙皮完全看不到有亦吃不到有這些味道。 相反芝士法包($14)就很好吃法包咬落並不是硬掘掘的,卻是有煙煙unun,很有驚喜!而且餡料絕不欺場,一撕開已見到很多粒粒芝士,總算令我這個芝士狂人火氣暫降。

知道夜晚冇咁早有飯食, 所以就黎呢間令我有選擇困難症ge麵包舖, 次次黎都要係麵包櫃轉好多個圈先扑到搥買乜.因為太肚餓見到咩到都想食ge關係, 買左3個包, 吞拿魚包, 哥克餅同香草意大利包, 吞拿魚包係第一次食, 估唔到個樣怪怪咁, 但又真係好食wo, 入面除左吞拿魚外仲有少少薯仔粒, 其實個味好似食緊三文治咁, 不過呢隻包比一般包煙un, 所以好食好多, 我"炸"一聲食哂!哥克餅就次次幫襯都會買, 實在太好味喇! 又有少少maple香, 又有香脆合桃, 不過就比較熱氣, 所以每次都要同人share...其實我真係好想一個人食哂佢香草意大利包又係第一次買, 不過就隔左一日先食, 但都好食wo, 又係煙un, 仲有好多香草tim!

飲完茶, 同父母道別後, 我們到了citysuper, 行了一會, 決定買點東西回家, 下午茶是也. 係樓下買朱古力時, 找找旁邊的麵包店, 都沒有什麼吸引, 決定行返上去citysuper睇下有咩啱. 結果, 齋妹就被這個芝士撻深深的吸引了. 於是就一人一隻.回到家, 凍食麼, 及正有多士爐就不如焗一焗熱黎食. 始終芝士味既野, 係要熱食先有味道. 焗好拿出來, 應有的芝士香一定有. 看見齋妹非常之enjoy地享受隻撻. 我又回到廚房去, 焗熱我果一隻.果然, 芝士一定要熱食才吸引. 返熱過的cheese, 溶溶地, 味道帶甜. 內層腍腍的, 好似cheese cake 咁, creamy 中又帶甜味. 齋妹絕對沒有揀錯野食.一啖撻, 一啖奶茶. 好比出面百幾蚊一個 High Tea.

本人基本上對所有含高澱粉質的食物都十分有興趣，飯同麵包算是我每日必吃的！連鎖麵包店美X大X我都不喜歡，最愛是平民式的麵包，如冰室或屋村包店的麵包；次愛則是較高檔的麵包店，Green Bakery就是其一。差不多每次到Citysuper都會買最愛的田園麵包或是北海道牛奶麵包。今日當我正圍著麵包櫃選購時，聽到在旁的"麵包小姐"推介什麼每天只造十件左右的蘋果批，即時轉頭看一看賣的是什麼東東，蘋果批放在白色小紙盒中，一件大約有6"x3"左右，售價$35。那就買來試下吧！回家即切來吃，批十分香脆，牛油味適中，不是太漏，中間夾著一大塊蘋果如果蘋果再多一點更好！

呢舊飽真係多芝士到暈，仲好墜手添架，掂呀 ... 家下連老豆都愛上，要我不時買埋俾佢食！不過俾我發現呢個包向 ifc 店、銅鑼灣店同沙田店嘅價 $ 都唔同，最貴同最平竟然相差 $9 ... 離譜

在沙田 City Super 找找新奇事 就行經那間 Green Bakery 發現一種怪怪的麵包．．．「Croquant」其實這個飽外表並不討好還有點像烘乾了的牛糞餅 不過就是它那窈黑的肌膚令人著迷 小小的咬下一口淺嚐甜甜的蜜糖香味 外層爽脆內層鬆軟 牙齒偶爾間還會碰到一小顆一小顆的果仁 十分可愛．．．當初還認為一個 Croquant 賣十元確實有點貴 但十元可換來如此難忘感覺也十分超值 在網上搜查有關它的資料 原來 Croquant 是它的法文名稱意解 Crispy（香脆） 怪不得吃一口後 令我有著回到摩洛哥街頭很法式的咖啡店感覺．．．

1月26號，牛年大年初一．路過City Super，看到Green Bakery有牛型公仔麵包，那便在大年初一買個回家品嚐．牛牛包乃是紅豆蓉作餡料，包中放一點提子乾作上配襯．麵包做得比較可愛，但紅豆蓉甜得過份一點，但麵包中有提子便有咬口．買給小朋友作下午茶點，可算合理．

Don't know why they changed the name to Green Bakery...is it because they're no longer under the Japanese Little Mermaid?Nonetheless, the pastries are as good as usual. Had a croquant, and it was sweet and crunchy and satisfying as usual. The free samples of scones were a welcome treat as well!

心知畢業之後就好少出沙田, 距離心愛的Little mermaid將更遠了, 趁最後幾個開課天, 放學後去沙田買番個包sin.是日很想食酥/批, 尤其係鹹, 但全部都係甜ge, 最終選了士多啤梨.酥的texture介乎麵包同酥皮之間, 唔會有層層鬆脆, 只係邊邊會比較脆! 初時以為冇吉士ga, 超失望, 好彩去到中間有, 而且份量充足, 只可惜實身d, 唔夠滑, 反而士多啤梨最好, 又甜又fresh.不知何故, 總感覺少了驚喜.