名豪海鮮酒家 (Closed)

今日同同事去咗名豪飲茶,今次係第二次,因為我哋有五個人,可以食多啲嘢,我哋太約叫咗十幾個點心,腐皮卷比較多油,水晶魚啲水晶粉皮好厚,翡翠菜苗餃好食,好多菜苗係入面,梅菜飽一般,燒賣也一般,千層糕好食,薄(餐)好少餸,又唔香,無特別,還叫咗個咖喱牛腩炒河,唔得,只係將啲咖喱淋上無炒過既河粉度,咖喱又唔好味,牛腩同牛根又靱,埋單二百幾蚊.唔知係咪三樓啲茶錢貴啲呢?因為見到樓下有位,但係就唔比我哋囉!

食物，普通，但上菜時間時急時慢。叫了個套餐，前數個菜快得出奇，但最後條魚，等了接近十分鐘。與婆婆慶祝生日，所以叫了壽包。等壽包，又等了差不多十分鐘，有點像去海洋公園玩，處處要等。壽包要開光才食﹖也許......所以要等。大家見過生果等壽包嗎﹖在等壽包的一分鐘裡，我們的生果盤就在我們遙遠的附近，陪我們一起等。有點怕，西瓜會封塵。食物還算，關鍵是服務。上菜，那個羹，不是放在轉盤的邊陲，方便我們拿，而是一碗一碗的向轉盤的中心推進...結果，我們一起起身伸手往轉盤的中心去拿。罪不在名豪酒家，錯在我們不夠手長。上菜嗎...其實不是上菜，而是「下菜」。侍應將一碟一碟的菜以忿怒的心情重重的拋在轉盤上，難道是我們惹毛了她們﹖又是我們錯﹖可能，那位侍應太太知道我會寫這篇文章吧。其實，我是怕她會砸爛那玻璃轉盤呢。侍應的口臉很黑，樓面場面混亂，老人家要特別小心(前題是，你會去食)。最後，那酒家有一個很大的好處，是飲品比較廉宜。不過，我最怕是如果食客因為酒平而多喝，踫上那種服務態度，會有不偷快的事件發生。

好多人，可能咁橋係父親節啦。但真係好唔掂，好迫。話有獨立房喎，個細細的電視都無聲。服務又唔得!!!!!係好急上晒所有菜。同埋好難溝通!之前應承人，汽水可換啤酒，1換1，但同佢講時，又覺我地o既要求好似好奇怪咁。之後食到差不多最後，才有人醒起係訂位時應承送白飯比我地。但一路無送到，同佢講轉3碟炒飯比我地啦，因為無食送喇。佢竟然唔肯。一d都唔變通，其實d炒飯值幾多錢o丫，都唔肯。跟住話轉糖水先肯。點知等好耐，原來係開粉，出事!!!雞雞同不知是不是紅豆沙的紅豆沙，好難吃!!!!!

我和家人每朝早都會去名豪飲早茶，然後上班或上學。由於名豪比較近，所以我們才會選擇此間吃早點。不過，名豪缺點很多，先是茶杯、碗筷洗不夠清潔，這個很多茶客巳習慣了…侍應就少得很少，有很多食客往往要等很久才碰到一個侍應經過叫開茶。開了茶後，還要等很長時間才有侍應或部長經過幫茶客開咭叫菜。如果食客遇著趕時間的話，名豪的服務態度定令您眼前一亮！最好當天別叫京點小食，皆因京點師傅一定會late come，您叫的京點也跟埋late come. 明星巳恢復營業了，希望他們快些有所改變。

這酒家開張幾個月，有三層，一樓食火鍋，二樓食晚飯小菜，三樓就宴會雀局，檯距離較寬，很好。抵食有燒鵝，全隻一百，半隻五十。我地四個人，要燒鵝半隻、炒四季豆、一個類似醬爆骨、鮮魷西蘭花、豆卜煎黃立倉、再加多一煲老火例湯，都係三百幾。d 小菜碟頭又夠大碟，味道亦不差，可以一試。小插曲，我order 一碗淨米粉，個女waiter話要$22蚊，我地話貴，跟住有個經理行過來話$12蚊就得，下次叫米粉識做。