Gossip Pantry (Closed)

見星期五, 去遠少少搵野食啦, 見到依間幾光鮮, 幾個人就試下..但食飯時間唔駛等位, 都有少少不妙架啦簡單講就係普通, 個湯冇味, 好似水咁, 羊就老到不得了, 個凱撒沙拉就D DRESSING無MIXED, 唉上菜個沙拉就最遲上, 食生果咩...我俾左100食D咁既質素, 咁FACTORY 99會好十倍...但都係50蚊咋, 好少寫食評都要寫下

在團購買了$54一位的coupon~現場再加$20一位的服務費~本來想試一試, 心想沒有驚喜也理應不會太差~首先, 餐廳環境其實還可以~服務就, 差不多吧! 我們也不是很有要求的那些, 不給面色我看就可以了~下午茶放題約有8款食物可以選擇, 已包括甜品和沙律~選擇當然是覺得少了點啦!order後等了很久才上第一輪~以為等那麼久應該很不錯, 至少是即叫即整~加上當時只有2-3台客~先看相吧!貌似還OK...貌似...沙律算新鮮~事實上, 每款都是不冷不熱, 味道非常家居, 還是不出色的家居~就好似是家中廚藝一般的老姐為了整大餐給男朋友, 找你做實驗試食的差不多吧!如果是以填肚為目的去食, 那還算可以接受~但我會情願選擇"掃街"~至少熱辣辣~吃得暢快~一般以為這類型小店老闆都是很有heart的~但並非如此...可以因為是下午茶放題吧...但既然無心...何必搞團購呢??既然搞了, 何不用點心呢??

上星期用團購價去此餐廳吃下午茶自座餐, 相片影出來十分美觀, 但實際上食物是一般, 不過一分價錢一分貨, 食物都不是太大問題, 最大問題是服務十分差, 好似覺得用團購價去吃東西就看不起, 打電話BOOK位時語氣都不好, 原本想試試他好不好味, 平時晚餐多個選擇, 不過以後都不會來, 因服務對於我都很重要的.

上星期出席Group Buyer 團購家食評達人活動應邀到觀塘Gossip Pantry一嘗新鮮生蠔半自助餐地點唔難找 沿觀塘地鐵站B2出口直走兩個街口行5分鐘就到在場見到Gossip Pantry做緊團購promotion $198所以是晚爆場一坐低就來個磨菇忌廉湯跟蒜茸包個人喜歡較杰身的西湯另外主餐牌有4選1晚餐選擇自己點了龍脷柳同行友人即加$40點了龍蝦意粉果然!! 加少少錢的會好食d 嘿嘿~除此以外仲有沙律吧 哈密瓜火腿 即蓉芝士 甜品吧在我而言 我認為算合格了~仲有重點即開生蠔!!! 是晚是美國和南非蠔每次限取3隻 我共取了9隻!! (其實一下子食咁多生蠔難消化喔~)講真一句 就算唔食主餐牌都已經夠滿足

今次到了位於觀塘開源道的小Cafe試食半自助晚餐，從沒想過工業區竟然會有這種小店！門面很別緻，落地玻璃窗讓客人邊吃邊望望街，即使店子小小（只容納３０人左右），也蠻舒服的！頭盤和主菜讓客人自取，款式不算多，但味道尚算不錯。有３款沙律菜，另有青口沙律，蕃茄沙律等等，都很清新菜都很新鮮。另外有薯條，意粉可自行添加來配搭主菜坐了一會，服務生送來蘑菇忌廉湯，但。。蘑菇味欠奉，只有淡淡的奶／忌廉味＞＜不好吃！之後到外面拿生蠔，一開始很多人排隊呀。。但每人每次只限取３隻，即開即取，夠新鮮，又肥美～ＧＯＯＤ～要讚的是由頭到尾生蠔都有在供應～沒有吝嗇吃過頭盤，主菜就送來，我點了牛扒，但一。點。也。不。好。吃。！！！！！！［拿］得太過份，沒有牛肉味，又太腍，不要點這主菜！另外還有魚和羊的選擇。後來知道可以加＄４０，要多一碟龍蝦意粉，這個反而最好味～芝士放上面焗，一點也不乾爭爭，給了一點驚喜DD甜品方面，請不要寄予期望了＞＜沒有一款很好味，最好的便是最安全的木康布甸。。（跟我自家做的一樣）其他的都不好吃，不要浪費QUOTA了＊MayMay試食都寫真心的,好壞亦寫,不作媒,謝謝!＊

見到團購$198半自助buffet, 主菜有魚／牛扒／羊 揀，而且有即開生蠔，所以即刻買左黎試！用餐當晚係同男友既紀念日，買左coupon之後見到有人評價麻麻，初初都有啲擔心會比餐飯影響大家心情，好彩有驚喜！講返食評，裝潢：舖面比較細，坐得算迫，但裝潢都有啲格調，每枱都有個香薰洋燭仔招呼：一入座就會主動斟水，樓面侍應有兩三個左右，應有既服侍都做到，而且會不停幫大家斟水生蠔：生蠔即開，新鮮爽甜，好味！我同男友每人食左1打！而且完全冇肚痛〜雖然係要排，但平均只要排5-10分鐘，尚可接受，不過的確有個哥哥仔係咁開爛蠔殻哈〜而且佢明顯開得比較慢，但佢有好小心咁用冰水浸一浸隻蠔（應該係因為佢怕有碎殻XD）沙律：蔬菜類好新鮮！配料亦足夠，有煙肉粒、麵包粒同芝士粉等，好味！黑松露磨菇湯：好飲！飲得出真係有黑松露味，不過男友嫌佢唔夠杰，但我個人認為冇問題！如果唔係飽都好想refill~燕窩燉旦：不過不失，當甜品食，好多人搶XD主菜：男友點左羊，我點左肉眼扒。羊唔蘇，好淋唔韌，唔錯！肉眼點左5成熟，上枱岩岩好，而且仲好香！肉質好淋，但絕對唔係比鬆肉粉整到淋果隻！兩個主菜都好滿意，伴碟菜同薯蓉都好味〜整體

來了這兒試semi buffet他們重點推介是即開生蠔甫坐下，侍應便會奉上一碗香濃蘑菇湯我們也感受到這間餐廳的誠意湯是十分香濃及滑粒粒蘑菇齒頰留香然後，我們便排隊拿頭盤和生蠔生蠔真的是即開的每人每次只限三隻我覺得生蠔質素還不錯以這個價錢，生蠔是挺新鮮的沒有腥味不算太肥美，但我喜歡它淡淡的海水味吃后也沒有肚子痛頭盤也沒有令我失望包括田螺，沙律，生菜，蕃茄，青口，薯仔，魚片...最受歡迎當然是田螺雖然有沙，但算甜，ok我個人比較鍾愛青口非常鮮甜調味出色沙律更令人驚喜生菜高質素有許多配料選擇，令人興奮還有主菜 三選一，或加$40半隻龍蝦意大利麪1 羊扒2. 龍利魚扒3. 肉眼我試了龍利魚扒，非常香脆，我覺得餐廳很有心，醬汁特意分開上薯仔脆最後有甜品和水果水果有菠蘿和火龍果細細塊，新鮮甜品迷你，可以讓你一飽口福總括整間餐廳大約可容納三十人裝潢簡約，只是桌子太近了要排隊拿生蠔令人泄氣其他整體良好

團購見到198有生蠔食，以為好抵。。。。我地即刻買，點知希望愈大。。。。，book 好左位星期六唔使等就有位，一入到去係一間好細ge 店，一個角落係自助buffet,有即開生蠔，但。。一次淨係可以拎三隻。。本身個哥哥開得好快，但弟弟開之後真係開得好慢，要顧埋cheese ，仲開爛左啲蠔，要用扁果面裝隻蠔。。而因為人人都要排生蠔，差唔多6-7個字先排到三隻。waiter 又唔理你係唔係位都上main course ,搞到返到埋位凍曬又無味，食左少少就無食到啦，最搞笑係明明一入到去仲有枱未occupy ，又要我地撘枱。。勁逼，隔離果個啲咀嚼聲都聽到。而最重要係！！！！！（其實compare 野食質素，，一啲都唔平！）

團購左$48享Gossip Pantry 3小時無盡任食下午茶咁岩帶左相機又算幾抵食所以post上黎蜜糖雞翼OK但係無咩蜜糖味焦糖燉蛋再熱D好D食左2 Round多D,比人吹住走,唔係可能睇下雜誌再食多1 Round ~哈哈蝦不過成間野去WC同埋門口度門都要非常之大力先開到,我去完WC之後入錯左去個貨倉到幾驚...好彩任食下午茶OK,見到D人食夜晚個D寫到中伏咁都驚驚地,哈哈哈我本身係想食沙律任食有二款都好岩我心水,另外三文治/魚柳/魚丸同薯條都好OK

之前見到Gossip Pantry做團購promotion，$198就可以任食生蠔、前菜同甜品，仲有烘軟芝士，所以約埋朋友一齊買仲即刻訂枱雖然對觀塘區不熟悉，但餐廳都算易搵，沿觀塘地鐵站B2出口直走兩個街口，5分鐘就到。由於訂左枱，無需等位即刻入座。餐廳樓底高，地方四正，仲有望街的落地大玻璃，幾舒服。一坐低，waiter就遞水。我地就即刻去囉野食。頭盤的翡翠螺、日式螺肉及八爪魚撈撈系我的主打。翡翠螺鮮甜爽口，食左5隻才轉戰生蠔、parma ham、烤芝士主菜3選1，當日有牛扒、煎鱸魚、燒春雞。最后到甜品，甜品以小杯承載，食多幾杯也不覺，又可以每款都試到有tiramisu、木糠布丁、creme brulee (大愛)。。總括今餐食的好飽，朋友都好滿意

Gossip Pantry~今次真係中招了~ 今晚的晚飯在這間GOSSIP Pantry 試到了這間餐廳的5差~ 食品質素, 款式選擇,等候時間,收費價錢,侍應生服務 真的不好意思~得罪的講真話~真係很差~ 首先在網上所寫同宣傳:~自助任食~ 1)即開生蠔,每天有二款~今晚是星期六,只有南非一款, 開生蠔的師傅真的辛苦了他~ 一人分式幾個各色,一邊要照顧開生蠔,一人排隊只可以拿三隻, 一次排隊用上了20分鐘到的時間先拿到3隻生蠔, 另一方面,師傅要整芝士包, 我們還要限2時食的,所以都有食客,一邊排隊, 一邊拿著食物,邊食邊到~ 就是為了省時間,感覺自己好似係到等街邊買魚旦檔,等外賣咁~~ 等了二十分鐘,我們等到主菜來了,還沒有拿到生蠔,唯有放涼了主菜, 拿到生蠔先回去吃~ 主菜吃到一半,見到無咁多人排隊拿生蠔之時,又叫我地等10鐘, 因為要洗d蠔,未羅得出來!!!!! 要洗生蠔不是要晚市前要準備招呼食客呢?? 2小時的晚餐~我地排隊拿生蠔的時間已經用左一小時都有. 換來一小時可以有一個食吃得多少隻生蠔呢?? 只有6隻~~~~~~*_*!!!!! 真係想要我地hea多d時間

中招黑店,比難民食得更差的semi biffet@gossip pantry觀塘開源道48號威利廣場地下G02號舖$250 一個人所謂架任食semi buffet, 直頭搵笨呢個騙局我要比大家知好明顯其他食評係打手寫多我食完打文睇返見讚好的都是沒身份只出過一篇食評眼睛雪亮的自行判斷,要請打手的下三流餐廳食物質素同數量方面都難以想像之差我真係唔想有人見到d假食評去了先知中招每人一客湯, 原本湯都是要配給間野一入去, 嘩,咁細間??點可能有buffet原來所有食物放在一張只有半張大單人床架桌上要知道木台咁細, 可放的食物有極有限初時入門見不到有buffet木台是因為比食客圍住了, 而地方又淺窄格局似樓上cafe, 估主要比人包場開party但座位好迫似茶記先說是任食生蠔oyster原來一次一人只限取3隻仲要即開!!等一轉已用了20mins之多開完一盤(其實一盤只夠10人份量)又要等廚房洗完先再有, 又要多等10分鐘如果你唔好彩掛到尾轉,前後要30 mins先拿到3隻但個buffet只有2小時時間我唔食生蠔都算,但朋友說南非生蠔好鹹還有size勁細這是我排了20分鐘幫友人拿來的生蠔semi

看見某團購網的推介，菜單內容尚可，$198還有即開生蠔，心知團購質數存疑問，但受不了生蠔的誘惑，決定和友人大膽一試！餐廳地點確實難找，先致電餐廳確定地點也找了一會。門口毫不起眼，也不像團購網寫般"高級裝潢"，和友人互望兩眼，心想：這次可能上當了！入座後先到Buffet枱細看食物：有些沙律菜、醬汁、沙律、一小杯杯的甜品、還有一大隻風乾火腿上放上一片片的火腿、翡翠螺、還有我的至愛~生𧐢是也！回座後還不到1分鐘，服務員已將餐湯及一片鵝肝麵包端上。心想：用不著這樣急吧！回說食物，湯~是松露忌廉湯，美味的，但個人略覺有點淡。（可能小女比較重口味！）友人則相當滿意！鵝肝麵包美味，唯鵝肝就如指甲大丁點，實在太細件了！由於是半自助形式，大盤是有選擇的。我跟友人同樣選了牛肉眼扒！首先，當然是向我的至愛~生蠔進攻啦！每次衹限3只！？不是吧！？但眼看著是即開的，也衹好同情一下開蠔嘅小伙子。反正3小時用餐，應該可滿足我的蠔癮吧！生蠔~是超新鮮的！肉質是眼可見的肥美，雖在冰水洗禮下，但仍有海水的味道！問服務員是哪品種的蠔，他祇能跟我說是南非石蠔，連名稱也報不上來，不夠專業吧！我和友人共吃了6、7轉，大概也有40

本人對食有一定要求，但並不吹毛求雌。前陣子在group buxxer 買了兩張coupon，又在openrice 見食評不錯，決意一試 (有新鮮生蠔, 又是半自助餐形式，每位 $198 相當吸引)。餐廳在觀塘，算近地鐵站，不難找，店面外觀不錯，但內裏空間比較小。自助餐款式很少，主要有幾款沙律菜，一些冷盤如中華沙律和煙三文魚，有巴拿馬火腿......但不特別。煙三文魚的話，我希望切三文魚的廚師能好好切，我拿到的三文魚是一「抽」的，有很大條筋連在一起 同時有磨菇忌廉湯和蒜茸包加鵝肝獻上。湯味道不錯，但有點太稀了。蒜茸包一如其他沒誠意餐廳般非常硬而且冷。雖然伴有鵝肝，但一口咬下的感覺很差，外脆但內裏全是油，然後就是一陣鵝"騷" 味......不知道這是否符合「鵝肝」的味道，但我不太接受得了。由於款式太少，吃了兩次類似的食物就轉戰生蠔，即叫即開，很新鮮，但非。常。咸。而且人龍很長，起碼排十分鐘才能拿三件。肉質方面很瘦弱...讓人很失望。 以一個愛吃生蠔的我來說，只吃半打生蠔是從未在自助餐中發生過的!!!完成生蠔，就order main dish。有四款選擇，我選擇了美國牛肉眼扒，他選了香草羊扒

進餐之前，完全不知觀塘有這樣的一間餐廳，若非友人想試，想也不會到這裏來。試過後，也應不會特別再來吃。就座時約中午12點，人不多，很清靜，然而一到午膳時間，餐廳滿座時，就變得很「熱鬧」 但無論人多人少也好，服務員都是站在一旁，你叫他們時才會有反應，服務算不上殷勤。至於食物…和服務員的態度一樣，「不冷也不熱」，即使味道不差，口感也會大打折扣。那天點了牛扒午餐：餐湯：薯仔湯的味道不差，喝下去時還吃到碎碎的薯茸，但湯的溫度只暖不熱，影響了口感；倒是跟湯的麵包熱而脆，好吃。主菜牛扒：又是「暖」的一道菜 單看賣相，不算吸引，但論味道，尚屬可以。牛扒熟的程度恰到好處，不會太韌或太乾，也很juicy，若食物能熱一些，味道應會更佳。餐飲：咖啡…也是暖的 味道…一般餐廳的水準。甜品：甜品未上枱前，本來有點期望，没料到呈上來的是兩杯啫喱！普普通通的啫喱，味道也就普普通通，不會很可口，更稱不上味美。