好主意美食到會 (Moved) New Location

今晚同朋友訂左好主意美食到會的餐，可以話比起以前所試的優質。首先講下個十人餐，有煙肉火雞雜果沙律，水果豐富同新鮮、法式燒羊脾肉我以為會好蘇，點知都唔蘇肉質好好、香濃芝士焗大蝦，蝦好大隻囉！日式帶子裙邊墨魚汁冷麵，超好好好食係皇牌，次次都會叫嫁！白汁吞拿魚焗長通粉好大兜，撈埋之前個大蝦芝士汁超正！蒜香煙肉焗青口不過不失，不過佢薦底嗰啲薯蓉就比我食晒咁滯。跟住係女士嘅恩物，甜品桃膠杞子果凍！呢個最啱我哋啲中女，因為唔係太甜，同埋如果你係平時自己有用桃膠煲糖水，你都知洗桃膠洗死你啦，所以今次食到桃膠係好開心嘅，當然紙包飲品就唔使講啦講乜嘢啦，紙包飲品冇嘢好講啦！總之呢個性價比超高嘅10人餐聖誕餐到會，大家可以試吓啦！最後仲食唔晒，仲有一啲外賣兜俾大家拎走幾盒野益下屋企人咁囉，冇嘢講啦！走先啦係咁先啦下次再傾啦拜拜！

基督徒開的小餐館。價錢比同區便宜十元八塊，味道很好，很注重衞生，送餐都帶著即棄手套！重點是每一個服務員的態度，笑容可掬，親切有禮，臨走前還加送一聲：上帝祝福你！馬上列入飯堂之選～