金拇指米線 (Closed)

收工夜媽媽食晚飯諗住食自己中意食嘅嘢 叫左酸辣水晶粉加左雞肉片肥牛同雞翼 點知黎到變左米粉(我真係唔中意食)同啲員工講 態度又差 如果佢態度好少少我都唉算啦唔緊要唔小心啫佢減番我三蚊 但係佢好差！！雞肉片變左幾粒仔雞肉粒 雞翼成嚿炭咁又乾又硬 餐飯成56蚊 我食到好唔開心 寫左我第一個食評

今日好夜收工，就打算食完先再回家，叫左一個焗飯，2個小食同2杯飲品（要小冰×2的），焗飯不夠熱，魚腥到暈，飲品簡直可以用奶水來形容，淡到一個點，已經換過一次，都一樣無變過，實在飲不下去，叫待應cut單。。。如果不是太夜無選擇之下都不會入去食，永無下次，緣盡了！！！

叫茶走 比齋茶 茶餐廳茶走係乜都吾知 叫乜無乜 又想扮先進用ipad 成間店無人識用奶茶無茶味落單落15分鐘 超差西多兩塊分開 兩塊油 態度好差吾知想點以前食都幾好 點解而家會咁

裕民坊一直是觀塘的市中心區，不論是以前的工廠年代，或是年鿋年代現，都無改其核心地位。不過，自從觀塘市中心重建後，雖然裕民坊仍為市中心，但周邊環境已面目全非。被收購的被收購，重建的重建，街上的商鋪越來越少，搵食也變得艱難。幸好，在街頭仍有一間大拇指，每位108元可以食到招牌雞煲，再送串燒 （每人三串）及肥牛肉。招牌雞煲是一煲兩食，先吃麻辣雞 （可自選辣度），吃畢後再加湯，變身成火窩。除了滖肥牛後，也可任食其他菜，肉，丸，而且汽水也是任飲。以每位108 （一小時）計，性價比極高，是醫肚佳選！不過，待應態度真的有待改善，但如此價錢，實不能要求太多了！

好耐無係觀塘食嘢，今日難得過黎食下午茶食返好耐無食既大拇指哇呢度多左好多選擇，而且仲係平民價，食嘅港島既下午茶，係呢度夠食午餐都得了芝士墨魚丸撈公仔麵-墨丸幾好，不過公仔麵唔夠熱，如果可以焗熱d就好啦豬軟骨飯-豬軟骨好入味，不過份量少左d，有湯送埋添呀！再叫左一個小食-蜜糖烤雞中亦-$30有5隻，味道都唔錯兩個人埋單，一人$50都幾抵🤔不過侍應唔多理我地，叫幾次都唔應得閒黎坐下食個下午茶都ok既

芝士雞扒撈公仔麵餐 包埋野飲都係 hkd32😍 真係大件夾抵食！佢啲雞排勁大塊，芝士又多，每一啖都好邪惡😩啲芝士有啲咸香味，味道👍🏿👍🏿又唔會冇味，而且啲雞排佢係煎過黎脆卜卜，啲肉又好滑！誠意推介❣️

完全被佢108雞煲放題欺騙了，雞保放题完全是0分，從來未食過咁難食嘅雞煲放題，雞又老，得啲味精，仲要肥牛都無點叫打邊爐，食物選擇少都算喇，自助餐位又臭又污糟，仲有烏蠅，裝肉類個盤啲水仲有潺， 夾都唔想夾，做生意可唔可以有啲良心呀，之後夾啲丸諗住穩陣啲但都好難食，雖然只係$108（1小時），但我覺得$48都唔值，我情願出去旺角食208好過，服務員又只顧傾偈，總之你見到已經想嘔，如果我肚痛一定call食環署

外賣米線落單很簡單 事源因本人不吃芽菜 青 類配菜 所以落單已走但出單竟然碎肉 都走埋我見單有錯 所以我通知收銀 叫她更正她仲大大聲咁同我講咪走晒你唔要嘅野囉好似我話錯佢咁樣但係事實佢連我要的都走晒最後佢走入廚房更正但最後我返到屋企 竟是有成碗芽菜叫我點食不會再去這間餐廳態度惡劣

長話短說！一肚氣！只不過是因為就腳入了這餐廳，點知中伏！一入到去有班女人伙記催你落單，之後叫佢過黎寫野又懶懶閒！一個order重覆三次先聽得明！想要杯水，分別問了三個不同的伙記，一係唔應你，一係話等陣先，到食完埋單都是冇拎過水黎！仲要果時冇乜客人，非繁忙時段！（唔怪得之冇客！）比錢時，個唔知係咪老闆娘的人找錢時掉落個銀色盆到，問題係我已經遞出了手想接錢，佢都係要掉！食了米線，勁多味精，好難食，菜心硬到冇煮過咁！仲要冇水飲！以後不會再來！其他分店都不會去！

一行10人諗住快快醫肚，因為已經晚上快11:00，亦不能太晏歸家，因朋友們都住得遠。由於太晏，附近沒有什麼選擇，就記起裕民坊的金拇指應該有宵夜時段。我們每人都叫了米線，因為金拇指是米線起家架ma! 大家亦諗住米線應該係可以最快，起碼快過焗！點知，等了10分鐘，先一碗一碗出，其實我們都無什麼意見架喇，咁可能他們人手不多，我們的米線要求又叼轉，走呢樣嗰樣，又辣又少辣。。。但等極都欠一碗，問阿姐叫佢追單，佢望也不望就回答：「就到！」但同對上一碗起碼已相距10分鐘，而比我們遲落單的都已開始上菜。再告知阿姐，佢依然堅持整緊。再過8分鐘，我們告知阿姐叫他取消落單，因為大家都就來食完，已經等到沒有胃口。阿姐聽到取消單，才親身走到廚房去查問。再等3分鐘，那碗等了很久的米線終於來到！擺明就是漏單，但阿姐並沒有幫我們追餐。服務態度我們都無咩要求，因為來得這種餐廳也不會要求什麼，我們但求真係食到野。。。等咁耐先去追單不是離譜嗎。。。至於食物，現在的金拇指米線，退步了。腩肉，全都是肥膏。我們叫BB辣的，全部漏了落。米線質地亦超淋。金拇指明明就應該專注做米線，以前水準不錯。但現在餐牌的款式多了，但水準會很難保持

今日開會要係觀塘轉巴士，岩岩走左部車，就係食個早餐先。呢度地點真係好，係正巴士站隔離，十秒路程就到啦！未講野食之前，要設訴下衛生。食食下野既時候，見到牆身有隻吋半大既曱甴行過。雖然知係舊區，不過都唔可以接受啦！常餐連熱啡 $30方包唔鬆軟，似放左一段時間。午餐肉失望既係只係用滾水淥過，煎香會好好多啦！個蛋係幾好既，夠滑夠濃。咖啡亦好香。沙嗲牛肉麵，沙嗲牛肉味道幾好，係分量少左d。麵食到一半，d牛肉已經所剩無幾。個麵有配芽菜幾特别。總括黎講，食物合格，不過仲有進步空間，而衛生就一定要改善啦！

本身好期待食個好味既吉豬，點知食到個好難食的飯個飯既汁是用中式鼓油而不是燒汁，搞到個飯又咸又酸，好難食豬扒就無味道，只係一舊肉咁既口感成個飯收你60蚊咁貴，但我無胃口食哂佢，因為個汁真係好難頂...

呢間野好神奇 得幾個職位高啲既呀嬸可以落單 但落親都錯之前同女朋友兩個去食 叫左兩碗米線 佢米線係用紙仔圈餸再比佢落單 一碗係麻辣雞片金菇生菜 另一碗係麻辣豬潤其他唔記得 兩碗到左後 第一碗雞片冇左 生菜得三塊 金菇少到離哂譜 另一碗就直頭上左清湯冇豬潤再之後 同朋友四個人黎食 我未諗好食乜 叫左三個餐 兩杯餐飲 之後過左陣我叫個撈公仔麵加凍檸樂 凍檸樂好快到 個撈公仔麵等左半個鐘都未黎 睇睇張單 佢竟然冇落到撈公仔 麵 淨叫當我地叫餐飲凍檸樂👍🏻

呢間店好近我工作地方，所以經常收工就去幫襯佢食下午茶。價錢合理，30蚊左右一個下午茶餐。今日如常同友人一齊去食，叫返平時食開既豬排包同米線。豬排包質素差左，個包唔鬆化，米線味道ok,豬大腸得三舊（30蚊要求都算係咁）。但最令人失望同生氣既係，叫凍奶茶少冰，比左檸茶都算，就叫佢換返。但換果杯凍奶茶個杯面有條芽菜都算，朋友一飲，就話個味好怪，叫我試一啖，嘩，好似溝左咩味咁（講唔出）於是乎又同個靚女侍應講，佢一睇就話換杯新既比我朋友，但個金髮短髮肥阿姐就老遠叫過黎「你要少冰呀嘛，奶茶黎」我咪話個味好怪，飲開都唔係咁，佢又大叫過黎「少冰係咁架啦，唔係奶茶係咩呀」勁無禮貌！我話有問題就係有問題，唔岩就要換，佢仲問返我係咩態度叻！比個叻字佢！後來換果杯奶茶完全唔同色，真係奶茶味。之前幫襯已經見過佢同客鬧交，估唔到今次輪到我

食放題揀了麻辣雞煲，味道一般份量係6個人一隻雞…無得再加雞，話送碟手切牛，大約得10塊！仲要係手指公咁大塊，話就話放題出去攞其他料淥，有勁難食唔新鮮既丸、切到碎濕濕既肉，見到都唔想攞，只有生菜攞得落手…取食物區勁窄！碗碟唔乾淨，一路食冷氣一路滴水…我地唔夠一個鐘已食完，因無野好食！埋單$600幾寧願出去食正價雞煲好過！