玄海日本料理 (Closed)

30/6晚因爲帶左隻貓睇醫生，所以只好趁化驗果一個鐘係附近搵野食，見佢門面正正常常就入左去，好彩我同老公平時有習慣去新地方食野都係先叫少量，之後再re-order, 我地叫左壽喜燒同埋3客壽司，壽喜燒叫做正常，係d牛肉較鞋，但壽司舊飯真係超級出事，我一放落口-酸叔嘅，我唔知係佢支醋問題定落得太太太多，真係酸，格硬咬多兩口，竟然有d飯粒未熟透，中間芯係生的，唉！我真係未試過食咁難食壽司飯，樓下爭鮮壽司都好過佢，佢令我隔左兩日都忍唔住上黎寫第一次食評

生日飯梗係去玄海食刺身啦，師傅堅持食材由日本直送，每日都有飛機貨，新鮮無比靚魚，時令靚魚都有廣島生蠔---鮮甜軟滑活赤貝---爽脆新鮮，上枱時還有陏動系撚鯛---又名金線鯛，咪就係紅衫魚囉，魚味濃帶甜味有油香，果然唔同海域生長，肉質肉味都有分別真鯛及牡丹蝦---福神抱住嗰條魚，肉質結實味淡清甜，牡丹蝦好大隻，肉質彈牙，最正之後炸蝦頭，脆香無比，佐酒一流在這店訂時令魚就最掋食，如果要食喜知次就更加無懈可擊，記得訂座時預留心水魚刺身。