灃味館

Open Now

Now Closed

想食中菜，又唔想飲茶，打開OpenRice bookmark咗嘅銅鑼灣中餐廳，就見到呢間「灃味館」，咁就俾個機會佢試吓啦。出發前嗱嗱臨WhatsApp 預約，呢日係星期日嘅午市，雖然只係兩個人嚟，餐廳職員安排咗個廂房俾我哋，仲有埋電視睇㖭。呢度係做私房菜嘅格局，都有幾間私人廂房，食飯傾偈時可以Private啲。兩個人叫咗個午市二人餐，前菜要咗酥炸生蠔，湯就升級轉左杏汁菜膽燉花膠湯，主菜要咗新鮮菠蘿拔絲咕嚕肉和上湯焗海虎蝦拌鍋巴，主食到升級咗轉做銓哥炒飯。酥炸生蠔一人一隻，炸皮做得好薄好脆，生蠔都幾飽滿，蠔肉仲係好嫩仲有蠔汁，唯一係個帶子位靭咗啲（兩隻都係）。杏汁菜膽燉花膠湯就一般般啦，塊花膠好薄好細塊，不過我哋冇預早book枱，都不能要求太多。個湯都好滑嘅，有雞腳燉湯個湯提鮮不少，杏汁就幾好唔會食到有顆粒感。呢度嘅王牌菜式之一係新鮮菠蘿拔絲咕嚕肉，又係個炸皮做得好薄好脆，裹住個醬做到拉絲感，咕嚕肉係梅頭肉夠滑帶嚼勁。呢個咕嚕肉又真係幾好食嘅，一舊食完又一舊，好食到食唔停。上湯焗海虎蝦拌鍋巴，個醬用咗上湯同櫻花蝦，好香口，忍唔住口掛住用好鍋巴沾個醬嚟食。海虎蝦控制火頭啱啱好，蝦肉仲係好鮮

主打半私房菜式新派粵菜的灃味館，由老闆兼大廚銓哥主理。這次晚餐中，以涼拌茴香根、三黃雞濃湯雞煲翅、拔絲咕嚕肉及開心果露最令人深刻。頭盤是金沙脆魚皮，這道菜以脆炸的門鱔魚皮為主角，金沙味道適中，既香脆又不過於油膩，開胃又美味。接著是涼拌茴香根，這是我第一次品嚐茴香根，口感清脆，類似洋蔥但更加清爽，還帶有花雕酒的甜味，令人驚喜。熟醉大頭蝦入味十足，花雕和花椒的搭配讓每一口都充滿層次感，可選擇生吃或熟吃，非常值得一試。三黃雞濃湯雞煲翅是這裡的招牌之一，才$458　一大鍋，濃郁的三黃雞湯燉煮的牙揀翅，湯頭鮮味，有三黃雞拆絲，超級多翅，用料十足，性價比高。花雕蛋白蒸蟶子皇用上20年的花雕酒香氣撲鼻，雞湯蒸蛋白裡還有陳村粉，蟶子皇爽口。鮮菠蘿拔絲咕嚕肉使用黑毛豬製作，脆漿厚薄適中，外脆內嫩肉多汁，甜酸度亦恰到好處，朋友們都讚不絕口。藤椒浸BB乳鴿的肉質嫩滑，帶有微微的花椒及酒香味，口感比一般的紅燒乳鴿更加出色。我們還品嚐了香茅焗大鱔，香茅的清新香氣讓人回味無窮，非常惹味，不怕魚骨的朋友都吃得津津有味。最後，鮑汁扣12頭花膠扒伴粗麵不僅份量十足，鮑汁的味道濃郁偏鹹，搭配粗麵口感不錯。甜品方面，我們選

同舊同事聚舊，一行12人最後決定試下呢間粵菜，環境0k，枱與枱之間都有少少距離，唔會太迫金沙大刀脆魚皮，魚皮薄得嚟又炸得香脆，一啲都唔油膩，魚皮仲有鹹蛋黃嘅鹹香，值得推介呢個較為普通，蝦醬味唔係咁突出海蜇頭勁厚身,有咬口，配陳醋同埋青瓜酸酸甜甜鮮菠蘿拔絲脆皮咕嚕肉，評分應該可以幾高下，佢既脆皮處理得好好，奈何嗰晚食到有幾舊都係肥豬肉，扣左分豆腐只係表面輕輕炸過,唔油膩亦都無咁重口味脆皮牛腩冇乜特別，不過d肉唔韌都算ok囉普洱茶啲味唔係咁突出，尤其是點咗個隔離個薑蓉醬後，同普通嘅豉油雞好似冇乜分別囉😅愛食菜嘅人一定要叫,芥蘭一啲都唔老得嚟好爽脆，繼炸魚皮後另一必嗌頭抽豉油王蝦子炒麵，冇乜特別,都唔係幾食有蝦子喺裡面🤔通常出面食欖角肉碎四季豆嗰碟底一定係成劈油，呢個ok喎，係d肉碎咸左少少全晚最伏應該係呢個瑤柱蛋白炒飯，睇顏色好似好豐富，其實係一啲味都冇，要配埋上面嗰碟欖角黎食先得囉每位敬送糖水一碗綜合評分：環境尚算ok亦都唔嘈,係最伏嗰個瑤柱蛋白炒飯囉，其他都好食,可以再黎幫襯

7月有兩位同事生日，我和另一位同事就邀請她們兩個一起吃餐飯，同她們慶祝。偶然在Openrice看見灃味館是主打粵菜私房菜的，食評又幾好，於是便決定揀這間試一試。 在Openrice訂完枱之後，餐廳會用Whatsapp通知我要先付訂金才可以確認我的訂枱, 因為他們的枱不多，怕當晚如果多客人就未必留到枱給我們。付完訂金之後，餐廳就會發餐單給我自己研究。我將Openrice的食評逐一去研究，終於找出幾個多人讚，價格又相宜的菜色。 最多人讚是金沙大刀脆魚皮和新鮮菠蘿拔絲咕嚕肉，食落又真是幾好味。另外，銓哥炒飯也多人讚，但我覺得鹹了一點點。 每上一味菜，我們都會「相機食先」，想不到會有一位姐姐走過來幫我們打燈。整餐飯有人不斷為我們加水，收起吃完菜的碟子，自然也樂意幫我們拍照。雖然用餐時間是120分鐘，我們過了鐘也沒有人過來催促。這樣的服務真是

位於銅鑼灣京都廣場7樓，從銅鑼灣地鐵站C口出嚟👣，穿過馬路，坐電梯上7樓就到了。冇浮誇嘅裝修，卻有最實在的「食客氛圍」，識貨嘅人，都知個中趣味 👨🍳👩🍳。主理人銓哥有二十幾年廚房經驗，對粵味有深刻理解，「新式粵菜」藏住令老饕眼前一亮嘅巧思。不過要提提 ❗ 部分招牌菜（例如煙燻皇子鴿、杏汁花膠菜膽燉豬肺湯）都要提前預訂，畢竟好味道不等人 ⏰。呢日晚上，約左幾位朋友來嘗嘗鮮。電梯出嚟，感覺地方不是很大，裝修簡潔乾淨。 坐低不久，點嘅菜就嚟啦。 🍲 **杏汁花膠菜膽燉豬肺湯** 上台嘅時候件冒著熱氣，琥珀色嘅湯頭裹著濃醇杏香，飲一口便知是「慢工出細貨」——花膠軟滑不腥，豬肺處理得極乾淨，沒有半絲異味。店員將滿滿嘅一碟湯渣都奉上，好讓我哋呢啲老饕品嘗老火湯嘅「魂」！ 🍗 **煙燻皇子鴿** 皮色油亮，筷子一戳，「咔嚓」一聲脆響，皮下嘅油脂微微滲出，帶著淡淡煙燻香；鴿肉嫩得能抿化，鹹香中帶有回甘。👍 🥬 **荷香客家梅菜蒸芥蘭** 芥蘭脆嫩，梅菜嘅鹹鮮剛好提味，清爽不寡淡，好吃！ 🍍 **鮮菠蘿拔絲脆皮咕嚕肉** 菠蘿嘅酸甜中和左肉嘅油膩，外層糖殼薄而脆，咬開是彈牙嘅豬肉，有創

因為同事升職，請我哋去灃味館食飯。所有菜式都非常好食，食材好高級！當中印象最深刻嘅係雞煲翅同埋一塊好大嘅特色魚皮～龍蝦伊麵嘅龍蝦亦都非常Juicy，仲有超大塊嘅花膠伊麵！職員服務態度非常好，會準備盞燈仔比客人去打卡。滿分！下次想再帶屋企人去食～～

呢間餐廳由入廚超過25年嘅銓哥主理，糅合傳統同創意元素，並以以多種烹調方法製作粵菜🥢💗金沙大都脆魚皮 ($78)香脆嘅炸魚皮超大塊，每塊魚皮都沾滿香濃嘅鹹蛋黃，真係超級邪惡，忍唔住一口接一口🥚💗麻辣一口鮮鮑魚 （188）鮮鮑魚爽彈鮮嫩，加入辣椒同麻椒調味，作為前菜特格麻辣醒胃🌶️💗三黃濃湯雞煲翅 ($118)雞煲翅以三黃雞同老雞文火煮兩個半鐘，將雞骨同肉分離後，以雞油細火炒乾雞肉，再加入雞清湯再煮至奶白色濃湯，最後將雞油過濾🍲雞湯入口濃郁帶鮮，有大量雞絲同魚翅，夠哂奢華滋補🐓💗雞油花雕蛋白蒸蟶子皇陳村粉 （$256）選用紐西蘭蟶子皇，蟶子爽嫩鮮甜🐚加上雞油同20年古越龍山陳釀花雕酒嘅香味，花雕味突出但完全沒有酒的苦味🥃底下嘅陳村粉同蛋白入口滑嫩，回味無窮🥚💗新鮮菠蘿拔絲咕嚕肉 ($158)咕嚕肉特意選用本地豬頸肉，肉質特別爽滑，炸至外皮薄脆，內裡保持肉汁🐖而糖醋汁就用上山楂同片糖製作，酸甜開胃🤤旁邊嘅新鮮菠蘿亦不容忽視，大廚特意用火槍輕輕燒過，令菠蘿帶有焦香🍍💗開心果露 ($68)選用美國進口開心果露，口感濃稠絲滑，開心果味濃郁，甜度啱啱好，再加上開心果碎增加口感💚

好幾個月冇見班姊妹，梗係又要出嚟聚下。 姊妹今晚選址灃味館，銅鑼灣地鐵出左就見到，超方便。 食店地方唔算大，一眼睇晒,不過又唔會坐到好逼。但正因地方細，撞啱有班客講野超大聲，係每枱都要大聲講野就變得好嘈，同埋好熱。 5個人叫左8個小菜，份量唔算細，所以都食唔晒。小食魚皮好香口， 薑葱桶蠔大大隻，不過炸粉略厚。客家甜酒煮雞， 乾迫粉絲蟹肉煲， 牡丹蝦汁脆米伴北海道帶子（呢個好味道），帶子超大隻。仲有菠蘿咕嚕肉。整體食物都算ok, 職員都好有禮貌同反應快。

今年的父親節，我們選擇了「灃味館」來慶祝這特別的日子。這家餐廳是朋友推介，讓我們對這次的用餐充滿期待。首先，我們定了個「包房」。當我們被領進房間時，我當然沒有期待著豪華裝潢，結果發現這包房要與人共用，中間竟然只是用膠簾和旁桌分隔開來的！就是那種細長條摺扇般的半透明磨沙膠簾，瞬間感覺像是進了個高級的小隔間又帶點簡陋。但是這種環境設有5000元的最低消費，會讓我覺得有點意外。總結，整體味道不錯，有心機認真做食物，不過部份菜式偏鹹，但不是死味精果種，服務有禮很貼身，價錢合理。金沙大刀脆魚皮，是一道賣相做型頗具創意的菜品，炸得酥脆扁平的魚皮配上咸蛋黃醬，雖然味道不算特別驚豔，但也讓人感到滿意。溏心皮蛋伴陳醋舢海蜇頭溏心皮蛋出奇地不是溏心的，味道還是可以質感柔嫩與海蜇頭的脆爽搭配得當，再加上陳醋的酸味，這道菜品讓人感受到傳統風味的魅力，非常適合作為前菜。三黃濃湯雞煲翅每位上的三黃濃湯雞煲翅的湯頭濃郁，是全晚最佳選擇，滿載的湯料充滿了鮮美的味道。雖然魚翅的質感稍顯普通，但整體來說，這道菜是喜歡濃湯的人的不錯選擇，讓人感受到真正的豪華享受。新鮮菠蘿拔絲咕嚕肉菠蘿和咕嚕肉的組合酸甜適中，雖然拔絲的效果

這家中餐廳的表現相當不錯，食物美味且價格公道。雞煲翅湯底濃郁，味道非常正宗，令人一試難忘。咕嚕肉外皮酥脆，內裡鮮嫩多汁，口感絕佳。百花雞別具特色，雞肉嫩滑，餡料豐富，風味獨特。花膠面也是一大亮點，麵條爽口彈牙，湯汁滲入其中，每一口都充滿了香味。炸魚皮則更是出色，脆脆的口感配上適中的鹹味，讓人一吃就停不下來。總體來說，這家餐廳不僅在食物質量上表現出色，價格也十分合理，是一次非常值得推薦的用餐體驗。無論是家庭聚餐還是朋友聚會，這裡都是一個不錯的選擇。

Dinner organised by Lotus in the partitioned semi-private room. Apparently Chef used to work at TST Hyatt Regency.Here’s what we had. 糖醋脆魚皮- a bit spicy for me; the piece that I tried was not crispy at all, but they all loved theirs.話梅番茄川味花蛤 - I didn’t try any but they all said the clams were big and juicy.菠蘿咕嚕肉- very crunchy with juicy meat; sauce was made with 山楂, with interestingly thick 拔絲-like consistency. Loved the grilled pineapple cubes on the side. Must try.魚湯黃金脆米東星: server made a show

冬至去咗呢間餐廳食飯職員非常有禮貌，亦都好客氣俾咗間大房我哋叫咗幾樣招牌菜包括酥脆魚皮，拔絲菠蘿咕嚕肉，脆皮牛腩，金磚豆腐，滑蛋蝦仁等等先講酥脆魚皮同其他餐廳好唔同一大片魚皮咁樣上枱非常特別，而且很澎湃打卡一流影完相後店員會幫你分成小份預備好香脆，而且上面有蛋黃食落好惹味，但又唔會太鹹必點之一.拔絲咕嚕肉真心有拔絲係好難做到嘅而且啲菠蘿係好鮮甜咕嚕肉外脆內軟甜酸適中，一樣好好味.脆皮牛腩都係力推之一我覺得好特別，冇食過炸過嘅牛腩.千祈唔好睇小滑蛋蝦仁雖然係好普通嘅菜式但佢嘅滑蛋同出面嘅一啲都唔同超級超級順滑，口感好特別.總括嚟講，每道家常菜都幾出色一班人食可以食多幾款就開心好多最後仲送埋甜品係紫米露啊並唔係普通嘅紅豆沙真心不錯，不錯！

首先嚟到，坐近魚缸位，話係海景位，當然冇海景，職員拎海鮮時，魚缸水會瀉出嚟，係瀉，唔係濺！傳嚟一陣渠味，想轉枱但話滿座，環境等如深水埗大牌檔，見到廚房地下污糟到同街市冇分別，接住係一連串胡椒龔鼻龔眼淚嘅鑊氣，敏感嘅人士請考慮，令人狂打乞嗤，個川味花甲，就係蒸完後每隻加一pet老干媽辣醬，真夠川，盛惠$358（未加一），鎮店之寶仲厲害，咕嚕肉啲汁唔掛肉唔均勻，笑出嚟，人參烏龍茶似係晏晝下午茶飲完返沖，茶介$20一位，雞油花雕蒸蟶子王陳村粉，蟶子王無鮮味，個菜名無包括嘅蛋白就最滿，盛惠$768，無花雕味，懷舊江南百花脆皮雞，其實係一塊街市現成蝦餅，$300，燒汁牛肋骨，將平時一舊嘅牛肋骨切到10片，然後個汁勁鹹， 又$288！龍躉蒸糯米飯淡而無味，盛惠$788，平均每人食咗$700，享受差過大牌檔。完。

服務周到精緻中菜館雞油花雕蛋白蒸蟶子皇陳村粉蛋白好滑溜，淋上雞油好香蟶子皇大隻鮮甜陳村粉算滑，略嫌黏口江南百花脆皮雞將新鮮走地雞去骨及低溫風乾再釀入蝦膠，蝦膠彈牙雞皮超脆有肉香，沾有芝麻加倍香口後悔剩係叫咗半隻3個人分嫌唔夠喉😂荷香客家梅菜蒸芥蘭芥蘭嫩綠唔苦最正係梅菜，甜中帶鹹，無渣撈飯食一流😋姬松茸南非鮑魚燉烏雞火喉足夠濃郁，湯頭清唔油膩

每年奶奶生日都臨近中秋今年一家人提早做節 + 生日飯搵到銅鑼灣呢間粵式手工菜與別不同．用心製作嘅菜式大家都食到讚不絕口✨糖醋脆魚皮呢度嘅魚皮口感鬆脆唔係又乾又硬嗰種加上糖醋甜甜地好開胃✨家鄉辣肉腸兩款口味嘅肉腸特別鍾意麻辣味道✨招牌雞煲翅嚟到一定要食雞煲翅魚翅唔係一絲絲．而係一大片金黃色湯底．充滿濃郁雞香清甜且無油膩感✨花雕蛋白陳村粉蒸 蟶子皇面層舖滿大大隻蟶子皇底層係滑嘟嘟似豆花一樣嘅蛋白再加上一片片陳村粉．好有心思嘅配搭✨鮑汁扣十二頭花膠扒公跟粗麵底花膠軟腍幼滑淋上鮑汁嘅粗麵同花膠好夾✨金華玉樹麒麟雞 跟脆米底雞肉非一般的口感．肉質特別幼嫩將雞同金華火腿放上脆米上加少少汁一齊食．口感更豐富✨招牌拔絲咕嚕肉咕嚕肉食得多．每粒都有拉絲感酸酸甜甜．外層香脆．停不了口✨煙燻脆皮乳鴿切半外皮脆卜卜．炸完嘅肉汁依然豐富煙燻令乳鴿嘅味道唔會太鹹✨荷香梅菜王蒸菜心原籠蒸嘅菜心．加上梅菜王簡單得嚟既清甜美味．又可以中和一下✨銓哥炒飯老闆級嘅炒飯確是不同的炒飯粒粒分明．足料．乾身唔油膩✨賀壽桃今餐壽宴．當然唔少得壽包啦✨紅豆沙紅豆沙口感綿滑．唔會太甜為今餐劃上完美句號大家捧住肚走．滿足又滿意