魚鈁 (Yu Chau Street) (Closed)

午後輕食 S4 乾炒什菜河（$46）套餐有例湯、涼菜小碟（香辣魚片、泡椒鳳爪、拍青瓜）、輕食、餐飲，堅抵食。例湯正常唔過咸；涼菜要咗拍青瓜，多蒜，微辣，清爽開胃；乾炒什菜河有鑊氣，雖然唔係勁乾身，但微濕嘅情況下亦都唔錯，醬汁濃，味道足，什菜份量不少，河粉唔會碎濕濕。

話你知，呢間魚鈁真係令人驚喜！第一次試佢地個麻辣鍋，真係辣到我心口都暖笠笠🔥。個魚春嘅口感，真係有啖啖肉咁實在，咬落去Q彈得嚟又不失嫩滑；而隨佢嚟嘅魚卜，每一啖都爽口得滑，幾興之餘，又能夠感受到啲辛香係咁滲入其中，舌尖上一陣陣嘅鬼馬。再講吓個麻辣田雞，頂級好物啦！每隻田雞腿都係肥美，同麻辣湯汁嘅味道揼得妙啊！好正，真係幾夠晒水準，香辣得嚟又不過火，啱晒喜歡啖啖肉嘅你！特別讚嘅係，佢地嘅川北涼粉酸酸辣辣，差啲令我呢個辣控都忍唔住扒口涷水，解解辣，不過咁滑溜嘅質感就真係叫人停唔到口😋。講到底，食物唔單止要好味，更要有心思。魚鈁就喺呢度攞到滿分，食到你心滿意足，下次再嚟，定必要帶多啲朋友一齊分享呢個麻辣天堂！🍲🌶️🎉

連續兩個星期都嚟，一次係食酸菜魚鍋，一次係食重慶雞煲；佢啲料好抵食，好大份，特别係蔬菜類！。🐟【酸菜魚鍋，中辣普通酸】即使揀咗中辣，辣度都還好，覺得可以接受；入面有好多魚片，店員建議鯛魚（好似係🤔），魚質爽口，無咩嘢骨，容易食；🍋好鍾意佢嘅「加大版」檸檬茶，大大杯夠飲足，成餐飯。(^ ^)⋯⋯🐥【重慶雞煲，中辣】中辣嘅雞煲，超級惹味；但係因為邊爐嘅時候只係加清湯，之後就變得好淡，店員有嘗試加辣汁，但同原本嗰個味好似有啲出入；▶️▶️▶️所以結論係：雞煲好食，但係變邊爐就麻麻哋！🐟「香辣魚皮」皮厚，脆口，入味！『推！🌟』🍧佢啲沙冰就岀名大杯，好飲嘅，我哋都有點！。📍 魚鈁 (汝州街) (深水埗)深水埗汝州街307號米蘭軒1樓

個魚春煲勁伏，勁難食又硬又實又咸發黑媽媽咁，好似舊翻炸好多次嘅豬扒咁，但明明我哋係中魚春喎🥴係咪奇怪先！ 我知道前身係銅鑼灣嗰間嚟嘅，嗰時係好食好多好多，成日去宵夜，但知道執咗後就有點覺得可惜😢但最近經朋友講開有間店嘅食物同舊店好似咁我就上網睇吓見到食物同餐牌係同舊店有9成相似，咁就約朋友去食就選擇咗係深水埗店，點知中咗伏😵‍💫。杯青檸樹又係好難飲，其他食物只係一般般，同朋友一致認同永冇以後！！！

-麻辣魚春魚卜煲完全係為咗呢個而來，因為唔係到到都有得食，呢個煲可以自己揀辣度，魚卜即係魚鰾，有滿滿嘅骨膠原，質感好似食緊花膠咁，又唔會有腥味，魚春都特別處理過，會先煎香外面嗰層皮先加入個煲度。個煲嘅調味就好似平日嘅麻辣雞煲咁，送飯一流，會越食越辣。最令我驚喜嘅係配料方面，有青瓜、蘿蔔和薯仔，令到個煲更加豐富，蘿蔔吸收咗麻辣醬汁好入味。豆豉鯪魚油麥菜好咸，本身鯪魚已經好咸，仲加咗大量豉油，所以呢個可以唔使點。推介食魚春魚卜煲！-

珍寶紅豆沙冰（$35）超大杯，啱哂用嚟打卡。沙冰有紅豆味但唔算太濃，味道唔會好甜，夏日炎炎飲就最爽。麻辣魚春併魚卜煲（$132）呢度嘅招牌菜之一。要咗少麻少少辣（下次可以各升一級）；魚春煎香再煮，幾香口，只有好少量魚腥味（完全接受到）；魚卜爽口，冇魚腥味；墊底有白蘿蔔條、青瓜條、薯仔條，索哂湯汁味。唔算大煲但份量尚可，味道亦不錯。另外專登要咗個白飯（$12）撈嚟食。啫啫雞（$98）味道夠濃，但鑊氣爭少少。雞件約十件，另外有豬肝（爽口）、冬菇、青椒、洋蔥頭（夠甜）。生煎菜肉包（$42）外層包皮煎得唔夠香口，裡面菜肉餡料普通。貪得意點麻辣煲啲湯汁嚟食，辣辣哋又幾好味。PS：另收加一服務費。

今次嚟到深水埗魚鈁，地點都算方便易搵，就正正喺西九龍中心對面。呢度最出名叫煲，兩個人就試試三樣嘢啦。第一樣，一定係必叫嘅，麻辣魚春魚卜煲，聽到都覺得好味，魚卜好新鮮，有咬口，大大舊。魚春應該煎香過，食落去鹹鹹香香，好惹味。雖然見到成煲嘢紅卜卜，但實際唔算好辣，香多於辣嘅。第二樣叫咗雞雜煲，內臟嘢真係好難唔好食，料頭爆香，再加上雞腎、雞膶，配上熱辣辣嘅煲，未食已經好香，唔錯。最後到鴨舌，味道唔算突出，不過勝在大大隻，送酒一流。環境方面，唔算好乾淨，地面同檯都油油地，可以接受嘅程度。

点了麻辣鱼春拼鱼卜，真的不错，多汁入味，鱼卜有两种口感的，有嚼劲的和软糯的。鱼春和鱼卜的比例一半一半，鱼卜更多点就好了。豆豉鲮鱼油麦菜也非常好吃，味道正好也很多汁。下次会试试其他的菜。

去深水埗你會搵大排檔或者地圖果類嘅餐廳食，這間樓上舖絕對係可以話其中一間隱藏餐廳。幾年前經朋友介紹試過佢嘅魚春煲仔菜好好食，今日就返朋友去深水埗食飯，就介紹佢嚟試。今次我哋叫咗酸菜魚，由於香港朋友多數都唔食得辣，咁佢個湯底都幾適合啲唔食得辣嘅人，魚啖啖肉，菇類亦都好足料。另外我哋仲有叫咗魚春煲，八珍豆腐煲，水準依舊有鑊氣。我最欣賞嘅地方係食雞煲，食酸菜魚小炒一定要有杯勁大杯嘅嘢飲，佢做到價錢合理新鮮打出嚟

@kan.teen經朋友推介下 專門去到深水埗試吓呢間佢口中成日話好好食！叫我一定要食嘅魚卜魚春煲～～估唔到真係有驚喜🙌🏻推介比大家先！！第一樣當然叫呢個必食嘅麻辣魚春魚卜煲🐟小辣，可以自由揀薯仔/蘿蔔墊底。自己本身比較少食魚春魚卜呢啲，佢呢度嘅做法整得好香口好惹味，送飯一流～用呢種煲仔食特別有風味😋一邊食都keep住係熱辣辣嘅。魚春食落甘甘地，一粒粒咁，係鹹香嘅味道，魚卜質地爽脆。唯一唔好就係份量太少同埋比較油膩🤣另一款就試下麻辣凍豆腐煲，呢款豆腐好吸味，仲要挑戰佢哋嘅特辣級數🌶真係超超超辣 唔建議大家試啊。而且呢一個鍋失色好多，味道比較單一。呢個凍豆腐鍋真係辣到我哋個嘴都大埋👄😂少不免要叫番杯沙冰過一過冷河❄️呢個叫珍寶玉龍冰(aka火龍果沙冰)，真材實料 如圖可見真係有好多火龍果籽係入面。認真超大杯 3個人飲都無問題👌🏻記得叫少少甜。總結，個麻辣魚卜魚春煲真係必食🔥岀面好少食到呢種！而且價錢化算💸3個人食 $300有找。———📍魚鈁 (欽洲街) (深水埗)深水埗欽洲街58號米蘭軒1樓#kanteen香港 #kanteen深水埗 #kanteen川菜

魚鈁我舊時由筲箕灣已經開始食左好多年 獨愛佢一煲煲滾住嘅麻辣菜式🌶️ 餐牌選擇都幾多下架！深水埗分店都唔難搵 就係西九龍中心對面 要上一層樓梯 落左單大概10-15分鐘就有得食麻辣魚春魚卜煲個煲黎到等2-3分鐘就會滾起 煲內既魚春粒粒都好大粒😋而魚卜就有啲係冧身有啲係脆身 兩樣都係咁入味 唔會腥 係食開嘅味道♥️麻辣魚腩煲魚係鯇魚腩 都好大件 魚皮表面炸過 吸左好多辣汁 魚肉嫩滑 好惹味麻辣煲款式都會有薯仔青瓜蘿蔔係底一路滾住索哂辣汁味 辣度仍可以揀少辣🌶️南瓜餅南瓜餅一黎到已經好吸晴大大塊 咬落去煙煙韌靭 又唔會太甜 有淡淡南瓜味 鍾意食南瓜嘅朋友一定唔可以錯過

位於深水埗嘅魚鈁絕對係我嘅深夜食堂每次食呢間嘢都係為咗佢嘅麻辣魚春而黎第一次食嘅時候係食麻辣魚春魚卜味道都好食，不過個人更加鍾意食魚春所以之後每次嚟都淨係叫魚春煲🤣🤣-麻辣魚春煲 $124炸過既魚春掛滿麻辣汁香辣惹味而且份量比得幾多底下既蘿蔔薯仔吸晒麻辣汁煮到好淋又入味成煲嘢都勁送飯( ´ ▽ ` )ﾉ-蒜蓉萵筍絲 $64食落爽脆有鑊氣，冇過多嘅調味-椒鹽雞翼尖 $48幾香口，但覺得醃得唔夠味-香煎南瓜餅 $44南瓜餅煙煙韌韌，唔會太甜

好耐之前見幾個youtuber分別介紹呢間餐廳，講到個魚春魚卜煲好好食，就特登跨區去試吓。上次食過都覺得好好食，一直好想再去食但唔去開深水埗🫤今日去開長沙灣順便去再食個魚春魚卜煲叫咗一個小辣嘅魚春魚卜煲、原味蜆、巨峰沙冰同2個飯(加1後$312)杯沙冰唔會好甜，啖啖都有少少甜甜哋嘅巨峰味，個煲咁濃味又熱，呢杯啱啱好，仲大杯到2個人都飲唔晒都係幾十蚊個蜆嚟到嘅時候，店員話可能會有砂，但食完無一隻有砂，仲要隻隻蜆D肉都好飽滿。可惜個煲太濃味，搞到個蜆好似好淡🙈魚春魚卜煲魚卜有少少腥，但我唔鍾意食魚都覺得可以接受煲底D蘿蔔、薯仔都好入味好好食店員態度casual但又唔會覺得無禮貌，整體感覺平民舒服，唔算好「up dup」污糟，食得好無壓力😆

話說今日落深水埗鴨寮街買嘢，行到一身汗最後都買到嘢。之後就走咗一間食肆叫做魚鈁， 樓下價錢表見到佢有酸菜魚套餐 我就走咗上去啦 搵個卡位坐低 叫咗一個酸菜魚 粉條朋友嗌咗一個口水雞 朋友個口水雞好嫩滑好食值得一讚 隨後我個 酸菜魚嚟咗 上面一粒粒好似蠶豆 東西 都好好食 主角 魚 就麻麻 食落口好大㗎但係一啲都唔滑溜 不過佢了係粥嘅好多料 佢有木耳；大豆芽，青瓜，香菜。 最後埋單口水雞55蚊酸菜魚58蚊跟一杯飲品凍飲加三蚊。 如果佢啲魚整得滑啲嘅話呢都會幾好食嘅不過就爭少少冇咁滑但係都有住戶口嘅可能佢用咗係脆肉鯇魚所以係佢咬落去係脆脆口嘅但係唔夠滑 如果鍾意食有口感嘅魚呢間係唔錯嘅選擇

《魚鈁》有睇過我地之前嘅post,都知道👧🏻系愛魚人士🐟‼️今次比我地揾到間川菜館又有得食魚卜啦😍今次仲系魚春魚卜🥹❤️大愛‼️款式多，吾食魚都總會有一樣岩您食😌---麻辣魚春拼魚卜煲 ($108)(👧🏻絕對系為魚卜嚟啦)炸香左嘅魚春，加埋魚卜系麻辣煲入面滾🤩好入味分量都算多🙈魚春咬落香口，魚卜比較滑身，雖然叫麻辣但吾系好辣 吾食辣嘅朋友都食得到，好岩餸飯食 就咁食有少少感聽店員講可以食曬加料打邊爐🤩(如果想食魚卜魚春 穩陣起見打電話去留) 剁椒焗蜆($88)好足料‼️平時出去食現得十幾粒，佢系成盤滿本身大部份都冇沙🤪處理得好好，大粒肥 新鮮但有少少咸🥲一定要餸飯食 椒鹽白鱔 ($146)白鱔好滑，新鮮😍仲要每一件都無骨 啖啖肉椒鹽煮法令佢好惹味🤤餸飯一流 (👧🏻好愛白鱔) 珍寶紅豆冰 ($32)超級大杯🤣🤣好震撼上枱嘅時候 2個人都飮吾曬🧊我本身以為打左個沙冰味道會變淡，佢完全無‼️每一啖都好濃郁嘅紅豆冰味，又吾會太甜岩岩好👍好適合食辣嘢嘅時候飲‼️而且好抵飲 炸饅頭($46)正常發揮的炸饅頭😹---(5🧸為滿分)賣相：🧸🧸🧸味道：🧸🧸🧸🧸環境：🧸🧸🧸價錢：🧸🧸🧸服務：🧸🧸🧸---魚