肥姐小食店

Open Now

Now Closed

嚟開旺角梗去肥姐度🤣冇食過肥姐冰鎮滷味..可以話係人生一大憾事🤫好幸運係𝚅𝚒𝚎𝚗𝚗中意食嘅野=肥肥中意💘 所以從來食好西嘅鐵腳都係肥肥🤫🍢肥姐好食在係個「醬」‼️㊙️黃芥茉醬、甜醬、甜豉油‼️如果個醬唔係咁特別,會失色不少‼️夠晒嗆‼️夠晒辣‼️ 唔中意甜醬嘅𝚅𝚒𝚎𝚗𝚗都覺得不能沒有「它」🤫🍢皇牌套餐ʜᴋᴅ$38 （墨魚火雞腎生腸）墨魚🦑夠爽口彈牙啊～冇鹼水味‼️新鮮‼️火雞腎🦃️ 係𝚅𝚒𝚎𝚗𝚗最愛~夠脆‼️夠爽口‼️唔係食香口膠‼️生腸 = 🐷豬嘅輸卵管～食 #港式滷味🍢必叫‼️🍢無論係尖沙咀定旺角,一定會幫襯肥姐同佢個仔！雖然食過好多間,但因為個「醬」無限♾️返啅🧡💛 所有外國朋友嚟香港🇭🇰𝚅𝚒𝚎𝚗𝚗必定帶佢哋嚟食🤣 老外係好抗拒食內臟都覺得𝗻𝗲𝗶 𝗵𝗼 𝗺𝗲𝗶💗𝗣.𝗦. 食咗咁多年..從來唔知幾錢嘅..但今日聽到後面個小妹妹🧍‍♀️(目測8歲）同爸爸對話就知啦👂咁細個都咁識食👍🏽如果大家中意俾個like支持下🤟🏽 𝗖𝗶𝗮𝗼~🍢肥姐小食店 (旺角)🍢旺角登打士街55號地下4A號舖

每次行過旺角的這間滷味都都好想食疫情下都不太想係街食嘢 不過都忍唔住！最簡單唔想挑選就叫大王牌套餐大生腸 大八爪魚 加串腎照樣一樣爽口、彈牙有鮮味出面真係好小地方的係鮮味的！推介！

肥姐小食真係好出名，次次經過都勁多人排隊，嚟到旺角一定要食，亦都食過好多次，次次好好食，保持到水準！🍴⭐️墨魚 $14墨魚好爽口彈牙，真係有墨魚味🤤入面有大大條墨魚腳，身，鬚。食得出係新鮮整，夠曬凍啊！加埋甜醬芥辣，甜甜辣辣，真係好perfect! 必食墨魚！🍴大生腸 $14大生腸都好爽口，冇異味。🍴⭐️豬頭肉 $10豬頭肉好爽口，冇異味，有皮有肉，食落都唔肥膩，質感就係爽口嘅豬手！🍴豬潤 $10感覺新鮮，有鮮味，冇血腥味，乾身爽口。推薦指數: 9/10Keep到水準又好食嘅港式滷味，每日新鮮即製賣完就收舖，暫時未揾到一間好食過佢！

由細食到大嘅港式滷味，長期間中都有想食嘅慾望😂😂，出開旺角梗係一定要去肥姐小食點到朝聖，我每次食黎食去都係嗰幾款今次少少哋買住5串先，麻油醬油，芥辣甜醬，是必須的，冇咗呢幾樣醬料完全唔係嗰回事😋😋而家因為疫情關係，今日去嘅時候都唔係太多人排隊，我大約排咗五個人就已經買到不過當然仍然係人氣，人流一個接一個，大部份人都買5串以上嘅外賣，肥姐真係有佢嘅魔力，都係我暫時食過滷味當中最好嘅我嘅心頭好😋😋買咗5串 $62返屋企慢慢嘆▪️生腸花▪️小生腸▪️墨魚▪️雞腳

肥姐相信大家一啲都唔陌生，喺旺角登打士街嗰頭就一定會見到好多人企喺度食鹵水串串🤣今次行行下都比肥姐吸引咗，太耐冇食喇！同男朋友叫咗三串share食🤤我哋叫咗大墨魚 ($14)、大生腸 ($14)同豬脷 ($10)～墨魚好爽脆，永遠都係我嘅最愛🤤生腸都好彈牙，完全冇內臟嘅臭味～豬脷係男朋友要求嘅，口感都ok，不過可惜佢最鍾意嘅豬頭肉賣哂😢加埋甜醬同埋芥辣，的確係好好味😋食咗咁多年，雖然見住佢時不時加價，但間中都會想嚟食吓😌

同女朋友嚟到旺角口痕想掃街 嚟到肥姐小食 見到門口大排長龍 質素應該有返咁上下啦 咁我就叫咗一個王牌試一試佢，分別有墨魚細腸同埋雞腎。首先講個滷水汁係幾出色嘅 調味啱啱好 值得一讚係墨魚同埋雞腎 墨魚口感一流 而雞腎係三個入邊最入味 細腸就不過不失啦 如果下次再嚟我會淨係叫墨魚同埋雞腎 不過要留意真係好多人排隊 我哋叫完企咗喺側邊食 食完成條隊都係keep住咁長 冇郁過🥶不過排都唔駛等好耐 等五至10分鐘都已經可以買到了 都值得推介嘅👍🏻 係略嫌佢貴咗少少

久別重逢，一向靠自由行的佢，而家已經唔使再排隊買⋯但味道好似差咗好多，除咗個豉油汁還保持得到，其他已經面目全非⋯ 大脹淡而無味難食、鴨腎又梅又乾，吃咗一舊已經唔敢再食落去、魷魚稍為好啲，但太有趙口，呀極都唔爛⋯係咪由冇咗自由行，D流量大不如前，所以應該唔會有下次⋯ 😫😫😫

每次經過旺角，呢間老味小食店，十居其九，都必定人山人海，車水馬龍，難得今日唔使排隊，又咁岩口痕痕，所以我就決定買啲手信，我最鐘意食既就係佢既，黃沙豬潤，爽滑味濃，冇渣冇根，齒甲流香，其次就係大生腸，細生腸，雞腎同埋八爪魚，機孚每次都一定會買，但係今次就真係好失望，佢竟然俾錯左我，得黃沙豬潤，大生腸，八爪魚岩，其他我唔鐘意食，所以冇理到佢，就請左比家人食，但整體，佢既食品水準係保持到既，佢既汁醬同介未都真係好夾好好味，十分醒胃。

肥媽小食，紅咗10幾年。經開旺角，一定買幾串過下口癮。任何時間去到，你總會見到長長的人龍。生腸、墨魚、豬膶、豬脷，加埋秘製甜醬和芥辣醬，食到舔舔脷😋😋。膽固醇？忘記佢啦。

收工經過旺角，又見到肥姐小食店，次次經過都心郁郁好想食，啲啲潮州打冷嘢真係好正。今次嗌咗一個套餐加紅腸💓個套餐裏面有生腸、墨魚、雞腎。而我都好鍾意食芥辣，所以有加到芥辣😋😋呢啲小食真係好過癮

話說，今日途經旺角，梗係要去買肥姐啦買咗個皇牌、再加啲紅腸啊生腸啊咁，買夠70蚊可以去快隊好耐冇食過，知道肥仔紅腸細件啲，就黎旺角搵肥姐食過嘅朋友都會發現係有唔同嘅係咪入正題，味道方面一如以往好味滷水汁好入味，再點啲芥辣非常之夾！可惜嘅係，今次發現連肥姐嘅紅腸都縮左水，以往係斜切大大件，依家係細細粒，咁啱我唔好彩，定係排快隊嘅代價墨魚、生腸都好爽口而且入味，無得彈總括嚟講味道依然、不過份糧細左，純粹得個知字會繼續幫襯

一場去到旺角，食完魚蛋之後梗係要食呢啲橙色嘅滷水檔啦，呢一間真係好出名，每次經過都見到佢大排長龍（不過原來叫夠指定金額或者叫指定套餐係排快隊嘅），可惜今日得我一個人食咁就唯有乖乖地排隊啦。最鍾意食呢度嘅墨魚，佢哋嘅墨魚整得好彈牙，配埋佢哋嘅醬汁同埋甜醬係非常好味嘅。仲有爽口嘅火雞腎，豬膶同埋豬脷都係我每次經過都一定會食嘅。未有疫情之前，都會企喺街邊度食，依家唯有買個外賣返屋企食，好在而家天氣都唔算太熱返到屋企食都還可以。

真食評真分享真自費!好食先介紹!肥姐小食,出旺角掃街必食!冰凍的橙色生腸及墨魚加甜醬和黃芥末 獨有既港式滷味味道日日排長龍今日就排幾個快好多! 比海外多本雜誌推介為香港必食小吃之一最好食個人心水係大墨魚, 墨魚 冰凍開胃,份量多又新鮮,醬料美味!墨魚口感脆爽滷得入味!冰鎮過又涼又脆口感係最好食!黃芥辣嗆辣味食起黎更豐富!地址： 香港旺角登打士街55號4A舖平均消費$25評分8/10

每次去到旺角一定見到呢間舖頭大排長龍，為既原來就係食肥姐嘅皇牌。皇牌有分大細，我就叫左份細食。有墨魚，火雞腎同細生腸。每次食呢個我都會落大量甜醬！三樣食物都好新鮮，佢賣得咁貴真係有原因！

肥姐小食係旺角長期大排長龍人龍店地點方便價錢經濟又好味，次次食都保持水準如果第一次食唔知叫咩好，就必點套餐：大墨魚+細生腸+火雞腎。滷味爽脆好吃，配埋個甜醬同黃芥末醬都好濃烈