Farm Direct (Closed)

睇雜誌知道好處多, 曾經試過食火鍋及沙律試過, 今日去開尖沙咀誠品書店, 睇完書準備走時見到有間Farm Direct, 有即打果汁, 仲講明係用羽衣甘藍, 價錢$35, 真係唔算平, 不過真係好想試下, 買左一杯飲下先。其實鮮榨果汁又唔算貴, $20一杯, 又有蘋果醋及紅菜頭醋較為特別。職員話係用礦泉水, 見佢即場去開一支使用, 然後再係雪櫃取菜及生果, 我見到有青蘋果, 由於係open kitchen所以睇到晒我杯飲品的誕生。將材料放入攪拌機用高速攪拌, 好快就完成啦!!飲品到手係綠色, 飲落第一感覺係好凍, 個人唔喜歡太凍的果汁, 但係味道一流, 之前最怕係有草青味原來係無, 濃度好足夠所以都好飽肚。飲一杯可以當一個TEA。