大快活 (Closed)

這日在新世紀等友人期間經過這店，被他的豬扒包相片引起了我對豬扒包的懷念，便入內要了份豬扒包下午茶餐，配奶茶，另再點了一份好像是新出品的照燒醬雞肉棒。豬扒包的包熱又脆，不錯。豬扒只是平平，沒有甚麼味道。醬汁的味道有點怪，過黏和過甜，和一般豬扒包的醬不一樣。有點失望。(2/5)照燒醬雞肉棒的肉質亦很一般。那個照燒醬並不是平日日式的照燒醬，只是甜甜的。(2/5)熱奶茶算最滿意的。濃滑有茶香，很不錯。看來下次都是只喝杯茶好了。(3/5)

上星期六同媽咪去完法國醫院探家姐個仔,走既時候出番去新世紀,就食埋晚飯先返屋企,我叫左一個咖喱厚切吉列豬扒飯,媽咪叫左油雞飯,本來係想叫叉燒飯,但係叉燒已經賣晒,所以就叫左油雞飯啦.我的咖喱厚切吉列豬扒飯都幾大碗,可惜咖喱汁唔夠多,味道都ok,唔算辣的,厚切吉列豬扒我覺得太厚...不過都容易食的,唔會好多筋的,味道ok.我成碗食晒呀!媽媽的油雞飯賣相及份量都幾吸引,佢都話幾好呀!!

見到呢個Poster就即刻吸引左我黎食喇呢個簡直係大坑民聲冰室個肉山既翻版因為民聲果個真係好好食~所以對呢個都有D期望我同我細佬就一人叫左一樣我就梗係試呢個肉山啦點知出到黎實物與圖片不符 (果然圖片只供參考)佢舊節瓜大舊到~個山有1/3係佢囉都算喇~試下個味~味道極普通，完全同民聲無得比~而且仲要一D都唔夠鬆軟~完全不能接受 ------- 失敗！我細佬就叫左呢個，唔知咩日式穫仔肥牛雞扒(咁上下啦-_-")真係見到都已經唔想食喇同D相差幾遠~簡直係行騙D肥牛一D味都無雞扒??我頂龍俾佢叫雞柳最好味就係個汁囉點解大快活可以差成咁架?唉~真係講多都無謂呀

某日到新世紀廣場看電影（戲票是openrice贈送的，在此先行謝過），因為距離入場的時候還有一段距離，所以就近到這「大快活」吃個下午茶餐，消磨消磨時間。叫的是「叉燒餐包 + 雞翼」的下午茶餐。這茶餐的叉燒包是特別版，包上有些好像是麵粉做成的長條形粉團盤纏在包面上，雖然賣相特別，但無甚食味，不吃也罷。叉燒餐包只是微熱，裡面的餡料算是不過不失，要是只用來醫肚，不求美味的話，還算可以。直勾勾被竹籤串著的雞全翼，燒得尚算過得去，塗上了蜜糖之後的雞翼，也是不太肚餓時的裹腹之選。兩個人吃一個快活茶餐，平均每人只是$10，可真十分相宜呢！P.S. 進場前在戲院小賣部買的爆谷套餐可貴得多了。

大快活雖然愈來愈貴，但它卻頻密地推出新款式，所以有時都幾吸引。本來打算點一人火鍋，不過好似跟比較少配料，所以有點決定唔到。之後，見到有 $5龍蝦湯，雖然知道是卓頭的普通西湯，但都叫了一碗，再加一份滑蛋粟米班塊（$31）。龍蝦湯當然連蝦仁都沒有一粒，不過都有一些忌廉濃湯的口味。何況，點它都是為了滿足一下口感，所以稍為近似都已收貨了。 滑蛋粟米班塊：不是不好吃，只是我完全估唔到會用大量炒蛋來配粟米班塊。或許是差不多收工，班塊都是淋的，而且只有少許粟米。以這種質素和份量，本來我是不收貨的。不過，有了炒蛋可以用來撈飯，也算有創意。 看到桌上的宣傳品，應該是時候試食新鐵板餐了。

是時候休息，去了大快活，來一個下午茶，要了迷你餐旦麵，正正是很懷念的福麵，用蓋蓋上，沖了熱水等淋，很有中學時代的感覺，餐旦就不過不失又來了熱咖啡，大快活咖啡一路都是不錯，今次依然，沖得很好．很少評快餐店，不過也該寫夕一點，因很多人都會去，可以比較下．

試過咁多間大快活,我都係覺得MK新世紀呢個分店既早餐係最好食~次次我都淨係會叫呢個$18.5既早餐,最鍾意就係依佢個炒滑蛋 火腿通粉　　-> 通粉既份量好足~　　-> 個湯底又入味, 正! 炒滑蛋+細多士　　-> 炒滑蛋超好味!! 　　-> 不過份量唔穩定, 時大時細..　　-> 都係細多士好味過方包多士 (個人喜好吧~) 凍綠茶　　-> 味道唔多穩定, 有時好甜, 有時冇味, 有時好苦 　　-> 今日呢杯就係冇味既例子了~** 雖然有時野食同份量既質素, 不過佢既炒滑蛋真係好好味~　好少有咁正既炒滑蛋食, 所以成日都會去食

某日食晏時候因為要去新世紀廣場辦事,匆忙之下只有約短短的半小時lunch; 本來想走去food court, 行行下忽然興之所至決定拜訪一下大快活.來來回回都已經浪費了一段時間,去到望下個水牌,無乜點諗就求其叫個阿活咖哩牛腩飯. 結果係同我想像差一截, 簡直可以用外賣飯盒來形容...我眼前的所謂'阿活咖哩牛腩飯'雖然唔係用發泡膠盒載住,但真係淨係見到兩舊薯仔加三至四舊牛腩配一舊飯...味道同樣一般,咖哩唔辣又唔夠香; 牛腩OK, standard的味道.連飲品賣成三十幾蚊,我寧願食麥記好過..

好耐都冇靜靜地慢慢嘆早餐喇!是日早餐:- 魚柳煎雙蛋, 牛油方包.配火腿通, 熱檸水魚柳外皮有d硬,應該係炸over0左.沾了沙律醬好味~煎蛋好大隻,已經好少起出面食到喇!方包夾蛋白,而蛋王就分0左俾男朋友食.個英式中餐加多3蚊就可以配埋火腿通,好抵食!最慘係一個人搵位,拎住個餐,個地又滑,俾個賓賓霸0左...下次都要等整人先入店呀

喺夏天推出火煱系列，足以證明香港人真係好鍾意打邊爐。叫咗兩個餐，一個肥牛，一個豚肉; 一個要冬瓜盅湯底，另一個係冬蔭公。正常一個餐 (如果唔加其他自選料)，就$38。有一個烏冬 (or 檬粉)、一碟菜 (內有兩舊玉子豆腐 + 兩隻餃 + 少少金菇)。我加咗片頭 ($8), 八爪魚滑 ($10), 唐生菜同西洋菜。買夠$100就送一jar 野飲，要了山楂梅子冰。山楂梅子冰好飲解渴。以7up 做底，再加上山楂梅子醬，飲落有氣。味道唔會太甜，酸酸地，幾醒胃。冬瓜盅湯底除咗咸就無其他味。加咗水之後都仲係好咸。有d冬瓜、冬菇粒、肉粒。冬蔭公唔夠濃，第一下聞覺得好有冬蔭公味，不過食落味道唔濃，唔酸又唔辣！有香葉、幾舊茄子。茄子烚淋咗幾好味。所以湯底不算吸引。肉類份量適中，每款肉都有7-8片。肥牛真係幾肥吓，肉質唔會太鞋。不過係普通貨。相反豚肉就無咁肥，幾好味，唔會有陣豬羶味。附送的北京水餃，皮薄，餡料味道濃，有點似淘X的雪藏水餃。玉子豆腐都係例牌野啦，味道正常，不過得兩舊實在太少了！金菇少到淥完都唔見晒。片頭$8得四粒，都幾貴喎！不過質素算唔錯，爽口唔腥無碎骨。八爪魚滑 ($10), 份量少。用隻

特色特餐$30雪菜肉絲米粉：份量不少，味精湯咸蜜糖雞脾：肉嫩皮脆，都幾大隻架，燒得幾好味蒜蓉多：蒜蓉味ok香，不是太濃，岩我凍綠茶：覺得最好，清清地解渴又健康，消濟最岩

標榜一尺長的豬扒, 雖不中亦不遠, 確實係好大件的而且好多蕃茄醬, 加埋炒飯, 好快就搞掂了加埋呢排, 報紙不時有COUPON, 拎住去大快活LUNCH慳4蚊DINNER慳6蚊確實係我等窮人的福音

最近，大多和男朋友相約在旺角。為了避開旺角的人潮，大多到了新世紀廣場。而在這裏的大快活經常都不用等位子的，自自然然便成為了我倆的食堂。(28-11-2008) 近來天氣轉涼，大快活推出了火鍋系列。男友向來喜歡吃火鍋，而這裏火鍋的價錢比其他連鎖快餐店的便宜近十元，所以便決定試試這兒的火鍋。我則選了焗豬扒飯。焗豬扒飯的豬扒用上了成寸長的豬扒，但這裏的豬扒是薄切的，與其他兩間大連鎖快餐店的厚切豬扒有所不同。豬扒薄薄的，頗淋，味道只是一般。揭開豬扒，只有薄薄的一層炒飯。飯炒得挺香的，配上香濃的蕃茄醬汁，很快便把這飯吃光了。 $32 的一個焗豬扒飯，份量實在太少，連女士也可能不夠飽，何況是男士們呢？男友的黑豚肉鍋選擇了大豆芽魚湯底，味道只是一般，淡淡的。而火鍋配料份量雖少，但卻很豐富，有黑豚肉、雞柳、魚蛋、豆腐、生菜、生根、節瓜、烏冬等。首先試的，當然是主打黑豚肉。薄薄的黑豚肉放在湯中涮一會，便熟透了。蘸上醬汁，放到口中，是出乎意料的鮮甜。由於是薄薄的一小片，放進口時，像是入口即融的感覺。只有八小片黑豚肉，份量實在不夠。其他的材料質素也比其他快餐店的好及新鮮。雞柳嫩滑，魚蛋彈牙爽口，豆腐豆味香濃

不知道為甚麼，在新世紀廣場的這間大快活好像任何時候都不用等位似的，而且之前吃過這裡的火鍋不俗，於是這裡成了我和男友的半個飯堂。昨晚叫了個巨型鐵板厚切豬扒，加了菠蘿雪碧特飲，共$48，男友叫了個臘肉滑雞煲仔飯，加油菜及點都唔落味精中湯，共$40先說說我那個鐵板燒，豬扒雖然是大塊，肉質口感分佈不均，有些部份不錯，但有些部份卻很韌，近骨附近的位置更呈現出未熟透的粉紅色。味道只能算是普通，幸好我配的是比較惹味的黑椒汁，加起來算是還可以，另外，薯塊則早已在鐵板上燒得有點焦。至於酥皮馬賽魚湯，那酥皮焗得不夠香脆，入口有點粉，但浸了湯後算是蓋過了這些缺點，湯尚算鮮甜，但質地較為稠了一點。另外加的菠蘿雪碧特飲則叫我大失所望，我連雪碧的味道也喝不出來，只覺得味道很像藥水......很有被欺騙的感覺......>.<至於男友叫的煲仔飯也好不了多少，其實上次在這裡也吃過煲仔飯，而且味道也不錯，但不知怎的，這次的飯太濕了，那滑雞又有兩三塊還未熟透，可取的只有那臘肉，可見這個煲仔飯很明顯是煲得未夠時間才會這樣。這太叫我們失望了！至於那聲稱點都唔落味精的中湯，味道不錯，用料也很足，只可惜我不明白為

30-9-2008女朋友趕著去博覽館，結果就和她匆忙的在這裏吃晚餐。我這次要了一個白酒蜆肉意粉。等了十多分鐘，他們的解釋是貝殼類要徹底煮熟。-.- 一看就知道份量太少了，蜆的體積也很小。結果，只用了五下便把意粉吃清，感覺就好像吃了一個下午茶餐一樣…… =.=三十元的這個晚餐，真貴……