十二味貴陽牛肉粉 (Closed)

店子不大，只有不足二十個座位。我們特意避開午餐和晚餐的高峰時間，在下午四點左右的下午茶時間來到，不用排隊，落單後就可以入座。用餐區分兩個部分，近門口的區域感覺比較寛敞，裡面的座位就比較窄，坐得不太舒服。清炖牛肉粉加脆哨。先喝一口湯，湯底不算很濃，要自行添加醬油和醋提味，建議就算不太吃得辣，也要加一點辣椒粉和花椒粉，吃起來更有風味，至於牛肉粒比牛肉 片好吃，但肉的份量略比另一碗紅油牛肉粉少一點。脆哨跟豬油渣應該是同類，口感香脆，放在湯粉裡不錯，在收銀處那邊有現成可以買，是貴州特產。紅油牛肉粉加牛筋、卥蛋和豆乾。吃之前要先攪拌一下，因為辣油都堆在一角。先喝一口湯，不辣，有點麻，比清炖好喝。有部分米線煮得不太夠透，有幾口會覺得特 別硬，煮的時間要留意一下。牛筋好吃，炆得夠軟腍入味；卥蛋幾乎沒有卥水味，顏色也不夠深；豆乾很大乾，吸收了湯汁，也不錯。牛肉粉挺好吃，只是價錢有點小貴，另外也可以多加一兩級辣度，增加刺激感！

呢間湯粉麵餐廳除咗有套餐，又可以好似車仔麵咁自己配搭啲麵加餸食，而且另外仲會有串燒。由於我食唔到辣嘢，所以套餐入面嘅涼菜我選咗蒜泥青瓜，估唔到呢個係最好食嘅，畀我印象最深刻。另外個湯底都夠濃郁，不過罐飲品就麻麻地啦，好淡唔夠清甜。難得入嚟試下呢間餐廳，咁就連佢嘅串燒都試一試啦，我平時都鍾意食燒牛舌嘅，咁見到佢個餐牌入面燒牛舌後面係冇個辣椒仔圖案所以就叫啦，點知佢嚟到嘅時候竟然係超辣，所以D牛舌我自己完全食唔到就拎咗返公司送咗畀人食啦。唔知佢係燒錯咗比我定係餐牌打漏咗隻辣椒圖案啦。

原本想去食金鳳見咁多人忍唔住試粉麵類選擇唔多,飲品偏貴蒜泥青瓜-咁簡單嘅食物都可以令我咁失望厲害,青瓜完全無味,好彩連苦澀都無,蒜頭入唔到味,有冇酸又冇咸又冇辣紅燒牛肉粉-牛肉粒好小而且肥膏好多,叫多蔥加埋都係得十粒,牛肉雖然炆到冧晒但食唔到牛肉香味,湯底偏咸全家福牛肉粉-賣相同相片好不符,卤水蛋冇卤水味仲有小小酸,牛肉粒我果碗好彩唔咁肥,牛切得勁簿又硬,牛根雖然林但碎得很,牛肚切得好簿但都硬,成碗最好食係卤豆乾,唔係知自己食緊咩都聯想唔到食嘅係牛肉,睇返食評唔明點解咁多人讚

行行下見到間小舖，門口有人排隊，八掛望下，哈哈…跟往咪排隊試下。在等食時，枱上有教點樣食法，要把幾樽調味粉及醬油自由調配，碗紅燒牛肉粉都幾大碗，望落冇乜特別，先試下味，原來係清湯。我跟指示，自由配上自己口味。可能我like麻辣，覺得味道都好啱

跟友人2人行晚上八點多來到，客人並不多。食店與旁邊的十二味麻辣小當家的舖位相連，使用同一入口。點菜紙有三，一是粉麵，二是小菜乾鍋類，三是燒烤串燒。跟友人打算各點一碗麵加一款小菜，看到$88的串鍋，就先後問2店員是甚麼來的，有甚麼料⋯⋯店員一：M⋯⋯一串串囉店員二：牛個啲，多到我都唔記得，答你唔到⋯⋯（我再追問，即係牛雜？）係囉係囉⋯⋯都係個啲⋯⋯精彩回答而最終，端上來的是一個超小的壺，超長的串，串著半粒貢丸、一條芝士腸、半粒魚丸、2塊海帶、一粒鵪鶉蛋和一塊蓮藕（以上均有2串）。說好的牛，有關係的只是2小塊牛栢葉⋯⋯88蚊？！！串串浸在紅油裏面，吃不出辣味，只有好油的感覺！友人在餐牌上見這全家福牛肉粉有好多不同配料，覺得很霸氣，就立心點了它。有牛筋、牛𦟌、牛肉丁、滷豆腐、牛肚、滷雞蛋和酸菜，麵底是米線。雖然餐牌沒說有辣，但提出要求的話，店員可以幫你加辣的喔。這麵份量頗大，胃口不大2人也夠吃！性格比高。而我呢，就點了雞絲乾拌寬麵，要了大辣。這裏的寬麵其實就是刀削麵，麵質Q彈，亦很掛汁，雞絲入味，份量足唯一美中不足就是不夠辣！而可能叫大辣的關係，油感太多了。吃辣最佳朋友，莫過於啤酒這哈爾濱啤

麻辣燙太油了，雞絲拌麵味道淡了。。。。。。。上個禮拜午餐試了這兩個，感覺一般。不知道是不是點的菜的問題。麻辣燙真的太油啦，沒必要放那麼多，很膩的。。。。。。。。。。。。在深圳吃的都是清湯底但是超級好味的，這個一層厚厚的油。很喜歡十二位旗下的餐廳，基本都很好吃，很正宗。。。。。。。。。。這個感覺一般，下次試其他菜，再來更新。。。。。。。。。這間估計也比較久了，裝修有點舊了。地方倒是很大。。。。。。。

每次黎到銅鑼灣食午餐都令我好頭痕，因為實在太多好野食了都唔知點揀好🙈最近為左補補鐵質而愛上食牛肉，所以今日特登揀左呢間餐廳試下佢既牛肉粉。十二味其下既麻辣餐廳幾乎都試過，因為我老闆鍾意食辣，每次部門食飯都每揀佢地其下既餐廳，但食左咁多次我都係第一次食佢既牛肉湯粉佢既午市套餐包括一個粉、前菜同飲品，都係六十幾蚊，我就叫左個牛肉湯粉+辣雞絲沙律(好野味)呢到午餐除左湯麵之外仲有干鍋同麻辣鍋同場加同事既麻辣鍋(我自己覺得比較油，同埋配料已經定好無得揀🤷🏻‍♀️)總括黎講70幾蚊一個餐雖然唔算平，但分量都幾大份，而且又係銅鑼灣區，都算係咁

性價比低。料唔多。唔係好特別。係餐廳既氣氛唔錯。又可以試下貴陽麵。每張台都有調味料個下幾好。第2次食。同上次一樣。個湯都係一般。不過今次遇到其中一個服務員態度差無禮貌。如果咁既態度。我寧願食每次都食譚仔。性價比重高。都一樣咁多野揀。價錢一半有找。

其實入黎食的原因係行行下落雨⋯⋯真唔好彩當試下新野啦食左貴陽辣雞湯粉勁後悔囉，因為雞肉係凍同熱中間，仲要好鹹，同埋比雞骨你食例如翼尖、雞腳，想食肉都無⋯⋯花生係多嘅，但唔係新鮮咁，好痴牙麵同湯都無特別之處待應黎錯前菜，問左幾次要唔要辣囉完全唔享受食呢餐，又貴

又一次比人升到上天的例子😤原全中伏！心想咁多人讚一定很好食啦！點知仲衰過d大集團！當日中午同老媽子一齊來食因為剛剛開舖店內得三幾個客人，其怪及不滿有以下幾點：1）我們第一次來點知你地嗰店舖d規矩，作為一個食客緊係找個位坐先，同時在店內有二個女侍應又掛著玩電話又沒理我地，我同老媽子咪找位坐先，點知其中一個就話要買飛才可以坐，咁我咪話你放心我會買，我之後安頓好老媽子後立刻去買飛！2）睇到個餐牌都覺得貴啦伍拾幾蚊一碗粉，如果要套餐差唔多＄100，都算啦同我老媽子出去食中午飯邊度有計架，仲要係銅鑼灣如果好食就是但啦！唔好食啦真係貴啦！3）之後坐咗喺度等一陣間，碗牛肉粉呢就其中有嗰個女侍應送來，佢好大力咁進入會擺上係我張枱度，啲湯到咗啲出嚟，小姐你使唔使咁大力呀！4）第一眼見到碗牛肉粉就已經唔想食啦，癡線架成碗浸晒油係粉上面呀😡5）跟住咪問個女侍應攞只碗，諗住飛咗啲油，個女侍應依然都係好大力咁擺喺枱面！6）飛左啲油後，因為我哋係叫清湯牛腩粉冇咩特別，我諗住第一啖湯應該都會幾好味嘅！點知原來真係好好味囉、好味都係驚你食唔出係咩味呀！死加死加超勁味精！大廚你個味覺應該都冇晒架啦，就唔好再出嚟遺禍人間

自從上次在紅磡「王X妹」，初次品嚐貴州麻辣米線後，就開始對貴州菜開始多了好奇，儘管我本身並非強烈喜好辣味的人，但聽聞銅鑼灣又出現了一間很有名的貴州菜餐廳，名稱叫做「十二味貴陽牛肉粉」，令我再次走去嘗試貴州菜。雖然「十二味貴陽牛肉粉」味道應該偏辣，我想我應該不難應付貴州牛肉粉的辣味。真正令我在試食「十二味貴陽牛肉粉」後，令我感到「後悔」的是，原來「十二味貴陽牛肉粉」還在大角咀奧海城開多了一間分店，那麼我不用次次都要千辛萬苦，長途跋涉來到銅鑼灣食貴州牛肉粉了。銅鑼灣跟旺角一樣，雲集有大量不同風味的餐廳，就連區區一條「謝斐道」，都已經開了很多間餐廳，我怕會找錯餐廳，再三在店確認清楚，是我想去的「十二味貴陽牛肉粉」，我才進入餐廳試食。上次在「王X妹」，吃了碗辣雞丁口味的貴州米線，今次我把目標放回主角牛肉身上。「王X妹」樓面坐滿食客，令我無緣目睹「王X妹」的內部裝修擺設，實際上我是怕拍照會被店主發現，所以在餐廳外檯櫈用膳。今次的「十二味貴陽牛肉粉」，適逢餐廳入選了開飯網的食店選舉，結果還未公布，斷估餐廳不會在這時候自毀招牌趕走食客，所以現在就算在「十二味貴陽牛肉粉」內拍照，只要不拍廚房的話，應該

上個禮拜去cwb果頭, 之前一晚搵定cwb果頭有咩好食, 上網見到呢間好似評語唔錯, 雖然位置唔就腳, 但都專誠行過黎試下. 當日開住google map一路行一路搵, 由地鐵站行去大約15分鐘終於都到了. 門面都幾靚, 一行到入去就即刻要你睇下食乜...點單付款才安排入座, 感覺有點急趕, 好彩佢都唔太多款式,  我叫左個套餐 $79紅燒牛肉粉 (小辣)+蒜泥白肉小食+汽水, 價錢唔係平, 諗住都會幾好食, 點知就真係幾失望.安排入座之後, 三分鐘內成個套餐已經到齊, 碗紅燒牛肉粉都煮得好快下,其實都感覺到碗粉幾求其...湯底味道原來冇乜特別, 佢叫自己做"十二味" 我開頭以為個湯底會有好多種味道同層次..但最特別之處其實就係入面有啲酸椰菜而已. 啲粉其實即係類似米線既麵, 比正常米線粗身dd, 但質地太稔唔夠彈牙, 所以似係煮到發漲左既米線...好彩d牛肉都軟稔, 有成6,7粒, 牛肉係入味又幾好味既! 而小食蒜泥白肉亦都冇特別但唔難食, 上面舖住6,7塊白肉, 下面用好多青瓜絲蘿蔔絲墊底, 睇落好似好多, 其實係錯覺.  整體味道唔係好差, 但價錢貴, 性價比偏低, 應該不會再來

十二味貴陽牛肉粉銅鑼灣同大角咀都有店係一間專食牛肉粉麵 真係冇豬同雞依度係自助點餐自己搵位然後店員送上食物叫左紅燒牛肉麵同清燉牛肉麵開頭以為紅燒牛肉麵個湯底都係紅燒湯底上到黎兩碗差唔多樣 湯底一樣只係清燉牛肉麵個碗多埋牛𦟌肉夠"林" 有牛味由於湯底係清湯底調味料要自己加有麻丶辣丶鹹丶酸調味個人覺得整體普通未致於encore而且價錢都偏貴叫套餐有埋蒜泥白肉同青瓜但味道一般比較之下譚仔三哥嘅蒜泥白肉蒜香D濃味D環境氣氛： ★★★☆☆食物質素： ★★★☆☆服務態度： ★★★☆☆

喜歡吃辣的朋友可以嘗試一下的貴陽牛肉粉，位於銅鑼灣橋底辣蟹附近，去之前記得google下，位置有點難找不要白跑一趟～店內裝修精簡，服務人員也不多，因為菜色單一，一般都是慕名而來食貴陽牛肉粉的食客，如若食唔到辣，可以叫幾款可做不辣的粉其中一款可做不辣的便是貴陽牛肉粉，沒有辣椒的點綴，整碗粉看起來非常清淡無味，但事實上味道不一定用眼睛可以判斷，因為這碗清淡的牛肉粉味道非常好，湯汁夠味，粉條筋道，最重要的是牛肉夠有嚼勁，愛吃牛肉的人絕對可以一試另外有一款不可無辣的則是辣味雞肉粉，因為雞肉原本就是有辣味的，所以無法不辣，但他的辣味算是一般人可接受的，並且料非常足，一碗吃得很飽！雞肉都很大塊，其實都快吃不完了，總體來說味道很好！每碗粉裡面都還放了特製的醃白菜，酸酸甜甜非常提味，配上辣的味道非常match！如果可以買一罐酸白菜返去配飯也是不錯的選擇。如若味道不夠，還有包裝精巧的調味料可以選擇，要注意麻是麻，辣是辣，加麻不加辣會只有麻味喔

見到人氣咁高試一試叫左紅燒牛肉麵小辣+ 蒜泥白肉麵賣相一般，牛肉ok ，湯內有酸菜ok，麵底就係普通米線，可加錢轉麵白肉細細碟，普通豬肉，但味道還可以食完都覺到味道唔值呢個價同人氣，未覺得肯定唔會再黎。但之後先發覺，原來重點係味精！ 味精！味精！返屋企途中已經開始好口渴，返到屋企更加係飲左成晚水！成晚麵好辛苦！可想而知味精先係呢碗紅燒牛肉麵既重點！一定唔會再黎！有時味道可能因人而異。口味好難人人中意。但咁重味精，真係絕對不能接受