一亭 (Closed)

常客，我經常去食碗仔翅，推薦碗仔翅 因為料很足，同出邊食噶十來蚊完全唔同，值得推薦！而且中餐日日唔重樣仲唔錯老闆做噶都係街坊生意，感覺做野食几用心下，以後繼續多多幫襯

哥哥仔叫我試下個辣炒意粉，話係心機野！話曬算半個熟客仔，比個機會佢！佢話係用新鮮番茄熬個汁，一滴茄汁/茄膏都無落，再加印尼辣醬即叫即炒⋯（省略一千字關於製作過程）喇！老實講，淨係即叫即炒都值回票價喇！定D黎🤣哥哥仔無吹水！食得出真係心機野！難怪佢力推既！雖然只係簡單配腸仔同蕃茄片，但味道係得既！有小小蒜香，紫洋蔥調番小小甜味，夾埋甜甜酸酸既蕃茄味，味道我比80分！我最欣賞佢意粉軟硬適中！我覺得比部分西餐廳更好，食得出佢係有態度既！一定要推爆佢！溫馨提示：唔食得辣記得叫小小辣！我讚佢上次炒飯唔錯，佢帶住口罩都見佢笑得勁開心，可能呢D就係街坊生意特別之處喇！一定會翻食！香港人加油！

再次黎呢間小店，可能做開街坊主意，都幾熱情！見我有選擇障礙，推介左個印尼炒飯叫我試下，未食過即管試下！個炒飯入面本身有蛋碎，另外又跟隻煎蛋，唔知係咪印尼炒飯既特式呢？目測有蟹柳、午餐肉、蛋碎，勁多料，仲有D紅色既碎，賣相唔錯。望落雖然簡單，食落又真心唔錯！值得推介比大家！食落好香口，幾有穫氣，唔會太油，又唔會一舊舊，又有小小炸蒜蓉片，試下你就知佢係心機菜！我叫左小辣覺得剛剛好！最緊要性價比高！$33食咁既質素，唔知仲有冇第二間！各位有機會一定要親自試一試！支持小店！

正所謂民以食為天，好可惜一個住左咁多島民既青衣島，竟然會係一個美食既沙漠，實屬哀哉！而係青衣呢個美食沙漠入面竟然比我搵到間有態度既平民碗仔翅，用久旱逢甘露黎表達都不為過。別無他法！必須要將佢公諸於世，要比更多更多既島民去認識你！懲罰你！平民碗仔翅就要有碗仔翅既態度：湯底味道濃郁，厚薄啱啱好，材料充足，配合得幾好！只係略嫌胡椒味重左D，最緊要好味得黎食左唔係點頸渴！呢樣真心讚！最緊要價錢親民，CP值高！可以番食！註：如果有埋辣菜脯同面粉魚肉夾住食，可以再加分，強烈建議做埋宵夜⋯支持小店！