Video
14-min walk from Exit C1, Tuen Mun MTR Station
continue reading
Opening Hours
Mon
Closed
Tue - Sun
11:30 - 22:00
Public Holiday
11:30 - 22:00
Above information is for reference only. Please check details with the restaurant.
Recommended Dishes
某日同太太去了行屯門市中心。行行下來到了位置比較偏的華都商場。之後，太太建議落下一層逛逛。讓我發現到，1樓的商場是絕等的 local，絕等的本地中學生行街勝地。(其實我以前來過，當時是充滿了廣東團旅行社的。之後，太太說想看看以前食過的韓國餐廳是否仍在。當我們行到商場最入的一個地方，有一間名叫《E-Mo》的小餐廳。太太開心說，好耐冇來啦，翻了 menu 亦發現有啱素食者的飯餐，於是，我們一家四口就來一個輕便的韓式午餐。方便阿女就咁用手食，我們點了一份紫菜卷 Kimbap。內有不同的蔬菜，蛋同蟹柳。是一份十分足料的 Kimbap。阿女一件一件食得開心，貪玩整爛黎食也很開心。仔仔要的一份餐，是牛肉鐵板餐。這是一個簡單的椰菜炒牛肉。看食來，這牛肉好似好粗，好乾。但，其實所有汁同味道，同被牛肉吸收了。吃入口時，更是無筋的靚牛肉片。以白飯為伴，最可口，也是最佳的配搭。食韓國菜，我最喜歡的，始終是牛肋骨煲。以石鍋碗出，滾住上，熱辣辣之餘更香味四溢。牛肉好香、好腍，咬一口就可以完美地離骨。這濃濃香香的牛肉味道，加埋個更濃香既汁，伴一碗飯，也許嫌太少。太太的素食選擇，是蔬菜石鍋伴飯。清清淡淡，只伴以韓辣醬。也是好好味道的。加上是石鍋飯，令這一個飯充滿熱力，因而帶出了啖啖的飯香。最後，再吃到更香口的飯焦，更是令人滿意。加錢給小朋友試一試這樂天出品的忌廉鮮奶汽水。這口味，的確是受小朋友歡迎。兩個都喝得津津有味。家庭式的小店，服務親切，食物又唔錯。開得咁隱蔽，又夠好生意，相信，這是華都街坊食韓國餐的其中一個好選擇。
continue reading
呢日去開屯門 又唔想出返去曬就去咗附近嘅華都商場覓食最後揀咗一間冇咩人嘅韓國小店試下我哋叫左2個lunch set每個set包一份主食同埋一罐韓國果汁另外再叫咗1個小食******************************食物s: 🫕豆腐海鮮湯 ($70) 見menu 張圖個湯底紅紅哋以為會有微辣或者泡菜湯底點知原來唸多咗 係一啲都唔辣嘅🫠 個湯飲落係少少甜甜哋清清哋咁豆腐海鮮湯餐跟配一碗白飯飯細細碗 其實真係女仔份量嚟湯入面嘅豆腐同海鮮唔算太多大約有2隻蝦、2-3隻蜆、2舊魷魚 ...同埋好多豆腐😂 豆腐鍋上枱時熱辣辣 仲冒緊泡🤩夠熱 浸住豆腐同啲飯會最好食豆腐夠滑 海鮮都算新鮮 啲蝦仲幾好咬口添😝又估佢唔到啵❗🥢炒粉絲 ($58+10) 點完菜2分鐘就上枱🫢不過見到個賣相係幾失望嘅喂❗白雪雪嘅❓我心目中嘅韓式炒粉絲應該係紅噹噹㗎啵❗我哋加咗$10 加配牛肉 舖喺面上大約都有10舊左右牛肉冇食 所以no comment另外有少少芝麻同雲耳、紅蘿蔔等等雜菜粉絲入口有醬油味同芝麻香 但味道偏淡而且竟然冇泡菜 冇韓式醬汁講真係完全食唔出韓式味道比較似粥店啲中式家鄉炒粉絲多啲 .......但人哋就唔係呢個價錢囉🙃於是我哋自己擠咗啲辣醬落去撈(愈講愈覺得似食緊家鄉炒粉絲) 份量嚟講 都幾細碟 ...配料又少 ...我一個女仔食都覺得完全唔夠飽食完覺得好空虛😟好似冇食過野落肚咁個人覺得呢碟真係好唔抵😵💫🌭韓式炸芝士熱狗 ($25/條) 外層係炸面包 炸得幾鬆脆又夠熱淋上一圈圈嘅醬汁 內層係芝士熱狗腸連埋一齊食都唔錯😋******************************環境：家庭式小店設計有幾張簡簡單單嘅4人枱座位有少少密 不過都尚可接受冷氣喺正頭頂出風 食物容易凍 ******************************小結：如果附近餐廳爆場又想揾地方坐下或者想平平哋食下韓國野呢間嘅鍋物都可以一試嘅但炒粉絲就唔推蔫了 華都應該有更多更好嘅平民美食選擇建議可以睇晒全場先決定為食指數：5.5/10性價比：5.5/10環境舒適度：6/10
continue reading
本身住開華都 見疫情咁嚴重費事周圍走去返之前食過呢間韓國餐廳見到最近食評比較差 諗住啲食物睇吓有冇差咗可能最近因為疫情問題冇乜人晏晝自己一個落咗去食叫咗個泡菜煲同埋紫菜卷不過不失 都唔錯湯底夠味道但是泡菜比較少 可以改善一下入邊有豬肉同豆腐 其實嗌一個煲跟一個飯已經夠晒飽最後紫菜卷食唔晒 打包走人份量都唔算少 價錢合理又有午餐飲品送但係由於舖頭比較細 座位都唔係太舒服這些位置有待改善遲啲疫情好返啲先帶屋企人過嚟食叫下其他嘢食先 希望呢間小區小店能夠繼續加油
continue reading
屯門華都商場越開越多餐廳，今日就幫襯呢間韓國小店，印象中之前屯門同元朗都有開過，最後就搬咗嚟華都呢度。店舖好細間，加埋好似都冇10張枱，樓面兩個姐姐做到踢晒腳，好彩都算入座快，四個人叫咗五樣嘢食。包括海鮮煎餅，泡菜紫菜卷，牛肉石鍋拌飯，炸雞，牛肉餃子年糕湯。整體都算OK，係個牛肉拌飯冇乜味，有啲乾爭爭。炸雞我叫左兩款味道，蜜糖味會比較好食，但係啲汁偏小。
continue reading
本人一直都有食開韓國野，亦都好少會寫食評，但呢一間真係食到另我嬲到想負評既一間鋪頭。叫左個大鍋部隊鍋，入面既份量得麵既份量有多少少，其他材料少到喊，價錢同出面比教又唔係平，材料差成倍，味道仲衰，泡菜冇味，湯底淡，完全唔係韓國既味道，淡過出面d雲吞麵湯底。自己係屋企煮既出前一丁仲好味， 百幾蚊點知得兩個麵底加啲切片既腸，完全無味。另外，鋪頭空間極細，隻腳要屈住黎食，好唔舒服，侍應態度極差，又送錯餐，又有烏蠅，食出面包冷麵無咁嬲，完。
continue reading