龍門點心廚房 (Closed)

餐前小食，白雲鳳爪，唔係好夠味!應該都喺外面交貨返黎~胡椒豬肚湯，第二次叫嘞!上一次略嫌胡椒味唔夠濃，可能煲嘅時間唔夠，但今次就好好多，胡椒味夠豬肚仲有好多tim!咕嚕蝦球，两隻小鬼最愛菠蘿同蝦!又幾好味!椒鹽鮮魷拼豆腐~豆腐唔夠滑，但鮮魷炸得夠鬆，不過不失啦!西蘭花炒帶子，帶子好大粒啊!唔錯!B頭指定動作~菠蘿鷄粒炒飯~原先係想叫黑椒豬手，點知阿姐落單寫錯左脆皮豬手，不過都唔錯!舊豬骨仲可以帶走煲湯~哈哈!😊

最近同屋企人開餐都係喺呢度，早茶，午餐同晚餐都試過。呢間茶仔式餐廳喺呢區係碩果僅存嘅鑊氣小炒!可能有人覺得佢唔夠大酒樓咁企理，又冇乜服務，但講真我感覺到以前屋邨大排檔果種feel，加上以而家呢個物價高漲嘅社會，咁嘅價錢又唔洗加一，眾觀周圍都冇一間做得到!咕嚕斑塊馬拉盞通菜，好大碟，抵食!京葱爆爽肚，幾野味!炸乳鴿，普普通通，勝在平平地!椒鹽鮮魷拼蠔仔，炸得好乾爽唔油膩，蠔仔肥美!豉椒炒蜆，呢個差d，好似炒殻咁!蜜汁牛仔骨，食過幾次，重點係煎封過嘅薯粒!菠蘿鷄粒炒飯住附近嘅食其他嘢食到悶悶地可以試下，但特登黎就唔好喇，始終係家方小店!

午市時段叫芙蓉蛋飯，飯好硬好似生米、芙蓉蛋超油，除左碟頭飯仲有點心叫，點心冇試到，唔知好唔好食，應該都係差，收銀呀姐好冇禮貌，在客人面前大罵客人，兼用粗口，同侮辱字句咒罵。完全不能接受，所以以後都唔會去。

祥華村對開的熟食中心，原先是舊式冬菇亭，但經不過時間的洗禮，亦開始圍邊起牆，慢慢變成了街坊酒家。早茶是一次都沒有光顧過，有時候下午茶不想再食公仔麵飲檸茶，偶爾都要換換口味。下午時段有特價，最啱在下此等窮人，一盅排骨飯，一碟燒賣啱啱好。茶習慣了自己沖水，濃淡度可以隨個人喜好。排骨飯是早茶蒸落，飯粒水份較多，排骨醃至肉質鬆散，都給豆豉味蓋過了，要填飽肚亦不能要求太多。燒賣反而熱辣辣，肉質有點結實，一般水準。其實附近還有幾間酒家，相信不必跑過來。