聚點坊點心專門店 (Moved) New Location

行山後去上環的「聚點坊」吃點心，大約下午2時，店外有大約10多人在排隊，不過等了大約15分鐘就可以入座啦～雪山叉燒包是必叫的！！外面超鬆化，內裡熱辣辣，確是頂瓜瓜！燒賣及蝦餃的蝦很大隻，好滿足～蒸飯也很好吃～而且點心價錢很實惠，大約$20上下，不含加一，每位茶芥$3～我們3個人吃了6個點心+1個蒸飯～超級飽，也平均每人只是$50～性價比超高！吃到好吃的點心真的很滿足呢~我愛香港的美食！

係公司附近成日見到呢間點心店大排長龍... 決定要黎試一試!我同朋友大約1點前幾分鐘就黎到 前面大約有7個人係度排緊不過好幸運地 排左大約五分鐘多少少就有位~~排隊既時侯員工已經比定點心紙我地落單首先試下呢度出名既雪山叉燒包 $17包夠熱辣辣 聞到好香~ 表皮鬆軟, 一咬就一粒粒碎跌晒落黎 =D家鄉炒米粉 $24 算係少油既炒米粉不過味道都比一般既淡 有幾多菜同蘿蔔絲 但好多片菜都燶燶地..蟹子燒賣皇 $23 夠大粒 不過味道普通爽滑鮮蝦腸 $26 皮夠薄夠滑! 入面d蝦仲好大隻~ 值得一試!秘醬燒釀茄子 $32 見到其他人食個樣好吸引 我地又叫個黎試下微辣但可以接受 好惹味  不過真係太油.. 唔敢食太多茄子燒得岩岩好 好淋又唔會易爛   口感唔錯, 可以一試最後埋單都係$128 每人$3茶錢雖然唔係期望中甘好食 但普遍食物都係高質素 價錢又合理 難怪日日都甘多人排隊!

最近鍾意食點心，星期日同屋企人終於去左呢間平時好多遊客排隊既聚點坊飲早茶。 由於都幾早算少人唔洗等位。 叫左8個點心到，上菜時間比想像中快。我地比較鍾意個鳳爪排骨飯，價錢合理，飯好在唔油米亦唔似有時遇到咁生硬但粒粒分明，份量十足又足料，平時午餐會係一個唔錯既選擇。腸份皮薄偏透明，春卷炸得鬆化但有d油(可能都好難避免)，燒賣大致滿意餡無雪腥味，但反而期待已久既雪山叉燒包就食完一個都幾滯……而且雞札既冬菇有d酸。飲茶唔加一價錢真係平好多，雖然點心選擇不多，但服務態度唔錯，下次再如果唔多人等都可以再黎試下其他點心。

朋友成日介紹話聚點坊點心好好食，賀年糕點一早就俾人預訂哂！咁啱去開上環，希望碰下運氣，睇下有冇即場買走！下午去到見人不斷地買糕、拎糕，我就要左盒紅棗糕試下！見到其他客人仲不停買芋頭糕、桂花紅荳糕！有力的話我都想拎埋，但85蚊一盒又勁重手，已經冇力拎！回家一試，全家都話勁好食！勁香紅棗味，唔太甜、又充滿彈性，好完美，幾個人極速就爭食完畢！睇怕下年都要早D去訂！

早聽聞過上環的聚點坊非常多人，特別是Lunch時段，不少附近寫字樓的打工仔都會來食午餐。今次到上環和朋友食飯，特意揀聚點坊，幸好朋友早到先拎籌，我到埗時就可以入座，不過朋友已經在門外等了20分鐘，辛苦了。鳳爪排骨飯，鳳爪炆得軟身又入味，入口即化，排骨略為硬身，此蒸飯本身吸收鳳爪排骨的精華，不加豉油也好味。叉燒腸粉皮薄軟滑，黏稠度適中，不會吃兩啖就覺得飽濟。蝦餃夠彈牙，而且蝦肉頗多，大大隻非常有口感。和坊間一般的粉果不同，比較清新，外皮依然值得一頻，又軟又薄，配上新鮮的餡料同食，正！燒賣大大粒，豬肉份量十足，每粒都非常飽滿，咬落去有肉汁流出。

日前！蛇王去左上環區聚點坊嘆茶，因以前間中經過見多人客等待入座。地方細細；座位逼，肥少少兼拎住野都不方便，。今次都係第一次去試，所以食啲大路野比較方便。蝦餃及燒賣必食，另馬拉糕、腸粉及飯類樣樣都試試，最後甜品都不放過。埋單價錢又唔貴。個人覺得點心比大酒樓個Ｄ好食得多。今次因為係蛇王出黎食野時間上有Ｄ趕，下次有機會再叫埋其他點心慢慢嘆。鮮蝦餃－果然有料到，皮薄饀新鮮蜜汁叉燒腸－個人覺得皮太厚，不過味道不錯。古法馬拉糕－夠鬆軟有細細個起酒樓食既懷舊味道，正！！。招牌燒賣皇－啖啖豬肉口感確不同煎蛋牛肉飯－牛肉無用梳打整理，完全發揮廚師功力。鮮奶紅豆糕/軟滑芒果榚－幾過癮，細細杯不怕溜。

今日又介紹「聚點坊」，未到午餐時間，又可以即時有位 今次試下其他點心 ;)小籠包，即叫即蒸，新鮮熱騰騰，只是單看外表不太吸引，嚐一口又要讚了，肉汁多味道鮮甜，正!义燒腸粉，熱騰騰軟滑粘糯的腸粉皮包著好多义燒，真係好好味^^咸水角，傳統做法，餡料咸香，外皮又脆又有少少粘綿，及格 流沙奶黃飽，真正流心蛋香，記得要食呀。古法馬拉馬有鬆又軟，比較其他食過的大茶樓，這裡可以排 No.1 。下次又再試其他點心啊^^

今天介紹「聚點坊」上環店，平日一定要等，但假日又過了午餐時間至到，即時有位 茶水是無得選的，只有他們已冲好的茶，ok啦因為我要選的是點心，任選 鮮竹牛肉球，即叫即蒸，新鮮熱騰騰，腐竹吸收牛肉汁和喼汁的味道提升了口感，混合牛肉球是我必食首選!春風得意腸，外軟滑的腸粉包著香脆的春卷，皮薄餡多，即時制作，又夠熱，好味^^雪山义燒飽是招牌飽點，义燒肉多汁香仲有墨西哥式的餐飽，一定記得試呀。荔茸炸芋角，好傳統的酥炸芋角但入口的芋茸好香好好綿，正！下次一定再來啊^^

一個人, 想吃一盅兩件, 又不想上茶樓, 踫巧行到這間點心專門店, 便在這兒吃個午飯吧。店子整齊潔淨, 枱與枱之間有足夠的走動空間, 坐得很愜意。枱上有點心的圖片, 亦可問店員拿點心紙來剔。香脆的蒜香春卷$17蒜味盎然, 然味道不會過太, 仍能吃到豬肉、椰菜及紅蘿蔔的味道, 吃不停口~~~即叫即蒸的點心都是熱騰騰的奉上。聚點坊鮮蝦餃$25, 蝦餃皮薄, 蝦肉鮮美, 爽口彈牙, 夠大隻。黃沙豬膶腸$21腸粉拉得滑溜, 豬膶沒有筋, 很好吃, 而豉油咸甜度是恰到好處的。灼油菜$18賣相很青綠, 吃下也爽脆, 只是油有點過咸。招呼不錯, 食物美味, 這一餐總體是滿意的。

兩個人的晚餐未到七點正在煩惱食乜晚餐，剛好經過這間餐廳。可能時間尚早，入到餐廳內仲可以選擇座位，但星期六日經過這裏無論是午餐或晚餐這間點心餐廳都經常企滿顧客在門口等位。平時有好多外國人光顧雖然好肚餓但係只是叫咗四款點心，因為全部都係飽肚食物:1)古法馬拉糕 $13-最好味－馬拉糕唔太甜,好鬆好軟熟2)奶黃流沙包 $14-奶黃金黃色，包身夠熱，但係偏甜3)北菇滑雞蒸飯 $27-北菇好差唔夠新鮮，滑雞好普通飯又硬，鍾意食硬飯嘅我都覺得難食4)生煎菜肉包 $20-包身都幾軟熟但係感覺好重味精茶每位$3總括來說都算抵食不設加一服務費，相信點心係即叫即蒸，但味道一般，平時如果要排隊就不值得一試。

在香港，要吃點心不難，去茶樓就可以了，但茶樓雜費多，而且都要等候一段時間。要快吃，可以去這類型的「點心快餐店」。自從數年前添好運開張之後，就多了這一類型的點心快餐店，他們沒有雜費，價錢平宜一點。這間聚點坊，點心水準甚高，是我定期會到的地方。先來蝦餃，水準中上，蝦新鮮，而且爽口，皮夠薄，來了等一會，凍食有更好效果。雞扎是我必叫的項目之一，有冬菇，火腿，雞肉，淮山，外面還有腐竹包著。讓人吃得很開心，肉汁豐富不軟身。鳯爪，也是必叫項目，鳯爪很冧，而且醬汁極豐富，喜鳯爪者不宜錯過；很少在外面吃到這樣好的鳯爪。腸粉也是香滑，未到上級水準，但也很滿意，比起一般酒樓好很多：這裏的盅頭飯也是很抵吃，而且好味，HKD27.00 有一個窩蛋牛肉飯。過年之後也沒有吃過蘿蔔糕，就叫了一碟，水準很好，煎得很香：整體來說，要吃快點心，不想花時間，而又想吃得有水準的話，這裏會是不二之選。據我觀察，這裏七成都是外國人，國內人，可能這和上環多酒店而點心也是代表香港特色之一。

由於同友人打完波肚餓, 所以二人入左呢間點心館食晏, 不知為何, 我覺得相比起一般酒樓, 點心小館呢D形式反而會制作更有心機, 所以我不嬲支持環境: 坐得吾多人, 木製既長櫈長枱尚算整齊, 有少少逼但尚可接受服務: 可能人手不夠, 或者蒸食物器具不夠, 食物上菜偏慢但待應有禮價錢: 幾抵, 2人食左7 個點心都係大慨60一人食物味道: 幾好食, 所有食物蒸時間控制剛好, 材料新鮮皮薄餡靚, 好似齋卷, 腐皮卷, 豬潤腸 , 而特好食既有春風得意卷:將腸粉包住春卷甘食, 口感一軟一硬十分特別, 春卷炸得香口, 腸粉皮夠滑!韮菜餃:韮菜同蝦都十分新鮮菠蘿叉燒包:上面既脆脆好香口濃味甜度剛好, 包皮十分薄, 而入面叉燒充滿肉汁窩蛋牛肉飯:飯粒分明, 牛肉有咬口, 煎蛋8 成熟, 而且蛋白煎得好滑, 配埋豉油, 正!

我2個人都很喜歡點心,這天有點要事必須放工後去上環處理一下,既然一場來到, 找點好吃的再回去吧. 上網找了一陣子, 看到有點心食! 這家點心專門店似新店, 不如趁這時間去探究一下吧第1次去，d野食真係几好食，款式唔算多, 但绝對夠選擇,唔怪得咁多人，我晚上7點左右去到等位都要30分鐘，但值得等既…鳳爪好熱,新鮮蒸起,好好食。豆苗餃雖然有d淡,但加埋佢d辣椒醬食,一流特大珍珠雞,好有懷舊風,味道都好懷舊每個菜都熱辣辣，好新鮮。我亦好喜歡佢地既蝦餃。我覺得很多地方做的蝦餃太鹹，但佢地既蝦餃鹹淡適中。但是覺得佢地坐位太逼,食完就即走,唔好意思再坐下傾下計

這間擴充及搬遷後的點心店，每次午飯時經過總有一條長長的人龍，以慣常香港人的想法，令人感到此店必定好食，才會出現如此人龍。這天趁假期約了粉絲去試，差不多12時到達，沒有人龍，感恩不用在接近30度的氣溫下等位。店內以簡單的中式花梨木枱椅作裝飾，枱面上都放了該店推介的食物相片，看看點心紙，選擇也算多，以傳統點心為主。粉絲第一時間點了个鳳爪排骨飯，另加一些點心。他常説排骨及燒賣做得好不好，就殿下該店的點心水準云云，因爲愈是看似簡單易做的食物，反而愈難拿揑得好。排骨飯的飯略微水份過多，飯太腍，排骨太多肥肉，咬下去時感到肉被一層調味的醬料包著，糊在一起，更覺肥膩。另加的一份排骨同樣，使得我倆頓然失去興趣。燒賣看上去賣相不錯，體積頗大，怎知咬下去，只吃到豬肉大部分是肥肉，亦沒甚味道，再失望。蝦餃相應地體積較細小，雖然餡料主要是蝦肉，但餃皮比例上較厚。春風得意腸，是腸粉包著剛炸好的春卷，是這店其中一個推介點心，粉皮包著炸至金黃香脆的春卷，確是不錯，只是春卷內的餡料未算豐富。上海窩貼，送來時已經冷了，可能是師傅一次過弄很多的原因吧，放冷後的窩貼皮有點硬化，底部亦已不香脆，豬肉餡料很一般。欖菜肉鬆四季豆餃

一月二十七日 (星期一)過年前的一個星期，Billy仍然在舊公司忙着，要快快吃個下午茶再回公司......要數中上環區最得我倆歡心的摩登點心店，不是添好運，而是聚點坊打響名堂，上年更由細鋪搬到對面的大舖，趁仍在中環工作，也要過來試試下午茶時段，人流疏落是可以理解的感覺，遠比之前舊鋪舒適得多，檯與檯之間的壓迫感也大減點心紙好像與以往的沒兩樣，款式多，價錢仍舊相宜Suyi最愛的，當然是這裡招牌之一的流沙奶黃包奶黃包每次也沒令人失望，流沙做得出色奶黃香甜而不膩，蛋黃味也十分突出招牌燒賣皇則只屬一般內裡的豬肉不夠煙韌，感覺有點死實反而聚點坊鮮蝦餃遠比燒賣做得好皮薄且晶瑩剔透，蝦肉彈牙爽口，鮮甜美味這春風得意卷即是腸粉包著春卷內裡春卷香脆可口，腸粉皮也是米香十足兩款點心的mix and match效果不俗，層次感豐富，也一直是我倆的心頭好四寶滑雞扎用料豐富，尤其是大大片爽口魚肚，是精華所在就是連雞肉也做得十分幼滑香口，整體令人滿意告別中環後，不知何時才能再幫襯呢...期待九龍區會有分店，不過，要水準一致才好喎~